تلاعبوا بالموروثات فنالوا نوبل الطب

[وسيم أحمد الفلو]

فاز الأميركيان ماريو آر. كابيتشي واوليفر سميثيز والبريطاني مارتن جاي ايفانز بجائزة نوبل للطب لأبحاثهم على الخلايا الجذعية الجنينية التي نجحوا من خلالها في توليد "فئران معدلة وراثياً" ما يساعد على فهم دور الجينات في أمراض مستعصية مثل السكري وداء القلب والسرطان.
وقالت هيئة نوبل من معهد كارولينسكا في السويد الذي يمنح الجائزة، إنها كرمت العلماء لاكتشافهم طريقة التلاعب بالمكونات الوراثية (الجينية) والخلايا الجذعية الجنينية في الفئران، بهدف توليد فئران تحمل أمراضاً تصيب البشر. أضافت أن اكتشافات العلماء المتعلقة بدمج مكونات الحمض الريبي النووي منقوص الأوكسجين (دي ان ايه) وتوجيه الخلايا الجذعية الجنينية لدى الثدييات، أدى الى اختراع تكنولوجيا تتمتع بقدرات تطبيقية هائلة. ويطلق على الاختراع من الناحية التقنية اسم استهداف المورثات (الجينات).
وأكدت أن الفئران المعدلة وراثياً توفر للباحثين نماذج مخبرية تشكل مدخلاً لمعرفة طريقة حدوث وتطور العديد من الأمراض، من بينهما الالزهايمر والسرطان وكيفية الاستجابة للعقارات الجديدة، وإن العلماء يستطيعون بفضل عمل الثلاثة الآن تحديد دور مورثات بعينها، وهو ما يعتبر اختراقاً أدى الى "إحداث ثورة في علم الحياة".
وجرى حتى الآن استهداف أو تعديل أكثر من 10 آلاف مورثة (جينية) في الفئران، أي نحو نصف عدد الجينات في السلسلة الوراثية لهذه الثدييات.
ويتم تعديل الجينات في عملية من خطوتين. الأولى هي نزع مورثة سليمة من سلسلة مورثات الحيوان المستهدف باستخدام "مقصات" كيميائية مثل الانزيمات، والثانية استبدال تلك المورثة بأخرى معدلة، أي مورثة تحمل عيباً يؤدي الى إصابة الفأر بالمرض المراد دراسته. ويكمن التحدي الكبير في تحديد الجين المراد استئصاله واستبداله بجين آخر يحل محله بالضبط.
ولد البريطاني مارتن ايفانز عام 1941، وحصل على لقب فارس (سير) من الملكة اليزابيث، وهو مدير كلية العلوم الاحيائية وأستاذ علوم المورثات في الثدييات في جامعة كارديف في بريطانيا.
أما الأميركي الايطالي المولد كابيتشي فقد احتفل بعيد ميلاده السبعين يوم السبت الماضي، وهو أستاذ في علم المورثات البشرية والبيولوجيا في جامعة يوتاه. وزميله سميثيز الأستاذ في علم الأمراض والطب في جامعة كارولاينا الشمالية في تشابل هيل، ولد في بريطانيا عام 1925. والتقيا في الولايات المتحدة حيث أصبحا أميركيين.
وجائزة نوبل للطب هي أول جائزة نوبل تعلن هذا الموسم. ومن المقرر أن يتم الإعلان عن جائزة نوبل في الفيزياء اليوم تليها جائزة الكيمياء الاربعاء. أما جائزة نوبل للآداب، فسيتم الإعلان عنها الخميس وجائزة نوبل للسلام الجمعة. وستتختم الجوائز بجائزة نوبل في الاقتصاد في 15 تشرين الأول (اكتوبر) الجاري.
وسيجري حفل توزيع الجوائز في ستوكهولم في 10 كانون الأول (ديسمبر) المقبل.

(ا ف ب، ا ب، رويترز، ي ب ا)

[Nader 3:16]

(بدمج مكونات الحمض الريبي النووي منقوص الأوكسجين )


يعني لو كتبتها بالصيني احسن!!!!!
acide desoxyribose مو أحلى؟؟

المهم الموضوع جميل بس ان شاء الله ما يستحدثوا امراض جديدة من وراء هالتجارب الغير مضمونة!!!!!!

