السلام عليكم ,

هوا مجرد إقتراح , و إن شاء الله يكون بينفع , و بوعي بعض الناس يلي بعدا و للأسف غافلة أو مستغفلة لي صار و عم يصير من إساءة لأطهر البشر , الرسول الحبيب , محمد عليه أفضل الصلوات و التسليم .

في كتير عالم بالضيعة عنا , مش هون بالمرة و البعض عم يبيعو لهلق منتجات الدنمارك , و ناسيين شو عم يصدر من هل الدولة ( الله يزلزلها) ...ميشان هيك اذا ممكن نوعي هل العالم , من خلال توزيع مناشير , بتدعي للمقاطعة , و بتوصف شو عم يصير من إهانة للرسول عليه الصلاة و السلام و للدين الاسلامي .

و بما انو نحنا مسلمين لازم نعمل شي , حتى ندافع عن رسولنا عليه الصلاة و السلام , يلي ح يكون شفيع لنا ان شاء الله يوم القيامة . و هدا أقل شي ممكن نقدمو لنبينا محمد صلى الله عليه و سلم .

بتمنى نقدر نفذ هل شي , لأن من المخجل نشوف بعض المحلات , و أصحابها مسلمين دون شك , بعدها عم تنفع العالم يلي بدون يشوهو صورة الدين , و مستغلين ضعف أكترية المسلمين اليوم ,و انشغالن بي أمور دنيوية , ناسيين الاخرة .


بدي رأيكن بي هل الاقتراح , و أنا للصراحة ما بعرف اذا نعمل هيك شي أو توزع شي من قبل , و بظن لو كان قد توزع من فترة , لا بد انو المتذكر يضل يذكر غيرو لوقت غيرو يصحى , ميشان يكون عنا جواب بالآخره , اذا سألنا الرسول عليه الصلاة و السلام , شو عملنا بمتل هيك وضع , كوننا مسلمين .

و آخر شي , اذا تم هل الاقتراح , بكون من الأحسن , يتعلق وراق بالطريق و يكون الحكي عن لي عم يصير و العالم بعدها نايمه للأسف و انو لازم نطبق سنة الحبيب المصطفى صلى الله عليه و سلم , و يتوزع على المحلات كلها , و الأهم يكون مختصر مفيد و مش بإسم حدا , يكون لنصرة رسول الله عليه الصلاة و السلام , لأن بالأخير كلنا مسؤلين عن هل الشي أمام رب العالمين عز و جل دون استثناء.