عضو نشيط
كيف تتعامل مع بنت الضيعة خارج الضيعة؟؟!!
السلام عليكم
كما نعلم ضيعتنا والحمد لله لها انتشار كبير خارج الضيعة ........
شباب وبنات ........... طيب إذا شفت واحدة من من الضيعة برات الضيعة
كيف تتعامل معها ؟؟؟!!!
مثلا هل من الممكن أن تجلس في قربها بالtaxi ؟؟؟!!
وإذا كنت وحدك بسيارتك بتجيبها معك ؟؟؟!!
طيب قول شفتها بالجامعة بتحكيا وبتتساير أنت واياها لأن من ضيعتك ؟؟!!
بنشوف كتير من الشباب، بتلاقي بالضيعة ما بيحكي مع حدا ولكن برات الضيعة معليش؟؟!!
هل هذا صحيح ؟؟!!!
وما هي حدود التعامل مع هذه الفتاة إذا ً ؟؟؟!!!
Administrator
إذا بدي جاوب عالسؤال (العنوان) ببساطة...................برات الضيعة ولا جواتها ولا بنيكاراغوا الأمر سيان!!!!
عضو نشيط
و الله انا ما بعرف ليش دائمن اخدين ان العلاقة بين البنت و الشب هي مجرد علاقة جسدية و من هل القصص فهمني شفيها اذا شفت بنت من الضيعة و طلعتا معك بالسيارة ما بعتقد انك بتوكل منا شقفة
بعدين شفيها اصلا اذا حكي معا بالضيعة و لا براتا ؟
ما بعرف دائمن اخدين صورة ان كل ما صبي حكي مع بنت معناتا لازم يعملوا بعدين شي ما ضروري
مشرفة بيتنا الجديد
وكذلك أنا لا أعرف لماذا لا يتحرج أحدنا من الخوض بأمور قال فيها الشرع كلمته برأيه الخاص؟!!و الله انا ما بعرف ليش دائمن اخدين ان العلاقة بين البنت و الشب هي مجرد علاقة جسدية و من هل القصص
برأيكم (ما دمتم تقدمون الرأي) لماذا أمرنا الشارع الحكيم، مؤمنين ومؤمنات، بالغض من أبصارنا؟!! وهل هذا يبيح لنا مجالات أوسع من العلاقة دون حرج أو قيد؟!!
هذه المقولة تضحكني وتغيظني في آن واحد، وأرى فيها حجة العاجز عن الإتيان بدليل يدافع فيه عن وجهة نظره..شفيها اذا شفت بنت من الضيعة و طلعتا معك بالسيارة ما بعتقد انك بتوكل منا شقفة
لا والله ليس الخوف من الإفتراس هو المقصد، لكن في ديننا هناك أمر مهم هو: إتقاء الشبهات ، والحفاظ على الكرامات وعلى سمعة العفيفات.. فعندما يتحرك المنافقون ويعيثون في الأرض فساداً، وما أكثرهم في كل زمان، لن يتورع أحدهم عن نشر حديث إفك جديد تضطرب لهوله الأحوال ويلقي بظلاله الثقيلة وآثاره المدمرة على البريء قبل المذنب..
أصلاً ما حدا حرّم الحكي بين الشاب والفتاة هكذا وعلى إطلاقه، ولا أظن أحداً يجرؤ على ذلك.. ولو كان الكلام، لمجرد أنه كلام، محرماً كيف ما كان لما إحتجنا لوجود ضوابط أصلاً؟..بعدين شفيها اصلا اذا حكي معا بالضيعة و لا براتا ؟
ما بعرف دائمن اخدين صورة ان كل ما صبي حكي مع بنت معناتا لازم يعملوا بعدين شي ما ضروري
وليس بالضرورة، كما تقول، كلما تكلم إثنان أن وراء ذلك أمراً قبيحاً.. لكن ربنا عزّوجل في كتابه الكريم، أمرنا أن لا نقرب الزنا، ولم يقل لا تفعلوا الزنا، فالزنا وكل المقدمات إليه أمور محرمة في شرعنا.. ولا يختلف إثنان أن من يريد أن يمنع جريمة من الوقوع لا بد له من قطع جميع الأسباب المؤدية إليها.. وكذلك الأمر في جريمة الزنا، والعياذ بالله، لأن النفس البشرية أمارة بالسوء، ولها أعوان من مثل النظر المحرم بين الجنسين، والحديث بغير حاجة وخاصة إن خالطه خضوع بالقول، والخلوة المحرمة و...
عضو نشيط
شفتو هذا هو الكلام الكلام الذي قالته كووين
بعدين عجبتني كلمت المهندسة ساميا قال الشرع قال كلمته بالموضوع لم اسمع آية قر’نية في حياتي تقول لا تتكلموا مع بنات ضيعتكم ان كنتم في خارج القرية
و لكن ما اعرفه ان الشرع قال كلمته في الزنى و قال انه حرام فلا تقولوا الشرع ما لم يقله و لا تألفوا و تفتوا من عندكم
هي الفكرة مطروحة حول مساعدة البنت خارج القرية او ان تستأنس بك كونك من الضيعة
بترتاح نفسيتها و خصوصي بهل الايام التى اصبح فيها المشايخ قبل غيره كالذائب ينظرون الى المرأة النظرة الخاطأة نظرة ال"..." فقط
و احب ان اقول لك اني لست عاجزاً عن الاتيان بأدلة من الواقع الذي نعيشه و أدلتي لن تكون نظرية بحتة
و لكن لست في مقام الاستدلالات
و الذي اراه انكم انتم العاجزون عن الاتيان بأدلة واقعية لم اسمع بعمري ان شخصا كان بكلم بنت من الضيعة في الجامعة ثم اغتصبها او قصة من هذا القبيلحذفت من المشرف خداّج :كلام بيزنطي من دون أدلّة, يؤدي الى مشاكل
و انا الذي ضحكت على ما تقولينه انتي قلتي ان الشرع حرم الزنى و كل ما يقرب له فهل تعتبرين ان الكلام في الطريق او ان تصعدي بالقرب من رجل او ان تعملي في نفس مكتب مع رجل انه من طرق الزنى ؟
و لكن انتم طالما تحملون هذه الافكارالمعقدة فأنكم سوف تظلون تفكرون بهذه الطريقة
سوف تظل نظرتكم الى البنت و الشب الذين يتكلمان في الطريق انهما يفعلان ما يغضب الله و ستظلون تشكون انهم يزنيان او من هذا الكلام لأنكم معقدون تظنون ان العلاقة الوحيدة التىي يمكن ان تنشأ بين الشاب و الفتاة هل العلاقة الجسدية التى تحرمونها
انا انصحكم ان تغيروا نظرتكم و لا تظلوا تعيشون في حقبة العباسيين و ان تحاولوا اللحاق بالامم الحضارات المتقدمة الناس وصلوا الى القمر و انتم ما تزالون تظنون ان الكلام بين الشبا و الفتاة حرام
التعديل الأخير تم بواسطة kalamoun_28 ; 19-05-2008 الساعة 03:50 PM
محمد عبيد - نائب المشرف العام
أقول: ليتنا نعود لأيام العباسيين ... رحم الله تلك الحقبة المباركة من عمر أمتنا ...المشاركة الأصلية كتبت بواسطة أبو النكد
الموضوع ليس بهذه البساطة، بل هو بحاجة للتفصيل ...