[وسيم أحمد الفلو]

والله ليك يا سبع أنا كل الChimie مني شايلو من أرضو
تقعد فسرلك شوهوة إلأسيد ... هلأ تحط شي عن نوبل الفيزياء بفسرلك

[Nader 3:16]

انا ما قلتلك اشرحلي شو هو الاسيد بس عم قلك لو بتكتب الكلمات العلمية بالفرنسي بكون احسن...

بعدين انتو لولا الchimie وين كنتو؟؟؟؟

لا تستطيع ان تلغي علم من العلوم لأنها كلها تتكامل لخدمة بعضها...

و الدليل انو نحنا يلي اخترعنالكم البطارية و صار في شي اسمو كهرباء...و هيك صار في قسم كبير بالفيزيك يهتم بالكهرباء...

و بتقلي منك شايل الchimie من ارضو....

و لك دوووووووووع انت و كل الفيزيائيين....

[وسيم أحمد الفلو]

ذكرتني بعمر فلو وبالجدال معو

ليك حبيبي كل الشيمي قاعدة ثلاثية.

في عالم فيزياء قال بالقرن الماضي لما سألو عن الشيمي إنو هالعلم ما بقا موجود لإنو كلو بيطلع من الميكانيك الكمومي ومعادلة شرودنجر، فروح يا معلم نادر تغطا ونام إنت وليد كوسا وعمر فلو.

[Nader 3:16]

من بساطة الكيمياء انها قاعدة ثلاثية....و بعدين مين قلك هيك في عنا logarithme و Integralle متل ما انت عندك....

بس انت عندكم خيال واسع و دائماً عندكم افتراضات و ما بعرف ايش!!!!!

بالنسبة لشرودنجر خليه يغير اسمو و بعدين خليه يحكي بين العالم!!!

نحنا كل نظرياتنا ملموسة و مبرهنة اما انتو يا حرام عليكم....
التجارب عندكم افتراضية....

فطلاع من هالابواب يا وسيم.....و بنصحك تعمل ورد يومي تقرا فيه ال Tableau periodique بكون احسن لاك!!!!!

و يا زاهر عارفك فايت تتهجم علينا بس لنا عودة ان شاء الله

[وسيم أحمد الفلو]

ولا نادر، إذا شرودنجر مبتعرفو، لشو عمتعمل شيمي؟؟؟!!!!!!!!!!!!!!!!

دخلك انا عندي سؤال محيرني :

شو إسمو إل CH3O2K3B6

أصلاً منكن شاطرين إلا تضيعو نص عمركن كيف بتسمو .... وبهيدا إلtableau تبع مندلييف.... إلي كلو بيطلع من نص معادلة بالفيزيك .

[الزاهر]

أنا بكل صراحة أترفع عن أن اعترف بوجود علم اسمه "كيمياء".......منوين جا هاد.....من أيام القرون الوسطى مؤ موجود هيك علم......انتهى!!!



عم امزح......بس ليك........على فكرة يا ابن الخالة.......هادول الكيميائيين مخهم متل علمهم.....مغلق وما بيفرز لبرا شي أبدا!!!!......

[Nader 3:16]

ليكو انت واياه صحيح تكاترتوا عليي بس ناطر احد الاعضاء الكيميائين متل و رح نشن هجوم عليكن....

[عبد الرحمن الفلو]

اذا مبسوط بالبطارية تبعيتكن شوف:

يعمل مجموعة من العلماء في مختبر أبحاث القوة الجوية الأمريكية على جعل البطارية الكهربائية للحاسب المحمول تعمل حتى ثلاثين عاماً دون الحاجة لإعادة الشحن. وتعمد فكرة بطاريات بيتافولتيك وهي المبنية من أشباه الموصلات على أن مادة مشعة radioisotopes تعمل كمصدر للطاقة أثناء تآكلها حيث ستعمل على تحويل الجزيئات التي ستتحول إلى الطاقة الكهربائية وهذه القوة يمكن أن تستخدم لتشغيل الأدوات مثل الحاسبات المحمولة و سينتهي عمل هذه المادة الموجودة في البطارية على مدى ثلاثين عاماً .
وهذه البطاريات يمكن أن تكون صغيرة ورقيقة جداً ومصنوعة من مادة السليكون المثقب والتي تستعمل لجمع نظائر الهيدروجين المشع الذي يولد هذه العلمية وحيث أنّ بطاريات بيتافولتيك تبدو نووية ولكنها ليست كذلك فهي لا تستعمل تقسيم عمليات المواد الكيمائية لإنتاج الطاقة وبالتالي فإنها لا تنتج مواد مشعة أو نفايات خطرة.
وبالإضافة لاستخدامها في أجهزة الحاسب المحمول وعند نجاحها في عدم إعادة الشحن لثلاثين عاما فإنها ستستطيع وبكل تأكيد في مساعدتك بقيادة السيارة دون إعادة شحن البطارية لمسافة تصل 1500-2000 ميل.

