شكرا لك اخ سوفتوير على المشاركة , وبالنسبة لموضوع البنات من اول ما فتحت هالصفحة ونحنا عم نحكي عن مشكلة البنات ومشكلة الشباب, ما بس البنات عندها مشكلة اللباس كمان الشباب عندهم مشكلة وهيه انو بيسمعو الاذان وما بيستجيبو , بل بالعكس بيقولو للمؤذن لك وطي صوتك شوي صرعتنا , او بتكون شي سيارة مارقة ومدورا شي غنية ما بيقدرو يسمعو مقطع للاغنية,
والله انا كتير مشتاقة للقلمون وخصوصي انو اهلي هونيك وحابة اجي زيارة ان شاء الله بس بتمنى انو اجي وتكون القلمون تغيرت شوي .
خلينا نرجع لموضوع البنات, مشكلتن كتير صعبة وبدها كتير شغل وكمان بدها وقت كتير, ومتل ما عم اسمع انو كل مانن هالبنات عم يتظنطرو اكتر واكتر...يعني ما بقى في حياء ابدا,,,, يمكن اذا البنت ما بتلبس مظنطر رفقاتها بقولو عنها انها مش متطورة او مانا كلاس,,,والله يا ريت نشوف انو بالقلمون كل هالبنات متحجبين ومنسترين , ما حدا بيمنعن انو يكون عندن وقت يكزدرو , فينا نعملن وقت محدد, او فينا نعملن شارع العشاق لالن يمشو في وللشباب الطريق الفوقانية ,,,
كمان شغلة تانية , يمنعو بيع الدخان بالقلمون: كل محل ببيع دخان بيعطو ظبط.
كمان : يمنعو سماع الاغاني , كل سيارة مشغلة اغاني بصوت عالي , او كل بيت طالع منو صوت موسيقى بياخذ اهلو ظبط. ( اذا بدن يسمعو اغاني يسمعو بصوت واطي عل الاخر)
كمان كل اذاعات الاغاني وما بعرف شو يمنعو ( يحطو رقابة ) اذا حدا بيدخل الدش او اذاعات مش منيحة بياخذ ظبط, الرقابة فيها تفوت على البيت وتبحث بالتلفاز اذا في اي اذاعات مش منيحة....
على فكرة هالمشاريع كتير منيحة وبتدخل مصاري كتير للبلدية ,,,لان بالقلمون بدن كتير لحتى يتعودو على هالشغلات , يلا شدو الهمة
على فكرة كمان , كل واحد بيمرق من حد المسجد هوا وعم يأذن وما بيدخل للصلاة بياخد ظبط..
وكل بنت بتتطلع من بيتها من دون حجاب ومن دون لباس ساتر لجميع البدن بتاخد ظبط....
يلا كتير حلو هالمشروع ,,,
يا ريت تعملو بالفكرة , لان اذا القلمون رح يضل فيها هالتظنطر وهالفساد , مانا غريبة ابدا انو يصير فيها تسونامي , لانهاعلى شاطئ البحر , واذا غضب الجبار ما حدا بيعرف شو بيصير....
اللهم اهدنا واهد بنا، واجعلنا سبباً لمن اهتدى. وصلى الله على نبينا محمد، وعلى آله وصحبه أجمعين. والحمد لله رب العالمين.
سلامات...
أنا قرأت هذا الموضوع, وحبيت قول شغلة:
انو كل واحد عأصلو بهالدنية, وانكم تفكروا لمجرد التفكير بإنو البنات رح توقف كزدار, فهدا شي مستحيل بنظري حالياً....وين ما كانوا عم يكزرو...مني عم قول الكزار صح, بس صار من عادات القلمونيين....صرنا حكاية عكل لسان..بيجو خصوصاً من تلة العرب, من ددة, من المينا..." جايين يتفرجو عالبنات" ولك بيقولوا علناً, ألم يسمعوا كلام رسول الله صلى الله عليه وسلم:" إذا ابتليتم بالمعاصي فاستتروا".( يعني بعتقد بس يتوصل حدا ليغير هالعادة, بيكون عمل انجاز بالضيعة, وساهم عنجد برقيّها وتطورها).
