لمدير الموقع

[nana]

السلام عليكم ورحمة الله وبركاته
مابدي احكي كتير بس عندي سؤال هل من العدل تدمجو موضوع بموضوع نادين وتحطوه تحت اسم نادين الموضوع

وهل من العدل كمان تتركولا الموضوع طرائف ونوادر تحت اسما
وفوق كل هيدا من كم يوم حزفتولي موضوع من دون استأذان مني او الاعتذار وسكتنا

ولا لازم صير من بين الكشرفين لحتا اندعم
على كل حال إذا مابيرجع موضوعي متل ماكان وحدو من دون يكون مدموج مع ايا موضوع تاني اقسم بالله العلي العظيم حتكون آخرة مره بدخل فيا المنتدى . أنا عارفي المنتدى منو راح يوقف إذا طلعت بس بعرف شغلي إني راح كون كونت انطباع سئء عنكون وشكرا

[عبد الله]

يعني الواحد بيكون تعبان بالموضوع ومبسوط إنو حصل بموضوعوا مشاركات كتير فبتجوا وبكل بساطا بتدمجولو اياه بموضوع آخر وبإسم غير إسمه وكمان بدون أخذ الإذن
أكيد ليس من العدل هذا التصرف وأدعو المشرفين لتعديل سياستهم في هذا الأمر خير من أن يصبح المنتدى فارغ من الأعضاء النشيطين .
أنا مرة حصل معي مثل هذا الأمر وما أخدو إذني وتصرفوا على ذوقهم وكان في موضوع ثالث لأحد المشرفين لم يدمجوه بالموضوعين المدموجين رغم أنهم كانو نفس الفكرة والهدف
وأنا بصراحة تضايقة كثيرا من هذا التصرف .

[nana]

يعني قاعدين منحاول نرجع الأعضاء ونخلي المنتدى بنفس الحماس متل ما كان وحضرتون بيعملو فصول بخلو الواحد يكره المنتدى ويندم على الساعه يلي شارك فيه

يعني عنجد اسا شوي بوقف بي صف الشبح وبقول عنجد ظلمناهون

[الزاهر]

السلام عليكم


مدري ليش حاسس في شي غلط.......


طيب بس سؤال أبل ما بلش إذا ممكن.......نحنا شو هدفنا بس عم نفوت عالمنتدى؟؟؟............هل هدفنا إنو زاهر يكون عندو 3500 مشاركة؟؟؟..........أو زاهر عندو هالأد عدد مواضيع؟؟؟.........ولا هدفنا إنو نفيد ونستفيد؟؟؟...........طيب.........إذا كان هدفنا إنو نفيد ونستفيد..........ما لازم تفرء معنا مين عم يرفع الراية...........المهم الراية تنرفع............سواء أحمد رفعها ولا محمود..........المهم تنرفع...........يعني المواضيع برأيي على عدة انواع..........نوع من انواعها بيكون ملك لصاحبه...........متل المواضيع اللي هي عبارة عن بحث عاملو الزلمة.......وفي مواضيع تعتبر ملك للي عندو اكتر شي نشاط فيها........يعني احيان الواحد بيكتب موضوع وبيرجع بيتركو بعد فترة...........إذا غيرو وكفاه وضاف عليه وخلاه نشيط..........بالاسم الموضوع لفلان.............لكن فعليا هو لعلتان اللي خلاه نشيط ورجعو عالساحة!!!!


كمان شغلة..........جيت هلكان من الجامعة وحبيت ائرا كم نكتة..........فتحت المنتدى العام لأيت موضوع نكت.............أريناه.......وبعد شوية لأيت غيرو........وغيرو...........وغيرو.......وبرمت شي 112 صفحة مواضيع...........وضيعت نهاري..........وألت يا ريت كانو بموضوع واحد............لكنت اريتهم كلهم وما ضيعت وئتي!!!!...........


