للشعراء فقط...

[فشلان]

أنا كنت بالبداية وعدتكم بإني أشارك ببعض أبيات شعر.. شنو ما إلي مراء بالشغلات الباقية... مثل الأناشيد يلي بتطرب البعض.. ويلي بتبكي البعض الآخر...
ولذلك أفتح المجال هنا.. فقط للشعراء.. أن يكتبوا من واقعهم.. وما حدا يكتبلي:
أنا الذي نظر الأعمى إلى أدبي وأسمعت كلماتي من به صمم.. ويقول هو مألفها....
معليش... خلونا نشوف المواهب يلي عند الشباب... (بيني وبينكم.. إن شاء الله يكون في مواهب!!!!)
رح بلش أنا بس المرة الجاية...:d :d

[باسم الحج]

اثناء احدى المحن التي مرت علي في الغربة كتبت هذه الابيات ثم توقفت لان الامور وقتها تحسنت و الحمد لله ارجو اعطاء الراي بصراحه فان كانت تستحق العناء احاول اكمالها


يا قلب صبرا على الاحزان و الالم ----- يا قلب صبرا فان الجرح لم ينم
احالني الهم اوصالا مفككة ----- و الروح شاردة و النفس في ندم
و زهرة العمر قد ذابت ملامحها ----- الا من يعيد العمر للامجاد و القدم


اخوكم باسم
------------------------------
ان تصل متاخرا خير من ان لا تصل

[Mohamad El Hajj]

انا مرة الفت هالبيتين بالحب و ما كفيت

أهواك و القلب فيك متيم...ما لي أرى أفق الفراق مخيم
مرت فلا حتى سلام أرسلت...حتى الجوارح مع الفؤاد تألموا

[فشلان]

الأخ باسم مشاركتك رائعة من حيث المعاني.. فقد جسدت محنتك كلمات رائعة نطقت بها... غير أني مع معرفتي المتواضعة ببحور الشعر.. أرى أنك في الشطر الثاني من البيت الأخير.. قد أحضرت مولينكس أجدد موديل.. وعملت كوكتيل طويل مع بسيط... ما بعرف شو كان فكرك توصل...
يرضى عليكن لا حدا يزعل من تعليقاتي... خدوها مزح.. لأني أنا بحب المزح.. ويلي ما بحس نفسو في يستحمل... دغري مباشرة ينبهني.. وأنا ساعتها باستثنيه من المزح الثقيل...

أما الأخ محمد الحج.. فالظاهر أنك عندك كسارة والدرك مش عارفين فيك.. والله ما يعرفو فيك بسكرولك اياها... بس مش كسارة بحص... كسارة أبيات شعرية... هو صحيح إنو انفهم المقصود... بس يا حسرة... الله وكيلك مفرطش العروض كل شقفة وحدا....

بس يرضى عليكن كفوا.. ما حدا يزعل.. واصبروا على أجوبتي...
وإذا مش عاجبكن رأيي وحكمي على الشعر.. أنا باستدعي الأخ المشرف عمر ملاط.. والأخ المهند.. بعرفن بيعرفو بهالشغلات
سعيدة....

[فشلان]

أول ما خطر ببالي إني أكتب شعر امدح فيه نفسي... وحبيت أظهر كيف أنا ملخبط.. وما في شي بيظبط معي.. الله وكيلكن كلو ملخبط... لا بعرف راسي من إجري...
ومنشان هيك، خدوا مني هالأبيات: بس لا حدا يقراهن غلط... شكلتن منشان تفهموهن... وشوفو كيف أنا صرت بحكي بجفوني.. وبشوف بلساني.. وبمسك بإجري.. وبمشي بإيدي.. وخود على فشل......

