يعطيكون العافية ، كيف حالكم يا جماعة الخير


الموضوع يلي حابب افتحوا هون ، هو عن المحجبة ليش هيك بتعمل ؟ يعني الواحدة بتكون دينة ، ومن أحلى ما يكون ، بعد فترة منلاقيها عم تبلش اتخفف لبس وتلبس ضيق و....


أنا هيدا هو الموضوع يلي حابب احكيه اليوم


حسب رأيي ، الحق كلو على الشباب الدينين ، يعني البنت الآدمية المحجبة بتكون مارقة بالطريق ، وبكون مارق كمان بنت مظنطرة على الآخير ، بتلاقي الشب منون بيوكل المظنطرة بعيونو إكل ، وما برف صوب الآدمية ، يعني كل واحدة منكون تحط حالها محل هيديك الآدمية ، وشو بكون موقفها ، أكيد رح اتحس بانتقاص لشخصيتها ، وانو فيها شي غلط ، وانو البنت الظنطورة أحلى منها ، وبالتالي رح اتصير تحاول تقلدها .

وكل الحق عمين قولكم على الشب الدين ؟ يعني معليش يبصبصلو شوية على الأوادم ، ما في داعي كل ما يمرق من حد بنت مظنطرة يطلع فيها وكل ما يمرق من حد واحدة محجبة يكشر فيها ، لأ يا عمي القصة ما بدها هالأد ، في محجبات ما في أحلى منون ، وبيخدو وبيعطوا من أحلى ما يكون ، بس انتو متل ما قلتلكم ، بس تمرقوا من حد واحدة محجبة اطلعوا فيها ، واضحكوا بوجها ، وخلوها ما اتحس بإنتقاص ، يعني عطوها شوية معنويات ، وأرجوها انو بتضلها حلوة حتى هي ولابسة حجاب ، وانها بتضل بتعجب الشباب هي ومجبة .


البنت منون ، بتقلك يا سيدي جربنا الدين ، والحجاب واللون الأسود ، قام بطل حدا يطلع فينا ، والأوادم قبل غيرون ، ببصبصوا على الصبايا الزعران .

فسمعوا مني خدوا بنصحيتي ، وبصبصوا على الصبايا المحجبات .