أهلا وسهلا بالمعلم مجاهد ،
يا حبيب قلبي أنا مش لا معصب ولا شي ، ولكن في مشكلة موجودة وكل قدرتي اني احكي وادعي الناس لكلامي واطلب من ربنا انو يوفقني أنا واياهم للحق وخلينا نشتغل فيه كمان .
أنا هذا رأيي نعم ، ولكن ما بدي حدا يسخف المسألة ويعملها انو مجرد رأيي خاص ومجرد أهواء ، يعني احنا ما عم نحكي كنو الليمون أطيب من الأفندي ولا الأفندي أطيب -على فكرة الليمون بالسعودية عنا ما بينداق ، كتيير ناشف- أنا يا حبيب قلبي عم عالج مشكلة موجودة بمجتمعنا أو على الأقل حسب رؤيتي أنا وحسب وجهة نظري الخاصة ، ولكن انت اذا شاييف انو آرائي فيها شي من الخطأ فبتمنى عليك انك اتصوبها ، وما تقللي هذا رأييك وخلص ، متل كأنا عاملين شي معرض آراء هون ، احنا جايين نشتغل ، احنا ناس عنا دعوة وبدنا نبني جيل ذهبي ، المشكلة التي طرحت أنا ليست لا مشكلة شخصية ولا شي ، هذه مشكلة عامة وعلى كل انسان محب لقريته ولبلدته أن يعالج هذه الأمور بموضوعية .
كما بتمنى على جميع المسلمين انهم يطلعوا من قضية تبجيل المشاييخ والعلماء و... أكيد منحترم العلماء والمشاييخ ومنحبهم ومندعيلهم و...... بس هنة مش معصومين ولا شي ، والتصرفات الخاطئة يلي بتصدر عنهم لازم نكون احنا أول مين بنبهم عليها ، بالقلمون لأ ما في هيك ، بتلاقي الشب بروح ويجي وبيطلع وبينزل وبهلك حالوا لحتى بالآخر يقللوا الشيخ "الله يبارك فيك" في ناس بيفتخروا بالمشايخ وبيتفاخروا بالمشي معهم وبالتقرب منهم ، يعني كيف في ناس بتحب السياسيين وبتتقرب منهم وبتدافع عن خطأهم وعن صوابهم ، هدال هيك ، بدافعوا عن الشيخ دفاع مستميت على الآخر ، يعني كل واحد شيخو ما بغلط ، وما بسمح لحدا يحكي عن شيخي أبدا أبدا ، وكل واحد بيحكي عن شيخ بيتهموه انو أزعر وفاسق و........
بعدين يا خيي ، انت شو بعرفك فيي ؟ يعني في تقصير من بعض ناس فهمناها ، بس مين قال انو كل الناس مقصرين ، في ناس ضمن المسلمين الواحد منهم بيشتغل شغلة 10 زلام وفي منهم 100 وفي منهم بكونوا أمة بحد ذاتهم وفي منهم اذا ما وصلوا لمرحلة الزلمة .
أما انك تقول عني مقصر أو ما شابه ذلك وانت ما بتعرفني فهذا فعل ليس مبرر ، أنا ما جايية برر نفسي أو صحح كلامك ، هيدي قضية شخصية بيني وبين ربي والناس يلي بعرفهم من جيران ورفقة وأقراب و... هدال بيعرفوا مينوا أنا وكني مقصر ولا لأ ، واذا قصرت بينصحوني ، وما بشهروا على الانترنت بطريقة مش منيحة فقط لحتى يغطوا على التصرفات الشاذة التي تصدر عن المشاييخ .
بعدين ان شاء الله الواحد منهم يلتزم على إيدو ألف واحد بالدقيقة وأنا بستبعد كتيير هذه النتيجة ، وشايفين تأثيرهم على القلمون شو هو ، أنا يلي بدي قولوا بحياتك ما تحكم عن الشخص من نتائج عملوا ، فقط احكم من خلال قواعد عملوا ومبادؤ ، يعني نوح عليه السلام هل كانت سياسته في الدعوة فاشلة ، أنا متأكد انو استخدم أفضل أسلوب دعوي ضمن امكانياته البشرية ، ولكن قوموا كانوا كفار ، وما كانوا مستعدين يسمعوا أو يفكروا اذا هنة غلط أو لأ ، وهون كمان نفس الشي ، يمكن الواحد يكون ماشي بخط صح وما يوصل لأن المجتمع هو شاذ ، ويمكن يكون الواحد ماشي بخط غلط ومفكر انو صح وعم يدعي الناس لو و.........
في ناس فاتوا بالاسلام بسبب الشيعة ، هل صار المعتقد الشيعي صح ؟ هل لما منطرح موضوع المذهب الشيعي رح يطلعلي الأخ مجاهد ويقللي شوف حالك وشو تقصيرك -وهو ما بيعرفني- وانو هدال ناس عم يدخل بسبب أناس بالاسلام ، وعم يجاهدوا و....
أنا فكرتي سبق ووضحتها عندي طرح لهذا الموضوع وما زلت منتظرا مشاركات هادفة وفعالة وينبني عليها عمل ، وليس مشاركات تبريرية أو تسفيهية لكلام بعضنا البعض وتراشق عشوائي بالاتهامات .
رد مع اقتباس