الباحثون لم يحددوا موعدا للانتهاء من هذا المشروع إلا انه وفي حال الانتهاء منه فان البطاريات الحالية لن تستمر أكثر من 2-3 سنوات.

[Nader 3:16]

يا عيني انتو شو الكم علاقة بال Radioactivite?
مو ناقصكم الاّ تعملوا تعديلات عال tableau periodique كمان!!1

انتو شغلتكم السرعة و التسارع و loi de faraday و d'ohm و laplace و من الهشغلات ...

و نسيت كمان في عندكم خرافات انشتاين هادي اهم شغلة...

[الزاهر]

يا عيني انتو شو الكم علاقة بال Radioactivite?
مو ناقصكم الاّ تعملوا تعديلات عال tableau periodique كمان!!1

انتو شغلتكم السرعة و التسارع و loi de faraday و d'ohm و laplace و من الهشغلات ...

و نسيت كمان في عندكم خرافات انشتاين هادي اهم شغلة...

ولك حلكم تفهمو إن كل التفاعلات اللي "بتسموها" كيميائية ما هي إلا تفاعلات ميكانيكية حركية بين الذرات والموليكولات لا أكثر ولا أقل......يعني كلكم .....شأفة من العلم تاعنا.....الميكانيكا ....لا بل جزء منها.....جزء من جزء جاية يتفصحن ويعلق.....ولك بس تصيرو جزء من علمنا ممكن يصير كلامكم لو صدى........!!!!

[ضيف على القلمونيين]

يا إخواني ما هذه الحملة الشرسة على أجمل علم يمكن أن يتطلع إليه إنسان من العلوم الدنيوية لكن لا ألومكم على هذا فالفيزياء مثل السراب ما فيها إلا ''بس إذا كان شو لازم يصير '' ثم يأتي ويناقظ نفسه و يقول '' طيب ما يمكن تكون كدى؟؟؟"" و لا في شي يصير من هذا الحكي كلو ... كلها خرافات ... منها على سبيل المثال و على ذكر أنشتاين '' آلك يا سيدي '' لو كنت في قطار وهو ماشي بسرعة الضوء و حاولت رِؤية نفسك في مرآة فسترى وجهك بشكل مشتت "" قال لأنه في هذه السرعة تصبح ذرات الجسم غير متماسكة ... وحتى كمان يمكن أن تمر عبر جدار ............ يعني فيلم لم ترد السينما الهندية إنتاجه ... طبعاً لأنو ما راح يجيب إيرادات ... لأنه حتي الهنديين ما بصدءو هذا الكلام

[ضيف على القلمونيين]

فيه عندنا بالكيمياء علم يسمى بالكيمياء الفيزيائية

الكيمياء الفيزيائية

هى دراسة الأصل الفيزيائى للتفاعلات والأنظمة الكيميائية. ولمزيد من التحديد فإنها تدرس تغييريات حالات الطاقة فى التفاعلات الكيميائية. ومن الفروع التى تهم الكيميائيين المتخصصين فى الكيمياء الحرارية, الكيمياء الحركية, كيمياء الكم, الميكانيكا الإحصائية, علم الأطياف.

