الأكلات القلمونية

[جابر دملوك]

بسم الله و الحمد لله والصلاة والسلام على رسول الله

أعلم أنه من الأنسب أن يطرح هذا الموضوع من قبل الأخوات و لكن طال الوقت و لم ...

الموضوع بإختصار هو تعداد الأكلات القلمونية و شرح بسيط عن كيفية التحضير.

أرجو المشاركة.

[جابر دملوك]

زباع و زيت.

بعد فلق الرغيف تختار الفلقة السليمة فترش عليها نتفة زباع ثم تصب عليها زيت الزيتون القلموني اللذيذ مع بعض الملح و تلف اللفة.

[فشلان]

شنكليش

طريقة التحضير:تعود كم سنة إلى الوراء... تسمع بياع الشنكليش مارق وعم يقول: يالله عم الشنكليشة... تفتح الباب وتنزل وتطلب منه أن يعطيك قرص شنكليشة.. تدفع له المصاري.. وتطلع على البيت... تضع قرص الشنكليش بالصحن.. وتفرط نصفه وتصب فوقه زيت الزيتون القلموني... وتتذكر أنه لا يوجد خبز.... فتنط بسرعة إلى عيشة... وتشتري كيلو خبز على السريع... وتعود إلى البيت... لتجد أن أختك كانت مخبية الخبزات بالبراد... وقد أكملت الصحن... فتدعسها.. وهكذا...
طريقة كتير سهلة....

[Rola]

salam, eh walla ya fishlen zakaretni bel shanklish walla sarli men wa2et makent bi libenen manni ekletu ye3ni shi 4 snin w akeed bi 5obez 3aishe el tayeb eh walla ..... yalla salammm

[الزاهر]

شنكليش

طريقة التحضير:تعود كم سنة إلى الوراء... تسمع بياع الشنكليش مارق وعم يقول: يالله عم الشنكليشة... تفتح الباب وتنزل وتطلب منه أن يعطيك قرص شنكليشة.. تدفع له المصاري.. وتطلع على البيت....

يا أخي الكريم سمحلي ألك إنك ظالم .......يعني هلأ بياع الشنكليش هيك كان يؤول....الله يسامحك......

يالله عالسنكليشة.......يالله عالسنكليشة!!!!

لوووووووووووول!!!

[الزاهر]

لفّة الكيري مع الزهورات

طريقة التحضير: نفتح البراد ونخرج ثلاث قطع جبنة كيري، ثم نفتحها ونرمي القشرة في الزبالة. ومن ثم نمسحها على رغيف خبز زعرور. ونلف الخبزة حول نفسها فتصبح لفّة....

أما بالنسبة للزهورات: نغلي ماء في الإبريق الذي نحضره من مكان الأواني ونضع فيه مياه الصحة...وبعد أن يغلي نسكب الماء في كباية ونضع ظرف الزهورات بالماء.....

والله يا إخوان أكتر من هيك ما بعرف.......طول عمري عايش غنّوج الماما والبابا....
ما بعرف إقلي بيضة........

عم إمزح ها.....أصحا حدا يصدقني....إنو يعني صحيح قضيت رمضان الماضي كله وأنا أتسحر لفة كيري وزهورات. بس بعرف مشّي حالي بالطبخ......

والأكلة القلمونية (أو بالأصح ....الزاهرية....لأن لحد علمي أنا الوحيد بالعالم الذي يأكلها) التي أحبها وأعشقها.....هي.......ددددم!!!....ددددم!!!.....

الأرُز بالحامض

بتخلي الماما تعملك رز (لأن أنا ما بعرف أطبخ.....الماما بتعملي.....أما بالنسبة لكم، ما بعرف) وبعد أن تحضر الماما الأرز، نحضر مراكبية من عند أديب....إنو صحيح في طُعم مراكبي عنا بالحئلة بس ما إلي مروة إنزل أقطف منو......ومنعصر المراكبية فوق الأرز....يعني المهم يصير في زوم منيح.....
وهيك تخلص الطبخة.....شو رأيكم ؟! سهلة مو!!!

يالله موضوع شيق لكن للأسف أنا متل ما ألتلكم .....مغنّج كتير وما بعرف شي عن الطبخ......أكتر شي بعرف إعمل شاي وبيض مألي....آسف يا عمي جابر...

السلام عليكم

[الزاهر]

يالله بكرة إن شاء الله بسألكم ستي آمنة كيف بيعملو "المدفونة" و"المأبورة" و "السبانخ بحمّيضة" وهالأكلات القلمونية.....بس هلأ متل ما شفتو.....خلينا عالكيري والزهورات....


