عضو نشيط
شكرا" معتوق و انشالله بتلاقي يللي بتستاهلك و بتقدر حبك
انا نظرتي للحب شوي مختلفة انا إذا حبيت بحب بجنون و ما بشوف غير حبيبي قدامي.
من وقت ما خطبت صرت ما عم اقدر فارق التلفون صارت رنة التلفون أو الmobile بتعيشني بجو تاني.
برأيي إنو يللي عن جد بحب بروح بيطلب ايد حبيبتو و ما بوقفا بالشارع أو بشي زاقوق
صدقوني ما في أحلى من فترة الخطوبة بس فيا واجبات أنا بعدني ما تعودت عليا كتير
عقبال ما نفرح منكم جميعا" و خصوصا" نارة, دوكر, نعنوع,محمود , معتوق....... و كل الإخوة في المنتدى
For stepping in, & standing by me always... for being loving, caring & supportive every step of the way... Even at times when I didn't make it easy for u, u always make it seem easy for me ...thanks for being there... Mom & Dad
It's always wise to look ahead but difficult to look farther u can see
دوكر المعوكر
يسلمو يا ست وشير ع المشاركة و ع الدعاء...
هلأ انا اسا ما حكيت لأني مشغول شوة بي هل كم يوم...بس انشاء الله ت افضا ...
طيب مدام يا ست وشيز عندك خبرة فيكي تؤليلنا كيف الواحد بيعرف انو فلان بحبو....
راجع ...
اخوكم دوكر المعوكر
... إذا طعنت من الخلف , فاعلم أنك في المقدمة ...
دوكر المعوكر
هي رجعت............
طيب تا نشوف كونا عم نحكي عن الحب مهيكا ..........؟؟؟؟
طيب بدنا نسأل سوأل زغير ابل ما نبلش .........
اشوا رأي كل واحد فيكن بالحب ابل الزواز؟
و ايشيا الضوابط تبعيتو؟؟؟
يلا وينكن ؟؟؟؟؟؟؟
بس شاطرين كل واحد يحكي عن امجادو
يلا يلا يلا ........
ناطركن.............
... إذا طعنت من الخلف , فاعلم أنك في المقدمة ...
عضو نشيط
أنا بعرف إنو خطيبي بحبني لانو بيتصل فيني بالنهار أكتر من 10 مرات و بسمعني كالمات ليست كالكلمات هيدا بحالة المسافر متل حالاتي
اما بالحالات العادية فبعتقد إنو نظرة العيون أبلغ من دواوين في صف الحكي
انا بتطلع بعيون حبيبي و بعرف إنو بحبني عن جد.
For stepping in, & standing by me always... for being loving, caring & supportive every step of the way... Even at times when I didn't make it easy for u, u always make it seem easy for me ...thanks for being there... Mom & Dad
It's always wise to look ahead but difficult to look farther u can see
دوكر المعوكر
طيب طيب طيب...
دوري هلأ ...انا لي بدي ؤلو انو فينا نؤل بشي اسمو حب ابل الزوز او ازا صح التعبير متل م البعض بسمي اعجاب...
و هدا يا سدنا الإكرام ...ما بكون متل الحب تبع الناس لي ساطلينا و لي بسمي حب جحاشي...و صور مناو لهل حب الجحاشي انو روميو يوأف تحت الشباك او البلكون او يمروء شي مية مشوار من هونيك...
او يحطلو شي خمس مية دولار حأ هدايا ...
او...او...في كتير من هل الصور...
الحب لي بدي احكي عناو هو لما الشخص بيعجبو شخص تاناي ...و هل الإعجاب بجي ع ضوء الأخلاء و الأدب و التهزيب و التفكير...ما بجي من خلال اعجاب بي طول التنورة او موديل السيارة او لون الموبايل...
و هل الحب دائمن الواحد بدو يكون حاطت بي بالو انو بدو يبني علي علاءة معناتا ما لازم يكون اعمى بالعكس لازم يكون واضح و منتبه منيح ...
يتبع...
يلا وينكن...?
اخوكم دوكر المعوكر
... إذا طعنت من الخلف , فاعلم أنك في المقدمة ...
نسر الشام
؟
الحب مقياس. فهو يقيس مدى ارتباط الاشياء ببعضها البعض وفيه درجات تبدء من الاستلطاف الى الهوى والعشق والهيام والتتيم.
وكل واحدة من هذه المصطلحات لها خصائصها وحالتها المستقلة عن الاخرى.
