للشعراء فقط...

[الزاهر]

أنا الحقيقة كنت مفتكر إنو حاذفين مشاركاتي.. لسبب أو لآخر... بس ما فهمت مين هاد يلي محي المشاركات؟ وليش في مشاركات محذوفة ومشاركات لأ؟؟؟؟ شو ناس بسمنة وناس بزيت؟ وبعدان إذا المشرفين ما هنى يلي محو المشاركات.. مين أبي محاهن يعني؟؟؟؟؟

الأصة أمتن كتبت مساركتك!!!!!


وبعدان إنت يا سيد زاهر شو قصدك بمشكلة فنية؟؟؟ كلو إلو دخل بالفن هلأ؟؟؟؟ احكو وأفصحو شو صاير بالضبط... وخدونا على أد أعلنا...


هلأ خيي....وئت عالجزيرة بينأطش التقرير من نصو....بيألك المذيع والله المكسر تاع الفيديو خربت المروحة تبعيتو آم حمي وبطل يشتغل.......ولا بيألك مشكلة غنية!!!!



سلام

[مصطفى معتوق]

يسلم هالتم يا فشلان قصيدتم الاخيرة اصابت كبد الحقيقة
بس يا ريت بتعمل شي واحدة لأخونا الهارد على وزن بور سمير او بور الجماعة
لان غيران ههههه
انا سمعت انو عم يحاول يعمل قصيدة على وزن جورة عين الجامع ومنا عم تظبت ساعدو الله يخليك الهارد بيعز علينا

[فشلان]

يسلم هالتم يا فشلان قصيدتم الاخيرة اصابت كبد الحقيقة
بس يا ريت بتعمل شي واحدة لأخونا الهارد على وزن بور سمير او بور الجماعة
لان غيران ههههه
انا سمعت انو عم يحاول يعمل قصيدة على وزن جورة عين الجامع ومنا عم تظبت ساعدو الله يخليك الهارد بيعز علينا

تكرم عينك يا أخي الرفيق المناضل مصطفى معتوق... إلك هادي أحلى قصيدة... بس عفوا إني ما ذكرت بور سمير.. لأن بور سمير الحقيقة ما إلو عندي ذكريات...
بس حتى تقرأ الشعر ويطلع شعر.. بدك تقرأو باللهجة القلمونية العامية البحتة...وانتبهلي على كلمة الهاردبشت رح تعجبك...

بور الجماعة أحلى بور بضيعتــــي ---- وكل عمري كنت شوفو بعطلتـي
بالصيف وبالشتوية ننزل عالبـحــر ---- من حُكم إنو جُنب جامع بلدتـــي
والجورة يا بو صطيف ديمن تنذكر ---- والقاسي يلي يغطس بجورة المي
والنبعة والسهل اللي نلعب في كول ---- من العين كنت قـَبلة عبِّي مطرتي
والتيتا لما كانت تجيب الغسيــــــل ---- وتْفـُضُّو وتغسل بإيدا كنزتـــــــــي
والعَـنـْكْلِيز اللي بينضف دائمـــــــاً ---- موية العين اللي بتروي عطشتي
يا ريت فينا نِرْجع لموضة زمـــان ---- ونغير اللي صار يغير ضيعتــــي
نرجع حبايب عالمودة نلتقـــــــــي ---- والجار يقول لجارتو لا تشتكــــي
ونـّنـَئِّف اللي دائما تلبس قصـيــــر ---- بالسِلّوبـِلّو أو بنفيخة مــــــــــوي
كانت ليالي عالنكت والهاردبشت ---- ومن شَرِّي ما أترك حدا من عيلتي
كانت حياتي بالهداوة وبــــالرواء ---- كانت بسيطة بس فيها ضحكتـي

[فشلان]

سوري موسيو زاهر.... هلأ فهمت مظبوط شو القصة.... لا تواخذونا... بس الحمد لله صار هيك حتى طلعت معي هالقصيدة...
ولك دوووووووووووووووووووع

[مصطفى معتوق]

الا فضّ فوك اخي الفشلان
والله يرحم ايام زمان اه والله كانت ايام حلوة
على فكرة كلمة الهاردبشت بمحلها !!!!!