وقد أشار الأخ زاهر إلى نقطة مهمة جدا، فلا فرق بين داخل القرية وخارجها بل الأمر سيان من حيث المبدأ، والفرق الوحيد هو أن خارج القرية ينبغي للشاب أن يكون أكثر كياسة وفطنة، فقد تكون الفتاة في موقف تحتاج معه إلى مساعدة وتخجل من طلبها، بينما داخل القرية الموضوع أيسر من هذه الناحية.
ولا شك عندي، وبناء على ما عشته ورأيته، في أن شبابنا في هذا الموضوع، وأنا واحد منهم، يترددون بين الغالي والمجافي، وقليل منهم من يعدل فيه
فالنظر في هذا الموضوع يجمع بين الشرع والعرف. ولكل موقف فقهه الخاص به وفق ظروفه وملابساته.
ولنأخذ مثالا بسيطا، رغم كثرة الأمثلة، وهو مثال يُعبّر عن رأيي في الموضوع، ركوب المرأة مع رجل لوحدهما في السيارة من طرابلس إلى القلمون أو العكس. فقد راجعت المسألة من الناحية الفقهية مع كثير من مشايخنا في القلمون وطرابلس، والفتيا فيها الجواز بشروط، وقس على ذلك ركوبها في التاكسي، وشروطها ألا تكون المسافة مسافة سفر، وأن يكون المسلك أو الطريق مأمونا، وأن يكون لضرورة (وليس للكزدار)، وأن يكون من الأمور مقبولة عرفا، وبعضهم اشترط الثقة في دين السائق وبعضهم لم يشترطه لأنه تشديد في غير محله (وهو الأرجح عندي).
لكن لنتخيل أن فتاة من قريتنا تدأب على ركوب السيارة يوميا أو لنقل مرة في الأسبوع مع أحد الشباب يوصلها إلى الجامعة أو العكس، ما هي نظرة المجتمع أو ما هو عُرف قريتنا في هذين ؟
هنا يأتي اتقاء الشبهات ...
لكن لنقل أن الطقس ماطر جدا، وأن إحدى الفتيات، تتبهدل تحت المطر لتصل إلى ساحة التل، هل يتركها الشاب أم يوصلها بسيارته خصوصا إن كان الحكم الشرعي هو الجواز ؟
هذا ما رأيت الإشارة إليه باختصار ولي عودة إن رأيت ضرورة ذلك ...
مُشرف ساحة الفن والأدب
مسموح اعطي رأيي؟
أول الشي ما لازم يسود التفكير السائد عند البعض.. أن البنت عدو للشب والعكس... فأنا حين لا أتحرش بالفتاة.. إنما يعني ذلك احترامي لها... بغض النظر عن ما يعتقده البعض...
وبالتالي لا أعتقد أن من الاحترام... اني لو شاهدت احدى فتيات القلمون في دبي فجأة... أن أعبس بوجهها.. ولا ألتفت نحوها لأني متدين.. وملتزم.... (وإسا شوية بسبلها)... وقد حصل أن شاهدت احداهن.. وسلمت عليها (كلاماً)... مع أني لو كنت في القلمون لم أكن لأفعل ذلك مطلقاً...
لا يعني هذا أني أنا الحق... وعليكم اتباعي... ولكنه من غير اللائق أبداً (حسب رأيي المتواضع)... أن تكون مثلاً في بلد غربة... وترى من هو من أهل القلمون... كائناً من كان... ثم تتجاهله تماماً بسبب الدين...
والآن لنخفف الموضوع أكثر.. ولنجعله أن الشاب رأى الفتاة في الجامعة...
والله أعلم.. يعود الأمر إلى الحالة العامة.. فلو كان كل يوم يراها... صار الأمر مثل القلمون... أما لو أنه في بيروت مثلاً... وبالصدفة شاهدها .. فلا بأس أن يسألها إن كانت بحاجة إلى مساعدة ما... إن كان يظن أنها بحاجة إلى ذلك... ولا أظن أنها ستعتبره واطي لأنه تحرش بها... بالعكس.. ستحترمه أكثر وتقدر له معروفه وإحسانه..
إن الكلام مع الفتيات لا يعني بالضرورة قلة الأدب... ولكن قلة الادب هي التي تعني قلة الأدب...
أما موضوع أن يجلس قربها في التاكسي وما شابه... فلا أدري مدى صحة هذا الأمر.. والله تعالى أعلم..
ســافرت وقلتلي تعود _____ وقلبي من يوما موعود
لرجوعك حن العنقود _____ لـكـن بَعـــدك مـا حـنّـيت
مشرفة بيتنا الجديد
الأخ الكريم (أبوجهل):أصلاً ما حدا حرّم الحكي بين الشاب والفتاة هكذا وعلى إطلاقه، ولا أظن أحداً يجرؤ على ذلك.. ولو كان الكلام، لمجرد أنه كلام، محرماً كيف ما كان لما إحتجنا لوجود ضوابط أصلاً؟..
وليس بالضرورة، كما تقول، كلما تكلم إثنان أن وراء ذلك أمراً قبيحاً..
لو قرأت هذه الجملة بكلامي ما جاء ردك بهذه الطريقة، يمكن!
لكن ما قصدته في مشاركتي أن بعض مواطن الكلام تعرض صاحبه لشبهة، وقد تسبب له صيتاً سيئاً في المجتمع، وهذا ما ندعو الشباب والفتيات إلى الحذر منه.. فلا أظن أن أحداً يفرح بكلام الناس عنه بطريقة خاطئة وهو بريء..
والصيت السيئ الذي ربما يلحق بأحدهم لا يأتي دائماً من واحد معقد مانو فاهم شي من الدين كما تقول، إنما عندما تولد الإشاعة فإنها تسري في المجتمع كالنار ويكون بعدها من الصعب دفع أذاها بغض النظر عن مروجها..
