هلا بالاخ Mahmoud.A
كيف حالك والله الحكايات يلي عم تكتبها بتخليني ابكي على بطلها ولكن انا مصدووووووووووووووووووووووووووووووووووووووووم والله .
عضو نشيط
هلا بالاخ Mahmoud.A
كيف حالك والله الحكايات يلي عم تكتبها بتخليني ابكي على بطلها ولكن انا مصدووووووووووووووووووووووووووووووووووووووووم والله .
{رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا}
عضو
ahla fik khayi Hard. ana marrayt 3ala hal ossas bimouwefa2it sa7bak w fik tis2alou. w ana marra lamma kinna sawa kinit baddi i7ki we7de minnoun bass ajjalta la ba3dein w halla2 ballashit mousheraketi bi hal 2 issas w akid bta3rif minou MM hahahahahahahahahah
نسر الشام
اليابان والجابان
يمكن اكل يتسائل شو الفرق بين اليابان والجابان ؟؟؟؟
بالزمانااااااااااااااااااااااات ايام ابو ظبي واول ما وصل الاخ فلان ليشتغل بالمنطقة اتصلت فيه بمناسبة اول يوم دوام .
فكنت عم اسألو عن شغلو وهيك فسألتو شو في جنسيات عندكن بالشركة فصار يعد : امركان بريطانية عرب لبنانيين ويابانيين وجابانيز ؟؟؟؟؟
فقلتلو انا شووو؟؟؟؟؟؟؟؟؟؟؟؟
قلي جابانيز التو في يابانية وجابانيز
قلي اه جابانيز ولك من الجابان منك سامع فيها
هههههههههههههههههههههههههههههه
على فكرة بعد فترة التقينا فيه بمحل شب من الالمون بدبي وسألتو نفس السؤال وكان مصر على جوابو
مارسوا البطولة ولا تخافو الحرب بل خافوا الفشل " سعادة "
عضو نشيط
هلا بكم والله انا بلومك كان لازم تخبرني على الاقل بس الحق يقع على يلي كانو معنا ، على كل حال لم يحصل شئ كيف احوالكم سلم على الجميع واذا شفت البطل سلم عليه لاني مني عم شوفو الظاهر عم يعمل خطة للانتقامفانتبه متكون من اهدافه فهو مسلح كما انت اسلفت بقصصك .
التعديل الأخير تم بواسطة HARD ; 13-08-2007 الساعة 07:20 PM
{رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا}
حميطون
حرق المدابر والمظلئتات
عنوان غريب و أنا كنت محتار تحت أي موضوع بالمنتدى ! هون والا بموضوع الأخ أسامة عن العادات القلمونية.
المهم يمكن هادي من العادات هالي اندرست بالقلمون , لما كنا زغار جيت فترة طويله عشت فيها بحارة العين وكانت إحدى العادات إنو كل ما واحد يعرف مظلئطة أو مدبرة يبلغ عنا بالحارة ويجتمعوا ولاد الحارة للتوجه نحوها مشان يحرقوا
أنا متذكر متل مني شايف شاشة الكمبيوتر لما توجهنا مرة حتى نحرق مدبرة على طريق النبعة مقابيل السجريقة(متزكرينا - هادي الشجرة يلي كنا ناكل زهرها ).
متذكر وقتا كان معنا فطيس(محمد القص) والشرشور( أيمن القص الله يشفي) وصلاح و عامر حبلص وصلاح حليحل و مبقا زاكر مين...
المهم الخطة سهلة , تجميع ما أمكن من القش والحطب حول فتحة المدبرة وحكش وكو المدبرة واشعال النار بالحطب ..... وهيك بيطلعوا الدبابير وبيحترقوا .. وبالأخير منفتح الوكر ومنشيل البيض وبتنباد المدبرة عن بكرة بوا
بلشت المهمة وتطوع الأخ أيمن القص لحكش المدبرة بعد ما كنا جمعنا الحطب وشعّلنا النار.
