مغامرات قلموني

[Ouss]

[Nader 3:16]

السلام عليكم........
احسن ما تلغوا الموضوع قول يا معتوق مرّة احد الاخوة كذا و كذا دون التلميح اليه و لو بالاحرف.

و يا هلا بال ouss

[حُسَينْ ... !]

يمكن متأخر شوي بس لي بدي قولو انو ح.ص. منو غبي و كمان الصورة لي عم ترسوما عنو يا معتوق مبالغ فيا و شكلك منك عم تقدر تترك هل عادة تبعت الصواريغ

و يا هلا بكل الشباب الطيبة
و يا ريت كل واحد يحكي قصص عن حالو و اكيد كل واحد عندو فصول

[الشامي]

السلام عليكم كيفكم يا جماعة...

برأي أيضاً أن يذكر من يحب المشاركة هنا، ما يتعلق به شخصياً من ذكريات وما أكثرها، فإن أراد الإنتقال إلى ذكر ما يتعلق بغيره من القصص والذكريات فليستخدم أسماء مزورة إن كان يظن أن ذكر الأسماء الصحيحه (أو الإختصارات المعروفة) سيُحرج أصحابها...وأرجو أن لا نخرج عن الهدف من هذا الموضوع بالأصل، فهو يختصر على الترويح عن النفس بين فترة وأخرى...

أخوكم

[محمد أحمد الفلو]

الحأيأة أطّعتلّي ألبي بهالموضوع الإنشاء اللي عاملو

أول شغلة , كتير حلوة الأصص وكتير عاجبتني طريأة سردك للأصص , خصوصي قصة خالي والرمان.
وبالعكس هالأصص بتزكرنا بالماضي و بتزكرنا بصدائتنا :

صَحِبْتُ رِفـاقاكَالْمَصَابِيْحِ فِي الدُّجَى ** جمِـيْـلٌ مُحَيَّاهُمْ وَعِطْـرُهُمُ النَّـدَى
سَهِـرْنَا لَيَالٍ مــا حَسَسْتُ بِـرِيْبَةٍ ** وَلَمْ يَعْرِفُـوْا الْحِقْدَ الدَّفِيْنَ وَلاَ الْعِـدَا
صَـدَاقَتُهُمْ كَالْبَـدْرِ نُـورًا وَبَهْجَـةً ** وَأمْنًـا فَـلاَ نَخْشَـى لِسَانًا وَلاَ يَـدَا

بعدين كل واحد بيحكي الأصة من وجهة نظرو , يعني إذا انت كنت تسمي حارة العين السراقة , إحنا كنا نسميكم حارة اليهود , وما بنسى لمن حارة اليهود الغدارة هبططلنا الخيم اللي كانو بالسمّاءات عطريق النبعة لما كنا عم نصلّي الجمعة, والغارة اللي عملتا حارة العين بنفس الليلة عحارة اليهود , وما بنسا الأتل الإكلو منا حد الجامع الغربي تحتا فرّمو , عكلن هالأصص جاية ...

ما تاطعنا من قصصك الحلوة يا حميطون:
بالله لا تقطعوا عنا رسائلكم**** فإن فيها شفاء القلبِ والبصرِ
وآنسونا بها إن عزّ قُربكُمُ**** فالأُنس بالسمع مثل الأُنسِ بالبصرِ

بعد انقطاعي لثلاثة أيام عن الانترنت عقب مداخلتي الأخيرة التي شكوت فيها من إحدى المداخلات , تلقيت اتصالا من أخي أسامة من بلاد الحرمين أوضح لي قصده من مداخلاته , فتذكرت قول الله عز وجل : ( وقل لعبادي يقولوا التي هي أحسن إن الشيطان ينزغ بينهم إن الشيطان كان للإنسان عدوا مبينا) . وقد كان في ردي ما كان لأن العتب على قدر المحبة , ولو كان هذا الكلام من غير أمثالك يا أخي لما أعرت له بالا , ثم قرأت ردك هذا فازداد قلبي اتساعا .

ويا ليتني من الموهوبين بالشعر من أمثالك يا أخي حتى أعبر لك عن مشاعري تجاهك بعد أن صرت قدوة في نظري لحسن تعاملك مع سوء التفاهم الذي حصل , و لكن حسبي أن

أسأل الله أن يجعلني وإياك يا أسامة ممن ينادي عليهم الرب عز وجل يوم القيامة ( أين المتحابون في جلالي , اليوم أظلهم في ظلي يوم لا ظل إلا ظلي).

أما بانسبة للقصص التي سردت فسأحاول جاهدا أن أتذكر ما استطعت تفاصيل تلك القصص , محاولا أن أضيف تحليلاتي العسكرية لأسباب الهزيمة أو الفوز.



وشكرا للسيد معتوق على ما كتب .



يتبع ............... إن شاء الله

[الزاهر]

بارك الله بكم أخي الكريم..........

أدعو كل عضو في هذا المنتدى (بمن فيهم أنا) بأن يسامح كل من أساء إليه يوما سواء أكان يعرف شخصه أو لا يعرفه.........وهيك إن شاء الله بتكون فترة انتقالية بهالمنتدى المبارك......وبيرجع جزء من فضلها للأحباب Ouss و 7maytoun

وهيك هلأ صار فينا نرجع للموضوع بعد أن ابتعدنا عنه كثيرا......وإن شاء الله الرجعة هالمرة بتكون رجعة سليمة!!!!