ورسول الله صلى الله عليه وسلم علمنا كيف يدرأ أحدنا الشبهة عن نفسه، فعندما كان يسير مع زوجته ليلاً، ومر بهما إثنان من الصحابة، إستوقفهما وقال لهما: هذه زوجتي صفية!! ليس لأنهم يشكون برسول الله (معاذ الله) ولكن ليعطي الأمة درساً في أن المرء لا ينبغي أن يعرض نفسه لشبهة التهم الباطلة التي ربما تلحقه من وراء تصرف خاطئ!!
عضو نشيط
الموضوع ما بدو نكد .
انا اذا شوفت حدا برات الضيعة بركض تسلم عليه والله
اذا البنت كانت بحاجة لمساعدة ضرورية بعتقد المحرم يصبح محلل عند الضرورة .
اما شو هي الضرورة فهذا يعتمد على الموقف .
لنعطي مثال :
لنفترض انو واحد عم يتصيد سمك وهيك بالصدفة بيسمع صوت واحده عم تطلب النجدة وعم تغرق يعني هو شو بيقول؟ بيقول انو لمس الاجنبة حرام!!! يعني اكيد ما رح يخطر عبالو افكار ! وقت عم يساعدها والله اعلم .
{رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا}
عضو نشيط
و الله موضوع حلو...و صح إنّو ما كل ما واحد يحكي مع واحدة يعني رح يوصلو للحرام..أعوذو بالله..بس كمان معى حء الأخت سامية..عم تحكي بالإجمال..و هيك بيؤل الدين..
بسّ أنا بطبعي مسلآ..لمّا شوف شخص من الألمون أكيد مش واحد عالءة معو..هههه..بطبعي إنو بتلفت و ببتسم..يعني حسب مين..بس يعني بورجي بأبسط طريءة..إنو أنا شفت إبن ضيعتي و بسلّم..
و برأيّ أنو إزا إبن الضيعة شاف بنت الضيعة بطرابلس واءفة ناطرى تاكسي..أنو يوءف ع جنب..يحاول ينئي هّوا التكسي و يطلع..ف ساعتا هية بتطّمن أكتر و بتطلع..هادا إزا ما بتعاطو مع بعض..أو إزا منّو رايح يوءف ينطرا لتوءف تاكسي و يأمن ع بنت ضيعتو..أنا هيك بحس لازم إبن الضيعة يعمل..
يتبع بعد المشاركات القادمة
مشكورين
السلام عليكم
*إلهــي بعــدالذنــب جئتكـ راجيــاً ..حَنانَــكَ يَا مَــن تُستَعــانُ وَ تُقصَــدُ*
* و أسألكَـ الغُفــرَانَ رِفقــاً بأضلُــعٍ .. مِــنَ الخــوفِ نـَـارُالذُّعــرِ فِيهـَـا تُوقــَّدُ*
Administrator
يبدو إنو الشباب بدهم نفوت بالتفاصيل...............طيب رح نفوت فيها
بأعد جمبها بالتاكسي؟؟؟........إذا كنت تقبل الجلوس بقرب الغير قلمونية..........فلماذا لا تجلس بقرب القلمونية.............
بالنسبة لي معيار الجلوس قرب فتاة ليس جنسيتها ............بل احتشامها!!!..............إذا لابسة متل العالم ممكن أقعد جمبها إذا كنت مستعجل عإمتحان مثلا ...........أما في حال صرلي أعد جمب شب أو وحيد فبالتأكيد بختار ذلك............للسبب الوحيد أنه في الحالة الأولى لن تتمكن من التحرك مطلقا........
بجيبها معي بالسيارة؟؟؟...........هذه القضية مشربكة قليلا...........بعد أن سمعت عدة قصص عن فتيات من القلمون اعتُدي عليهن (ولو بكلمة أو بمد يد أو أو أو ....)..........فأفضل أن "جيبها معي بالسيارة" على أن تركب تاكسي غريب!!!
ويحكو اللي بدهم يحكوه مني سئلان.............فالأهم سلامتها..........
وبالتأكيد في الظروف القاسية (مطر شديد، رياح عاتية.....) سيكون الأمر ذاته.............
طيب وما رأيكم بمن يوصل معه بسيارته الخاصة فريق نسوان للعمل.........بيشتغلو بنفس المكان...........وكل يوم بياخدهم معو وبيجيبهم............وبيدفعولو بنهاية الشهر أجرة!!!
بالنهاية .........شخصيا...........أدعو كل فتاة لأن تحرص أن يكون سائق التاكسي قلموني!!!!..........لأنو منعرف ششكل دينو هاد.....(ومنعرف الصالح منهم كذلك منعرف الطالح)......أما غير القلموني فهو غريب.........ولا نعرفه...........فبالتالي لا نعرف "شكل دينو"!!!!
بحكيها بالجامعة؟؟؟........بالجامعة أو بالضيعة لا داعي لأكلمها إن لم يكن من داع لذلك............والله بدي كور وما في غيرها موجودة.........أكيد بحكيها وبطلب منها..........أما إنو ما في أي شي .........فمتل بالضيعة.........هي غريبة علي.........ولا علاقة لي بها.......ممكن سلم عليها وهذا الأمر المميز الوحيد والفارق عن التصرف في الضيعة ........
أما بالنسبة للذي أشار له الأخ عمر ملاط............إنو شفت بنت من القلمون بكندا مثلا...........فأكيد بروح بسلم عليها وبسألها عن عائلتها وأحوالهم وكيف ممكن نتواصل (مع العائلة!!!) ............ووين ساكنين ومن هالحكايات.........لان في كندا (مثلا)............الأمر مختلف عن في نفس البلد أو نفس المحافظة!!..........فهناك الواحد "بيتروحن" بابن ضيعته!!!..........وبكل ما له علاقة بضيعته.........ومن مصلحة الطرفين إن يعلم بوجود أهله معه ..........فيتساعدو في الأعياد والمناسبات وهالأصص...............لكن نفس الأمر في حال اللي صادفتو كان شب..........(مع التنبيه لأن الذي قلته لا يعني تخطي الأسوار الشرعية في التعامل مع الغريبة!!!!!)
ما هي حدود التعامل معها؟؟؟......التعامل معها هو ذاته التعامل مع غيرها..............الحد هو الشرع...........لكن كما ذكرنا الشرع أباح بعض الأمور للضرورات.........ومنو صعب كتير الواحد يعرف كنو طلعها معو بالسيارة لحاجة بنفسو ولا لوجه الله!!..........
