مغامرات قلموني

**مصطفى معتوق** · 08-09-2007, 04:05 PM

لعيونك اخي فشلان بس بصراحة انا يلي كلن عقل مني شايفن ادامي فبدك ياني شوف المهابيل

**مصطفى معتوق** · 17-09-2007, 04:05 AM

بمناسبة الشهر الفضيل اعاده الله عليكم بالخير واليمن والبركات
تذكرت حادثة حصلت من شي كم سنة لمن اجا سيران رمضان وكانت الدنيا طايفة بالضيعة وما فينا نطلع على سهل النبعة
المهم وبلا طول سيرة تبرع احد الشباب الله يوجهلو الخير صار بفرنسا وقال انا عازمكن عندنا على البرندة لانها كبيرة وما بيوصل الشتى عليها قلنالو تمام شو بدك نجيب معنا يا اخونا
فبلش يعد :
معتوق اللحمة والفحم
خداج التبولة والبطاطة المقلية
فلان كذا
فلان كذا
فسالتو انا انو طيب انت على ايش عازمنا
فقال انا بقدم البرندة ؟؟؟؟؟؟
الله يسامحو !!!!!!!!!!!!!!!!!!!!!!!!!!!!!!!!!!!!!!!!!!!

**جابر دملوك** · 17-09-2007, 10:48 AM

إن شاء الله تكون طِلعِت طَيبة البَرَنْدُة.

**مصطفى معتوق** · 18-09-2007, 12:41 AM

ههههههههههههههه تعليقك بمحلو اخي جابر

**جابر دملوك** · 18-09-2007, 02:30 AM

بيذكرني صاحبك وأتل أدِّم كل البرندة
و بآلكن بس الشغلات الظغيرة هلي بتنحمل
ببيت شعر حلو كما لو كان عم يطبأو.
منك الطحين و مني النار أوقدها ***** و مني الماء و منك السمن و العسل

**مصطفى معتوق** · 18-09-2007, 03:45 AM

والله يا اخ جابر هيدا الشب كان مشهور بالكرم وكل تقدماتو كانت على هيدا المنوال هلق ان شاء الله رح افتح درج الذاكرة عندي وطلعلك شوي من مغامراتوا الحاتمية ولا يهمك !

**مصطفى معتوق** · 19-09-2007, 03:07 AM

صباحية عيد الفطر قرر اخونا هو زاتو تبع البرندة انو يعزمنا على ترويقة فول بالبلد
وكان الحديث ليلة العيد
المهم وبلا طول سيرة بعد صلاة العيد بالجامع التحتاني وبعد ما عايدنا الشبيبة سألنا الاخ كيف بدكن تنزلو على البلد. بوؤتها اسن ما كان حدن منا معو دفتر سواقة قلنالو بالسرفيس قال طيب خلوني اطلع جيب مصريات ومنرجع مننزل .
طلع الزلمة على بيتن يلي بنص الضيعة وبعد شي ربع ساعة شرف نزل وقلنا ليكو يا شباب نحنا اربعة منطلب صحن لكل شخصين ؟؟؟؟؟!!!!!!! ويلي بدو يزيد بيدفع من جيبتو ؟؟؟؟؟؟؟؟؟؟؟!!!!!!!
قلنالو ممنونينك والله بطلنا نوكول فول وبتزكر انو انا بوقتها حردت ورجعت على البيت وما بعتقد الشباب رجعو نزلو