الكيمياء الفيزيائية هي علم يقوم على دراسة خواص وبناء مختلف المواد والجسيمات التي تتكون منها هذه المواد وذلك تبعا لتركيبها وبنائها الكيميائيين وللظروف التي توجد فيها وعلى دراسة التفاعلات الكيميائية والاشكال الاخرى من التأثير المتبادل بين المواد تبعا لتركيبها الكيميائي وبنائها ، وللظروف الفيزيائية التي تحدث فيها هذه التفاعلات. يعود نشوء الكيمياء الفيزيائية الى منتصف القرن الثامن عشر . فقد ادت المعلومات التي تجمعت حتى تلك الفترة في فرعي الفيزياء والكيمياء الى فصل الكيمياء الفيزيائية كمادة علمية مستقلة ، كما ساعدت على تطورها فيما بعد . ولقد وضع العالم الروسي ميخائيل لومونوسوف اول كتاب جامعي في الكيمياء الفيزيائية . -- منقول--

بالمختصر ....... لما قال الأخ زاهر أن الكيمياء قي جزء ضئيييييييل من الميكانيكا ... كان الأولى به أن يقول أنها تشكل الجانب الواقعي المثبت من الفيزياء ... أما الباقي فهو نظريااااااات على الورق ولولا الرياضيات ..لما استطعتم أن تملؤوا كتبكم بالتفسيرات لخيالكم اللي ان شاء الله تجدون له حدود

[الزاهر]

تعليق على آخر كلامك أخي العزيز.......بدون الخيال...أنت غير موجود......الذي يميز الانسان عن الحيوانات.....هو أنه يعيش ماضيه....وحاضره....ومستقبله.....أما الحيوانات فهي تعيش حاضرها فقط.....والنظرية هي خيال حتى تثبت صحتها!!!.......فإذا النظرية هي التي تميز العلوم التطويرية عن العلوم الثابتة الجامدة !!!!
والفيزياء هي علم "فهم الكون"......وفهم" عمل الكون".......
والفيزياء مبنية على النظرية......المستقبل
أما الكيمياء......الحلول العملية.....الآنية......المبنية على التجربة....وليس الفهم!!!....الله يطرحلكم البركة فيها!!!!......احتفظوا فيها!!!.....نحن أشمل وأعم!!!

[Nader 3:16]

كويس يلي حدا وقف معنا ....
المهم بالنهاية يا زاهر ما فيك تلغي دور علم من العلوم في حياة الانسان... يعني كلها تتكامل لخدمته.....
.
.
.
.
يتبع حسب الردود
ومشكووووووور يا ضيف على وقفتك الشجاعة معنا!!!!!

[وسيم أحمد الفلو]

بس أصلاً مين إعترف إنو البطارية إلا علاقة بالشيمي... لولا الميكانيك كنتيك كانوا الكيميائيين لهلأ ما عرفو كيف بتشتغل البطارية

الكيميائيون توصيفيون فقط، أما الفيزيائيون فهم من يغوص في عمق الأشياء.

[وسيم أحمد الفلو]

حلكم تفهمو إن كل التفاعلات اللي "بتسموها" كيميائية ما هي إلا تفاعلات ميكانيكية حركية بين الذرات والموليكولات لا أكثر ولا أقل......يعني كلكم .....شأفة من العلم تاعنا.....الميكانيكا ....لا بل جزء منها.....جزء من جزء جاية يتفصحن ويعلق.....ولك بس تصيرو جزء من علمنا ممكن يصير كلامكم لو صدى........!!!!

يسلم تمك يا زاهر هيأتك فهان الفيزيك منيح

غريب كيف نادر وهيدا رفيقو "الضيف" كيف منون فاهمين هلإشيا...

والأغرب كيف نادر بيحكي هيك عن أينشتين، مع إنو أينشتين هو أبو المواد المشعة.

بالفيزيك ما بيهمن كيف الصابونة بتنعمل ... أو إذا الزعتر وزيت بيطلعوا طيبين ...
أو إذا الsilicium هو شبه موصل ... بيهمن يفهمو كيف الصابونة بتصوبن، وكيف شبه الناقل بيشتغل....

يعني متل مهندس وواحد شغيل عندو، المهندس بيفكر وبيحلل، وهاداك بيتسلا بتركيب البراغي، أو بنوع الخشبات... أكيد هو مهم الشغيل بس

[الزاهر]

يعني متل مهندس وواحد شغيل عندو، المهندس بيفكر وبيحلل، وهاداك بيتسلا بتركيب البراغي، أو بنوع الخشبات... أكيد هو مهم الشغيل بس

يا زلمة......لو ضل عم حاول اعصر مخي لإشرح الفكرة ما كان طلع معي أعمق وأشمل وأوضح وأعم وأفضل من هالشرح....ولك شو هاد يا أرايب.....يسلم هالوسيم!!!