ولا عندكم رأي تاني......؟؟؟؟

[nana]

السلام عليكم


مدري ليش حاسس في شي غلط.......


طيب بس سؤال أبل ما بلش إذا ممكن.......نحنا شو هدفنا بس عم نفوت عالمنتدى؟؟؟............هل هدفنا إنو زاهر يكون عندو 3500 مشاركة؟؟؟..........أو زاهر عندو هالأد عدد مواضيع؟؟؟.........ولا هدفنا إنو نفيد ونستفيد؟؟؟...........طيب.........إذا كان هدفنا إنو نفيد ونستفيد..........ما لازم تفرء معنا مين عم يرفع الراية...........المهم الراية تنرفع............سواء أحمد رفعها ولا محمود..........المهم تنرفع...........يعني المواضيع برأيي على عدة انواع..........نوع من انواعها بيكون ملك لصاحبه...........متل المواضيع اللي هي عبارة عن بحث عاملو الزلمة.......وفي مواضيع تعتبر ملك للي عندو اكتر شي نشاط فيها........


كمان شغلة..........جيت هلكان من الجامعة وحبيت ائرا كم نكتة..........فتحت المنتدى العام لأيت موضوع نكت.............أريناه.......وبعد شوية لأيت غيرو........وغيرو...........وغيرو.......وبرمت شي 112 صفحة مواضيع...........وضيعت نهاري..........وألت يا ريت كانو بموضوع واحد............لكنت اريتهم كلهم وما ضيعت وئتي!!!!...........


ولا عندكم رأي تاني......؟؟؟؟

والله ياريت تسأل حالك هل سؤال ماأنت اول واحد كاتب بي توقيعك عدد مواضيعك وعدد مشاركاتك

وأنا لما استنكرت يلي صار منو بهدف عدد المواضيع عندي ولا لاء
كل وماهنالك هيدا تصرف غير مقبول من اإداره نهائيا
وهيدا بسموه تطرف عنصري

[الزاهر]

والله ياريت تسأل حالك هل سؤال ماأنت اول واحد كاتب بي توقيعك عدد مواضيعك وعدد مشاركاتك

وأنا لما استنكرت يلي صار منو بهدف عدد المواضيع عندي ولا لاء
كل وماهنالك هيدا تصرف غير مقبول من اإداره نهائيا
وهيدا بسموه تطرف عنصري

والله يا أختي أنا مني وإلي ما بتفرء معي إذا الادارة دمجتلي موضوعي أو نألتو أو هيك شي............

لكن إذا اصدك إنو صار الموضوع باسم "مشرفة"............فبأكدلك القضية منها مقصودة...........لأن بس يندمج موضوعين بتترتب المشاركات حسب زمان كل واحدة..........ويبدو انو طلع اقدم واحدة لنادين فطلع الموضوع باسمها.........لكن برجع بأول إنو المواضيع اللي متل النكت أو الحكم أو الغرائب..........كترتها بتخلي الواحد يتعذب ليلئيها...........وبتضيع وئت............وتجميعها بيهين البحث عنها وبيوفر وئت عالأعضاء والزوار ............

أما بأصة إني حاطط عدد مشاركاتي ومشاهدات مواضيعي........لأن بمحل من المحلات شفت عاملينها تلقائية.......كل واحد تحت صورتو الرمزية المنتدى بيحطلو شوية احصاءات عنو........سواء عدد المشاركات بمواضيعو ولا مشاهدات مواضيعو ولا أكثر مواضيعو شعبية وهيك...........فعجبتني الفكرة ........."فكرة احصاءات عن كل عضو".........وإجت من هالباب..........لا أكتر ولا أقل

[عبد الله]

زاهر أنا ما بحب الواحد يدافع عن الغلط وخصوصي اذا كان متل وضح النهار.
كان الأولى بالأدمن أن يثبت الموضوع بدل من انشاء مشابه له بنفس الهدف والفكرة والتوجه .
أن أقترح إختراع اسم متل دمج .. بطيخ .. يلي بدكن اياه وعند الحاجة لدمج مئة موضوع يتم أخذ إذن من صاحب كل موضوع ثم يدمجون تحت الاسم المخترع وطبعا الشخص الذي لا يوافق لا يدمج موضوعه يعني مثلا متل نارة لازم ترجعولا موضوعها لأن مش موافقة على دمجه .

