الحرف الأول من إسمك له أسرار

[الزاهر]

والله يا أختي جنا ما هالأد الموضوع بدو.......إنو ليش الحذف......بعدين كل ما واحد حكي كلمة....بدنا نعتبرها "قرآن".....ومش قابلة للنقاش........

أما ليش كان ردود الأعضاء سلبية......لأن الأعضاء الجدد بالمنتدى .......شغلتهم وعملتهم ينقلو المواضيع من المنتديات الأخرى.......أما الأعضاء المخضرمين زي حكايتنا....فما عم يفضو يحكو راسن!!!.......ليكتبو بالمنتدى!!!!

[jannah]

طيب وشوكان أصدو نادر بهل التعليق البايخ

[الزاهر]

والله أنا ما بعرف بالنوايا.....بس اللي بعرفو إنو أقرأ الكلام....وأحاول أن أفهمه كما هو......وليس كما أريد أن أفهم!!!!!

هيك أنا بحاول إعمل.......عملو متلي....ما بتخسرو شي!!!!

[فشلان]

من فشلان إلى جنا.... حول....

إنت إذا عارفة.. عايشة بالدنيا... عارفة؟؟؟
المهم بالدنيا.. في منيح وفي قبيح.. في ذكي وفي غبي.. في مهذب وفي جلف... في مهضوم (مثل حكايتي) وفي سئيل ودمو تئيل... والشغلة نسبية.. يعني أنا بشوف فلان مهضوم.. غيري بشوفو سئيل....
فهمتي قصدي؟؟؟ أنا رح فهمك أكتر.. إذا كل ما واحد علق تعليق ما عجبك على موضوعك... بدك تقومي تحذفي... أنا رأي احذفي الموضوع قبل ما تحطي... بكون أريحلك...

إذا هالأد الناس فيها تاخدك وتجيبك من خلال رد، فبنصحك... غيري نمط حياتك.... أنا مش عم قلك شوفي بحالك... بس هالمواضيع والمنتديات... شوفي حالك وبس... ولا تعطي بال إلا للي عم يشارك بموضوعك باهتمام...

أما إنك تظني إنو رح تكتبي والكل يزأفولك، ويعلؤلك نجمة... فهادي لا تزعلي مني ما بيصير هون...

هون بالمنتدى رح تلاقي مين كل ما تحكي يقلك: شكراً على المرور، بارك الله فيكي... جزاك الله خيراً... وما إلى ذلك من الكلمات المهذبة المغلفة بعلب هدايا وردية اللون...

وبرضو رح تلاقي مين يقلك: ولك دووووووووووووووووع، هع هع هع هع، بايخة.. قديمة... شو هالذكا هاد... مفكرة حالك ذكية...

وأنا بالتالي رأيي المتواضع... انو قسمي حالك شقفتين شقفة مشلولة... وشقفة سليمة... لما بيعجبك الرد... اقرأي بعينك السليمة.. ولما ما بيعجبك... اطلعي في بعينك الما بتإشعي فيا... وهيك.. ما في أسهل منا... خليكي إيزي... بالعربي الفصيح... وكوني كول.. بالقلموني...

وأهلا وسهلاً.. وشكراً على مروري أنا....

منقول من كتاب:
عيش حياتك
للكاتب فشلان

ولك دووووووووووووووووووع