[هشام الفلو]

hala2 3indi cours, bileil 7a cherik inchala
La physique (du grec φυσικη, la nature) est étymologiquement la « science de la nature ».
bass ...

[Nader 3:16]

(بالفيزيك ما بيهمن كيف الصابونة بتنعمل ... أو إذا الزعتر وزيت بيطلعوا طيبين ...
أو إذا الsilicium هو شبه موصل ... بيهمن يفهمو كيف الصابونة بتصوبن، وكيف شبه الناقل بيشتغل....

يعني متل مهندس وواحد شغيل عندو، المهندس بيفكر وبيحلل، وهاداك بيتسلا بتركيب البراغي، أو بنوع الخشبات... أكيد هو مهم الشغيل بس)

حلوة منك يا شريك ...بس يا حبيبي لو ما اخترعنا الصابونة و كذا و كذا انتو شو كانت شغلتكم؟؟؟

يعني لو ما في شيمي....ابقا اعمل ادوية من ال vitesse و من ال loi de coulombe و من ما بعرف ايش....



نحن لا ننكر فضل الأخ انشتاين في مجال المواد المشعة....

بس افهموا شغلة دراسة الذرة و الاشعاعات تستدعي تكامل الجهود بين الفيزيائيين و الكيميائيين.....

انا عجبني الموضوع كتير كونو كل يلي شاركوا فيه متعلمين و عبقريين...

و ننتظر مشاركة المعلم هشام...

بس ما تثقّلها علينا....


سلااااااااام

[وسيم أحمد الفلو]

يا هلا بالمعلم (أصدي الدكتور ) هيشو

مين وين جبتلي هالDefinition

يا نادر إذا هيشو دخل عالخط، يعني أنا وإنت بدنا نهرب

ليك زوزو يا قلبي يسلم تمك عتعليقاتك الحلوة يا إبن الخالة منيح منك طالع لصلاح ميهمو غير الكلمور والليخة

[عمار الفلو]

أنا طلع معي جملة عن الفرق بين الفيزياء و الكيمياء لما كنت بالعلوم العامه
و بعتقد إنو الجمله تصلح لكل زمان و مكان

الفرق بين الفيزيائي والكيميائي إنو

الفيزيائي بيفكر و بيحلل و بيكتشف المواد و الأشياء و بيرجع الكيميائي بيسمي المادة يلي منكتشفها

هيك بكل بساطة

[Nader 3:16]

هههههه عم تضحكني عليك يا عماّر..

اول شغلة الكيميائيين هن من يكتشف المواد و ليسوا انتم..يعني يلي بحدد كنو هادي مادة جديدة او لأ هو نحنا ..و الدليل ما في شي بينحط بال tableau periodique إلا ما يوافقوا عليه علمائنا...
بعدين يا اخي خلينا نلغي الكيمياء من الدنيا و عيشوا اذا فيكم!!!

نحنا الكيميائيين منعترف بفضلكم بس انتو لئيمين ما بتعترفوا بفضل حدا عليكم.....

مو ناقصنا بهالجدال غير الشيخ طارق المتعصب فيزيائياً...

بالنهاية الله يهدي كل فيزيائي...و كفاكم غيبة للكيمياء ...

و ننتظر المعلم هشام ليدلي برأيه..

[Nader 3:16]

مو ناقص هلء غير أخوكم حميطون يفوت يقلي

Le chimie est la science de anes
استغفر الله لأنو كان كاعرني فيها

[عبد الرحمن الفلو]

يا استاذ نادر
بل physique اكتشفو شي اسمو theorie des cordes يللي بيشرح كل phénomènes و بفسر كل انواع forces و برجعن لأصل واحد . يعني هادا بفسر كل شي بصير بين atomes , molécules, و كمان بل noyau و كل شي quantique و و و ...
فدك تحكينا بل PH و alcène , alcyne!!!

[Nader 3:16]

سمعت فيها......
نحنا سبق وقلنا اننا لا ننكر دور الفيزياء في تفسير بعض نواحي الكيمياء... بس انك تجي تعملي انو الفيزيك هو كل شي و الشيمي تسميات و بس اي انا ما بقبلها و لو من أبي...