نَطَقَتْ بِما يَهــــوى الفوادُ جِفانُ ____ ورأى جَمالَ الأكرمين لسانُ
قد أَمسَكَتْ رجلاي كلَّ صَبابـــةٍ ____ وَمَشَتْ يدايَ كأنهنَّ حِصــانُ
وأُخِلَّ بالإحساسِ عندي فجـــــأةً ____ والبردُ صار كأنّه بُركـــــانُ
وأتى إلى جِسمي وكلِّ جوارحي ____ أمرٌ عظيمُ ما له حُســــــبانُ
لا تسألوا لم كـــــلُّ هذا أو متى؟ ____ فَمَرَدُّ ذلك أنني فَشــــــــلانُ

[عمر ملاط]

شكلتن منشان تفهموهن
آ الله وكيلك يا سيد فشلان، سواء عليك أشكلتهم أم لم تشكلهم لا يفهمون.. وأنا منهم...
يعني صحيح العروض مظبوط... بس خلطت حالك بحالك... أكتر ما حكيت عن جاري باسم الحج إنو جايب خلاط أجدد موديل... ترى شايف موديل خلاطك ألفين وعشرة.... الله يبعتلك.. من وين بتطلع بهالفنانيك.....
وعلى فكرة أنا شفت ردك على جاري باسم ومحمد الحج.. وموافقك عليه... لأنو باسم كان بسيط ما بعرف ليش عملو طويل بالآخر هيك...

[أبو حسن]

نَطَقَتْ بِما يَهــــوى الفوادُ جِفانُ ____ ورأى جَمالَ الأكرمين لسانُ
قد أَمسَكَتْ رجلاي كلَّ صَبابـــةٍ ____ وَمَشَتْ يدايَ كأنهنَّ حِصــانُ
وأُخِلَّ بالإحساسِ عندي فجـــــأةً ____ والبردُ صار كأنّه بُركـــــانُ
وأتى إلى جِسمي وكلِّ جوارحي ____ أمرٌ عظيمُ ما له حُســــــبانُ
لا تسألوا لم كـــــلُّ هذا أو متى؟ ____ فَمَرَدُّ ذلك أنني فَشــــــــلانُ

هذا من باب تداخل الحواس ومشاركتها في التصوير ...

وأحسن معنى تضمنته أبياتك هو الشطر الأول من البيت الأول ... لكنك فيما تلاه أراك قد أبعدت النجعة ...

ومن جميل ما قرأت في هذا الباب قول أستاذنا الشاعر "...":

أذني تكاد ترى كلامك وارفا * كالزهر يندى بالحديث المخمل
والعين تسمع صمت روحي عندما * بك في التلاقي شوق روحي يختلي

[ابو عمر]

ولك يحرق أختا، من وين بتطلع معكن كل هالجمل....أنا جملة عربي ما بعرف أكتب......يلّي بيأرالكن بحس حالو طلطميس و ما بيفهم شي...عن جد أوقات بيوقف شعر جسمي لمّا بقرا...إبداع رائع....مشكورين كتير.....و إنت يا فشلان، عجبتني كتير، منوّر المنتدى والله....نازل تمسخر و جايبن بالأرض.....سلام

[ابو عمر]

يا فشلان.....تحذير.....جاييك كم بيت شعر من أبو الروم....رح ينزلولك سعرك و سعر شعرك للأرض.....صاروخ أرض جوّ بحر كمبيوتر مابيفهم.....نطرني تألّك....نازل بهالفراكيح طس.....المشكلة إنّو كلّ واحد فِيُن خروء أكتر من التاني و ما حدا إلو قلب يردّلك....بس أبو الروم ملك تكسير الريسان.....نطرني لقلّك......و بنصحك...صمّدلك شويّة زفيّر...لأنّو رح يغلى على حسابك.....ولبيس درع ضد الرصاص، لأنّو بدّك تتنخور....وأنا أبو الروم.....و دوووووووووووووووووووووع

[ابو عمر]

بحب قلّك يا فشلان إنّو وقت تكون جاهز خبّرني.....أنا ناطر منّك إشارة....وقت تخلّص تخزين زفيّر و شدّ الدرع، تبقى عطيني ياها....و بنصحك لا تكابر وتعطيها قبل .... ترى العواقب وخيمة ها.....وقد أعذر من أنذر...سلام

[فشلان]

بحب قلّك يا فشلان إنّو وقت تكون جاهز خبّرني.....أنا ناطر منّك إشارة....وقت تخلّص تخزين زفيّر و شدّ الدرع، تبقى عطيني ياها....و بنصحك لا تكابر وتعطيها قبل .... ترى العواقب وخيمة ها.....وقد أعذر من أنذر...سلام

كان غيرك أشطر.... معلم أبو الروم والفرس...