فإذا معاملتها في خارج البلدة هي ذاتها معاملتها في داخلها مع تميزها عن مثيلاتها بدرجة ........وضمن الشرع!!!!
بتأعدو جمبها بالتاكسي؟؟؟.....كذلك الأمر بالنسبة لها .........أنا شخصيا أرى..........بان تحكم عليه من معرفتها له .........يعني المعروف عنه أزعر ما بينأعد جمبو !!!!..........
أما إذا قلبنا الأدوار............نفس الأسئلة ...........كيف تعامل البنت الشاب الذي يكون من قريتها خارج الضيعة!!!!
وأكيد يفضل بأن تجلس قرب أخواتها .........لكن نتكلم في الضرورات ......في الحالة العادية يمكن انتظار سيارة أخرى!!!........
وفي هذه النقطة بالذات تجدر الإشارة للتفريق في العمر..........يعني إذا إجت حجة ختيارة بدها تعد جمب الشب!!!........هون الأمر أخف!!!
بتجيبو معها بالسيارة؟؟؟....في حال كانت هناك ضرورة فلا مانع ..........أما إنو يابا عم تعمل منيح مع ابن ضيعتها .........بلاها..........كيلا يكون هناك إحراج لأي طرف !!!!
طول عمرنا مشنطلين عهالطرقات وناطرين التكاسي...........وياما ناطرين ساعتين و3 ساعات كمان!!!...........صعبت علينا هالمرة ننطر!!!.................أما في حال مطر، عواصف........أصص دواوين .......... فلا مانع!!!.............ولها في ذلك أجر (
بتحكيه بالجامعة؟؟؟.....لضرورة .........أما لطء الحنك.......بتطء حنك مع رفيقاتها............وأنا بطء حنك مع رفءاتي!!!
ما هي حدود التعامل معه؟؟؟............الحد هو الشرع.......
صححولي إن أخطأت!!!!
والسلام عليكم ورحمة الله تعالى وبركاته
عضو جديد
ولا كأني شفتا !!!
بس عندي سؤال لأهل المعرفة ، هلأ فرضا أنا مارء ومعي سيارة وشفت بنت ضيعتي ناطرة تاكسي، أيشوا الأحسن ؟ طلّعها معي أو أتركها تطلع مع الغريب احسن؟
هلأ بالنهاية تنينا غرب بس أنا بضل ابن ضيعتها وأأمن من الغريب الغريب فشو رأيكم أنتو؟
الباش
ما شاء الله كفّيت ووفيت يا زاهر....
انا معك 100%
زهور الشمع فاتنة ولكن زهور الروض ليس لها مثال
أمير الشباب
ألله حيو أخ زاهر !!!! والله مشاركتك قيمة وحلوة وأنا معك 100%
عضو نشيط
يا دلي عليك يا زاهر .... حدا بياعد حد ختيارية ... ولك شفلك شي صبية أعود حدا ...
بتعرف زكرتني بأصة .... بالزمانااااااااااااااآآآآآآآآآآآآآآآآااااااااااااا ااااااااات كان أبو رياض طالع بالتاكسي .. إلا وبتطلع حدو مرة ختيارة عمرا شي ستمية ...من كتيرين الحكي اللي دمن تئيل و ما بينحملوا.... ديئتلي خلائي ...تحتا ألتلا هالأبيات الشعر :
جزاك الله شرا من عجوز ** ولقاك العقوق من البنينا
تنحي فاجلسي مني بعيدا ** اراح الله منك العالمينا
حياتك ما علمت حياة سوء ** وموتك قد يسر الصالحينا
ههههههههههههههههههههههه....عم إمزح ...
والله موضوع طلعة البنات بالتاكسي موضوع خطير ولازم ينبحث كموضوع وحدو ... يعني في كتير بنات حتا المحجبات بتلائين بيطلعوا بالتاكسي إدام حد الشوفير .. ولك أحيان بتلائيا آعدة بالنص بين الشوفير و شب تاني ... و بكون الشوفير عم يغير بالفيتاس ... أو عامل حالو عم يغير ...ما في داعي كفيلكن شبصير ... يعني الشب ما لو عين يأعد هالأعدة !!!
بحب ألو للمعلم أبو النكد إنو إذا هوا منو سامع أصص صايرا مع بعض البنات .. فغيروا سامع كتير ...
وهادا الموضوع متل ما حكينا لازم يكون لو حلول ... يعني أنا بعرف إنو كان في باصات توصل عالجامعات , بس بالرجعة أكيد ما في وقت محدد .. و إذا كان في فريء بنات بيأدروا يجمعوا حالن و يرجعو مع بعضن فهالشي كتير منيح ...و في كتير حالات بتضطر البنت ترجع وحدا .. فلازم الأهل يكونو واعيين لهالشي و يوعو بنتن لهالشغلات خصوصي بهالزمن اللي في كل تكسي محشش ما بخاف الله ... و أنا بأيد زاهر (منو بكل شي) و أبو حسن و أبو البراء برأين ...
أنا بو رياض الألموني***بالضيعة أكبر محتال
شايف عطرزك أنا كتير***طَأ طِيء طلاع نزال
Administrator
إذا في مجال تفصل بما تخالفني فيه كي نخرج بنتيجة إيجابية.....
او إذا كنت مغلط بشي توضح الصورة عندي
أما لما ذكرته بقضية التاكسي..........هذا لا نقاش بممنوعيته!!!
الأعدة المحشورة لا نقاش فيها...........قرب السائق يا بتدفع عن 2..........يا بالتكاسي الجديدة ما في مشكل (أصلا السيارة 4 ركاب)
أضيف:
كلمني أحد الشباب بالموضوع وذكر أمر........إنو "مساعدتي لها أو معاملتي لها بتكون مبنية عشرط إنها تكون آدمية
فلنفرض بـأنها ممن يصاحب الشباب وووو
فلن أعتبرها موجودة أصلا...متلها متل أي واحدة لا بعرفها ولا بتعرفني !!!"..........فما رأيكم؟؟؟
مشرفة بيتنا الجديد
السلام عليكم ورحمة الله..
لاحظت ان أكثر المشاركات غاصت في التفاصيل التي وإن توسعنا كثيراً بها فلن نستطيع أن نتكلم عن جميع اشكال العلاقة التي يمكن أن تحدث بين الشاب والفتاة سواء داخل أو خارج البلدة.. وما قصدته هو إن نحن من البداية فهمنا مغزى هذه العلاقة في ديننا وعلمنا القيود التي وضعها حتى لا نحيد بها عن الإطار الصحيح النظيف، فطبيعي أن ننزل كل هذه الضوابط في منازلها الصحيحة ونتصرف في كل موقف بما تحكمه علينا..