سلام

[مصطفى معتوق]

يا جماعة ليش ما عنا موضوع بيعدد الاكلات القلمونية الشعبية ؟؟

انا رح بلش

[مصطفى معتوق]

من الإكلات القلمونية الشعبية :" كباب الحيلة "

[مصطفى معتوق]

من الإكلات القلمونية الشعبية :" كوسا بلبن"

[مصطفى معتوق]

من الإكلات القلمونية الشعبية :" كوسا بزوم بندورة"

[مصطفى معتوق]

من الإكلات القلمونية الشعبية :" ورق عنب بلحمة"

[همسة]

جزمظ؟؟.. مآدم الارانب ؟؟.. هول ما فهمتن !!

بس اللي قلتوهم مش بس اكلات قلمونية .. يعني موجودين بغير مطارح كمان ..

[الزاهر]

أكلات قلمونية ما ضروري تكون "خاصة بأهل القلمون"............لكن هذا ما يأكله أهل القلمون!!

خبرونا........ شو أهم الأكلات عندكم؟؟؟..............وهل هي معتمدة على النباتيات أم اللحوم؟؟

[همسة]

أكلات قلمونية ما ضروري تكون "خاصة بأهل القلمون"............لكن هذا ما يأكله أهل القلمون!!

خبرونا........ شو أهم الأكلات عندكم؟؟؟..............وهل هي معتمدة على النباتيات أم اللحوم؟؟

ايه اخ زاهر .. يعني ما بتفرق كتير عنكم.. يعني انتو ما عايشين بزحل و لا نحنا بالمريخ !! .. كل الاكلات اللي ذكرتوا موجودة ما عدا الجزمط و مآدم الارانب .. لانو ما بعرف شو هني !! ( بدي حدا يترجملي )..

[الزاهر]

ايه اخ زاهر .. يعني ما بتفرق كتير عنكم.. يعني انتو ما عايشين بزحل و لا نحنا بالمريخ !! .. كل الاكلات اللي ذكرتوا موجودة ما عدا الجزمط و مآدم الارانب .. لانو ما بعرف شو هني !! ( بدي حدا يترجملي )..

إذا كلها معناتو حضرتكن من سكان الساحل متلنا...........



المهم..............من فترة كانت ستي عاملة هادي اللي اسمها مآدم الأرانب..............بس ما صرتلي فرصة شوف شو هية............أو أعرف من شو بيعملوها..............ولا هاديك التانية اللي اسمها سئيل!!!...........إذا حدا بيعرف من شو بيحضروهم وكيف يخبرنا..........وينك يا نادين تحطيلنا ياهم بموضوعك؟؟!!

[Nader 3:16]

في عنا كباب الحيلة....مع كبة راهب

هادي كتييييير طيبة!!!! في منها عندكم يا همسة؟؟..

[همسة]

ايه عنا .. كبة راهب .. منعمل معها كبة بالصينية.. ( بس مش متل حشوة الكبة العادية بتكون الحشوة مختلفة فيها بصل و زبيب و .. )

بس كباب الحيلة ما فهمت شو يعني ...

[أيمن غ القلموني]

ايه عنا .. كبة راهب .. منعمل معها كبة بالصينية.. ( بس مش متل حشوة الكبة العادية بتكون الحشوة مختلفة فيها بصل و زبيب و .. )

بس كباب الحيلة ما فهمت شو يعني ...

بدك نصيحتي ، القلامنة مفكرين حالون بياكلو شي محدا بياكل منو .
إنت شو عندكن أكلات مميزة ، حطيلنا ياها ، مع المقادير إذا فيكي ، لأن سامع تنخيزات من شباب إن إكلكون أطيب ، فمنجرب إن شاء الله.

[الزاهر]

بس كباب الحيلة ما فهمت شو يعني ...

من الأكلات المفضلة عندي هادي.........فيها العدس والحامض .......
وبيعملو كباتيل ، كبكوبات، طابات (سميهم اللي بدك ياه) بحجم حب البونبون من برغل وبيطبخوهم فيهم..............كتير طيبة خصوصي مع حامض الزفير..........وخصوصي زفير كرم ستي (الله يرحمها)........

ويا أيمن طبخ هالأيام كلو ما بيتاكل...........بدك حدى بيطبخ طبخ أصيل.........متل ستي آمنة (الله يحفظها) وأمي وخالاتي .....وإلا لا تعزب راسك!!!.........بكل تواضع يعني!!!