[ابو عمر]

يــــا فشلان، ويـــــا فشلان
شَكْـلـك مْسَقِّــعْ و بـــردان
وشكلو جلــدك عم يـــرعاك
وشُغْــلك كُـلّو كَشّ دِبّــــان
لا تُـنـْفُشْ بريشاتــك كـــتيرْ
كُـلّـــكْ مَـنّــكْ بــالحُسْبـــانْ
****************
عَــــمْ أكْتــبْ مِـنْ قفى إيدي
مــــا بـْتِسْتاهِـلْ تِــركيــزي
بْـتِشْبَـهْ غََــبْـــرَة عـالـقـزاز
ومــا بـَدَّكْ أكْـتَرْ مِنْ إيـزي
****************
مـافـيني ضَيِّع وَقْـتي عْلَيْـك
بْيِِسْوى أكْـتَرْ مِــنْ عـينَيـكْ
حَـــقّـــكْ فْــرَنْــــك ونُــــصّ
وبالغَـلا كـمانْ.....ماهَـيْـكْ؟
*****************
مْــفَكِّـرْ حـالـك زكـي كـبيـر
وكِـتـابـاتـك شـي تـِعـتيـر
وكَــأنّـــو مـــا حـــدا قَــدّكْ
وبْــحُبْ قُــلّــكْ لـلتِــذْكـير
لا مُـهـنّـد وْلا إكـس مـــان
وَلا حـتّـى إنت يـا فشلان
"أبـوالـروم"، القُـصّة كُلاّ
مـافـي غَـيْرو بِالـوِجْـدان
******************
خِـلِـصْ وَقْـتَـكْ وْقومْ نـام
وْلا تِـنْسا تْــفوت عـالحِمّام
مابَـدّي تْـقومْ بْـنُصّ اللَيْل
مْتَلّي الفرشة،على عِدّة إيّام

ما تواخذونا إذا كانت شوي قويّة، بس المحروس بيستاهل..

[فشلان]

ما تواخذونا إذا كانت شوي قويّة، بس المحروس بيستاهل..

ميشان ما زعلك وبس.. وآخدك على أد عقلاتك... حرام قلنا ولد زغير وحابب يتسلى.... ومفرح الأطفال في الجنة.....

باينتك إنك فهمان *** قاعد بتكحش دبان
لو إنك رجال كتوب *** تنصدق إنك فهمان
شو مفكر حالك عالعين *** عم بتغسل هالشنتان؟
نافش ريشك مثل الصوص *** اللي عم ينقر كروسان
لك حتى بالقلموني *** ما بتعرف تكتب أوزان...
ومثلك ببعتلو شي زغير *** يربيلك أمل بالريسان
خفنا وقلنا جانا شاعر *** حامل راية الفرسان
عم يشولح شرق وغرب *** وعدنو شيخ الشبان
بس يا حسرة ما في نصيب*** وطلت أنا الخسران

[ابو عمر]

يا حبيبي يا فشلان.....بس إرجع من بيروت إن شاء الله منشوف مين الصوص......

[ابو عمر]

ولو إنّي كنت مفكّر ضمّك تحت جناحي يا إكس مان،قلنا بركا بيقوا عصّك شوية، بس شكلك بدّك تفوت بالحرب ضدّي...على كلّن التحالف بيني وبينك موضوع مطروح، لأن متل ما بيقولو..."أنا وأخي على جاري..وأنا وجاري عالغريب".....أمّا إنت يا فشلان، سماع تقلّك:

مسمّيلي حالك زعيم*****وإنت ما بتصلح زبّال
يا حبيبي شعرك عقيم*****واللي متلك مش عالبال
بتحكي وكأنّك حكيم*****مع إنّك شقفة محتال
عم تضحك عمين يا غشيم*****مالكّل بيعرفك دجّال
لا شاعر ولا بلّوط مّسمر*****وإذا منّك مصدّقني سآل
ما بتبيّن بالمكبّر*****ومن نتفت ريح بتنزال(سكروا مناخيركن لاتقوموا تفطسوا)
روح شفلك واحد أزعر*****أو بقلّك، شفلك نشّال
تروك الزعامة لصحابها*****ودبّرلك شغلة عتّال
أبو الروم وحدو قدّها(كبير وبدلّو كبير)*****وما بتلبق لهيك أمثال(فشلان و الإكس مان،أبو حسن على راسي)

[X-Man]

على كلّن التحالف بيني وبينك موضوع مطروح

أبو الروم متلي عبحر الفرطوش****لعيونك أنا لفردك الخرطوش

[ابو عمر]

يا عمّي بين كل فقسة و فقسة عم تتطلعلي هادي.....
Internal Server Error

The server encountered an internal error or misconfiguration and was unable to complete your request.

Please contact the server administrator, webmaster@qalamoun.com and inform them of the time the error occurred, and anything you might have done that may have caused the error.
More information about this error may be available in the server error log.

Additionally, a 404 Not Found error was encountered while trying to use an ErrorDocument to handle the request.

---

Apache/1.3.39 Server at qalamoun.com Port 80

مافيني عم فوت على ولا صفحة....أرجو معالجة هذا الأمر

[ابو عمر]

يا إكس مان، المرّة الجاية منسمّيها الرزّة المزدوجة......ماشي؟,,,,,حتّى يعرف حالو هالفصعون بمين عم يحركش.....

[X-Man]

يا إكس مان، المرّة الجاية منسمّيها الرزّة المزدوجة

لعيون أبو الروم منعمل رزّة****بتهزّ المنتدى أكبر هزّة

[عمر ملاط]

يا شباب علقوا أد ما بدكن... بس استخدموا ألفاظ مقبولة.. تحت طائلة الحذف.... والإنذار

[الزاهر]

لا يحق للشاعر ما لا يحق لغيره!!!!..................هههههههههههههه


هلأ كل الشعراء زي حكايتكم!!!!....................لوووووووووووووووول! !!!

[Nader 3:16]

يا شباب يبدو انو عندكم مقدرة على كتابة الشعر...
فليش يا فشلان ما بتعمل مسابءة شعرية بموضوع محدد و منعمل لجنة حكم لتقييم القصائد ...و بطريءك بتعطي الربحان ال 900 دولار...
دووووووووووووووووع

[X-Man]

[ابو عمر]

لمّا قلتلّك يا فشلان انتبه....ماردّيت عليي...انبسط بحالك كلّ العالم عم تسأل عن زفيّر....بس أنا منيح و ماني عم بيعن.....لأن أدّ ماكان حتّى لو كنت جايبك بالأرض....بضل بعتبر إنّك تحت جناحي....وما بخلّي حدا يتطاول عليك.....جخّ بهالنعمة لقلّك.....تشششششششششششاوووووووووووو

[فشلان]

الله يرحم إيامك يا قاسي..... كان يكتبلي:
بطيخة صغيرة *** بطيخة كبيرة
دجاجة تبيض *** وموزة طويلة....

ويعتبر حالو إنو مسح فيني الأرض....

وها هو التاريخ يعيد نفسه....

إذا ما معلم انت واياه بتعتبرو إنو هيك مسحتو فيني الأرض... فيا ريت تكفو جميلكن وتمسحو فيني الطريق كمان...

ولك دووووووووووووووووووووووووووووووووووووع

[ابو عمر]

بطيخة صغيرة *** بطيخة كبيرة
دجاجة تبيض *** وموزة طويلة....

