الله يعين!!!

والله يا أختي شايف نفس المشهد....كنت راجع من الجامعة.....بس ما معي شاهد من القلمون....لأني القلموني الوحيد بهالفرع.....بروح وبرجع وحدي يعني.....المهم....كنت راجع من الجامعة ......وكان في عجئة على الطريق على غير العادة....على مدخل طرابلس من جهة الملولة......وما بيطلع على الطرف التاني من الطريق إلا تجمع......وفي بنصهم شب شي 19 سنة.....متشلأح عالأرض بوضع مش طبيعي أبدا.....ميت.....والدم عالطريئ كلها.....ومكسرين عضامو لدرجة إنو منظر مش طبيعي بنوب
يعني بكل صراحة.....منظر مش طبيعي أبدا......ضاربو شحن.....مطيرو شي 10 أمتار من محل الضربة!!!!

ومرة تانية .....من زمان.....وئت صار الحادث فوء بيتنا عالأوتوستراد....اللي مات فيه 13 يمكن......سحبو منهم 5 إدام عيوني......شي بلا إيدين...شي بلا......منظر بيموت........

ومرة كنت بالجامعة ويومتها كنت بدي جيب وراء من شؤؤون الطلاب......وإنا وناطر التاكسي....(هاد بأيام بداية المشاكل مع فتح الاسلام)........وأنا وناطر.....ما بلائي إلا رجال راكد....ولاحئو جيشي.....بس ما فيه عم يلحألو.....وبلش أويص بالرشاش.....بعيد عني متل ما هون والمشاركة اللي أبلي....(9 أو 10 متار على أكثر تقدير) .....وما عاد في جيشي بالشمال ما طوء المنطقة....وهالقناصة عالأسطح......يعني الحمد لله ما كان في شي.....مجند هارب من الثكنة....بس الوضع مش طبيعي.....البلد خربان......وإنت يصير الأواص إدامك......وخصوصي بعد ما صار الفلم اللي صار بالألمون فوق بيتنا وكنت عم اتفرج عليه من الشباك!!!......

يعني كلو مع الوئت بيهون......بس هيك شغلات بدها شوية وئت.....وبتنسيها!!!


سلامات