[nana]

زاهر أنا ما بحب الواحد يدافع عن الغلط وخصوصي اذا كان متل وضح النهار.
كان الأولى بالأدمن أن يثبت الموضوع بدل من انشاء مشابه له بنفس الهدف والفكرة والتوجه .
أن أقترح إختراع اسم متل دمج .. بطيخ .. يلي بدكن اياه وعند الحاجة لدمج مئة موضوع يتم أخذ إذن من صاحب كل موضوع ثم يدمجون تحت الاسم المخترع وطبعا الشخص الذي لا يوافق لا يدمج موضوعه يعني مثلا متل نارة لازم ترجعولا موضوعها لأن مش موافقة على دمجه .

المشكله هون إنو عم نحكي نحكي وماحدا بيسمع ومتل ماقلت بدافعو عن الغلط بالغلط

[الزاهر]

أنت ليش عم دافع عن الإداره بعتقد عددون كبير وبيقدرو يحكو ويعطو رأيون

أنا بعدني ومع الإصرار إنو يرجع كل شيء متل ماكان

يعني بصراحه بكون الواحد محضر ينزل كم شغله هلأ مابقا إلو نفس

زاهر أنا ما بحب الواحد يدافع عن الغلط وخصوصي اذا كان متل وضح النهار.
كان الأولى بالأدمن أن يثبت الموضوع بدل من انشاء مشابه له بنفس الهدف والفكرة والتوجه .
أن أقترح إختراع اسم متل دمج .. بطيخ .. يلي بدكن اياه وعند الحاجة لدمج مئة موضوع يتم أخذ إذن من صاحب كل موضوع ثم يدمجون تحت الاسم المخترع وطبعا الشخص الذي لا يوافق لا يدمج موضوعه يعني مثلا متل نارة لازم ترجعولا موضوعها لأن مش موافقة على دمجه .

طيب..........تكرم عيونكم.........ما بئا رح دافع لا عن الادارة ولا عن نفسي.........


بس عالأليلة خلونا نحط شي عملي ومتكامل نطلبو من الادارة لتلافي هكذا حالات في المستقبل........


أنا كانت عندي فكرة انشاء منتديات فرعية للمنتدى العام.........


عبد الله طرح انشاء اسم لكاتب وهمي تستخدمه الادارة بس يكون في دمج...........وبتصير المشاركات اللي بالموضوع لأصحابها بس الموضوع ملكية عامة!!!!..............فكرة حلوة.......


شو رأيكم

[الزاهر]

يالله........أهلي ناطريني عالغدا............منكفي عشية إن شاء الله......ما تكتبو كتير بغيابي..........ههههههههههه

[الشامي]

السلام عليكم كيفكم يا جماعة...

يعني كل الردود فيها وجهة نظر سواء ما تفضلت به إختنا نارة أو اخونا عبد الله أو الأخ زاهر...

برأي كثرة المواضيع المتقاربة تؤدي إلى قلة التصفح وليس العكس وعلى الأخص للناس اللي مشاغلهم لا تسمح لهم بالوقت الكافي للبحث في أرجاء المنتدى...

وبرأي أيضا أن من حق كل عضو أنشأ موضوعا أن يحتفظ بنسبة الموضوع إليه ...

إذن هناك مشكلة تحتاج إلى حل ... وأنا متابع للردود رغم ضيق الوقت ... وسأترك الكل ليدلي برأيه حتى نستطيع أن نصل إلى حل يحافظ على خصوصية الموضوع وفي الوقت نفسه على حسن ترتيب الساحات ...