فشلان صغير*****فشلان أصغر
فشلان طفش*****فشلان أصغر

حتّى ما تزعل...عم زكّرك بإيام قاسي....ولك تقّ ودوب .... ولك دووووووووووووووع

[أم سفيان]

مرحبا أخي فشلان
أنا أليل كتير ما زور الواحة الشعرية بس دائما أبو سفيان كل ما نزلت قصيدة جديدة بيئرالي ياها وكتر منو معجب بقصاءدك عاملن فايل خاص باسم فشلان فما معناتا إذا ما علأت مانن عاجبيني

[فشلان]

مرحبا أخي فشلان
أنا أليل كتير ما زور الواحة الشعرية بس دائما أبو سفيان كل ما نزلت قصيدة جديدة بيئرالي ياها وكتر منو معجب بقصاءدك عاملن فايل خاص باسم فشلان فما معناتا إذا ما علأت مانن عاجبيني

والله الحقيقة غمرتونا بلطفكم.... وماني عارف شو بدي جاوب.... لأن بالفعل قليل بهالإيام الناس يلي بتحكي الحق... وكلو داير على مزح وكلام فاضي..... يعني والله ما بعرف شو بدي قول... خجلتوني...

إني قصدتك يا أبا سفيان **** كل التحيةِ من حمى الفشلانِ
من يُثـْمِنُ المعروفَ من أصحابه **** من يُتـْبـِعُ الإطراءَ بالعرفانِ
مالي سوى هذا الكلام أسوقه **** شعراً يجاري أجودَ الأوزانِ
والروحُ تسمو بالمكارم عندما **** ترسي دعائمها على الإيمان
ولَكَمْ رجوتُ بأن ألاقي حافزاً**** ورجوتُ أن أحظى بخالٍ ثانِ
فإذا بكم من آخر الدنيا هنا **** تحيون في قلبي مدى الأزمانِ

[HARD]

الله يرحمك يا قاسي.....

شكرا فشلا ن على هذا الدعاء ........
الظاهر ضجران .......
يالله التفاح طيب و بسليك, فعليك به

زاهر كيفك

[ابو عمر]

شكرا فشلا ن على هذا الدعاء ........
الظاهر ضجران .......
يالله التفاح طيب و بسليك, فعليك به

يا حبيبي يا هارد، صاحبك فشلان مرفّخ وشّو من الكفوف يلّي عم توصلّو..........ما بعتقد إنّو في يجاوبك حاليّاً......تشششششاووووووو

[فشلان]

يا حبيبي يا هارد، صاحبك فشلان مرفّخ وشّو من الكفوف يلّي عم توصلّو..........ما بعتقد إنّو في يجاوبك حاليّاً......تشششششاووووووو

والله بالفعل ما رح فيني جاوبك... بس لسبب مختلف... فيك تستنتجو من القصيدة التالية:

أسكتْ إذا ما جاهلٌ رامَ الجدلْ **** واجعلْ جوابَكَ دائماً أجلٌ أجلْ
وإن استطعت بأن تجاوبَ مُومِئاً **** مِنْ غيرِ نطقٍ... عندها أنت البطلْ
فإذا تمادى في الجدال فقلْ له **** أنتَ الفهيمُ ومَنْ بهِ العلمُ اكتمل
واعلم بأنك إن رددت كلامه **** أو بِتَّ تـُخْرِجُ من سجاياه الخللْ
ستؤولُ للخسران دون محالة **** تـَلـِجُ الوحولَ ومن تغشاها سَفـَلْ
إن الرجولةَ أن تحاربَ ثمّ أنْ **** تلقى الكرامةَ كابراً.. لا أن تـُذَلّْ!!!

[ابو عمر]

بتمنّى منكم الإطلاع على هذا الموضوعhttp://qalamoun.com/Forum/showthread...ed=1#post40632...وبالأخص فشلان.....مع الشكر.....(المهم أن تقرأوا اقتراحي...)