**مصطفى معتوق** · 21-09-2007, 04:35 AM

تم حذف هذه المشاركة لاسباب امنية
اللهم اجعلنا ممن يسمعون القول ويتبعون احسنه

**مصطفى معتوق** · 22-09-2007, 09:59 AM

المطربية والسيلولير
هالمرة رح ننتقل على جامعة بيروت العربية بس ابطال القصة او بالاحرة بطلها شب متل طربون الحبق من القلمون ومطربية .
هادا يا شباب كان احد القلامنة عم يدرس بالجامعة العربية ويوم الخميس ضب غراضو من الدورم محمل منو ساكن وكزدر صوب جسر البربير تا يوخود باص على القلمون.
هو وواقف على البربير بيكتشف انو مضيع جزدانو وفيه المصريات وبلشت الافكار توخدو وتجيبو يا ترى ناسيه بالبيت او واقع منو او شو قصتو وبلش يحصر مخو بركن بيتزكر وين حط هاجزدان .
والمصيبة انو تلفونو فايت بالاستقبال يعني ما فيه يتصل يطلب دعم من حدن والقلامنة بطريق الجديدة كتار اسم الله
وبلا طول سيرة وهو غرقان بالهم بتلز عليه هونيك مطربية وبتبلش من مال الله يا شب !! الله يوفقك!! وبتعرفو الشحادات بس يلزقو !! الله وكيلكن لزقة اميركية !! وهو يا حرام كل شوية يقلها الله يعطيكي !! وهي ما تحل عنو !! فجاة في شب تاني من القلمون بيوصل كمان هو ضابب عفشو ومشرف على الضيعة . السلام عليكم وعليكم السلام شو القصة يا فلان والله يا علان القصة 1 2 3
اوف اوف وشبدك تعمل ؟؟
رجعت المطربية الله يرزقكن !! الاخت صارت عم تشحد من الجوز !!
واذ الشباب بيسمعو رنة تلفيون بيقوم كل واحد منن بيقول للتاني تليفونك !! بيطلع لا تليفونو ولا تليفيفون صاحبو !! اتاري المطربية كان موبايلها عم يرن !! وهي وسحبتو وقالت الوووو
وبلش فيها صاحبنا تبع الجزدان دعاوي وبهدلة ومسبات ..............
ههههههههههههههههههههه

**nana** · 30-09-2007, 04:42 PM

بلا مقدمات وبلا شرح هيدا ياسيدي رفقاتي كانو سهرانين عندي وكنا عاملين تبوله وبطاطا مقليه يعني من مجاميعو فا كنا عم ناكول على البرندا فا ما اجا على بالنا فجأه غير نحكي على الكوابيس بعدين عن الجن والاشباح والاموات ومقبرة الضيعة ونحنا عم نحكي خيفانين فا صار الوقت متأخر ولازم الصبايا يروحو فا قررنا نوصلون نحنا وخي على بيوتون وحدي بيتا بي زاقوق قريب فرن عيشه وتاني بي طلعة المقبرة
فا ماشيين بهدوء ومع ابتسامه واحنا و وصلنا قريب المقبرة والله وانقطعت الكهربا هون نعادت سلسله سهرة والاحاديث وهب الخوف ونربط لسانا ومابقا قاردين لانرجع لورا ولانكفي طريقنا ما لقينا حالنا غير حايشيين خي انا ورفقاتي من الفزع ولك هههههه خي ماكان فزعان بس على هبلنا اسا شوي بقول انا خيفان انا خيفان
يعني شعور رهيب ماحبت تنقطع الكهربا غير لما كنا عم نحكي عن الجن والاشباح ولاء فوق كل هيدا حد المقبرة والله ماوصلناهون الا وروحنا طالعة من الخوف ومابقا حدا عادا يسهر لوقت مأخر ويفتح حديث غير مرحب فيه
وشكرا

**الزاهر** · 30-09-2007, 05:55 PM

هههههههههه.......يا حرااااااااااااااااااااااااااااااااااام!!!!

**مصطفى معتوق** · 30-09-2007, 11:22 PM

المشاركة الأصلية كتبت بواسطة NARA

هيدا ياسيدي رفقاتي كانو سهرانين عندي وكنا عاملين تبوله وبطاطا مقليه يعني من مجاميعو فا كنا عم ناكول على البرندا

يعيني انا بعتقد انو رفقاتك عاشو احلى واخطر مغامرة لمن اكلو من طبخك
بس طمنيني هيدا صار قبل نشر الكتاب او بعدو

شكراً على المشاركة يا خانوم

**الزاهر** · 30-09-2007, 11:25 PM

دووووووووووووووووووووووع!!!!

ولك شباك يا زعيم.......نازل فيها دعيس معيس!!!!.....حرام!!!
لووووووووول!!!