وليكو أخونا جابر......سماه عوكر.......فخلينا نعتبرها موضة......ونمشي كلنا عليها......وفينا نألف اسم تاني منشان هالموضوع......بس بدنا كمان يتغير الشخص المعني ولو مؤقتا منشان ما نكون ضحكنا على حالنا......وبعد فترة ممكن ندخل أصص طريفة ......ولو عن نفس الشخص....لكن ساعتها بتكون بشكل غير مسيئ........لأن ساعتها........الي اسمو "فشكول" (مثلا) درجت عليه موضة الأصص!!!!!.......وما عاد شخص حقيقي........

شو رأيكم........حتى لو الواحد بدو يحكي أصة صارت معو شخصيا .......فبيسمي البطل "فشكول" (مثلا).......

منيح هيك....أم حدا عندو رؤية أوضح وأنسب؟؟؟


والسلام.....أخوكم زاهر الدين (قطر الندى)

[مصطفى معتوق]

بعد قرائة مداخلات اوس وحميطون قررت حذف جميع المشاركات السابقة على ان نفتح صفحة جديدة متناسين ما سبق من هجمات وهجومات مضادة سائلين الله عز وجل العفو والمغفرة ان كنا قد اسأنا لأحد عن قصد او عن غيره.
اما بالنسبة لمن يهاجمني بشكل مباشر دون اي سابق انذار وهو يختبئ خلف اسم وهمي فعليه ان يعلم اني لن اقاتل طواحين الهواء بل ان كان عنده اي استفسار او سؤال عني فليسألني مباشرة وسيجد اجابة عن اي سؤال ان شاء الله فليس ليدنا ما نخجل به وان وسبق واخطأنا فعندنا الشجاعة الكافية للاعتراف بالخطأ وليس من الضروري ان يسمع روايات فلان وعلان .

[Ouss]

إنشا الله بتكون أخوتنا بالله صادقة يا أخي محمد .
وشكراً لمعتوق على الروح الرياضية.

[Mahmoud.A]

marra kinit 3am i7ki ma3 MM 3al telephone w sa2alni iza binzil 3ala shi mat3am bi abou dhabi kirmel nit3asha. w ba3id ma ittafa2na 3ala al wa2it ken akid lezem yi7dar hal 3asha akhouna WT. ken al maw3ad se3a 8:00 la2anni knit 3am tebe3 mousalsal ajnabi byintihi bi hal wa2it. w lamma sar al wa2it kinit ana natir ta7it al bayt. w lamma wisil MM la 3indi jen de3em sayartou w mannou mkhabbar al shirta. alli halla2 mnotlob al shorta w min2illoun innou kinna saffina houn w jina w kenet heik mad3oume. ana khifit min hal issa w iltillou illoun shou ma baddak w ana w WT minkoun 3ala janab.
wislit al dawriye w ballash sa7ibna yi2ni3oun lal shabeb innou ija w shef al sayara mad3oume w ma bishik bi 7adan. bass al shorta ma sadda2ou hal issa w aloulou illna al 7a2i2a. lamma n7ashar MM alloun houn al shabeb s2alouwoun.w lamma sa2alni al shirti iltillou innou ana jit w shifit al sayara mad3oume bass ma ba3rif shi w zeit al shi 7iki WT. w ba3id laffe w dawra 3taraf sa7ibna lal shorta innou da3am al sayyara bi ma7all teni. w ma kein min al shirti se3ita illa innou allou ana halla2 fini bibasata i7biskoun 3 month w irja3 saffirkoun. bass 7amdilla tili3 edamay w allna rou7ou bass marra teniye ma 7adan ykazzib raghim ni7na ilnelou mamna3rif shi. w lamma ri7na sa2alna MM iza kein 3eref innou moumkin ysaffrouna min al balad allna bikill basata : innou yes ana 3eref w 7ebeb irja3 3ala liban w ilit leish 7atta irja3 wa7day btijou ma3i bass 7azzi mannou mni7 w ma zabatit. tawile hal issa bass akhouna MM shehed 3layya walla shou????????????????????????

[Mahmoud.A]

kein akhouna yishtighil bi shirke houn w kein ilou zamil min balad 3adou la2ilna. w ma3 al iyyem khtalaf sa7ibna MM ma3 al souri w 7abb yikhidmou mitil ma khadamna. w lamma MM ghayyar shoghlaw,3imil 3a2id shoghil shaklay bi mablagh kbir min al meil w kitbaw bi isim al souray w allaw dabbartillak shoghil ma3ay bil shirke w baddak to2bor al fo2ir. w jebni ana la7atta i3millou interview w wassani inni oullaw 3ala koll shay moumteiz. w ana min add ma b7obb al souriyin 7abbayt okhdom MM. w akhadit ma3ou maw3ad w 3miltillou interview bi ajman bi maktab we7ed sa7ibna. abdaytillou i3jebay fey w oltillaw nshalla kheir w baddi shewir ra2i al moudir.
w ba3id 1 week khalla MM we7ed min as7abou yamani yittisil fey w y2ollaw inou mishi al 7all w badna nwakki3 al 3a2id. ija al souri w addam isti2altou min al shoghil taba3ou w ibil ma3 MM innou yrou7 ijeze 3ala souria la7atta yib3atlou al visa. w hayk dall sa7ibna bi souriya natir MM yib3atlou al visa w yimkin issetou la halla2 natir.