[فشلان]

والله يا ست فشلانة علمي علمك... أنا كنت واقف بالصفحة... ورجعت عملت ريفرش حتى شوف إذا حدا ضاف شي.. لقيتو حولني لمطرح بقول إنو الموضوع مش موجود...
أنا فكرتك إنت حذفتي الموضوع...
أصلاً كنت بدي ابعت اسأل المشرف إذا واحد بيقدر يحذف موضوعو بشكل إنو تطير كل المشاركات يلي بقلبو... وكنت بدي قدم اعتراض على الموضوع...
بس هلأ تبين إنو القصة أكبر مني ومنك...

والله قصيدتي ما راحت بلاش.... هلأ هو صحيح الله يبارك بالمشرفين.. لأن هذا بدل على إنو لهن أعين ساهرة... عم تدافع عن المظلومين من أمثالي... بس أنا الحمد لله لي لسان بس حس إنو الموضوع ضايقني بقدر اكتب رسالة خاصة أو عامة...

والله يمكن حسوا المشرفين إنو موضوعك عبارة عن تشهير في غير محلو... والله أعلم... بس أنا لا خصني بالمشرفين.. ولا المشرفين خصن فيني... وما بتعرفي يمكن هادا يلي اقتحم الموقع مثل ما قالو... هو نفسو زعلانة من فشلان وفشلانة...

وبالنسبة للينك يلي حطيتيه.. أنا برجع بقول ما خصني في لا من قريب ولا من بعيد.. ولا حتى من مسافة وسط... هههه... ولك حتى قراءة عن الحاضر ما عرفت اقرأو.. والظاهر إنو بلهجة أشبه بالخليجية أو شي من هالحكي...

وأنا بشكر الأخت المشرفة نادين يلي لفتت انتباه الناس إنو لو كتبو كلمة "فشلان القلمون" بالجوجل وبحثوا رح اظهر أنا.. الله أكبر.. صرت مشهور...

ولك دووووووووووووووووووووووووع

[الزاهر]

ولك وين الشعراء..........؟؟؟؟؟

[HARD]

تكرم عينك يا أخي الرفيق المناضل مصطفى معتوق... إلك هادي أ

بور الجماعة أحلى بور بضيعتــــي ---- وكل عمري كنت شوفو بعطلتـي
بالصيف وبالشتوية ننزل عالبـحــر ---- من حُكم إنو جُنب جامع بلدتـــي
والجورة يا بو صطيف ديمن تنذكر ---- والقاسي يلي يغطس بجورة المي
والنبعة والسهل اللي نلعب في كول ---- من العين كنت قـَبلة عبِّي مطرتي
والتيتا لما كانت تجيب الغسيــــــل ---- وتْفـُضُّو وتغسل بإيدا كنزتـــــــــي
والعَـنـْكْلِيز اللي بينضف دائمـــــــاً ---- موية العين اللي بتروي عطشتي
يا ريت فينا نِرْجع لموضة زمـــان ---- ونغير اللي صار يغير ضيعتــــي
نرجع حبايب عالمودة نلتقـــــــــي ---- والجار يقول لجارتو لا تشتكــــي
ونـّنـَئِّف اللي دائما تلبس قصـيــــر ---- بالسِلّوبـِلّو أو بنفيخة مــــــــــوي
كانت ليالي عالنكت والهاردبشت ---- ومن شَرِّي ما أترك حدا من عيلتي
كانت حياتي بالهداوة وبــــالرواء ---- كانت بسيطة بس فيها ضحكتـي

انا فهمت الكلام المكتوب لاني انا من الحارة وبعشق الحارة
بس انا يلي ما فهمتو كيف جمعتني وليش جمعتني بكلامك .

وخلص نقطة على السطر .

وشكرا لك .

[moustafa]

لاه لاه لاه يا زاهر.........!!!!!!!!!! هيك عم تحكي......!!!!!!!!!
توقعت كل الردود الا هذا الردّ......... منّو مشكلة ... كل شي منّك حلو....