بدكن تفهموا شغلة انو ما فيك تستغني عن علم من العلوم ابداً كلها مكملة لبعضها.......

و نكمل الرد لاحقاًَ ان شاء الله

[Nader 3:16]

Chimie et Physique
Il n'existe pas de frontière clairement définie entre la physique et la chimie, mais, sont considérés généralement comme relevant de la chimie, les phénomènes provoqués par les réactions entre les constituants de la matière et entraînant une modification des liaisons entre les atomes. Selon la nature de ces liaisons, ces phénomènes impliquent entre les atomes des échanges ou mises en commun d'électrons ou bien des forces électrostatiques. Les niveaux d'énergie mis en œuvre dans les phénomènes chimiques font que seuls les électrons périphériques sont concernés. Au-delà, on entre dans la physique des plasmas, voire dans la physique nucléaire avec l'implication du noyau atomique. Aux échelles inférieures à celle de l'atome, l'étude des particules élémentaires et de leurs interactions relève de la physique des particules.

نقلاً عن الموقع الذي ارسله الاخ هشام

[هشام الفلو]

ليلي بس يفهم، بيحاول يفهم أكتر ...

ليلي بيقعد, بيتأمل، بيراقب، بحلل، بيتوقع، بيفسر ....

قصة الفيزياء أسطورة عشق للجمال، وأي منظر رائع نراه ما هو إلا تجل لروعة القوانين الفيزيائية التي صنعته..

إن الذي يميز الإنسان عن سائر الموجودات نظنه عقله. العقل هو المنطق الذي يبحث عن الحقيقة: حقيقة الوجود، ماهية الزمان والمكان والمادة والطاقة، أصل الكون منذ البدء، السببية والحتمية، الفوضى، و..... لذا أجدني مجبراً على أن لا أرى ماهية للعقل وسمواً لحامله إلا إذا كان الفيزياء في قلب ما يشغل باله.

في ما مضى، كان الفيزياء هو علم خواص الجوامد، كان الإنسان بتأمله المضني يحاول فهم ما يدور حوله في طبيعة حيرته فأخافته. مع أول إشعاعات الفيزياء، بدء يمشي واثق الخطوة لا يخاف خسوفاً ولا كسوفاً، لا زلزالاً ولا .... لأنه صار يعرف ما كان يجهل.

شيئاً فشيئاً, تطور علم الفيزياء و ولدت أفكار الثورية لنيوتن وجاليللو وكوبرنيقوس ... صارت الشمس هي المركز والأرض تدور حولها، لنفس السبب الذي يجعل تفاحة تسقط على الأرض, و الشمس نجم كباقي النجوم، والنجوم عبارة عن شمس بعيدة !!! تخيلوا ردة فعل مهرج على هذا الكلام قبل القرن السادس عشر ...

أما القرن الماضي فحفل بنقلات ثورية للفكر البشري الخلاق. أوجد أينشتاين مفهوما جديداً للزمان والمكان والطاقة والمادة. صار الزمان يتسارع ويتباطأ، يبدأ وينتهي. أما المكان فصار ينحرف ويتعوج مع وجود المادة. والمادة أصبحت وجهاً من تجليات الطاقة .... أما الميكانيكا الكمية فطرحت رأساً على عقب مفهوم السببية، وأوجبت علاقة غير منفصلة بين المراقب و تطور حالة الجسم الذي يراقبه.

يبدو اليوم للعقل البشري صعوبة التأقلم مع مفاهيم جديدة ظلت منذ بدء البشرية مسلمات. علم الفيزياء يمثل رقياً للعقل وسبراً لأغواره القصوى.
السؤال المطروح اليوم، هل هذا العقل قادر أن يماشي عشق الفيزيائيين لفهم الكون؟ هل الإنسان قادر على فهم ما يدور حوله؟ هل جمال الكون سهل التذوق ؟