[عبد الله]

الطاجن وما أدراكما الطاجن
يعني ما شاء الله كل بيت بيتفنن فيها على ذوقهم واذا ما بتعرفوها نوافيكم بطريقة طبخها لاحقا

[أيمن غ القلموني]

من الأكلات المفضلة عندي هادي.........فيها العدس والحامض .......
وبيعملو كباتيل ، كبكوبات، طابات (سميهم اللي بدك ياه) بحجم حب البونبون من برغل وبيطبخوهم فيهم..............كتير طيبة خصوصي مع حامض الزفير..........وخصوصي زفير كرم ستي (الله يرحمها)........

ويا أيمن طبخ هالأيام كلو ما بيتاكل...........بدك حدى بيطبخ طبخ أصيل.........متل ستي آمنة (الله يحفظها) وأمي وخالاتي .....وإلا لا تعزب راسك!!!.........بكل تواضع يعني!!!

والله يا زاهر ، معك حق .
شو رأيك تطلعوا بمشروع تعلموا بنات هالإيام الطبخ الأصيل ، وكل يوم بتستضيفوا
إحدى المربيات من الجيل الأصيل.

[الزاهر]

مين ألك منو طالع.........المشروع شبه جاهز........بس ناطرين ليصير فينا نعملو إن شاء الله!!!!
ههههههههههههههه

[الريس]

شي هالهمة العالية حوطكم بالله ، بعدنا اكل ، بدنا طبخ ، لحد هلأ كلو منعرفو .........

وين النسواين ، شاطرين بطأ الحنك وبس ما هيكة ...؟؟؟

[الزاهر]

بتذكر بايام المدرسة كنا كل يوم لازم ناكل بيضة مسلوقة مع كباية حليب نيدو

كيفية التحضير: اول شي منجيب طنجرة ومنحط البيض بقلبها وبعدين منغمرهم بالماء.
وهلق منشعل النار ومنحط الطنجرة حتى ينسلقو . الشغلة بتاخدلها شي 15 دقيقة.
ما في داعي تقعدو تنطرو لحتى يخلصو , نسيتو لازم تحضرو الحليب ولا بدك تقليلو مروة وما بدكن تعملو حليب؟ يلا قولو يا رب. هلق منشان تعملو حليب: اول شي جيبو البريق وعبو ماء وبعدين حطو على النار حتى يغلي , ما بياخد وئت كتير ت يغلي يييي شو قليلين المروة وبتحبو تقعدو , قومو شوفو اذا غلي يلا قبل ما تنشف المي, المفروض انو تحطو ملعقتين حليب بودرة مع نصف ملعقة سكر.وبعدان بتضيفو الماء المغلي.
هلق اكيد بكون البيض انسلق, بتطفو النار عن النار وبتكبو الماء عن البيض بالمجلة اذا ما كان المي منشف, بعدان فتحو الماء البارد على الطنجرة منشان ما يحترقو اديكن, قشرو البيض ورشولو شوية ملح واذا بدكن شوية بهار.

يب أنا بدي افهم.....بدي استوعب.....بدي يفرز دماغي

أي لغة عم تحكي.....ألموني؟؟ ولا درزي؟؟

ولا كوكتيل!!!!
لأ الأكيد كوكتيل.......يعني ما المفروض تقولي منقلي ....قال لازم تقولي منألي
وقال كمان لازم تقولي يحترؤو بدل يحترقو.....

بس أنا بحب الكوكتيل......خاصة مع شوية عسل.......مممممممممممممم!!!!!

شو رأيك .....طيب (منيح) الواحد يحكي كوكتيل؟!

ما بيصير.....ما تؤومي بتحكي بنتك كوكتيل بالبيت.....عرنغليزي (عربي انغليزي) بتطلع بالآخر ما بتعرف تحكي الـ 2......أصحاكي ها......نصيحة!!!!