[moustafa]

مرض الحبيب فعدته...فمرضت من حزني عليه
فأتى الحبيب يعودني...فبرأت من نظري اليه

[فشلان]

انا فهمت الكلام المكتوب لاني انا من الحارة وبعشق الحارة وحبيبت البي من الحارة
بس انا يلي ما فهمتو كيف جمعتني وليش جمعتني بكلامك .

وخلص نقطة على السطر .

وشكرا لك .

هادا يا سيدي الكريم... بعد الطلب يلي طلبو الأخ الرفيق المناضل مصطفى معتوق... إنو اعمل قصيدة.. ووجهلك اياها... ما حبيت خجلو...
هيك لا أكتر ولا أقل...

أما الأخ أوس العزيز... يلي كان يعيا حتى يلقط زيز... ويلي أحلى الشي على ألبو البوظة على فريز... مع كيس بطاطا لايز..
فأهلا وسهلا فيك من جديد... وشرفت والله... وإليك هذه الأبيات

الجَبْلُ والباطونُ هذا مـــــا أرى ---- إن جــاء أوسُ منادياً بين الورى
يحكي كلاماً إنما لا ينتمـــــــــي ---- أبـــداً إلى الأشعارِ بل هو مُزْدَرى
شَوّهْتَ ميزان العروض بجملة ---- لو بـِعْتـَها لصغيرِ عقلٍ ما اشترى
يحتاجُ شهراً كي يقول قصيـدةً ---- ويَـبـِــيــــــــتُ في تأليفها مستثمِرا
يأتي بأفكارٍ هنا مهضومـــــــةٍ ---- وأنا لما يأتـــــــــــــي به لن أنكرا
لكنه مع ذاك لا يرقى إلــــــــى ---- أحفاد أشعاري و لن يستشعــــرا
فأنا الثريا روعةً وبلاغـــــــــةً ---- وهو الذي تلقاه ما تحت الثـــرى
منه الكلام يذوب فــور وُرُودِهِ ---- وأنا أُمِدُّ الشعر روحاً مثمـــــــــرا

ولك دووووووووووووووووووووووووووووووع :d :d :d

[HARD]

هادا يا سيدي الكريم... بعد الطلب يلي طلبو الأخ الرفيق المناضل مصطفى معتوق... إنو اعمل قصيدة.. ووجهلك اياها... ما حبيت خجلو...
هيك لا أكتر ولا أقل...

هادا يا سيدي الكريم انا عطول بأول متل ما انت عطول بتأول ريتك بيناتون
انت ومعتوق
يعني هلأ اذا قلتلك عملي شعر بي فلان وتكلم عن ثقل دمو وعن هبلنتو بتعملي ؟؟؟؟ اذا نعم ف بنقلك بكل تواضع هل حديث


طوبى لمن شغله عيبه عن عيوب الناس .

واذ بتريد اذا عندك كلمة منيحة قلها وغير ذلك بلاها وانا اذا شاء الله سوف احاول قبلك الالتزام بهذا الكلام وشكرا .

[مصطفى معتوق]

اخي الهرد :
انتبهلي على حالك يا ربيع وما تتعدى على الاديب الكبير شاعر النهضة الاول فشلان
وبعدين انت شو زاعجك بالموضوع انت واسامة ؟؟؟
والله انا شايف انو تنيناتكن بتغارو من فشلان على كل حال انا مش رح اتدخل شعرياً لأن فشلان مكفى وموفى بس ما تخلوني اتطر شمر عن زنودي وارقعكن شي قصيدة هلق غير شكل .
تحية اكبار الى الشاعر فشلان
على فكرى اخي فشلان وصلي خبر مؤكد من السعودية انو ربيع واسامة عم يروحو على القهوة كل يوم ومعن كدسة وراق وعم يعانو الويلات ليطلع معن بيت
ههههههههههههههههههههههههههه

[فشلان]

أخي وعزيزي الهارد حفظكم الله من كل مكروه...
هل لك أن توضح أين نلت في كلامي منك.. وخاصة القصيدة العامية؟؟؟ فأنا صحيح أني ذكرتك بالشعر.. ولكن ذلك لم يكن في سبيل الإهانة ولا الانتقاص أبداً.. والله يشهد على ذلك...
فأنا قلت: والقاسي يلي يغطس بجورة المي... فبالله عليك كم مرة غطست بجورة المي في الشتاء؟؟؟؟ وهل هذه إهانة؟؟؟
أرجو منكم أن لا تفسروا كلامي بشكل خاطئ.. وأن لا تحملوه ما لا يحتمل... أما إنك كنت تتضايق من مجرد ذكري لك في الأشعار... فأنا على أتم الاستعداد إلى تجاهل اسمك مهما يكن... فأنا في النهاية.. لا يأتيني ثمن لذكرك.. بل هو من قبيل الجو المرح...

