المشاركة الأصلية كتبت بواسطة الريس
مشكلتي اني جيت مأخر فبالتالي ما لحقت اقرأ كل الردود ، بس عندي اعتراض على التصويت يعني الخيارات كتيير قليلة ، ما ضروري يكون سبب الفلتنة البنت أو اهلها وبس ، الأولانية على طول صح ، يعني على طول بكون الحق على البنت ، لأن اذا ما بدها تفلت ما حدا بفلتها غصب عنها ، واذا بدها تعمل آدمية ما حدا في يمنعها ، يعني أنا بعرف كتيير صبايا ما في منهم واهلهم ما بيسوا فرنك ، ولك في صبية منقبة أمها وأبوها مسيحيين .
بس أنا شاييف انو المجتمع والدعاة يتحملون مسؤولية كبيرة ، يعني اذا جينا بدنا ندعي الصبايا منحكيهم بالحجاب و ....... وأنا برأيي في شغلات كتيير أولى انو نحكي فيها وهي أهم من الحجاب .
يعني لازم الواحدة تكون فاهمة شو معنى انها بنت ، وكيف هي العلاقة بين الشب والبنت ، لازم تعرف انو الشب بحب يحكي مع بنت وانو عندو شهوة وانو هذه الشهوة تثار عندما تظهر الفتاة مفاتنها ، وهون القصة كلها .
يعني اليوم البنت حكيناها بالحجاب واتحجبت ، بس رجعت نتفت حواجبها ورجعت اتبودرت واتحومرت واتعطرت و... شو استفدنا ؟؟؟؟ أنا كل مرّة بشوف واحدة هيك ، بسأل حالي انو هيدي ليش عاملة هيك ، هلأد هي سخيفة ، شاغلة كل هالشغل لحتى يطلع فيها الشب ؟؟؟ انو هلأد شغلة مهمة اذا اطّلع الشب ؟؟؟؟؟؟
يعني والله في بنات ، بتلاقوهم حاطين منيكير على صابيع إجريهم ورامسين نجوم كمان ، وفوق المانيكير في عندك شي وجين مانيكير لميع لحتى ما ينتزعوا بالموي ّ ، وبيرجع في عندك الفراشات يلي بتتلزق على المنخار ، والماكياج يلي تحت العين ، وعلى الوج و.... أما الشعر إذا لم تكن محجبة فحدّث ولا حرج ، يعني الواحدة اذا بدها تطلع من بيتها شي خمس دقايق ، بتضلها اتظبط حالها شي تلت أربع ساعات ...
والله لما بشوف هيك بنات ، بصير بسأل حالي انو كل هلأد شغلة مهمة تطلعات الشب ، وهل البنت هيدي عاملة حالها نمرة عمومي ، يعني بدها كل الشباب يطلعوا فيها ، وفرضا بقية البنات عملوا متلها ، يعني رح يصيروا كل الشباب بالمجتمع لكل البنات ، ما بق في حدا لحدا ، صرنا على مبدأ الكلّ للكلّ .
يا حبيبة قلبي الرجال يلي رح يبصبص عليكي ويتزوزجك لأنك ظبطي حالك، وعجبتيه ، رح يطّلع بغيرك ورح تعجبوا كمان ، وبكرا بيضجر منك انتي .
إن العلاقة بين الرجل والمرأة في المجتمع يجب أن تكون على مبنية على ثوابت واضحة وعلى عهد دائم ، وعلى وفاء ...... وهذا العهد هو الزواج.. يعني خلص الواحد بيعرف حالوا انو هيدي مرتو ، والمخلوقة بتعرف حالها انو هيدا زوجها وساعتها تورجينا شطارتها ......
يعني عنجد يا صبايا كل واحدة قبل ما تلبس تيابها وتتظلط ، أو حتى المحجبات قبل ما يكشكشوا الحجاب و... كل واحدة تسأل حالها أنا ليش عم اعمل هيك ؟؟؟؟؟ انا ليش عم اتظلّط ؟؟؟ لوجه الله تعالى ؟؟؟ أنا ليس عم كشكش الحجاب لوجه الله تعالى ؟؟؟ يعني اذا بدنا انفوت بموال انو المسألة خلافية ما منعود نطلع ، وأنا ما جاية قول حرام وحلام ، بس جايية قول كل واحدة تشوف حالها ، وتعرف انو الله رقيب عليها .
والسلام عليكم
شاركنا بحلّ مشكلة القلمون...!!!
رد مع اقتباس
لينا ك
الله يثبتنا على دين الإسلام.