فليس هناك أمر ما، يقوم به مشرف أو مراقب أو حتى مدير ضمن هذا المنتدى أو الموقع لا يمكن التراجع عنه ، فالأمر ليس قرآنا أُنزل وإنما اجتهاد يرى فيه المشرف أو المدير أنه الأنسب... ويعود عنه إن رأي أن هناك أمرا (أنسب منه) ولكن لا أرى مبرراً أيضا لإستغلال حبنا لجميع الأعضاء للتهديد بترك المنتدى فلا أحد يهدد بترك بيته إن حصل اختلاف في وجهات النظر بينه وبين أخيه أو بينه وبين أبيه وأظن أختنا نارة توافقني الرأي وليس هناك نجوم أو نيشانات نضعها على أكتاف المشرفين والعاملين في الموقع وإنما تكاليف ومطالب ومسؤوليات يُسألون عنها أمام إدارة المنتدى وأمام الله سبحانه ولكن لا بد أن يكون هناك مساحات من الحرية ليستطيع المشرف أن يقوم بدوره مع حقنا بالتراجع عن بعض الإجتهادات إن رأينا في غيرها الصواب...

وكلنا آذان صاغية يا ست نارة ويا سيد عبد الله ... فلنحاول أن نصل لرأي نراه جميعنا الأنسب حتى لو طال بنا نقاش هذه النقاط ولكن الأمر يحتاج منا إلى بعض الوقت وسيترتب على هذا النقاش أمور عملية تؤدي إلى ترتيب وتنظيم لكافة الساحات...

بوركتم جميعاً

أخوكم

[shanzimer6]

السلام عليكم:

الاقتراحات:

ترتيب وتنظيم لكافة الساحات...

لأن:
كثرة المواضيع المتقاربة تؤدي إلى قلة التصفح وليس العكس وعلى الأخص للناس اللي مشاغلهم لا تسمح لهم بالوقت الكافي للبحث في أرجاء المنتدى...

مثلاً:
لأيت موضوع نكت.............أريناه.......وبعد شوية لأيت غيرو........وغيرو...........وغيرو.......وبرمت شي 112 صفحة مواضيع...........وضيعت نهاري..........وألت يا ريت كانو بموضوع واحد............لكنت اريتهم كلهم وما ضيعت وئتي!!!!...........

* برجع بأول إنو المواضيع اللي متل النكت أو الحكم أو الغرائب..........كترتها بتخلي الواحد يتعذب ليلئيها...........وبتضيع وئت............وتجميعها بيهيّن البحث عنها وبيوفر وئت عالأعضاء والزوار ............

من خلال:

- انشاء منتديات فرعية للمنتدى العام...

- انشاء اسم لكاتب وهمي تستخدمه الادارة بس يكون في دمج...........وبتصير المشاركات اللي بالموضوع لأصحابها بس الموضوع ملكية عامة.

- أخذ الإذن من صاحب الموضوع.

وأخيراً...

ليس هناك أمر ما، يقوم به مشرف أو مراقب أو حتى مدير .. ضمن هذا المنتدى أو الموقع لا يمكن التراجع عنه ،

فالأمر ليس قرآنا أُنزل وإنما اجتهاد يرى فيه المشرف أو المدير أنه الأنسب...

[nana]

السلام عليكم كيفكم يا جماعة...

يعني كل الردود فيها وجهة نظر سواء ما تفضلت به إختنا نارة أو اخونا عبد الله أو الأخ زاهر...

برأي كثرة المواضيع المتقاربة تؤدي إلى قلة التصفح وليس العكس وعلى الأخص للناس اللي مشاغلهم لا تسمح لهم بالوقت الكافي للبحث في أرجاء المنتدى...

وبرأي أيضا أن من حق كل عضو أنشأ موضوعا أن يحتفظ بنسبة الموضوع إليه ...