[محمد أحمد الفلو]

كما لاحظت من خلال قراءاتي للمشاركات في هذا الموضوع منذ أن اتخذ القرار بعدم ذكر الأسماء بأن القصص صارت أقرب الى النكت منها الى مغامرات قلموني

هذا الأمر قد أدى الى أن تفقد القصص ميزتها الأساسية وهي أتها قد حدثت في قريتنا مع قلموني . كما أن أن أكثر القصص التي ذكرت يعرف كل قلموني أبطالها كما أن بعض الشباب قد ذكر قصصا قد حدثت معه شخصيا ونسبها الى مجهول.

إأن هذا الأسلوب الجديد المتبع أفقد الموضوع ميزة أخرى وهي أن نتعرف على بعض من جوانب تاريخ بلدتنا ورجالاتها الذين قد أفضوا الى ما قدموا , فمثلا من خلال قراءة قصة الأخ جابر دملوك مع جدي عبد الرحمن حمدانة رحمه الله أحسست بمتعة عند قراءة القصة لأنها تحتوي أسماء شخصيات قد توفاها الله منذ زمن , كما أن من إيجابيات ذكر الإسم هو أن كل قارئ لهذه القصة قد ترحم على جدي وربما تذكر هذا الشخص ان كان صغيرا ولا يعرف جدي , ربما تذكره مع أهله فترحموا عليه جميعا .

من أجل ذلك فإني أرى أن تذكر الأسماء في القصص التي لا تحتوي على إهانات أو إحراجات لأبطالها.

[HARD]

هلا بالاخ Mahmoud.A
كيف حالك والله الحكايات يلي عم تكتبها بتخليني ابكي على بطلها ولكن انا مصدووووووووووووووووووووووووووووووووووووووووم والله .

[Mahmoud.A]

ahla fik khayi Hard. ana marrayt 3ala hal ossas bimouwefa2it sa7bak w fik tis2alou. w ana marra lamma kinna sawa kinit baddi i7ki we7de minnoun bass ajjalta la ba3dein w halla2 ballashit mousheraketi bi hal 2 issas w akid bta3rif minou MM hahahahahahahahahah

[مصطفى معتوق]

يمكن اكل يتسائل شو الفرق بين اليابان والجابان ؟؟؟؟
بالزمانااااااااااااااااااااااات ايام ابو ظبي واول ما وصل الاخ فلان ليشتغل بالمنطقة اتصلت فيه بمناسبة اول يوم دوام .
فكنت عم اسألو عن شغلو وهيك فسألتو شو في جنسيات عندكن بالشركة فصار يعد : امركان بريطانية عرب لبنانيين ويابانيين وجابانيز ؟؟؟؟؟
فقلتلو انا شووو؟؟؟؟؟؟؟؟؟؟؟؟
قلي جابانيز التو في يابانية وجابانيز
قلي اه جابانيز ولك من الجابان منك سامع فيها
هههههههههههههههههههههههههههههه
على فكرة بعد فترة التقينا فيه بمحل شب من الالمون بدبي وسألتو نفس السؤال وكان مصر على جوابو

[HARD]

هلا بكم والله انا بلومك كان لازم تخبرني على الاقل بس الحق يقع على يلي كانو معنا ، على كل حال لم يحصل شئ كيف احوالكم سلم على الجميع واذا شفت البطل سلم عليه لاني مني عم شوفو الظاهر عم يعمل خطة للانتقام فانتبه متكون من اهدافه فهو مسلح كما انت اسلفت بقصصك .

[محمد أحمد الفلو]

عنوان غريب و أنا كنت محتار تحت أي موضوع بالمنتدى ! هون والا بموضوع الأخ أسامة عن العادات القلمونية.
المهم يمكن هادي من العادات هالي اندرست بالقلمون , لما كنا زغار جيت فترة طويله عشت فيها بحارة العين وكانت إحدى العادات إنو كل ما واحد يعرف مظلئطة أو مدبرة يبلغ عنا بالحارة ويجتمعوا ولاد الحارة للتوجه نحوها مشان يحرقوا


أنا متذكر متل مني شايف شاشة الكمبيوتر لما توجهنا مرة حتى نحرق مدبرة على طريق النبعة مقابيل السجريقة(متزكرينا - هادي الشجرة يلي كنا ناكل زهرها ).

متذكر وقتا كان معنا فطيس(محمد القص) والشرشور( أيمن القص الله يشفي) وصلاح و عامر حبلص وصلاح حليحل و مبقا زاكر مين...

المهم الخطة سهلة , تجميع ما أمكن من القش والحطب حول فتحة المدبرة وحكش وكو المدبرة واشعال النار بالحطب ..... وهيك بيطلعوا الدبابير وبيحترقوا .. وبالأخير منفتح الوكر ومنشيل البيض وبتنباد المدبرة عن بكرة بوا

بلشت المهمة وتطوع الأخ أيمن القص لحكش المدبرة بعد ما كنا جمعنا الحطب وشعّلنا النار.