° ° ° °°°°°°°°°
wiki
الفيزياء لفظ اشتق من اليونانية فيزيكوس φυσικη التي تعني (معرفة الطبيعة)، والكلمة مشتقة من الجذر فيزيس φύσις (طبيعة). الفيزياء هو علم الطبيعة ، تفصيلا ؛ هو فرع من العلوم والذي يهتم باستكشاف وتشخيص القوانين الكونية التي تتحكم في طبيعة المادة و الطاقة و الفراغ و الزمن . الإستكشافات في الفيزياء لها صدي كبير وتأثير بالغ في العلوم الطبيعية ، والفيزياء وصفها العلماء بأنها العلم الأساسي وذلك لأن مجالات العلوم الأخري مثل الكيمياء و علم الأحياء تقوم بتشخيص أنظمة مادية تعتمد خواصها علي قوانين الفيزياء . الفيزياء كعلم تميزت عن الفلسفة الطبيعية مع بداية الثورة العلمية خلال القرنين السادس عشر و السابع عشر ، وظلت هكذا حتي أشرق فجر الفيزياء الحديثة مع بداية القرن العشرين . استمر المجال في التوسع بسبب مجموعة متنامية من البحوث التي أدت ألي استكشافات ثورية مثل وضع النموذج المثالي لحركة الجسيمات الرئيسية أي النواة وما حولها من الإليكترونات ، وكذلك وضع بحث لتاريخ الكون بالتفصيل ، حتي وصلت إلي الطاقة النووية و أشباه الموصلات اللتين أحدثتا ثورة عظيمة في عالم التكنولوجيا. أما الآن في هذه البحوث تجري لإحداث تقدم في مجالات التوصيل الفائق الحوسبة الكمومية وذلك في حالة الدرجات العالية . بناءا علي الملاحظة و التجربة والنظريات العميقة بعيدة المدي فإن الفيزياء قدمت العديد من الإسهامات في مجال العلوم و التكنولوجيا و الفلسفة

[الزاهر]

الفيزياء وصفها العلماء بأنها العلم الأساسي وذلك لأن مجالات العلوم الأخري مثل الكيمياء و علم الأحياء تقوم بتشخيص أنظمة مادية تعتمد خواصها علي قوانين الفيزياء .


شو.....فاتت الفكرة عراسك يا نادر.......وهاد من WIKIPEDIA يعني كل البشرية اللي بتفهم.......متفقة عهالتعريف.....العلماء.....النخبة!!!!

وبعدين يا نادر...ركزت على أول جملة.....وما أريت البقية!!!

على كل...ردي المرة الجاية رح يكون مختلف كليا......رح اطلع من طور المزح...للجد....كل الجد!!!!
بالانتظار!!!!

[Nader 3:16]

تحتا تطلعوا من المزح اتفضلوا حط النقاط يلي بدكن تناقشوها.....

و نحن سنأخذ الفكرة على محمل الجد......

[روعة]

ألغيت المحاضرة التي كان من المقرر أن يلقيها مارتن إيفانز الذي فاز بجائزة نوبل للطب للإضاءة على ما توصل إليه في بحثه عن الخلايا الجذعية بسبب «عدم الرغبة والفتور» من الحضور، وذلك بعد يوم واحد على فوزه.
وأشار موقع هيئة الاذاعة البريطانية «بي بي سي» الإلكتروني الى أن المحاضرة كانت مقررة قبل إعلان فوز ايفانز الإثنين الماضي. وسبق لمجلس أبحاث العلوم البيولوجية والبيو ـ تكنولوجية أن أعد لهذا اللقاء قبل شهر ونصف، وسيصار الى إعادة جدولة المحاضرة في وقت لاحق من العام المقبل.

يشار إلى أن قيمة الجائزة هذا العام تبلغ نحو 1.1 مليون يورو (10 ملايين كرون سويدي)، وسيتقاسمها الأميركيان ماريو كابيتشي وأوليفر سميثس والبريطاني مارتين إيفانز.

ويعتبر مارتن ايفانز (66 عاماً) المتخصص في الجينات الثديية، واحداً من أهم مهندسي أبحاث الخلايا الجذعية في العالم. وسبق أن حاز عام 2001 على جائزة لاسكر الأميركية، التي تعادل جائزة نوبل للطب. وساهم في اكتشاف تقنية زرع الخلايا الجذعية المستأصلة من أجنة الفئران في المختبرات العلمية، بحيث يمكن إعادة تنميتها بشكل منفرد

[Nader 3:16]

ياعيب الشوم عليهم ما عندهم تقدير للعلماء............

هلء بعد كل ما سببه هذا الموضوع من مشاحنات بين الفيزيائيين و الكيميائيين.....طلع ما في محاضرة.........

الله يسامحهم!!!! ناس ما بتقدر العلماء