إذن هناك مشكلة تحتاج إلى حل ... وأنا متابع للردود رغم ضيق الوقت ... وسأترك الكل ليدلي برأيه حتى نستطيع أن نصل إلى حل يحافظ على خصوصية الموضوع وفي الوقت نفسه على حسن ترتيب الساحات ...

فليس هناك أمر ما، يقوم به مشرف أو مراقب أو حتى مدير ضمن هذا المنتدى أو الموقع لا يمكن التراجع عنه ، فالأمر ليس قرآنا أُنزل وإنما اجتهاد يرى فيه المشرف أو المدير أنه الأنسب... ويعود عنه إن رأي أن هناك أمرا (أنسب منه) ولكن لا أرى مبرراً أيضا لإستغلال حبنا لجميع الأعضاء للتهديد بترك المنتدى فلا أحد يهدد بترك بيته إن حصل اختلاف في وجهات النظر بينه وبين أخيه أو بينه وبين أبيه وأظن أختنا نارة توافقني الرأي وليس هناك نجوم أو نيشانات نضعها على أكتاف المشرفين والعاملين في الموقع وإنما تكاليف ومطالب ومسؤوليات يُسألون عنها أمام إدارة المنتدى وأمام الله سبحانه ولكن لا بد أن يكون هناك مساحات من الحرية ليستطيع المشرف أن يقوم بدوره مع حقنا بالتراجع عن بعض الإجتهادات إن رأينا في غيرها الصواب...

وكلنا آذان صاغية يا ست نارة ويا سيد عبد الله ... فلنحاول أن نصل لرأي نراه جميعنا الأنسب حتى لو طال بنا نقاش هذه النقاط ولكن الأمر يحتاج منا إلى بعض الوقت وسيترتب على هذا النقاش أمور عملية تؤدي إلى ترتيب وتنظيم لكافة الساحات...

بوركتم جميعاً

أخوكم

نحنا عملنا هلاء متل عم يطالب بحقوق مغتصبه بين الدوله وشعبا والدوله تركت الموضوع قيد الدرس

ليش يعني شغلي كتير واضحه أنا بحب موضوع نكت بايخه ماتقتلوني
وإذا لاحظتو من فتره وفتره بحب ضيف نكت فجأه وإلا الموضوع مختفي ومدموج بموضوع عضو تاني وتحت اسم هيدا العضو يعني شو بدك يكون الرد مني أو المفاجئه يلي صدمتني وعنجد نسم بدني إنو أنت شايف هيدا الشيء في عدل وفجأه على موضوع من مواضيعي صار بدكون تعملو دمج وتحت اسم مجهول ومابعرف شو
يعني بدكون تعملو اعملو وحطو وسعو بالنهايه المنتدى منتداكون ونحنا ضيفو. بس ياريت تعاملو ضيوفو بكرم أفضل من هيك

اصلا منا حلو تدمجو مواضيع الأعضاء نهائيا هيدا شيء بدايق العضو يلي كاتب او ناقل الموضوع وبحسسو بقلة وجودو واهميتو بالمنتدى ومابقا بضل عندو حماس ليبقى بصير يدور على منتدى تاني يفهمو ويحب طريقة كتابتو ومايبخعو ويلاقي موضوعو مدمج مع عضو آخر

[عبد الله]

في آخر مشاركة للأخ الشامي قدم اعتذار وطلب من المشرف الذي دمج المواضيع اعادتها فنرجو كخطوة أولى من المشرف اعادة الوضع على ما كان عليه .
أنا ضد انشاء منتديات فرعية للمنتدى العام لأن هذا أيضا يصنع عامل التشتيت وما حصل مؤخرا من زيادة واحات وما شابه يؤكد ذلك .
في شأن دمج المواضيع أنا اعطيت حل في مشاركة سابقة في هذا الموضوع مبني على اذن من أصحاب المواضيع ولا أرى مشقة في ذلك
فالمشرف الذي يريد الدمج يطلب اذن أصحاب المواضيع ويعطي مهلة وبعد ذلك يدمج المواضيع التي يوافق أصحابها .
أنا لا أرى في كثرت المواضيع عامل التشتيت بقدر كثرت الواحات.