وبلسنا نتفرج على الدبابير عم تحترق , و هون كانت المفاجأة .. طلع في فتحة تانية للمظلئطة وعبشوا فينا الدبابير وخصوصا بالأخ أيمن الله يشفيه وبلش يزحف ويبرم عالأرض وبعدين بلشنا نركض وطلعنا من المعركة شي بعقصتين شي بتلاتة ....


ومن يوما تعلمنا ننتبه على كل وكورة المدبرة ونسدا كلها الا واحد

وبعد كم يوم حرقنا واحدة تحت العامود الأبيض عالأتوستراد (حدا زاكروا) وكانت العملية ناجحة 100 % -يعني بدون ولا عقصة- ورحعنا شلنا قراص المدبرة....

وهادي آخر مرة بحياتي واعي فيا لحرق مدبرة

وفي الختام لا بد من التذكير بأنه حسب تصنيف الأخ أسامة للعادات في القلمون , تكون هذه العادة من العادات السيئة لقول الرسول محمد صلى الله عليه وسلم (لا يعذّب بالنار إلا رب النار).

الله يتوب علينا وعالشباب ,

أسأل الله الذي جمعنا في دنيا فانية , أن يجمعنا في جنة قطوفها دانية.

[الزاهر]

يا زلمة .......فتأتلي جروحات هلأ........عارف هالشي!!!!

سمعو لنشوف.....

كام يا ما كان....بقديم الزمان......كان في واحد اسمو "أنا".....

وهاد "أنا"......تحت بيتن في حألة و عمو كان مربي نحل فيها......صناديق كتيييير.......شي 4 صفوف....كل صف فيه 5 صناديق.......آم "أنا" أد ما بيحب العسل.......وما عاد فيه ينطر موسم القطاف......قرر إنو هو بنفسو ينزل ويأطف شوية عسل........
بس ليكو تأحكيلكم شو صار بالتفاصيل.......

الحألة مسيجة بألواح توتيا.......وعلى طرف حيط من الحيطان.....كان لوح التوتيا مفخوت......آم "أنا" جاب أصبة طويلة....يمكن سرأها من عند أحمد بشير الله يرحمو.....ومرأها أبلو من التغوير.......وزحف ومرأ.......خييييييييييي......خلصت أول خطوة من العملية.......

وراح صوب هالصناديق.......بيشوف خمس صناديق إدامو.......فما عجبو إلا الصندوق اللي بالنص......
وهاد الصندوق......مشهور عنو إنو كتييييير عدائي..........ما حدا كان يأرب من الحألة......إلا وياكل كم عأصة من هالصندوق.......

المهم.......هاد "أنا" ما عجبو إلا هالصندوق.......وفتح الغطا تاع الصندوق.......وشال الشوال اللي بيحطوه تحت الغطا........وحمل هالأصبة.......وبلش حكش بالنحلات.........

بس يا حسرة "أنا" غمي عليه وما بيعرف شو صار بعدين......
وأول شي متذكرو بعد هالأصة......إنو كان طالع من باب البيت......وفي نحلة عم تمشي على إيدو.......

وبيخبرو عمو بس كبر إنو نزلوه عالمستشفى.......ووئف تنفسو.......وكان رح يموت........وعملولو كم أبرة ضد التسمم....ومن هالأصص........
بس بعدها.......صار معو مناعة من النحل.......من فترة عأصتو نحلة برأبتو وما كان عارف......أمو آلتلو إنو رأبتو محمرة!!!!!

فتأملو يرعاكم الله.......شو كان شقي هالـ "أنا"........

السلام عليكم

[3ANIF JEDAN]

مرة بأحد المخميات كان م ب مسؤل عن الحرس
وكان امير المخيم بدو يفوت ينام
وكانو الشباب كل شوية يرنو على الانترفون
قام امر المخيم طلب من م ب انو يحط سماعة الانترفون على الارض كرمال ما يرن
قام هاداك شال السماعة وحاول يحطا عالارض والنترفون معلق على العالي وشريط السماعة اصير
ام اخونا اص الشريط وحط السماعة على الارض
ودلن الشباب بلا انترفون

[3ANIF JEDAN]

يا مشرف ما تمحي المشاركة كرمال نعرف ازا الشباب بيوافقو اني اكشف الحقيقة

ولك يا معتوق شبدك بهالشغلة وبعدين بلالك فتح هيك اصص بلا طعمة واحكي بالمفيد وبس .
شرأيكن يا شباب اقلبلكن الموضوع تيصير اسمو فضايح قلموني ؟
يعني بلش احكيلكن اصص الخلافات بين الاخوة على الورتة
او عن الرجال الي مصاحبين على نسوانن او النسوان يلي مصاحبين على رجالن
او مثلاً شو رأيكن افتح ملف اهل الالمون يلي كانو يشتغلو مع المخابرات السورية متل يلي كانو ينزلو يشكو رجالن للمخابرات ويدفعو ..... كرمال ينشحطو رجالن ويدورو هنة على حل شعرن
او مثلاً نفتح مواضيع الخلاف بين المتحزبين بالقلمون متل الخلاف بين مسؤلي الجماعة الاسلامية على التقسييم ومسؤلي تيار الشيخ سوسو على المصريات وبين القوميين على النسوان
او شو رأيكن احكيلكن عن تلات بنات من الالمون (عفواً مؤنن بنات ) كانو اعز الاصحاب ومرة دبرو مكيدة خطف شب من الضيعة لانو لقطن بالجرم المشهود ولمن فشلت العملية نتفو شعور بعضن بالشارع
او قصة شبين ربيو مع بعضن وهلق صارو اعداء بسبب الخلاف على بنت
على فكرة كلو بالوثائق والشهود وازا بدكن ياني افتح هيدي الملفات بدي اذكر الاسماء بالتفصيل ويلي بدو يعترض على قصة انا كاتبة يروح يتشكى بالمخفر انة كان رجال لانو كلو بالوثائق
علة فكرة انا عندي هدف من ورا هالموضوع وهو بدي ارجيكن انو شعب القلمون ولا واحد بيحب التاني .