[ابو عمر]

أنا شايف يا فشلان إنّك زعلت.....إذا كان مظبوط، فا ما تواخذنا....وما تنسى إنّو أنا كنت من مؤيّديك....ومن المعجبين أيضاً....إذا بتذكر كمان إنّي كنت إسألك من وين بيطلعوا معك هالكتابات لأنها بتعقّد....بس حبّينا هيك نعمل إنقلاب بسيط أو تحدّي صغير، وما كان المغزى إنّو ينتهي بزعل أحد الطرفين....يعني حبّينا نتحدّاك بمجالك...ولو مع بعض الزفرة...على كل حال....ناطر الردّ حتّى إفهم مظبوط......تشششششاوووووووووووو

[فشلان]

مرحبا أخي فشلان
أنا أليل كتير ما زور الواحة الشعرية بس دائما أبو سفيان كل ما نزلت قصيدة جديدة بيئرالي ياها وكتر منو معجب بقصاءدك عاملن فايل خاص باسم فشلان فما معناتا إذا ما علأت مانن عاجبيني

أسكتْ إذا ما جاهلٌ رامَ الجدلْ **** واجعلْ جوابَكَ دائماً أجلٌ أجلْ
وإن استطعت بأن تجاوبَ مُومِئاً **** مِنْ غيرِ نطقٍ... عندها أنت البطلْ
فإذا تمادى في الجدال فقلْ له **** أنتَ الفهيمُ ومَنْ بهِ العلمُ اكتمل
واعلم بأنك إن رددت كلامه **** أو بِتَّ تـُخْرِجُ من سجاياه الخللْ
ستؤولُ للخسران دون محالة **** تـَلـِجُ الوحولَ ومن تغشاها سَفـَلْ
إن الرجولةَ أن تحاربَ ثمّ أنْ **** تلقى الكرامةَ كابراً.. لا أن تـُذَلّْ!!!

ممكن تنقليلنا شي تعليق من تعليقات أبو سفيان... على أشعاري العظيمة..!!!!! ههههه

أصلا هو مانو مشترك؟؟؟

[أبو حسن]

عودة بالموضوع إلى الأصل الذي لأجله فتحه الأخ فشلان ...

حين كنت في فرنسة للدراسة، كتب إلي أخي الحبيب داني القص هذين البيتين:

يا من يلوذ بهجره عن صحبه * جُدْ بالوصال فما عهدتك جاني

إن كان قلبك قد نأى عن أهله * ما زال قلبي بالمحبة داني

فأجبته قائلا:

أو هل أطيق النأي عنكم صُحبتي * ما العيش ما الدنيا بلا خلان ؟

تالله إن القلب لم يسلُ ولم * يهجر، وهل يقوى على الهجران ؟

ذكراكم في البعد بلسم أجرحي * في عرفها نشرٌ من الأوطان

إن كان حتم ذا البعاد فلا تنوا * وصِلوا بدعوة خافق ولسان

[فشلان]

أنا شايف يا فشلان إنّك زعلت.....

لا والله ما زعلت.... الظاهر معك حول... ههههههه وأنا يا أستاذ كل المشاركات يلي كتبتها... ورغم كل المشاكل.. ما بحياتي تراجعت عن مشاركة أو حذفتها.... مثل ما كان يعمل كثير من الناس... أنا رجال ومسؤول عن كلامي.... وأنا من الأصل ما بحكي الكلام إذا مانو مدوزن.. ومستعد إنسئل عنو.......
بس يا منظوم.... إنتو صرتو تحكوني حكي أكبر مني... وما قدرت إني اوصل لمستوى إدراكو.......... منشان هيك آثرت السكوت على الكلام..... قل أحسن ما اتبهدل معكن

قال زعلت قال....... انتو حكو حكي بينحكى.... وأنا لها....
بس ما تجي تقلي
فنجان شاي فيه شاي **** بس أبلة كان في مواي..
وتقولي هادا كف مثل تبأ النار على وشك...

فحاج تقلي وشي محمر من الكفوف.... هادا يا طرمان أد مانو وشي مورد وحلو.... قال مرفخ ووشي ومورم... وانقطع لساني.... أنا الحقيقة ما بفهم فرطوشي.... ومنكم نستفيد....

ولك دوووووووووووووووووووووووووووووووووووووووووووووع

[الزاهر]

خيو فشلان!!!!..............إلك ولا للديب؟؟!!

إذا بيطلع من خاطرك كم بيت بيدعو للتفائل منكون جد ممنونين................خوش نص الشباب بهالفترة يـءسو من حياتهم.............خاصة طلاب كلية العلوم!!!!!....ماهيك يا نادر!!

