وين البلدية

[مصطفى معتوق]

والله يا نادين متل ما قال صديقي وعزيزي وسيم فلو معو حق بكل كلمة ولا سيما عندما تحدث عن العجز .
الشباب لو طالع بإيدن ما بيقصرو بس لسان الحال عندن العين بصيرة واليد قصيرة .
على كلّن انا بعتقد انو تيار المستقبل بالقلمون لازم ياخد موضوع الشباب يلي ما ظهر ضدن شي بالتحقيق على محمل الجد لأنو نحن منعرف انو بالمجال الامني في شي اسمو توقيف احترازي بس يلي ما بيسبت عليه شي بيصير توقيفو اعتباطي . وهلق هيدا التيار هو النافذ بالقلمون فيا ريت بيتحملو مسؤلياتن متل ما كان غيرن يعمل ويتفضلو يحكو بالشباب او بدنا نعتبرهن اصحاب مصالح وكما قيل عنن انن تيار الدولار وما بيهتمو للبشر بس بيهتمو بالفلوس والحجر
يا شباب الانسان هو يلي الو قيمة مش البنيان وبناء النسان اهم من بناء القصور والفلل .
او ما بتعرفو المعترين الا وقت الانتخابات بتستغلو حاجتن بحفنة من الدولارات حتى توصلو لمآربكن السياسية مرة كل اربع سنوات مع العلم انن هن احق منكن بالثروات يلي عم تشفطوها من اموال الشعب وعم بتراكمو علينا الديون
وبالنهاية انا ما بحب احكي باسلوب طائفي بس متل ما كتبت لعاشقة القلمون انو لازم تشوف المرض حتى تداوي فالشباب سنة وبيصلو وهيدا الشي هو يلي كنتو عم تصنفو العالم على اساسو فياالله ارجونا همتكم ان كان عندكن شي من الهمة والمروءة