[محمد أحمد الفلو]

سلامات يا عنيف جدا
مهضومة منك ( رستم راجع)

بس بحب ذكرك بقول الرسول صلى الله عليه وسلم ( لا تعن الشيطان على أخيك)
مع إني من هواة سماع هيك قصص.

[مصطفى معتوق]

اعيد واكرر الهدف من هذا الموضوع وهو الحديث عن مغامرات الصبا والاحداث الطريفة التي حدثت معنا في الصغر وليس للانتقام او للبحث عن حقيقة معينة
قد اختلف معك او قد نتفق يا عنيف جداً على ما كتبت وما تعتزم ان تكشف من قصص قد شهدت بعضها وقد سمعت عن بعضها الاخر وانا على يقين تام ان في القلمون من القصص المعيبة ما يشيب له الولدان.
ولكن لا استطيع ان احكم على اختيارك للزمان الحالي لفتح هكذا مواضيع سيكون لها ما لها من تأثير على الوضع في القلمون الا انني اؤكد لك انك اخترت المكان الخاطئ .
فارجو منك اياً كنت ان تختار موضوع اخر مخصص للفضائح كما سميتها او على الاقل كما اعرف بعضها .
ايها العنيف لا يهمني انا شخصياً من تكون او ما هو هدفك من فتح هكذا ملفات اكل الدهر على بعضها وشرب على البعض الاخر ولكنني اعرف شخصين اثنين عندهم هذه الجرأة التي تصل في اغلب الاحيان الى حد التهور .
اعلم ان جلّ ما كتبته انت صحيح واعلم ايضاً انه ليس سر في اغلب الاوقات ولكن احذرمما انت مقبل عليه ان اخترت الاقبال وانا انصحك بابقاء ما تعرفه لنفسك سيكون اجدى وانفع فأنا على يقين تام من ان مزاجية بعض الاشخاص لن تدعك وشأنك
وفي الختام اطلب منك ان كنت فعلاً قد عزمت على الامر ان تكشف عن هويتك الحقيقية لأني سأكون اول المطالبين بكشف الحقائق كاملة واول حقيقة ستكون معرفة من انت وصحة معلوماتك
اما بالنسبة لتعليقك على مسألة ايماني فاعتقد ان هذا الموضوع لا يعنيك لا من قريب ولا من بعيد انما هو حصرا من حقي وحدي وهو يمثل جوهر حريتي الشخصية .

[الزاهر]

تماما مع أخي مصطفى!!!!!!........وأخي محمد!!!!!

[3ANIF JEDAN]

يا معتوق
اول ملف رح ينفتح هو ملفك انت و(حُذفت من قبل المشرف) بس بعدني ناطر رأي الشباب
والله مرح خلي ستر مغطى على حدن وبالاسماء
وبعدين يا حميطون بتحب تسمع هيك اصص
ما بيتكن بنص الشارع فتاح دينيك وعينيك بتحضرا مباشر

[3ANIF JEDAN]

يا مشرف ما بيصير تعاملني بهالطريقة
ليش شلت قصة (حُذفت من قبل المشرف)
ازن قصة متل هادي ما تحملتها كيف بدك تتحمل الفضائح التئيلة بعدين
بالمناسبة هيدي صارت بنص الالمون والعالم كلها بتعلرفا ليش امحيتا اه

[الشامي]

السلام عليكم...

أخي عنيف جداً، إن كنت تبحث عن فضائح لأي كان فقد دخلت المنتدى الخطأ... فهذا المنتدى لم يكن ولن يكون ساحة للفضيحة، وإن أردت طرح أي موضوع أو فكرة للنقاش يمكنك إستخدام أسلوب آخر....

هذا أول وآخر تنبيه أوجهه، ولا ترد علي هنا لأن كل ما يخرج عن الموضوع سيتم حذفه... يمكنك مراسلتي عبر الخاص أو الإيميل أو إضافتي عندك على المسنجر...

هذا المُنتدى لنرتقي بأنفسنا وأهلنا وبلدتنا، وإن كان ثمة أخطاء وهذا لا يخلو منه زمان ولا مكان فقد أُمرنا باستخدام النصيحة وليس الفضيحة... واللبيب من الإشارة يفهم...