وبلسنا نتفرج على الدبابير عم تحترق , و هون كانت المفاجأة .. طلع في فتحة تانية للمظلئطة وعبشوا فينا الدبابير وخصوصا بالأخ أيمن الله يشفيه وبلش يزحف ويبرم عالأرض وبعدين بلشنا نركض وطلعنا من المعركة شي بعقصتين شي بتلاتة ....
ومن يوما تعلمنا ننتبه على كل وكورة المدبرة ونسدا كلها الا واحد
وبعد كم يوم حرقنا واحدة تحت العامود الأبيض عالأتوستراد (حدا زاكروا) وكانت العملية ناجحة 100 % -يعني بدون ولا عقصة- ورحعنا شلنا قراص المدبرة....
وهادي آخر مرة بحياتي واعي فيا لحرق مدبرة
وفي الختام لا بد من التذكير بأنه حسب تصنيف الأخ أسامة للعادات في القلمون , تكون هذه العادة من العادات السيئة لقول الرسول محمد صلى الله عليه وسلم (لا يعذّب بالنار إلا رب النار).
الله يتوب علينا وعالشباب ,
أسأل الله الذي جمعنا في دنيا فانية , أن يجمعنا في جنة قطوفها دانية.
"سيد الشهداء حمزةُ بن عبد المطلب ورجُلٌ قام إلى إمام جائرٍ فأمرهُ ونهاهُ فقتله"
Administrator
يا زلمة .......فتأتلي جروحات هلأ........عارف هالشي!!!!
سمعو لنشوف.....
كام يا ما كان....بقديم الزمان......كان في واحد اسمو "أنا".....
وهاد "أنا"......تحت بيتن في حألة و عمو كان مربي نحل فيها......صناديق كتيييير.......شي 4 صفوف....كل صف فيه 5 صناديق.......آم "أنا" أد ما بيحب العسل.......وما عاد فيه ينطر موسم القطاف......قرر إنو هو بنفسو ينزل ويأطف شوية عسل........
بس ليكو تأحكيلكم شو صار بالتفاصيل.......
الحألة مسيجة بألواح توتيا.......وعلى طرف حيط من الحيطان.....كان لوح التوتيا مفخوت......آم "أنا" جاب أصبة طويلة....يمكن سرأها من عند أحمد بشير الله يرحمو.....ومرأها أبلو من التغوير.......وزحف ومرأ.......خييييييييييي......خلصت أول خطوة من العملية.......
وراح صوب هالصناديق.......بيشوف خمس صناديق إدامو.......فما عجبو إلا الصندوق اللي بالنص......
وهاد الصندوق......مشهور عنو إنو كتييييير عدائي..........ما حدا كان يأرب من الحألة......إلا وياكل كم عأصة من هالصندوق.......
المهم.......هاد "أنا" ما عجبو إلا هالصندوق.......وفتح الغطا تاع الصندوق.......وشال الشوال اللي بيحطوه تحت الغطا........وحمل هالأصبة.......وبلش حكش بالنحلات.........
بس يا حسرة "أنا" غمي عليه وما بيعرف شو صار بعدين......
وأول شي متذكرو بعد هالأصة......إنو كان طالع من باب البيت......وفي نحلة عم تمشي على إيدو.......
وبيخبرو عمو بس كبر إنو نزلوه عالمستشفى.......ووئف تنفسو.......وكان رح يموت........وعملولو كم أبرة ضد التسمم....ومن هالأصص........
بس بعدها.......صار معو مناعة من النحل.......من فترة عأصتو نحلة برأبتو وما كان عارف......أمو آلتلو إنو رأبتو محمرة!!!!!
فتأملو يرعاكم الله.......شو كان شقي هالـ "أنا"........
السلام عليكم
عضو
الانترفون
مرة بأحد المخميات كان م ب مسؤل عن الحرس
وكان امير المخيم بدو يفوت ينام
وكانو الشباب كل شوية يرنو على الانترفون
قام امر المخيم طلب من م ب انو يحط سماعة الانترفون على الارض كرمال ما يرن
قام هاداك شال السماعة وحاول يحطا عالارض والنترفون معلق على العالي وشريط السماعة اصير
ام اخونا اص الشريط وحط السماعة على الارض
ودلن الشباب بلا انترفون
رستم راجع
ضوابط المشاركة
رد مع اقتباس