**الزاهر** · 01-10-2007, 12:58 AM

بداية أحب أن أوجه شكر خاص للتي ألهمتني هذه القصص!!!

هاد يا أوادم وئت كنت صحفي بجريدة "أخبار القلمون" كان بيشتغل معي بقسم الغرائب صبيتين (نونو وموني) ما خرجهم إلا يترترو "بالفايس ليفت" والـ "باديكووووووور"......مين عطاهم رخصة الصحفية ما عم أعرف!!!!
ووئتها.....كان المفروض نغطي ظاهرة هطول الندّاف بالقلمون لأول مرة بهالكمية!!!!
وصرلي عم نء عليهم شهر.....ولك يا عمي لسا معنا كم ساعة....خلصوني من أحاديثكم.....وما كانو يخلصو!!!
ولك بدنا نصور كم صورة.......بس يا حسرة......أصص الـ "بلاستك سيرجري" أهم!!!
المهم وبلا طول مقدمات......هنة وآمو وئفت شتا.....ويا ويلتنا......ما صورنا شي!!!......إنو كيف......بيصير ننزل تقرير بدون أي صورة!!!!
فحبيت إعمل فيهم مألب......وكحشهم من الشغل......ورحت عند رئيس التحرير.........وحكيتلو شو بيعملو فيني كل مرة.....وقررنا إنو خلص.....ما فينا نكحشهم هيك بدون سبب.....فدبرنا مألب!!!.....
وبروح بألهم هاد الرئيس بدو كل واحدة تعملو تقرير عن أغرب شغلة بالقلمون حسب نظرها......ألنا هنة مبتدآت وأكيد ما رح يطلع معهم شي!!!
وراحو وبلشو فأع صور عالماشي وأسئلة الله وكيلكم لها أول ما لها آخر.......وما بيجو إلا بعد أسبوع وكل واحدة معها التقرير......شو ألت لحالي.....ألت هلأ أكيد رح تكون مواضيعهم أبيخ من هيك ما فيه.....وبيكحشهم!!!
لكن للأسف..... هادي الأولة (موني) عملت تقرير عن أجمل بسينة عند آمنة عبيد!!!
وهادي التانية (نونو) عملت تقرير عن صاحبة أطول شعر مجدّل في القلمون!!!
ولك عجبوو......عجبوو المواضيع!!!
وهنه طارو من الفرحة........خوتو......

ما بلائيلك إلا نونو بتتصل فيني عالموبايل!!!...وكانت الساعة متأخرة شوية...وأنا هربان منّا.....فما رديت!!!!
آم تاني يوم بكير..(أبل وئت النشر بشوية)...بترجع تتصل فيني.......وكمان ما برد!!!!.....هلأ فاضي اسمع بياخاتها!!!

ويومتها عشية......لسا ما كنت عارف شصاير أنا......بس آري الجريدة......وشفت مقال أطول جدولة شعر.....ألنا منتصل فيها لنشوف شبها.......
برنلها.......وبعد الألو بألها.......هلأ إنتي صاحبة أطول جدولة شعر بالقلمون......بتألي سوري .....النمرة غلط......أنا صاحبة أجمل شعر بالقلمون!!!!........وبتطبش الخط بوشي!!!
وما بدكم إلا نتف حالي!!.......
وما بيمرء دقيقتين إلا وبيرن الموبايل........بتطلعلي نونو.......بتألي إن شاالله ما تكون زعلت؟!!
آم ألتلها لو سمحتي........ممكن ترينيلي بعدين......مشغول هلأ......
آل خير انشاالله.....ما لاك بالعادة......طول عمرك بطّال!!!!.......
ألتلها روحي فرأيني........عم ملس على بسينة موني.....وبرها أحلى من شعرك ومن شعرها!!!!

**الزاهر** · 01-10-2007, 01:02 AM

كمان......الشكر الجزيل للتي ألهمتني هذه القصة أيضا!!!

مممممممم.......هالمرة رح احكيلكم أصة صارت مع نونو.......وموتتني الضحك وأتها!!!!

