رد: قطر تفوز بتنظيم كأس العالم 2022
معليش بس أنا شخصياً أغتاظ عندما كل الأمور بتتاخذ بهالزاوية دائماً و بتنربط ربط عجيب غريب !!!!!المشاركة الأصلية كتبت بواسطة أبو عائشة
مين قال انو ال 10 مليار دولار يلي رح يندفعو كما قلت انو رح يندفعو صدقة أو هبة أو فيها الشغلة خسارة مثلاً !!!!!!!
حدا في يتصور هالمبلغ يلي رح يندفع داش رح يكون في فوقو أرباح طائلة و هائلة اقتصادياً
هذا عدا عن ثقافياً و سياحياً و إعلامياً و ............
(السمور لسا ما حكي هيك)
لاش دائماً بنطرح الموضوع كأنو بيتناقض مع الجهاد و المجاهدين بالوقت يلي العيون كلها ترقب غزة أرض الرباط التي لا تنفك عن ساحات الجهاد و خطوط التماس فيها مشتعلة دائماً.
و مع ذلك تراها تهتم بالشأن الرياضي و تتميّز به و الحمد الله .و القائد إسماعيل هنية يلي أطل على الشاشات من عدة أيام في خطابه متمسكاً بثوابت المقاومة و الجهاد كان أول المهنئين لقطر باستضافتها لهذا المونديال.
و احنا مع الأسف دائماً بنجي لنحل الموضوع بطرق عكسية يلي بعتقد تأتي دائماً بتولد نتائج عكسية.
مين قال انو الروحة على الجامع تتناقض مع كرة القدم؟
و مين قال انو اذا هلأ العالم كرهوا كرة القدم يعني صاروا بدهم يروحو يصلوا الجامع ؟
الموضوعين غير مرتبطين أبداً فلماذا هذا الربط !!!!!
معليش خلينا نشوف نموذج شي مرة عن دولة عم تحكي بالإسلام و عندها ازدهار تجاري و عمراني و سياحي و ثقافي و طبي استشفائي و نسبة أمية صفر و إبداع علمي و تقني و رياضي و نموذج في العدل و الحرية و الإحترام و......... فإن كان هذا بعيد المنال لبعد الإسلاميين عن منصات الحكم . فعلى الأقل أن نطبقه بين بعضنا البعض كنموذج إسلامي متكامل.
و أنا لا أعتقد أن قطر ستقدم شئياً مميزاً في الرياضة بهالمونديال ( للأسف احنا العرب ما بنعرف نلعب كول) بقدر ما أنها ستبهر العالم بنموذج عمراني و تطور و تجهيزات و تغطية تقنية حديثة و فريدة.
أنا أعلم أن كرة القدم لها الكثير من السلبيات خاصة ما شاهدناه مؤخراً من السخافة التي حصلت مؤخراً بين مصر و الجزائر في تصفيات كأس العالم (لكن هذا لا يلغي أني كنت من المشاهدين بشغف للمباراة و كنت مع مصر) و غيرها من سلبيات الهوس و ...........
بس الموضوع ما بيتاخد هيك و بالعجقة
هذا رأيي شخصياً و اعلم أن أخي و قريبي أيو عائشة صدره رحب لتقبل الأراء
و بالأخير مبعرف!!!!!!
أبارك لقطر لاستضافتها كأس العالم و إن شاء الله يكون الكأس من نصيبها.
رد مع اقتباس