نعم يا سيد (أبو النكد) لم تنزل آية في كتاب اللهتقول لا تتكلموا مع بنات ضيعتكم ان كنتم في خارج القرية
ولكن الآيات كثيرة وواضحة في تحديد العلاقة الصحيحة من النظرة إلى ما هو أكبر منها..
وكل من شارك في هذا النقاش تكلم فيه بما يتناسب مع وضعه، سواء أكان طالباً أم غير ذلك..
كذلك عندما أحذر من وضع النفس موضع شبهة حرصاً أن لا تصبح فريسة لشائعات مؤذية ومضرة، لم تكن هذه الصرخة من محض الخيال أو مبنيه على أوهام بعيدة عن أرض الواقع كما يحلو لك يا سيد (أبو النكد) أن تصورها..مع أني لم أفهم كيف حشرت الرياء في سياق هذا الكلام وما وجه الإستلال فيه!!!اول شي الرد على المهندسة ساميا
اذا القصة قصة الناس و حكي الناس فمعك حق و لكن اظن ان هذا ما تسمونه بالرياء و حب الظهور بمظهر غير الذي انتم عليه و لا اعرف عن اي اشاعة تتكلمين هل الاشاعة التى سوف يتناقلها الناس اني سلمت على بنت من القلمون في طرابلس و كلمتها ؟
ام اني جلست بالقرب منها في التكسي؟
وهنا لا بد لي أن أسجل موقف تأييد للأخ الكريم (أبو حسن) فيما ذهب إليهوهذا بالفعل ما قصدته من الإشارة إلى ضرورة سد الذرائع على المصطادين في الماء العكر أو الساعين في الأرض فساداً بالخوض فيما لا يعلمون ولو كان هتكاً لأعراض الناس أو مساساً بكرامتهم.. وكم مرة كانت تصرفات غير مسؤولة من فتاة لا تقدر العواقب، وتتجاوز حدود الكلام والمزح مع الشباب، سبباً لخسارتها في مجالات شتى أهمها عزوف الشباب عن مجرد التفكير بالإرتباط بمثلها..الموضوع ليس بهذه البساطة، بل هو بحاجة للتفصيل ...
وقد أشار الأخ زاهر إلى نقطة مهمة جدا، فلا فرق بين داخل القرية وخارجها بل الأمر سيان من حيث المبدأ، والفرق الوحيد هو أن خارج القرية ينبغي للشاب أن يكون أكثر كياسة وفطنة، فقد تكون الفتاة في موقف تحتاج معه إلى مساعدة وتخجل من طلبها، بينما داخل القرية الموضوع أيسر من هذه الناحية.
ولا شك عندي، وبناء على ما عشته ورأيته، في أن شبابنا في هذا الموضوع، وأنا واحد منهم، يترددون بين الغالي والمجافي، وقليل منهم من يعدل فيه
فالنظر في هذا الموضوع يجمع بين الشرع والعرف. ولكل موقف فقهه الخاص به وفق ظروفه وملابساته.
ولنأخذ مثالا بسيطا، رغم كثرة الأمثلة، وهو مثال يُعبّر عن رأيي في الموضوع، ركوب المرأة مع رجل لوحدهما في السيارة من طرابلس إلى القلمون أو العكس. فقد راجعت المسألة من الناحية الفقهية مع كثير من مشايخنا في القلمون وطرابلس، والفتيا فيها الجواز بشروط، وقس على ذلك ركوبها في التاكسي، وشروطها ألا تكون المسافة مسافة سفر، وأن يكون المسلك أو الطريق مأمونا، وأن يكون لضرورة (وليس للكزدار)، وأن يكون من الأمور مقبولة عرفا، وبعضهم اشترط الثقة في دين السائق وبعضهم لم يشترطه لأنه تشديد في غير محله (وهو الأرجح عندي).
لكن لنتخيل أن فتاة من قريتنا تدأب على ركوب السيارة يوميا أو لنقل مرة في الأسبوع مع أحد الشباب يوصلها إلى الجامعة أو العكس، ما هي نظرة المجتمع أو ما هو عُرف قريتنا في هذين ؟
هنا يأتي اتقاء الشبهات ...
لكن لنقل أن الطقس ماطر جدا، وأن إحدى الفتيات، تتبهدل تحت المطر لتصل إلى ساحة التل، هل يتركها الشاب أم يوصلها بسيارته خصوصا إن كان الحكم الشرعي هو الجواز ؟
أما السلام العابر والذي ربما يحدث مرة واحدة في العمر عندما يلتقي إثنان خارج البلدة، في السوق أو أي مكان آخر، والمساعدة الطارئة والتي هي بدورها نادرة الحدوث وليست الأصل، وكل ما يلحق ذلك من وقائع، فكلها أمور تقدر بقدرها والتصرف فيها يكون بما يتناسب مع الموقف دون إغفال أن الله تعالى رقيب علينا ويعلم سرنا وجهرنا.. والله تعالى أعلم وأحكم..
عضو نشيط
بارك الله بك
أنا أتفق مع الأخت ساميا بوجهت النظر هذه 100\100
عضو نشيط
اتفقوا مع بعضكن و أيدوا بعضكم على هذه الأراء التى لا ادري من اين تأتون بها
ولا ادري عندما يقول احدهم انه لا يريد ان يراه الناس و يتكلموا عليه ماذا تسمون ذلك أليس رياء؟و لكن اظن اننا سوف نتفق على فكرة انه من المهم مساعدة البنات خارج القرية و ذلك ضمن اخلاقيات الانسان الآدمي
أبو عُمر - العضو صاحب أفضل توقيع
يا هلا بالحبيب محمد .....موضوع حلو....
يعني هيدي شغلة لازم الواحد يفكر فيا .......
طيب قول شفتها بالجامعة بتحكيا وبتتساير أنت واياها لأن من ضيعتك ؟؟!!
أنا من ناحيتي إذا شفت بنت من ضيعة بالجامعة مثلاً بحب حكيا وسايرا(أكيد مانو تء حنك...) وشوف إذا بدا شي وساعدا في.....بس بدلو في بنات بس شوفون والله بتلبّك شوية لأن ما بعرف إذا لازم حكيا.....يعني بحسون يمكن رح يفهموني غلط أو شي!!!!...فبستحي إني حكيون....
وأنا بالنهاية عندي أخت وبحب إذا كان بدّا مساعدة برات الضيعة بوجود ءلامنة يساعدوا......بس أكيد يعني مانو تء حنك.....