أخوكم

[جابر دملوك]

بارك الله فيك أخي الشامي
(كلامك عسل بشهدو)

[مصطفى معتوق]

ان كنت كما تدعي تحمل وثائق وادلة دامغة
ان كنت كما تدعي تطالب باظهار الحقيقة
ان كنت كما تدعي تسعى خلف الفضيحة
اظهر شخصيتك الحقيقية ولا تختفي خلف الاحرف الرقيقة
وانزل الى ساحة غير المنتدى لانه لاصحاب الافكار النظيفة
فجادل بالتي هي احسن او ارحل و لتكن رحلة غير حميدة
وخلفك سنكسر من الفخار جرة بضربة كأسمك جداً عنيفة

[مصطفى معتوق]

لقد ابتعدنا كثيراًعن المغامرات ولا بد لنا من العودة الى الموضوع الاساسي
وهنا احب ان اذكر قصة حدثت منذ حوالي خمس سنين مع الصياد الفذ
بالمناسبة هناك حوالي 50 صياد فذ بالقلمون فما حدن يعترض

كان ابن عمتي الطنطور الله يذكرو بالخير والاخ الكريم عمر حمزة وابو مصطفى الله يطول بعمرو
ياخدوني معن على الصيد من انا وصغير
اتذكر انو في مرة من المرات دخل احدهم الى مقهى جوز خالتي هشام حوالي الساعة 4:30 الفجر
وكان من عادتنا قبل الصيد نتجمع بالمقهى نشرب قهوة وبعدين ننطلق كل مرة على محل
وبهيداك اليوم وقبل التوجه الى منطقة كفرزينا قضاء زغرتا فات اخونا وشاهد السيد صياد فز جالس مع اصحابو حتى يكتمل العدد تبع مجموعتن.
دخل اخونا وسأل الصياد الفذ عن نوع الخرطوش يلي بيستعملو ونصحو يستعمل نوع خرطوش نازل على السوق جديد
وعطاه ضرب مسطرة حتى يجربو مع العلم انو الضرب يلي عطاه اياه فاسد يعني ما بيفقع وما كان حدا معو خبر
وعينيكن متشوف الا النور لما وصلنا على الحرش وطارت شكبة من قدام الصياد الفذ وفقس الضرب من المخمسة وما طلع .
الحد اليوم بس الصياد الفذ يشوف صاحبنا بيضربو وبيسبلو على الاقصة
هههههههههههههههههه

[HARD]

لقد ابتعدنا كثيراًعن المغامرات ولا بد لنا من العودة الى الموضوع الاساسي
وهنا احب ان اذكر قصة حدثت منذ حوالي خمس سنين مع الصياد الفذ
بالمناسبة هناك حوالي 50 صياد فذ بالقلمون فما حدن يعترض

كان ابن عمتي الطنطور الله يذكرو بالخير والاخ الكريم عمر حمزة وابو مصطفى الله يطول بعمرو
ياخدوني معن على الصيد من انا وصغير
اتذكر انو في مرة من المرات دخل احدهم الى مقهى جوز خالتي هشام حوالي الساعة 4:30 الفجر
وكان من عادتنا قبل الصيد نتجمع بالمقهى نشرب قهوة وبعدين ننطلق كل مرة على محل
وبهيداك اليوم وقبل التوجه الى منطقة كفرزينا قضاء زغرتا فات اخونا وشاهد السيد صياد فز جالس مع اصحابو حتى يكتمل العدد تبع مجموعتن.
دخل اخونا وسأل الصياد الفذ عن نوع الخرطوش يلي بيستعملو ونصحو يستعمل نوع خرطوش نازل على السوق جديد
وعطاه ضرب مسطرة حتى يجربو مع العلم انو الضرب يلي عطاه اياه فاسد يعني ما بيفقع وما كان حدا معو خبر
وعينيكن متشوف الا النور لما وصلنا على الحرش وطارت شكبة من قدام الصياد الفذ وفقس الضرب من المخمسة وما طلع .
الحد اليوم بس الصياد الفذ يشوف صاحبنا بيضربو وبيسبلو على الاقصة
هههههههههههههههههه

لا تعليق......
بس عمر لا يشرب قهوه يمكن تقصد نسكافيه

[مصطفى معتوق]

انو يا هارد بحطلك المانيو تبع القهوة
مزبوط عمر كان يشرب نسكافيه
وانا والبابا قهوة سادة
والطنطور شاي بحليب
شبدك
وبعدين ليش مكبر الجملة بالموضوع ؟

[الزاهر]

هههههههههههههههههههههههههههههههههههههههههههههههههه ههههه
هههههههههههههههههههههههههههههههههههه
هههههههههههههههههه

ذكرتني وئت كنا نروح عالدبوء!!!!!
الله يخليك!!!

