السلام عليكم

بداية انا قررت افتح هالموضوع لما وصلتنني دعوه من أحد الشباب يلي بيلعبوا مع نادي القلمون للكره الطائرة للإنضمام لمجموعه جديده عالفيس بوك اسمها ( نادي القلمون أوطى نادي بالعالم )

ولما دخلت عالفيس بوك لقيت أخ تاني من اللعيبه قال انو بالنادي في أحلى شباب وأسوأ إداره (الكلمه لسا أسوأ بس خففتا)
هو السؤال : ليش الشباب يلي بيلعبوا مع النادي قرروا يعملوا هيك غروب (groupe)

ليش كل موسم بيبلش نادي القلمون بدايه رائعه ولما بتقرب اللقمه للتم ومنقرب للمربع الذهبي بتبلش المشاكل بالنادي ؟


ليش شباب النادي مضطرين يبذلوا جهد خارق مشان رفع اسم القلمون والإداره ما بتقبضن ولا شي

هل فعلا الإداره ظالمه للشباب والا الشباب ما عم بيقدروا ظروف الاداره الماليه الصعبه ؟

كمان ليش لما الإداره ما بتقدر تعطي الشباب معاشات بتفضل انن يبقوا ببيوتن وما بتعطين استغناء مشان يروحوا عنادي تاني

هل الشباب عم يظلموا الإداره والا العكس ؟؟

كيف نحنا كمشجعين للنادي ممكن نساهم بحل هالمشاكل وبتطوير النادي ؟؟