فانا مثلاً احب بلادي واحب اهلي واحب للناس ما احب لنفسي ولكن هل يستوي الحب فيما ذكرت طبعاً لا .
اما بالنسبة لمواضيع الحب بين ذكر وانثى فهي تختلف بحسب الاشخاص وثقافاتهم وعاداتهم وتقاليدهم اما الثابت الوحيد في الموضوع هو ان العديدين يستغلو هذه الكلمة للوصول الى غايات ومآرب معينة اجارنا الله منهم ومن نفقاهم .
مارسوا البطولة ولا تخافو الحرب بل خافوا الفشل " سعادة "
دوكر المعوكر
يسلمو ع وهل الكلام المدوزن يا معلم معتوق...
... إذا طعنت من الخلف , فاعلم أنك في المقدمة ...
نسر الشام
دوكر
المشاركة الأصلية كتبت بواسطة دوكر
اهلين اخي دوكر اهلين بالابضاي والله
مارسوا البطولة ولا تخافو الحرب بل خافوا الفشل " سعادة "
عضو نشيط
الحب
أولاً بالتوفيق للأخت wishes و للأخ معتوق أقول Hard Luck
ولكن لا أفهم كيف تحول الأمر بهذه السرعة من حب وغرام إلى لا شئ مع الأخ معتوق. ممكن تشرحلنا حتى نتعلم من تجربتك. أما بالنسبه لك يا wishes فإن الإتصالات الكثيرة من حبيبك لا تعني أي شئ إلآ أنه ليس لديه تجربه وأنه كان سيعمل نفس الشئ لو كانت الفتاة غيرك. هذا ليس حب هذه نزوة وعدم خبرة.
نسر الشام
سليم
باختصار شديد انا انسان لمن بحب, بتمنى الخير والافضل للشخص يلي بحبو وبصراحة تامة الموضوع ما تحول من حب وغرام الى لا شيئ. لأن لو فعلاً صار لا شيئ فيعني الحب ما كان موجود من الاساس وانا انسان صادق بمشاعري بس بنفس الوقت بآمن بالقدر ويبدو انو قدري ما كون مع هالبنت بالذات. على كل حال الانسان يلي بيحب عن جد لازم يحترم قرارات غيرو متل ما غيرو احترملو قرارو. ما بدي فصل اكتر من هيك بس بتمنالها حياة سعيدة مع الشخص يلي رح تختارو بحياتها دون ضغينة . متل ما هي رح تتمنالي الافضل مع البنت يلي رح اختارها .
مارسوا البطولة ولا تخافو الحرب بل خافوا الفشل " سعادة "
دوكر المعوكر
السلام عليكم ...........صلو ع سيدنا محمد.........
تا نبلش .......
انا فتحت هل الموضوع بعد ملاحظات كتيرة لاحظتا ع بعض الشباب بالضيعة و برا الضيعة .......... يمكن نحنا وصلنا لعمر الزواز فا صار اغلب حكينا و تعليأنا ع هل الموضوع و يمكن الناس و الشباب بي هل الايام صر اهتيمامو الاول انو يلئي شريكو بالحياة......
بي هل الإيام من المواضيع لي كتير عم تنطرح بين الشباب .........و بين الشباب و المشايخ......و ع بعض الفضائيات الاسلامية .........الحب .......
الحب ابل الزواز او الاعجاب الشديد .............
فا حبيت انو اطرح هل الموضوع عليكن للنقاش .........و الله يبارك فيكون ما اسرطو .....يعني مشاركاتكن كانت مهمة و فعالة ........بس انا اسا ما حكيت عن حالي.........
يلا .........
دوري هلأ ..............خلوني ؤل هل الكلمتين...........
هلأ اكيد انا عم احكي ع العالم لي بتفهم و منا جاية ت تلعب و تأدي ساعتين تلاتي بشي بسمو الرومنسية ..........
انا عم احكي ع ناس عم يأيبلو ع بنت الحلال او ابن الحلال لي بدن يكملو حياتن مع بعضن .......لي بدن يبنو اسرا..........
عم احكي عن ناس عندن حس المسؤلية ..........و عارفين حالن شجاين يتصرفو..........
الانسان اد ما كان ابضاي و عتعيت......ما في يتحكم بألبو ..........الألب ازا دأ اد ما كنت عتعيت ما فيك توأفو ........فا ما تكابر ........