مثلا هل من الممكن أن تجلس في قربها بالtaxi ؟؟؟!!
والله يا سيدنا إذا كانت القصة إذا مانت القصة إنو خلص البنت بدّا تؤعود جنب شب (وفي شباب غربا)......آ بئعد أنا جنبا لأن ما بعرف الشب الغريب إذا بيتأمنلو.....وكل هيدا أكيد بعد ما إسألا....بس أكيد بدّو يكون في مسافة بيناتنا
وإذا كنت وحدك بسيارتك بتجيبها معك ؟؟؟!!
والله يا حبيبي هيدي صعبة شوية.............
بس بتصير بحالات معينة ومننون إذا كان الوئت متأخر(أمرار الصرفة بتكون الساعو 5:00 وبالشتوية بيكون بعد المغرب) وشته ومافي تكاسي كتير(والتاكسي إلي بيمروء ما بيكون معو حدن أو بيكون معو شباب.....) آ أكيد بسألا إذا بتسمحلي وصّلا....وإذا ما إبلت بؤلا آه لعمرك وزمانك ...الحء عليي أنا عم أعمل منيح...هههههه ....عم إمزح....يعني إذا ما إبلت بسألا بأيش فيني ساعدة ....وبجرّب ءونطر معا ووءفلا تكسي
بنشوف كتير من الشباب، بتلاقي بالضيعة ما بيحكي مع حدا ولكن برات الضيعة معليش؟؟!!
يعني بالمختصر المفيد إذا كان بهدف المساعدة وكان الكلا متجرّد منما لايرضاه الله من تء الحنك...آه معليش والله أعلم....وكل واحد بيعرف من نفسو
نراكم
كن عن همومك معرضاً..... و كل الامور الى القضا
و ابشر بخيرٍ عاجلٍ....تنسى به ما قد مضى
فلربما وسع المضيق.... ولربما ضاق الفضا
ولرُبَّ امرٍ مغرضٍ.... لك في عواقبه الرضا
أبو عُمر - العضو صاحب أفضل توقيع
يعني أنا ما كنت ءاري الردود......بس هلء ئريت ردود الأخ أبو حسن والأخت ساميا وإبن الخالة عمر ......ويعني كلام واضح ومقنع ما في تعئيد ..بالعكس تبسطت القصة عالآخر ووضحت ....وأنا بوافءون 100%
كن عن همومك معرضاً..... و كل الامور الى القضا
و ابشر بخيرٍ عاجلٍ....تنسى به ما قد مضى
فلربما وسع المضيق.... ولربما ضاق الفضا
ولرُبَّ امرٍ مغرضٍ.... لك في عواقبه الرضا
عضو نشيط
من جديد السلام عليكم
والله الموضوع قطع أشواط ما رح لحق رد عكل شي ........
بعتذر كنت مشغول ...........لأن أنا من طرح الموضوع ويجب أن أتابعه ........
أرجو من الأخوة وخاصة أبو النكد وأبو جهل احترام الغير وخاصة الكبار منهم وأخص الأخوات .....
أنا طرحت الموضوع لأن كنت متخيل متل ما عم يقول البعض أنه إذا شفت واحدة قلمونية بطرابلس ما بيصير أنه ما تسلم عليها أو حتى أنه تتطلع فيها لتشوف كنه بدها مساعده ......
بس أنا رح قلكن سر أنه تغيرت وجهت نظري أنا وببيروت ..............
هل إذا رأيت واحدة من القلمون تمشي مع شباب ببيروت رح تنظر لها ولو عم تموت ؟؟؟!!!
لأن أنا هادا يلي شفتو
أنا بقلك لأ (بس إذا عم تموت لا تصدق لأن قلبي ما بيطاوعني أتركها .....)إنسانياً مو منشان شي .......
ولكن قصة أنه إذا شفت صبية قلمونية بطرابلس وحدا ؟؟!!
شعم تعمل يعني ؟؟!! وين الحياء ؟؟!!
وين المحرم ؟؟!!
هل الشرع يقبل أن تكون المرأة وحدها خارج ضيعتها بدون محرم ؟؟!!!
والله اسأل مليون عالم إذا واحد بيفتيها ؟؟؟؟؟!!!!!!!!
أنا طرحت الموضوع وعارف أنه في كتير تشعبات ..............
أبو حسن :
فالنظر في هذا الموضوع يجمع بين الشرع والعرف.
أقول للأخ أبو حسن _حفظه الله _ الجمع بين أمرين يعني أن تتنازل بشيء يسير من كلا الطرفين فهل يمكن أن نتنازل من شيء من الشرع ؟؟؟؟؟؟
أكيد لا يمكن التنازل!!!!!!!
أعود للموضوع
لا يمكن التعامل مع جميع الفتيات بشكل واحد !!
لأن إذا متل ما ذكرت أنه شفت واحدة ماشية مع شباب ما رح اسأل عنا لأن هي مش فرقانة معها ؟؟؟!!
بس إذا كانت واحدة ملتزمة(بأخلاق) بيصير وقتها بتشوف ممكن تكون بحاجة إلى مساعدة أو لأ ؟؟
وبتشوف أنت كنه الوقت بيسمح تلقي السلام ولا لأ ؟؟!!
عضو نشيط
رد: كيف تتعامل مع بنت الضيعة خارج الضيعة؟؟!!
حقيقة انا تعرضت كثيرا لمثل هكذا مواقف واكثر من ذلك
*لمدة سنة دراسية كاملة في معظم ايامها كنت ارجع ليلاً من الجامعة وكانت احدى الفتيات معي بالجامعة ، واحيانا كنا نضطر للرجوع مسافة ليست بيسيرة مشيا على الأقدام حتى نصل الى موقف تاكسي، ومن المعلوم انو الفتاة كانت ترجع مشيا ايضاً
كيف كان تعاملي معها؟؟؟
في بداية الأمر (اول مشوار لنا بالرجعة يعني) كان الموقف حرجا جدا لأني لم اواجه مثل هكذا امر بحياتي من قبل، وانا والفتاة رجعنا مشي مسافة منيحة .