هاد مرة آل في بحارة اليهود بدن يعملو سباق ماراتون!!.....وكونو أول مرة بيصير هيك شي بالقلمون.....آل لازم نحط الخبر بالغرائب.....آم أخدنا الفيز......وفأعناها سفرة عحارة اليهود.....وهونيك.....سكنا كل واحد ببناية.....بعاد عن بعضن متل ما هون وأستراليا!!!......

آم أبل السباق بيوم......بتتصل فيني هيك أرب مغربيات......وبتألي ضايعة بهالزوائيئ......ما عم أعرف روح عدكان فايز عكرة.....بدي جيب عشا ميتة الجوع......بألها طيب إنتي هلأ وينك؟؟؟

آل بحارة اليهود........وأنا بخزء بتيابي......ألتلها ولك بعرف بحارة اليهود.......بس وين بالحارة!!!!

آل جمبي في بيوت كتير وفي حألة.......وما بدكم كسر التلفون......وبلشت خبطو براسي!!!!

ألتلها طيب......مانك رايحة لعند فايز.......طبليلك عشي بيت.....وخليهم يبعتو معك حدا لعندو......وبتشتريلهم شي كيلو حلاوة جبن!!!!

وبلشت فيني بهدلة!!!..........آل لأيش ليروح معها حدا.......شو نائصها هية لتروح وحدها!!!!......وبعدين.....شو أنا عاملة عقيقة لحتى إشتريلهم كيلو حلاوة جبن.....!!!!

آم شو بدنا نعمل ......ألنالها خليكي عندك......وأنا بعمل جولة بهالزوائيء.....أكيد رح لائيكي.... وبوصلك لعندو!!!

وبلشت بهدلة ومسبات......آل خلص.....احتمئت......وصدّت نفسها عن الإكل......بدها ترجع تنام......!!!!

ألتلها ما على أساس ضايعة!!!.......آل آه......نزلت من البيت.....وما بتعرف شي بحالرة......وأحي وائفة إدام المدخل!!!!

**مصطفى معتوق** · 01-10-2007, 01:17 AM

صح لسانك يا زاهر (بالخليجي)
ويسلموووووووووووو على هالمواضيع السوبر رائعة وما تحرمنا من طلاتك

**nana** · 01-10-2007, 11:52 AM

هههههههههههههه مافهمت شي

**Nader 3:16** · 01-10-2007, 12:32 PM

متل ما قلتلك القصة التانية احلى
دوووووووووووووووع

**الزاهر** · 01-10-2007, 01:28 PM

المشاركة الأصلية كتبت بواسطة مصطفى معتوق

صح لسانك يا زاهر (بالخليجي)
ويسلموووووووووووو على هالمواضيع السوبر رائعة وما تحرمنا من طلاتك

أهلا بك أخي........إن شاء الله لنا عودة للموضوع!!!

المشاركة الأصلية كتبت بواسطة NARA

هههههههههههههه مافهمت شي

ههههههه.......وهو أنا كمان بلائي صعوبة افهم على طريقتك بالكتابة!!!.........المهم.....بيصير ما فهمتي شي منن؟؟؟.......شو عجبوكي شي!!!

المشاركة الأصلية كتبت بواسطة Nader 3:16

متل ما قلتلك القصة التانية احلى
دوووووووووووووووع

ممممم......مشكور عالمرور......هلأ كل واحد ذوقو شكل!!!......

**مصطفى معتوق** · 01-10-2007, 02:31 PM

المشاركة الأصلية كتبت بواسطة NARA

هههههههههههههه مافهمت شي

مممممممممممممممممممممممممممممممممممممممممممممممممم ممممم
والله مني عارف شو بدي علق بس وضعك صعب يا خانوم

**wishes** · 01-10-2007, 06:01 PM

يسلم تمك عهالأصص الحلوة

**الزاهر** · 01-10-2007, 06:04 PM

أهلا وسهلا بالجميع!!!......

الموضوع: مغامرات قلموني

أدوات الموضوع

عرض

فشلان

عزيمة على سيران رمضان !!!

جابر

جابر

عزيمة على الفول

عشقان عم يبكي

المطربية والموبايل

نارة خانوم

قصص نسوان!!!

أصص نسوان-الجزء الثاني!!!

زاهر

نارة خانوم

ضوابط المشاركة