فشو رأيك؟؟؟

[X-Man]

خيو فشلان!!!!..............إلك ولا للديب؟؟!!

إذا بيطلع من خاطرك كم بيت بيدعو للتفائل منكون جد ممنونين................خوش نص الشباب بهالفترة يـءسو من حياتهم.............خاصة طلاب كلية العلوم!!!!!....ماهيك يا نادر!!

فشو رأيك؟؟؟

كفاك زوزو تشاؤم ويأس****لا تحصر وارحم ذاك الرأس
انهض واحمل بيدك الفأس****حطّم وكسّر ولا تبق كأس


مالي أراك يا ابن العلوم****يائس محطّم دائما و مهموم
ما الدرس عندك هو مفهوم****وصوتك بغصة في حلقك مكتوم
دكتورك أطعمه شيئا مسموم****وأنت على ذلك غير ملوم

[الزاهر]

دكتورك أطعمه شيئا مسموم****وأنت على ذلك غير ملوم

والله ما خطرت عبالي هادي......ههههههههههه

[الشيخ إيفان الظنط]

الإخوه الأفاضل الشعراء السلام عليكم ورحمة الله وبركاته . بوركتم وبورك مسعاكم وكم نتمنى أن تضيفوا الى شعركم شعرا الى إخواننا في غزة وكذلك الى الدانمرك حيث عادة الى مكرها . وسلامي لأخي وحبيبي أبو سفيان كم اشتقنا اليك والى كلماتك الجميلة سلامي لك ولعائلتك وسلامي للشباب الشعراء لقد كتبتم عني فاستحييت أن أكتب شيئا وإني أعدكم أني لن أنازلكم فشعري ليس بذاك المستوى

[الزاهر]

يأطع خملك......حكيك صحيح......لووووووول!!!!!

[Nader 3:16]

merci ya ostaz fashlan w duuuuuuuuuuuuuuu3

[شاب قلموني]

أنا كنت بالبداية وعدتكم بإني أشارك ببعض أبيات شعر.. شنو ما إلي مراء بالشغلات الباقية... مثل الأناشيد يلي بتطرب البعض.. ويلي بتبكي البعض الآخر...
ولذلك أفتح المجال هنا.. فقط للشعراء.. أن يكتبوا من واقعهم.. وما حدا يكتبلي:
أنا الذي نظر الأعمى إلى أدبي وأسمعت كلماتي من به صمم.. ويقول هو مألفها....
معليش... خلونا نشوف المواهب يلي عند الشباب... (بيني وبينكم.. إن شاء الله يكون في مواهب!!!!)
رح بلش أنا بس المرة الجاية...:d :d

انو و الله ما بعرف شو بدي قول انا عضو جديد و دخلت الى هذا القسم من المنتدى على امل ان ارى شعر حقيقي ... بس انو كان قائم على بعض الاشخاص المعدودين ... و الباقي اللي ليس لهم بالشعر دخل ؟؟؟

اننو مش قصدي على الكل لان البعض اعطى من الشعر العربي الاصيل ما فيه شفاء للقلوب ... و لكن البعض الاخر عملها يعني كانو ..... شي مش منطقي بالسخرية ؟؟؟

مش قصدي على حدا معين و بتمنى انو ما حدا ياخد كلامي بمنحى الانتقاد .... بس شي بضحك : انو شو ؟؟

فشلان ؟.؟ و بـــردان ؟؟ يـــرعاك ؟؟ و فوقهم : دِبّــــان ؟؟ نـام و حمام ....
(عفوا لتحوير الابداع الفني العالمي ؟)


و اتمنى ان لا تؤخذ على منحى سلبي بل على اساس نقد بناء ؟؟

[شاب قلموني]

عفوا انني نسيت : انو انا ما شكرت الشاعر العظيم فشلان .... على افساح المجال للشعراء المبتدئين بوضع مواهبهم ... و كمان انا لا بد ان اعترف انني كقارئ له من الابداع في الشعر مجال كبير و مستقبل باهر انشاء الله .....