أول تصرف كان اني سبقت الفتاة بحيث تكون خلفي وبيني وبينها مسافة حوالي 3 امتار ولم حصل اي كلام بيني وبينا ، بس كنت كل شوي اطلع بطرف عيني للخلف كرمال اطمن اذا لساتا وراي وهيك بريح بالي(في نفس الوقت كنت مرتبك وخصوصا انو كان الوقت بالليل وأول مرة) والطرفة انو من عادتي اني بمشي بسرعة والبنت يا حرام اكيد هلكت كرمال تلحئ فيني:d
المهم لما شفت تاكسي عالطريق (عالقلمــــــــون؟؟؟ (آ)) طلعنا وكمان نطرنا شوية تيعبي الطلب 5 ركاب
تجرأت وحكيت معا (لأني لئيت انو ضروري إشرحلا الوضع خصوصا انو ممكن كتير يتكرر هيك موقف ولساتنا بأول العام الدراسي)
فاعتذرت منا عالتصرف وخبرتا إني عملت هالشي كرمال اتقاء الشبهات وانو هيك احفظ للسمعتي وسمعتا وخصوصا اني شب ملتحي( وقناعتي باللحية انو اللحية بتربي الشب منو الشب بربي اللحية) ومحسوب عالملتزمين وهي بنت خلوقة ومتحجبة بس كان لساتا بأول طريق الالتزام.
وشرحتلا قصة موسى عليه السلام وكيف كان تعاملو مع البنات يلي شافن على ضفة البحيرة وكيف تعامل معن لما مشيوا ورجعوا عالبيت وقست (قياس) هالشي على وضعنا(لأن من الطبيعي ما اترك البنت ترجع لوحدا وخصوصا بالليل، ولا كمان يصير في اختلاط او احتكاك مباشر (لا افراط ولا تفريط) )
دليل من القرآن الكريم والسنة النبوية كيف يتم التعامل مع الفتاة في حال الضرورة{وَلَمَّا وَرَدَ مَاء مَدْيَنَ وَجَدَ عَلَيْهِ أُمَّةً مِّنَ النَّاسِ يَسْقُونَ وَوَجَدَ مِن دُونِهِمُ امْرَأتَيْنِ تَذُودَانِ قَالَ مَا خَطْبُكُمَا(لفتة بسيطة انو موسى عليه السلام تكلم مع الفتاتين لضرورة وساعدن بتعباية المياه لأن في رجال كتير عالبحيرة والبنات ما لهن عين يأربو(متل حال بناتنا اليوم ع فرن عيشة وبالضيعة و.....)) قَالَتَا لا نَسْقِي حَتَّى يُصْدِرَ الرِّعَاء وَأَبُونَا شَيْخٌ كَبِيرٌ }القصص23
{فَسَقَى لَهُمَا(ضرورة المساعدة) ثُمَّ تَوَلَّى إِلَى الظِّلِّ فَقَالَ رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ }القصص24
{فَجَاءتْهُ إِحْدَاهُمَا تَمْشِي عَلَى اسْتِحْيَاء(اهم صفة بالبنت لكي تعرض عليها المساعدة او تساعدها) قَالَتْ إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ لَنَا فَلَمَّا جَاءهُ وَقَصَّ عَلَيْهِ الْقَصَصَ قَالَ لا تَخَفْ نَجَوْتَ مِنَ الْقَوْمِ الظَّالِمِينَ }القصص25
وهنا في عندي بعض النقاط او الوقفات تعليقا على الآيات الكريمات:
1-ربنا عز وجل هو اعلم الناس بحال الناس، لذلك انزل هذه الآيات الكريمات وسرد فيها القصص إن صح التعبير كي نعتبر منها ونأخذ العبر والأفكار ونطبقها واقعا عمليا في حياتنا ومتل ما بؤل يحى حوى(حياتي كلها لله:d)
2- موسى عليه السلام(هو خارج بلدو وهي خارج ضيعتا) تعرض لنفس الموقف الذي يتعرض له اي شاب وأي فتاة في كل زمان ومكان فالأنبياء قدوة لنا وعلينا ان نقتدي بهم في كل زمان ومكان، وإذا لاحظتو انو ساعدهن ورجع تولى الى مكان آخر (يعني ما صار في لت وعجن وكيفكن ومدري ايش و.....(كلام على قدر الحاجة فقط))
3- لاحظوا انو كان في حياء شديد بالفتاة لما طلبت منو طلب تاني (وعلى قدر ما يكون الادب والحياء موجود بالفتاة على قدر ما بتشجعني اني اخدما وحطا ع راسي من فوق)
4- يُروا انو لما الفتاة طلبت من موسى يُوصل معن عالبيت قَبِلَ موسى عليه
السلام ولكن لاحظو كيف كانت مشيتُن:
ورد في التفسير انو الفتاتين مشيو في الخلف وموسى عليه السلام مشى في
المقدمة (علما انو لازم يصير العكس ازا حكينا للضروة لأن موسى عليه
السلام ما بيعرف طريق البيت فلازم تمشي البنت ابل الشب كرمال يدلو
عالبيت هيك بعرفنا للأسف) لكن لشدة الادب والحياء الموجود عند كلا
الطرفين تم التصرف السليم والصحيح، حتى انو لشدة حياء الفتاة عندما
يمرون على طريق فيه مفرقين كانت تمسك بحجارة وترمي امام موسى الحجر
على الطريق السليم كي يعرف من اين لازم يمر (وهون في طرفة انو لما
كنت عم احكي القصة للفتاة يلي كانت معي ألتلا ما تمسكي حجار بعرف
الطريق احسن ما انفدغ ههههههههههه فرطت الضحك)
5- لاحظوا انو نهاية القصة مع موسى عليه السلام كانت بالزواج من الفتاة علماً انو هالشي ما كان بالوارد ابداً، وهالشي إن دل فإنه يدل على تيسير الله عز وجل للحال، فلإنسان ان مشى على خير وطبق شرع الله واتقى الله
وكما قال تعالى ( وَمَن يَتَّقِ اللَّهَ يَجْعَل لَّهُ مَخْرَجاً وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ)
فموسى عليه السلام اتقى الله في تعامله مع الفتاة ،(لاحظو يا اخوة ويا اخوات الآية -وَيَرْزُقْهُ مِنْ حَيْثُ لَا يَحْتَسِبُ - كيف رزق موسى شيئا لا يحتسبه ابداً ولم يكن في وارده، وخصوصا انه كان هارباً مهدد في اي لحظة بالقتل من قبل قومه ولا يملك حتى ثمن الأكل او تغيير لباسه) ورغم ذلك جعل الله له مخرجا وجعلها من نصيبه
فيــــــــــــــا شباب ويا صبايااي شيء تتق الله فيه يجعل الله لك فيه مخرجا، لكن تحتاج الشغلة الى صدق مع والله وصبر (من يتق الله في مصدر رزقه يجعل الله له رزقا طيبا، وأنت وماشي......)