[kalamoun_28]

100 أهلين بالسيد الشاميّ, على رمشي بتمشي والله.

أخي الكريم, انا لم أطالب بحلّ لقضيّة الاسماء الوهميّة ولكنّي قلت اذا كان هكذا موضوع لا نستطيع حلّه (وأتفهّم تماما صعوبة واستحالة حلّه) فلماذا نبحث بأمور واقتراحات معقّدة أكثر واكثر ... كما سبق وقلت, ما تبحثون به الآن هو من مشاكل أيّ منتدى مجانيّ على النت.

بخصوص اعتذارك يا شاميّ, فلا يسعني الاّ القول أنّك كبير وبيضلّك كبير زعيم.

لم تقل لي أينّ مسافر, هل من المعقول أنّ خداّج ليس على علم بآخر التطورات؟

سلامات, نزيه خداّج ملاّط

[ساميا]

السلام عليكم ورحمة الله تعالى وبركاته
برأيي أن تجميع المواضيع المتشابهة أفضل من دمجها، فأحياناً يتابع أحدنا موضوعاً بحسب تسلسله الزمني في إدراج المشاركات، وتكون الردود مرتبطة بهذا التسلسل، لكن عندما تدمج المواضيع وتترتب المشاركات بحسب الأقدم فإن هذا يسبب تشتيتاً للأفكار ضمن الموضوعين المدمجين...
أما إذا أعيد ترتيب الساحات بحيث تتجمع المواضيع المتشابهة فربما يساعد هذا على الإقلال من فتح مواضيع متشابهة لأن العضو الذي يدخل لإدراج موضوع جديد يكون من السهل عليه ملاحظة وجود موضوع مشابه له

[Nadine]

السلام عليكم ورحمة الله وبركاته,

اولا اشكر الاخت نارة على فتح الموضوع , واحب ان اقول ان الموضوعين ما كان لازم يندمجو مع بعض وذلك لعدة اسباب.

ممكن نطالب بفتح منتدى فرعي بالمنتدى العام اسمو منتدى الطرائف والالغاز , وهيك فيكن تحطو فيه اكبر عدد من المواضيع.

بس انا اللي بدي قولو صحيح انو موضوعي كان للضحك بس كنت عم حاول انو يكون طاغي عليه نوادر حاصلة مع اناس عاشوا من قبلنا وهالنوادر تكون طريفة, فهو موضوع نوادر واشيا صايرة اكثر من انو موضوع نكت واشيا اناس مخترعينهم .

لذا فأنا اطالب بعودة موضوعي القديم كما كان مع المحافظة على اسمو القديم نوادر وطرائف.

شكرا سلفا للادارة او للمشرف الذي سيقوم بإعادة الموضوع.

[nana]

بحب اختصر بكلمتين شكرخاص للأخ الشامي والله يعطيكون العافيه يا المشرفين لإعادة الوضع السابق للموضوعين كما كان

[Nadine]

السلام عليكم ورحمة الله وبركاته,

يعني طلعت محسودة على الفاضي , حكينا وما حدا سمع ولا حدا رد علينا, بالمشاركة اللي قبل وضحت انو موضوعي نوادر وطرائف ما كان موضوع مركز على النكت بل كان موضوع مركز اكتر على نوادر حصلت مع اناس من قبلنا وهي طريفة.

وطلبت انو يرجع الموضوع متل ما كان , بس ما حدا رد.

ممكن توضيح؟؟!!

[الشامي]

السلام عليكم...

كمان نطلب إعادة ما تم دمجة للأخت نادين ... حتى نصل إلى حل مناسب للأمر...

وأعتذر من المشرفين ... عم نعذبهم...

أخوكم