أذكر قصة صارت معنا, ما صرلا زمان,كنت ماشية انا وأختي عطريق بيتنا, فاستوقفنا واحد وقلنا: قال: كان نفسي شوف بنات محجبين بهالضيعة!!!! ( كانت نظرتو ثاقبة, جارحة, كان التمسخر بعينو). طيب ليش جاية عالضيعة؟
برأيي, ما بق في حيا متل ما الكثير منكن قال, لذلك قبل معالجة هذا الموضوع, أطلب من حضراتكم, تغيير نظرة العالم لبعضن, تغيير مفاهيم واصول التعامل بين البشر, بالقلمون وغيرا, الاكثار من المحاضرات الدينية( بس المشكلة, ما بيجي الا الملتزمين!!!) من شخصات محبوبة من العالم, من كلام لا يسبب النفور...
ولك في آيات بالقرآن مؤثرة كتير, بس الظاهر فقد الاحساس, منها قال تعالى في سورة الاسراء_الآية 58:" وإن من قرية إلا نحن مهلكوها قبل يوم القيامة أو معذبوها عذاباً شديداً كان ذلك في الكتاب مسطوراً". فهل من معتبر؟
وأبسط مثال عهالشغلة كمان, حرب تموز!!!! في يوم كانت مارقة الأباتشي, الساعة 8 بالليل, كان يوم السبت, يوم العز بالقلمون, كانت جاية الكهربا, كان الشارع مليان..........طول فترة الحرب, ما حدا اعتبر, ولك ما حدا اهتم!!!! ما حدا غير لبسو, ما حدا حسن أخلاقو...اساتن لحد هلأ بيكون عم يأدن , صوت الأغاني مصرصع الدنيا, ما بيخلو حدا يعرف يصلي,,,ولك بيمرقو بالليل, الساعة 1 وبتلاقيّن منن مستحيين, العالم نايمة, ما بيكلفو حالن انن يوطو الصوت, ومستعدين يزعجو العالم....
( بيطلعو بالمظنطرة نظرة تكبر, قرف, وهنا يلي عم يشجعوا....وبيطلعو بالمحجبة نظرة استعلاء, بينظرولا بأنا معقدة!!!!)
ربنا سبحانه وتعالى قال:" ظهر الفساد في البر والبحر بما كسبت أيدي الناس..." .
نحنا يلي منحط هدف إدامنا, ومنسعى لنحققو, بس حسب الاصول و.....فلما بدكن تعالجو هالموضوع, في أبعاد كثيرة ومعايير, في اشياء لازم تنعمل, ما بعتقد انو خرجت عن نطاق السيطرة من قبل البلدية او غيرا, ولك من قبل الاشخاص عينن,من قبل الضمير, وما بعتقد انو طابع القلمون تغيّر...
في الأوادم, كتر الله من أمثالن,وجعلهم قدوة حسنة, وصورة بهية, حقيقية, مجسدة لتعاليم ديننا الحنيف....
وفي الزعران....يعني في أشكال ألوان...
والله أعلم.
الله يمضي هالايام عخير, جعلكم الله قدوة حسنة, بعد رسول الله صلى الله عليه وسلم, وبارك بكم.
اسمحولي ضيف بعض الكلمات
بالنسبة لما أوردتيه يا اخت نادين فيما يخص فرض العقوبات (الضبوطة) فبرأيي أنها لا تنفع مطلقا فالله عز وجل يقول "ولو شاء ربك لآمن من في الأرض كلهم جميعا أفأنت تكره الناس حتى يكونوا مؤمنين"
فرض العقوبات سيتسبب في أزمة أكبر من هذه الأزمة بكثير والمنفعة هي ابتكار أساليب أخرى لدعوة الناس
لو مثلا يتبرع شيخ من مشايخ القلمون في إلقاء درس في وقت الكزدار بشكل يتم إيصال الصوت للخارج فقد سمعت أن خطب الشيخ ماجد جراد جميلة ومؤثرة فهلا اقترح أحد الأخوة هذه الفكرة عليه والله يصلحنا ويصلح أهل القلمون كافة
السلام عليكم كيف حال القلمون من عندكم. يعني وبصراحة فكرت حالي مغلِّط بعنوان المنتدى،لأنالمشاركة الأصلية كتبت بواسطة Software
يللي بشوف حكيكن بفكر حالو بهاواي أو بفرنسا.