وكن أيضاً على علم... أنك لو طلبت قصيدة لتذكر فيها شخصاً لما قصرت عن ذلك.. شرط أن لا يحتوي الكلام على الإهانات... وكرمال عيونك.. أعطيك البيت بعشرة دولار فقط لا غير...

وها أنا أعيد من جديد: ألف تحية إكبار وتعظيم لحبيب الشعب الهارد.. وسوريييييي باللبناني..

بس بدنا هلأ السيد أوس يقوم بالرد العنيف المكسر

[فشلان]

أما بالنسبة للهبولة.. فأنا أحب أن أطمنك يا أخي مصطفى معتوق.. أن أكثر شخص يغار من فشلان هو الهبولة.... فللهبولة مني كل التحيات... بس مش التحيات يلي من قولا بالصلاة...

ولك دووووووووووووووووووووووووووع

[أبو رياض القلموني]

بهنيك يا فشلان عهالصحبة مع معتوق , تضرب منك لو.

شايف عطرزك كتير إنت ويا , طَأ طِيء طلاع نزال.

وسلام للأخ أوس والهارد .

أنا بو رياض الألموني---بالضيعة أكبر محتال
شايف عطرزك أنا كتير--طَأ طِيء طلاع نزال


ولك دوووووووووووووووووووووووووووووووع

[HARD]

أخي وعزيزي الهارد حفظكم الله من كل مكروه...
هل لك أن توضح أين نلت في كلامي منك.. وخاصة القصيدة العامية؟؟؟ فأنا صحيح أني ذكرتك بالشعر.. ولكن ذلك لم يكن في سبيل الإهانة ولا الانتقاص أبداً.. والله يشهد على ذلك...
فأنا قلت: والقاسي يلي يغطس بجورة المي... فبالله عليك كم مرة غطست بجورة المي في الشتاء؟؟؟؟ وهل هذه إهانة؟؟؟
أرجو منكم أن لا تفسروا كلامي بشكل خاطئ.. وأن لا تحملوه ما لا يحتمل... أما إنك كنت تتضايق من مجرد ذكري لك في الأشعار... فأنا على أتم الاستعداد إلى تجاهل اسمك مهما يكن... فأنا في النهاية.. لا يأتيني ثمن لذكرك.. بل هو من قبيل الجو المرح...

وكن أيضاً على علم... أنك لو طلبت قصيدة لتذكر فيها شخصاً لما قصرت عن ذلك.. شرط أن لا يحتوي الكلام على الإهانات... وكرمال عيونك.. أعطيك البيت بعشرة دولار فقط لا غير...

وها أنا أعيد من جديد: ألف تحية إكبار وتعظيم لحبيب الشعب الهارد.. وسوريييييي باللبناني..

بس بدنا هلأ السيد أوس يقوم بالرد العنيف المكسر

يا استاذ فشلان عدنك بتعرفني منيح منيح ......

[فشلان]

هادي بدك تسمحلي فيا... مين قال إني بعرفك منيح منيح؟؟؟؟ أنا بعرفك.. ما في شك فيها... بس ليش حتى تكتشف إنو منيح منيح؟؟؟

[فشلان]

أبو رياض القلموني... تحية طيبة.. مثل فلافل نجيب... على فكرة أنا كتير بحب فلافل نجيب.. يعني مش إنو عم استقل بقيمة.. حاشا وكلا...

بس الظاهر إنت عندك حس مرهف.. وشعور رقيق.. حتى طلع معك هالبيتين الما بعرف شو اسمن...

بس على كل.. أهلا وسهلا فيك... ومرحباً... وشكراً على المرور.. بس السرعة القصوى خمسين كلم بالساعة..

[فيصل]