سلام

[المجاهد]

yeslam toak ya khayi saer ma3ak ha2 100% mafi 2atyab min man2ouchet 3aycheh 2abadan w allah y2aderna nakola 3an 2arib

[Rola]

Salam, shu ra2ikon bel roz b7alib el ta2ira = bitijb 7alib manou mdawab w bitdawbu bi2aleb tanjra w bas itdawbu bitjib el roz w bitdifu 3leh bit7itilon sikar w mazahr w maward w bit7iton 3al nar w bitdal t7arikon mishen mayishe3tu men ta7et madaruri tdal bas kel 2 minute ta2irban ba3dein bisiru yejmadu se3eta eh dal 7arek tayijmadu mnih, bitshilon w bit7iton bi s7un aw sayniye bas yeberdu inu manon sikhnin ba2a bit7iton bel barad w ba3dein btekol w d3oulii li2an ana haidik el marra se3edet imi bi 3amla w ktir til3u taybin jarbuwaaaa salammmmmmmmmm w matinsuu teterkuli shi sa7en ta2i3tikon ra2yi

[الريس]

مع احترامي لجميع الأكلات يلي سبق وانذكرت وأصحابها ، بس أنا برأيي انو كلهم ما لهم معنى لأنهم بايخين ، و(حُذفت) بيعرف يعملهم ، بس الاكلات الحلوين والطبخ هلأ بلش يبين ، من شي ظهرت الحجة رولا ، بس كان بدنا منها تحطلنا العيارات والمقادير مع الكميات يعني .


انا كنت قايل انو بالقلمون ما في بنات بيعرفوا يطبخوا وكنت عم انصح الشباب يخدوا من برات القلمون ، بس هلأ اتبين انو في بنات خرج يستلموا بيوت ، لحد هلأ اسا مانهم كتار ، يعني اسا ما بين عنا غير واحدة منهم ، يلا تنشوف مين رح تكون التانية ، وهل هالواحدة يلي بينت كمان ، قادرة تستلم بيت من جميع النواحي ، يعني ناحية الطبخ شفناها ، والناحية الدينية شكلها بتحط مواضيع دينية واسلامية ، يعني شكلها بتحب الدين ، وبالتالي هي بنت محجبة و...... يعني الناحية الأخلاقية والدينية كمان ما في مشكل ، اسا ناقص نعرف اذا بتعرف تربي ولاد ، شو يا حجة بتعرفي ؟؟؟ وكمان ناقس انو نشوف اذا عقلها بينسجم مع عقل الشب يلي بدو ياها ، وقبل كل شي لازم نشوف اذا أبوها بدو يزوجها ؟؟

قومي سأليه ورديلنا خبر ، بس مش مشاني أنا ، مشان اندبرلك ، أنا مدبر ومخلص .

[Rola]

salam, bit7it 9 kiboyet 7alib w kiboyet roz bit7iton 3al nar tayistiwi el roz w ba3den bitzidlon el sikar 7asab enta ade badak t7ot w shwayet mazahr w maward ye3ne ta2riban nos kibeyet mazahr w nos maward....salam

[samer kouta]

salam, bit7it 9 kiboyet 7alib w kiboyet roz bit7iton 3al nar tayistiwi el roz w ba3den bitzidlon el sikar 7asab enta ade badak t7ot w shwayet mazahr w maward ye3ne ta2riban nos kibeyet mazahr w nos maward....salam

bass men7ott al kebbayat abel manfout 3ala al mostashfa walla ba3ed baddna na3ref hehehehe

[فشلان]

مع احترامي لجميع الأكلات يلي سبق وانذكرت وأصحابها ، بس أنا برأيي انو كلهم ما لهم معنى لأنهم بايخين ، والجحش بيعرف يعملهم ،

ليك.. (حُذفت) بيعرف يعمل بيض مسلوق؟؟؟؟؟؟؟؟؟؟؟

ولك دوووووووووووووووووووووووووع

[الريس]

ولك آه بيعرف ، ولا مفكر (حُذفت) قاعدين بلا بيض مسلوق هلأ ، بيسلق وبيقلي وبيشوي كمان اذا بدك .

واذا مش مصدق بس تشوفوا اسألوا ، أو في قدامك حلّ تاني ، تزوجلك شي (حُذفت) وشوف انها بتعرف تعمل هلإكلات ولا لأ .

ولك دع

[فشلان]

والله معو حق الشامي... ما بذكرني الريس غير بالمهند سيف أبو شفرة..
وأنا الحقيقة بس حدا يجاوبني بهالمستوى العالي من الأخلاق.. ما بيعاود فيني جاوب.. بنلجم لجم يا زلمة...

بس بالله عليكم يا مشرفين يلي إيدكم والحذف... ما لاحظتو إنو الكلمة يلي ركضتو وحذفتوها موجودة بالتضمين يلي أنا حاطوا؟؟؟؟؟ شو عملتو هلأ؟

ولك دووووووووووووووووووووووووووع