و شكرا ... لكل من اظهر ما في جوفه من شعر رائع.................

[فشلان]

فوجئت عند سماعي الأخبارا **** عن قصة قد أوقدتلي نارا
عن طفلة كانت تشع براءةً **** واليوم باتت ترقب الأخطارا
هي طفلة.. مسكينة... ولطالما **** لعبت.. وغنت.. تمتمت أشعارا
هي درةٌ في كف أهلٍ قد رجوا**** مستقبلاً يحوي لها الأنوارا
كانوا يرون النور في بسماتها **** ولأجلها كم هيأوا الأفكارا
ولكم أعدوا للمنى أو خططوا **** كم خبأوا من أجلها أسرارا
لكن سراً كان يرقبهم هنا**** وأتى إلى فلذاتهم جبارا
فهوت عليهم كالجبال مصائب **** تلقي عليهم سيفها البتارا
وتنكر الأمل الذي يبنونه **** وهوى أمام عيونهم... وانهارا
ماذا جنت تلك الصغيرة غير أفـــــــكار ولهو يلفت الأنظارا
ألأنها كانت تقبل أهلها **** تهدي إليهم قلبها المدرارا
تأوي إليهم ترتجي لحنانهم **** كالبدر يجمع حوله الاقمارا
كانت لتضحك حين تلعب لعبةً **** أو ترسم الأشجار والأزهارا
وتلون الشمس التي كم أشرقت **** وتشق بين ظلالها أنهارا
يا رب لا أبغي التنكر للقضا **** لا لن أخالف ،ربنا، الأقدارا
لكن تلطف يا إلهي وارحمن**** كل الخلائق رضعاً وصغارا
يا واهب الأرواح فامنحنا المنى **** أنزل علينا فضلك المدرارا

[عاشقة القلمون]

السلام عليكم ورحمة الله وبركاته
نسأل الله الرحمة لمنى ولأهلها الصبر والسلوان
جزاك الله خير الجزاء على قصيدتك...
تعجز كل الكلمات أن تعبر عن بسمتها ... تعجز الكلمات أن تصوغ صبر والديها ...... تعجز الكلمات أن تحكي شوق أخواتها ....
من رآها لا ينساها .... فعزاؤكم أنكم لم تروها لتغيب عنكم بعد حين

[دوكر]

يا هلا بالمعلم فشلان....
الله يجزيك الخير...
ما عم يطلع معي حكي الا الله يشفيا للمنى و يعطيا الصحة من عندو...
و من جهة تانية...فشلان انا بدي ؤلك انك رجال ...و الله العظيم انو نزلتي دمعتي...يا معلم الرجال بهل الايام صاروا ألال ...الله يجزيكم الخير انتا و كل الشباب لي وءفو مع ابو منى بهل المصيبة و الله يعينو...
اسا في رجال الحمد الله بتحس بأخوا متل ما بتحس بحالا و أكتر...
مؤ فيني ؤل شي...
يعطيكن ألف عافية...
اخوكم دوكر المعوكر...

[الزاهر]

ببارك الله بك أخي فشلان

سالت مدامعي.........خصوصا إنو بسمة المنى ما بتفارق ذاكرتي أبدا.....بل استرجعها لحظة بلحظة!!!

بس لو تشوف ابتسامتها وحنانها وحبها لإخواتها وأقاربها.......

قدر الله وما شاء فعل........اللهم اجعلها آية من آياتك.....لتكون شاهدة على عظيم مقدرتك............آمين يا رب!!!

[kata2eb]

**** سلام للمنى .....

والله على رغم عدم معرفتي بمنى
لكن القصيدة جعلتني أحس انها مقربة مني
أسأل الله الكريم لها الشفاء
وأشكرك يا فشلان على القصيدة الرائعة

[shanzimer6]

السلام عليكم:

بارك الله بكم أخ فشلان... قصيدة رائعة..

نسأل الله تعالى الشفاء العاجل.. غير الآجل.. للطفلة منى..


قدر الله وما شاء فعل........اللهم اجعلها آية من آياتك.....لتكون شاهدة على عظيم مقدرتك............آمين يا رب!!!