[HARD]

انو يا هارد بحطلك المانيو تبع القهوة
مزبوط عمر كان يشرب نسكافيه
وانا والبابا قهوة سادة
والطنطور شاي بحليب
شبدك
وبعدين ليش مكبر الجملة بالموضوع ؟

كلا لا شئ بس مجرد مزح فان فهم كان به وان لا فخليها للايام
خليك متل الاخت نارة بتفهم على الطاير

[مصطفى معتوق]

يا اخي هارد نارة خانوم ذكية وبتفهم على الطاير
اما انا غشيم الله يخليك اكتبلي بقلم نشرح

[محمد أحمد الفلو]

أول مالعريس فتح محل الآيس كريم كان يبيع معو شوكولا مو
ففي واحد من الشباب كان مع رفقاتو عم يشتروا من عند العريس
وكل واحد طلب على زوقو.. لحد ما واحد من الشباب جا دورو ت يطلب
فطلب شوكولا مو على فريز

شو يا معتوق بتعرف مين ؟ لأن مني زاكر والله

[مصطفى معتوق]

شو يا معتوق بتعرف مين ؟ لأن مني زاكر والله

تصحيح
القصة يا حج حميطون صارت عند فريز درنيقة مش عند العريس حسب ما بتذكر
واكيد ذاكر مين ليش انا فيني انساه
بس ما فيني اذكر الاسم منشان ما نخرج عن الشروط والضوابط
هههههههه
والله كانت رايحة على بالي هالاصة
بس بتعرف ذكرتني باصة الريموت كونترول
رح احكيها هلق

[مصطفى معتوق]

بيوم من الايام عرفنا انو صاحبنا مصاب ومش قادر يلعب معنا كووول
والغريب بالموضوع انو كنا مع بعضنا قبل بيوم وما صرلو شي بالملعب ؟؟؟
رحنا نعملو زيارة بالبيت
وبتذكر كان معنا عامر الطبشة وايمن خداج ويمكن طارق اسماعيل ؟؟
المهم
طلعنا لعندو ولقينا مسطح على الكنباية بالصالون لا من ايدو ولا من تمو
ولك شباك يا اخ العرب ؟؟؟
قال اكل اتلة بالرومون كونترول ؟؟؟؟؟؟؟!!!!!!!؟؟؟؟؟؟!!!!!!!؟؟؟؟؟!؟!!!!؟!؟!؟!؟!
هلق الشباب ما حدن استوعب وافتكرنا شي غلطة لغوية متل العادة ؟؟؟؟!!!!!!!؟؟!؟!؟!؟!؟
وكان التلفزيون داير وعم نحضر اخبار
والله الجماعة ما قصرو معنا وبلشت الضيافة وجا اخو الاصغر منو قعد معنا
ونحنا قاعدين ما شفنا الا اخوه الاصغر شال قضبب قد شبيط المعلم يلي بيفرطو فيه راس شجرة الزيتون ومن محل منو قاعد غير الازاعة ؟؟!!!؟!؟!؟!؟!؟!؟!؟!؟!؟!؟!؟!؟
هون الشباب اصيبو بمس ؟؟؟!؟!؟!؟!؟
ولك ايشو داه سألنا كلنا بصوت واحد ؟؟؟؟
فكان الجواب
هادا الرومون كونترول يلي صاحبنا اكل فيه اتل
هههههههههههههههههههههههههههههههههههههههههههههههههه ههههههههههههههههههههه

[الزاهر]

عجبك هيك.......انكسر الكرسي........لوووووووووول!!!!!!

هههههههههههههههههههههههههههههههههههههههههههه هههههههههههههههههههههههههههه ههههههههههههههه

[مصطفى معتوق]

بعد صلاة الجمعة في اجتماع لكل فريق الكووول
المحترفين طبعاً يعني وسيم فلو والهواة يلي متلو ما لهن علاقة
المهم
اجتمعنا بالحارة تحت بيت خداج ومتل منو معروف انو هيدا المعقل تبع اللعيبة المحترفين بالقلمون
ومش بيت عامر خداج فمحدن يغلبط لأن في فرق كبير عأساس عامر ما بيعرف يحضر كووول على التلفزيون فما بالكن باللعب
وكان النقاش ازا مننزل على الاحدب او ما مننزل وسبب النقاش انو بعض الخواجات بالفريق ما بيلعبو ازا الهوى قوي
وخلال النقاش ما منلاقي الا احد الشباب بيصرخ باعلى صوتو انا نازل وما بيهمني ازا الاوى هوي او لأ
المهم نلعب
هههههههههههههههههههههههههههههههههههههههههههههه

[الزاهر]

ليك يا زعيم......ألي مينوو...........ولك ألي....وما بخبر حدا........"برك بسير غميييييييييء!!!!!"

[محمد أحمد الفلو]

حلوة قصة الريموت كانترول يامعتوق
بس أحد الرفاق بالحزب حابب يسألك :

هلأ

عبد الحكيم زيدان ابنو لسالم طوط

[مصطفى معتوق]

كنا مشاركين بدورة بيتش فوتبول بالهري فمرة من المرات قررنا نروح نتمرن على الرمل وكرمال الوقت قررنا نروح باليل .
المهم بعد المغرب ضبينا هالعدة وتوكلنا على الله رحنا صوب بيت احد الشباب عيطنالو نزل وما لحق اعد بالسيارة الا قال : لحظة نسيت غرض ورجع طلع وبعد شي 5 دقايق نزل ولمن اسئلنا شو كنت ناسي ؟!!! بكل برودة اعصاب قلنا قنينة زيت البحر ؟؟؟؟!!!!؟؟!
ههههههههههههه