بالنسبة للأخ سوفتوير من غير اللائق تشبيه الفتيات وكأنّهم بدون قيمة (نضفوها من هالبنات)،إذا كان في فتيات ما بيلبسو حسب ما قلت،فهذا لا يعني أن ننعتهم بنعوت أقلها تجرحهم،أليسوا بفتيات،بالعكس النّساء هنّ صنّاع مستقبل الإسلام،هنٌ اللواتي أنجبن سيف الله المسلول خالد بن الوليد وطارق بن زياد وعمر بن عبدالعزيز وصلاح الدين الأيّوبي وعبد العزيز الرّنتيسي وغيرهم من عظماء الإسلام.
فخفّف اللهجة شوي ، ولو صعبة لأنُّ مبيِّن آكِلّك شي GOL
أما بالنسبة للأخت نادين ، فبدون تعليق ( بعدان الاخ software طلب انو نحكي عن تنضيف الشوارع من الفتيات اللي لباسهن غير محتشم.
يعني الموضوع كلو عن النضافة اذا حدا اسا بدو ينضف شي غير اللي انحكا عنن يتفضل اهلا وسهلا)
إذا فتاة تتكلّم هكذا عن أختها ،ومستغربة لماذا التظلُّط إلى ازدياد في القلمون؟ ما بدا سؤال شوفي أسلوبك بتفهمي، أسلوب تنفير وليس ترغيب.
ولشنزيمر 6 ( بيطلعو بالمظنطرة نظرة تكبر, قرف, وهنا يلي عم يشجعوا....وبيطلعو بالمحجبة نظرة استعلاء, بينظرولا بأنا معقدة!!!!) ،من قال لكِ هكذا كلام، بس أكيد إنُّ المحجّبة مطالَبة بفهم مغزى الحجاب، فالحجاب ليس لباس فقط بل هو لباس (أكيد منو عالموضة الدارجة) وعمل.
والسلام ، ومشكورين على تفهُّمِكُم.
أنا يا أيمن مني عم احكي علين لمجرد الحكي, أنا زعلانة وشفقانة علين, ومتمنية يصيرو كلن مناح, بس كيف؟
نوّرونا كيف؟
اذا الأم بتنزل بتجبلا البنتا التياب المظنطرين, فكرا عم تبرزا, لحتى يجيا عريس, نحنا بالمقابلة مع الست نوال قالتلنا_ وهي توجه رسالة للفتاة المسلمة_:" العريس يلي بيكون هيك مودنا ياه, بدنا شباب ملتزمين, واعيين".
اذا الأم عم تشجع بنتا عالكزار, أو يمكن بتنزل تكزر معا, أو يمكن بتوصلا عند الشيري, فشبتقلا للبنت بهالحالة؟
كل المواضيع تعود إلى ترباية الأهل...الكل بينظر نظرة غريبة ...الأهل هنا الأساس,,,بعدن عن الدين وتنشأة الأولاد في جو يلائم الموضة, وينادي بتحرير الفتاة, هوا المشكلة....
نفورن من الجماعات وعدم تقبلن فكرة أو مبادىء الجماعات, أو عدم تبيان الأهداف الحقيقية من كل مشروع من قبل جماعات سابقة يطبع أثره عند الأهل, فللأسف, كل ما تطلع جماعة أو جمعية جديدة بيشبهوّا بيلي قبلا...ما عم نوصل لحل...
العيشة بالقلمون_ حسب قول الأهل_ تفرض على الفتاة الملتزمة أن تكون منضمة لإحدى الجمعيات الموجودة, غصبلعنا,
فحتى العيشة مع الجمعيات منا عم تجيب نتيجة, وتعطي فوائد للعالم, يطبقوا عالأرض, والعيشة كل واحد وحدو كمان منا عم تعطي نتيجة, لأن الواحد اذا اشتغل مع مجموعة بيطلع نتيجة مضاعفة عن العمل الفردي, وبيلاقي مين ينصحو ويوجهه صح, وبيعلمو كيفية التصرف بموقف معين...
فالحق عالأهل, بالدرجة الأولى....بانتظار آرائكم, كي نناقش سوياً هذا الواقع ونتوصل إلى إيجاد حل يرضي الجميع...دمتم بخير....أعاننا الله وإياكم على طاعته, وعلى فعل الخير.
والسلام عليكم.
طيب انا عندي حل
انتو يا اخوات عدنكن خبر ليش في بنات بتكون مزنطرة فتاني يوم بتلتزم بالحجاب ؟
انتو عرفوا الاسباب واذا اسباب ممكن تعميمها ونشرها
فساعتها هذا هو الحل .
رد مع اقتباس