الحب هو من الاشياء لي بتولد من الألب ........معناتا ازا وأعت فا صاعبة توأف.....
انا ضد الكلام لي بؤل الحب حرام ...........بس مني كمان مع لي بؤلو حب عن بو جنب ..... يعنى ما يطلع الواحد ع الشارع و حاطط بي راسو انو هلأ بدو يشوف واحدة و يحبا فورن......او يبرم عليا بالجامعة........منو حكي هادا..........
الحياة بتطرك احيان تتعامل مع ناس ..... فا يمكن تنعجب بي شخص عم تتعامل معو و تحبو مفيا مشكل ......بس التصرفات لي بتتصرفا هي لي بتحدد كنك ح تفوت بالغلط و لا لأ....
مؤفيني احكي اليوم ..............اعزوروني لأني شردت و مؤ عارف شكتابت وين وصلت.......
اخوكم دوكر المعوكر
... إذا طعنت من الخلف , فاعلم أنك في المقدمة ...
عضو نشيط
شو هالكلام الحلو يا أخ دوكر
بس بدي زيد شغلة إنو الحب هو بيجي لعنا قد ما برمنا عليه
إذا الواحد إلو نصيب بيجي لحد عندو
ما في أحلى من الحب
الله يرزقك كل العايزين
For stepping in, & standing by me always... for being loving, caring & supportive every step of the way... Even at times when I didn't make it easy for u, u always make it seem easy for me ...thanks for being there... Mom & Dad
It's always wise to look ahead but difficult to look farther u can see
عضو نشيط
السلام عليكم
ضروري يعني تفتحولنا الجروحات و القروحات
احلى شي يا دوكر انك تحب لانه الحب هو يعني تعيش بعالم اخر عالم مليئ بالسعادة و الهناء بينما انت بالواقع بتعيش حياة تعيسة مليئة بالمشاكل و المناقرات في مختلف الاماكن و الازمان
المهم: تتعرف حالك انك بتحب الشخص الفلاني كل ما تتذكرو او تسمع صوتو او بيوصلك عنو خبر بصير قلبك يدق دقات غريبة غير اعتيادية عبارة عن نوتة موسيقية يعني بصير لقلبك دقة خاصة تجاه هالشخص متل رنة خاصة بالموبايل و كمان بتمنى تشوفو على طول لما تفيق و عند الظهر و العصر و على الغروب و قبل ما تنام
و لما تعرف انك فعلا حبيتو بتتمنى انو يضل معك 24 ساعة و لما تكون معو احلى شي انكم تحكو بالعيون لانو العين بتكون معباية حكي و هي الوحيدة اللي قادرة توصل كل شي بقلبك و لما يكون بعيد اجمل شي هي المراسلات يعني الكلمات الغير شفهية عبر رسائل او ماسيجات لانو دايما اللسان بكون عاجز عن الحكي
و تتعرف انو التاني اذا بحبك
ما فيك تعرف غير من عيونو الهدايا كذب، والحكي كذب و كلو ضحك على الدقون
و لما تكتشفوا انكم بتحبو بعضكم انا بفضل تتصارحو و تعيشوا احلى لحظات العمر قبل ما يمرق الوقت
و شكلك يا دوكر غطسان ان شاء الله ما تكون ناسي شي من العدة
[CENTER][FONT=Verdana][SIZE=4][COLOR=SeaGreen]عيش [SIZE=5][COLOR=Blue]كتير[/COLOR][/SIZE] بتشوف [SIZE=5][COLOR=Blue]كتير[/COLOR][/SIZE] [/COLOR][/SIZE][/FONT]
[FONT=Verdana][SIZE=4][COLOR=SeaGreen]عيش[B][COLOR=Sienna] [/COLOR][SIZE=3][COLOR=Sienna]قليل[/COLOR][/SIZE][/B][COLOR=Sienna] [/COLOR]كمان بتشوف[COLOR=Blue] [/COLOR][SIZE=5][COLOR=Blue]كتير[/COLOR][/SIZE][/COLOR][/SIZE][/FONT]
[/CENTER]
[FONT=Verdana][SIZE=4][COLOR=SeaGreen][SIZE=5]
[/SIZE][/COLOR][/SIZE][/FONT] [CENTER] :confused::confused::confused:[/CENTER]
Banned
الحب قاتل
يا شباب تعليقي إنو الحب قاتل ويعرض للذل
خلينا ساكتين أحسن من الفضايح
ضوابط المشاركة
رد مع اقتباس