[saer l]

mustafa ma3tuk shaklak nsit el 7eb el awmi makhala wala daw sayara bel kalamoun ela w sara2o w makhala aya ne2tet benzin bel sayarat w makhala dwelib roo7 abel ma tetawal 3ala asyadak taher temak bass tkoon badak te7ki 3a tayar el musta2bal la2anak asghar men we2em wahab w men slayman franjiyeh w kol all kansouh w shakelkoun entou deyman bet7ebo tkounou metel danab.........ayashe bass b7eb zakrak ya ma3touk eno m3almak rafe2 l 7ariri ma 7amal 3alam bawarid 7amaloun ketob bass 3a2idet 7ezbak hal beleh w el mehtere akbar dalil 3ala enkoun nes jahale makenet b7eb enzal la heik moustawa bass tatawolak 3ala asyedak khalene red 3leik men zamen kenet 7ebeb redelak bass maken el moustawa byesma7 w ana b2elak hala2 matefta7 siret asyedak be eshya mesh mnee7a e7ke 3ala m3alminak 8 march

[مصطفى معتوق]

حمص حب بليلة
كان احد الشباب فاتح مطعم فول وحمص وكنا نجتمع عندو وكان احدنا جهلان بصبية اسمها ليلى وبيلحقها من زاوية لزاوية ومن محل لمحل. وكانت ليلى بتحب شب تاني ومتفقين على الخطبة وسمعت انن من فترة خطبو .
المهم وبلا طول سيرة كان صاحب المحل طابع ورقة بالمنتجات والاسعار على الشكل التالي :

حمص طحينة .... 1500
فول مدمس .......1500
فتة ..............2000
حمص حب بليلة ...1500

وقف صاحبنا العشقان قدام اللوحة وقال حتى الحمص حب ليلى شو مني مخلص بفلان الفلاني والباقي عندكن ... المعتر قري الورقة غلط ؟؟
ههههههههههههههههههههههههههههههههههههههههههههه ه

[Nadine]

حمص حب بليلة

مشكور على القصة الطريفة

[Nader 3:16]

ههههههههههههههههههههه!!!!!

بالفعل قصصك يا معتوق غاية في الجمال!!!!!!!!!

الله يجزيك الخير

[الزاهر]

والله ألبنا ما عم يحمل ها.......منفوت على موضوع جابر.......منروح بالسكتة.....ومنجي لهون.....منروح بالجلطة........!!!!!


تسلم خيي ستيييييييييييييييييييييييف!!!!!!

[مصطفى معتوق]

ما هي الكندورة
هي العبائة التي يلبسها مواطني دول الخليج !!!!!!
اراد اثنان من الشباب القلامنة المقيمين في ابو ظبي تفصيل كنادير والنزول بهم الى لبنان في فترة الاجازة .
والله الشباب ما كذبو خبر . حملو حالن وراحو على واحد من اهم الخياطين في ابو ظبي !!
هلق الخياط معود يفصل كنادير لعالم لابسة كنادير .
ولمن الشباب راحو لعندو كانو بالجينزات .
فاتو على المحل : السلام عليكم وعليكم السلام
قالولو : صديق نحنا نريد سوي تفصيل مال كندورة عشان اتنان نفر ....(هيدي بالعربي تبع الهنود)
فالخياط قلن : انت لازم اول يجي لابس كندورة عشان مقاس يجي مزبوط ....
يعني انو يلي بدو يفصل كندورة لازم يجي على المحل لابس كندورة كرمال يزبط القياس .
هربو الشباب من المحل وراحو فصلو عند واحد تاني
ههههههههههههه

[habouleh]

ههههههههههههههههههههههههههههههههههههههه حلوة منك

[مصطفى معتوق]

انا وعم قلب بالمنتدى زكرني زاهر باصة لمن فتح سيرة حسين بياع الكعك اسمعو يا رعاكم لله :

هادا يا جماعة كان في واحد قلموني متزوج واحدة قلمونية وبتعرفو ماشاء الله رجال القلمون كلمتن شو مسموعة من نسوانن (مش الكل بس الاغلبية)؟؟؟
على كل حال كانت مرتو لصاحبنا بتحب الكعك كتير وكانت تنطر ليمرق حسين بالحارة من تحت بيتها بفارغ الصبر كرمال تشتري كعكة تتسلى فيها .
وكانت بمجرد ما تسمع نداء الكعك الشهير تبع حسون : محمص كعكات طيبين تركد على البلكون وتوقف حسين وتشتري منو كعكة.
وكان المعتر زوزها ازا بدو منها شي ينبح تحت البلكون وهوعم يعيط وهي ولا على بالها.
ام الزوج اخترع طريقة كتير حلوة لترد عليه مرتو فصار لمن بدو منها شي يوقف تحت البلكون ويقلد صوت حسين بياع الكعك ويعيك محمص كعكات طيبين فصارت تركد تتشوف حسين يطلع زوزها ناطرها ويقلها الله يوفقك ناولين يهالشغلة
ملاحظة : افادة التقارير الواردة من الحارة المذكورة اعلاه انو الزلمة بعدو لحد اليوم عم يستعمل الاسلوب نفسو .
هههههههههههههههههههههههههههههههههههههههههههههههههه هههه

[فشلان]

يا تأبش عضام ست ستك... هادي القصة بالفعل كتير حلوة.. عجبتني خمس كيلو...
ليك أمانة يا أخي معتوق... لما بتشوف الهبولة... رجاءً بدي السلامات توصل مثل الشتاء بإيام الصيف.. وخصوصاً شهر آب... أوكي؟؟؟؟؟