وهيك فهِّمت الأصة للأخت يلي كانت معي ، وعرضت عليا انو نطبق هالشي ونقتدي بسنة الأنبياء، ومن يوما صارت تحترمني كتير لأن فهمتا المسألة بكل رواء ووضوح واقتناع.
وصارت كل ما ترجع من الجامعة تعرف انو انا بمشي ادام وهي تمشي بالخلف وفي مسافة بيناتنا في 3 امتار بشكل بضل صوتا مسموع اذا بدا شي مني او حدا تحرج فيا ودلينا عالحالة لحديت انتهاء العام الدراسي.
والحمدلله انتهت الشغلة على خير
التعديل الأخير تم بواسطة الزاهر ; 19-10-2009 الساعة 01:23 PM
حميطون
رد: كيف تتعامل مع بنت الضيعة خارج الضيعة؟؟!!
بارك الله بك أخ ماهر على هذه المشاركه المميزه على كل الصعد ...
"سيد الشهداء حمزةُ بن عبد المطلب ورجُلٌ قام إلى إمام جائرٍ فأمرهُ ونهاهُ فقتله"
Le Chimiste
رد: كيف تتعامل مع بنت الضيعة خارج الضيعة؟؟!!
السلام عليكم.
الله يبارك فيك يا اخ ماهر على هالتحليل الرائع و عالتجربة التي وضعت النقاط على الحروف.
وكما ذكر الاخ محمد زيدان بمشاركة سابقة, البنت القلمونية برات الضيعة :
1-يا اما بتكون ملتزمة بالآداب العامة .ولو لم تكن محجبة ممكن تساعدها .
2-يا اما بتكون عم تعيش الضياع....وفي بعضون ما بيستحو مثلاً لما بتشوفون برات الالمون مع ناس غرب...وكأن لسان حالها يقول انو شوفوني اديش انا متحضرة قاعدة مع ناس غرب يا قلمونيين يا متخلفين..وبتكون عم تجلأ حكيها!!...منشان ما يتمرءعوها الغربية.
مين فاي يلخص الموضوع؟
يا الله يا اخ ماهر صار عندك خبرة بالقصة.
عضو نشيط
رد: كيف تتعامل مع بنت الضيعة خارج الضيعة؟؟!!
ما شاء الله .. الله يبارك فيكم على هالقصة الجميلة ذات النهاية الجميلة ..
عضو جديد
رد: كيف تتعامل مع بنت الضيعة خارج الضيعة؟؟!!
بارك الله بكم على الموضوع
ويا فلوريتا لو البنات احترموا وطبقوا نظام الله عز وجل كان كفاكم الله شر التلطيش
مشكروين على حرصكم على أعراض بنات القلمون
المشكلة باحدى المرات كنت بباص ببيروت بحكم انوا كل يوم بنزل بيروت وكان فيه بنت من الضيعة بس نص لابسه متل ما بيقولوا بس لو تعرضت لشي ما بعرف اذا كنت رح اتدخل أو لاء
عضو نشيط
رد: كيف تتعامل مع بنت الضيعة خارج الضيعة؟؟!!
عضو
رد: كيف تتعامل مع بنت الضيعة خارج الضيعة؟؟!!
أنا برأيي بتصل بأهلها وبشوف إذا بخلوها تطلع ، إذا اوكي برجع بتصل بأهلي لشوف إذا هنه بخلوني طلع بنت معي، ثم اتصل بالبلديه هيك بتكون القصة رسميه
عضو نشيط
رد: كيف تتعامل مع بنت الضيعة خارج الضيعة؟؟!!
ههههه..
أنا من جهتي أكيد بتصل بسأل أهلي اذا فيني اطلع ..لازم يكونو عارفين..
عضو نشيط
رد: كيف تتعامل مع بنت الضيعة خارج الضيعة؟؟!!
بارك الله بك اخ ماهر ، يلي عملتو شي حلو كتير وكلنا منشكرك عليه .
{رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا}
عضو جديد
رد: كيف تتعامل مع بنت الضيعة خارج الضيعة؟؟!!
وأنا إزانحيت بهيك موقف بفكر إنو إز كنت بعرف الشب معرفة مسبقة من الضيعو وعارفة أنو أهلي ما بيعارضاو ومعي بنات تانيين ممكن نطلع كلنا معاو بس وحداي لا واللّه!
هذا من وجهة نظري وكل انسان عندو تربايتو الخاصة ومعتأداتاو
التعديل الأخير تم بواسطة admin ; 19-12-2009 الساعة 06:17 PM
عضو جديد
رد: كيف تتعامل مع بنت الضيعة خارج الضيعة؟؟!!
إلا وبتطلع حدو مرة ختيارة عمرا شي ستمية ...من كتيرين الحكي اللي دمن تئيل و ما بينحملوا.... ديئتلي خلائي ...تحتا ألتلا هالأبيات الشعر :
جزاك الله شرا من عجوز ** ولقاك العقوق من البنينا
تنحي فاجلسي مني بعيدا ** اراح الله منك العالمينا
حياتك ما علمت حياة سوء ** وموتك قد يسر الصالحينا
أيشوّا؟؟؟؟!!!! ليش عم تتطلّوع تتعرف إز كانت صبية يامّا ختيارو؟!ما حكيتلي هالمغامروت!!شفتاو لايش فتت عالمنتدو؟!!ألّكن بالزّمانات معناتو بالأربعينات...بوأتو كنت مدفونة بشغل البيت يا حسرتاي!بس هلّأ عمكن بو رياض_بلا فضويح_أرّب عالستّينات بتعرفو شمعناتو!!لمهمّ هلّأ...البنت والشب المربّايين وان ما كاناو ما بيتدخلو ببعضن إلّا إز كان في مشكلة أو بدو الشب مساعدة بالدرس يعناي بالعلم أمّا هادي أصة معو سيورو ويوصلو ما يوصلو فهادي ما خرطت مشطي بالمرّو!!! لاش ويننّة؟آعدين بالصّحرو ما فاي تاكاساي؟إز ما لئيت محل جمب بنت تنطر تاكسي تاناي أو تتصل ببوا أو حدن من إهلو يجو يوخدوا وبأصعب الحالات تطلب تاكسي لها وحدا أو تروح مشي أشرف من أنو تركب مع شب مين ما كان يكون...
عضو جديد
رد: كيف تتعامل مع بنت الضيعة خارج الضيعة؟؟!!
اشكر الاخ محمد على هادو الموضوع و من جهتي انا مع الاخ زاهر %100 و اشكر الاخ ماهر على هادي القصة...
سلام...
ضوابط المشاركة
رد مع اقتباس
