مقابلات مع الأعضاء!!!

[ضيف على القلمونيين]

السلام عليكم
أعجبتني فكرة الموضوع والطريقة المبتكرة للتشهير بالأخ Nader
والله ووقعت يا نادر في شباك الفيزيائي
الآن يا أخي العزيز نادر أنت معروف في القلمون كلها ، وأكثر
كلهم صاروا بيعرفوا انك منك مرتبط
يعني يا ويلك في الأيام القادمة خاصة وأنها أتت مع بداية الموسم الجامعي
----سؤال في القمة يا أخ زاهر ------ هههههههههه
________________________________________
حقيقة الفكرة رائدة ومميزة --بارك الله في جميع من شارك وساهم ،،،، حتى لا يظن أني متحيز ...أقول وبارك ايضا في الذين لم يشاركوا ولم يساهموا -----
الأسئلة كانت في القمة وعالجت جوانب عديدة من حياة السميع الكبير ناااااادر
أسأل المولى عز وجل أن ينعم عليه بوافر الصحة والعلم والقبول عنده وعند عباده__ آمييين __
على فكرة ....أنا ممن عرفهم نادر في منتدى قراء القرآن ، وألفيته منذ أن عرفته أخا عزيزاً أعتز بأني أملك الهوتمايل الخاص به
يعني اللي ما يملك الهوتمايل الخاص ب نادر عليه أن يسارع بالطلب
فالعرض لا يدوم إلى الأبد
وأنا متأكد أن نادر بقلبه الكبير سيرحب بالجميع
هذا ولا يفوتني أن أوجه التحية إلى كل من ألإخوة الكرام :مهدي و مصطفى وزاهر
والسلام ختام
فالسلام عليكم

[Nader 3:16]

نشكر الاأخ (ضيف على القلمونيين) على رده الجمييييييل و المهضوم...

شايف يلي بيعلق مع زاهر شو بصير فيه....!!!!

راح فضحنا بأسئلتو!!!!!!!!

و الله منور المنتدى و ان شاء الله منشوف مشاركاتك الهادفة عن قريب

[ضيف على القلمونيين]

الله يزيدك نور على نور

[الزاهر]

أهلا فيك خيي العزيز ضيف!!!

والله ووقعت يا نادر في شباك الفيزيائي

هلأ صار الفيزيائي عندو شباك؟؟؟؟
لووووووووووووول!!!

[moustafa]

شكرا يا أخي الحبيب... و الله نوّرت المنتدى بوجودك يا أخي ....و الله ما كنت عارف إنك رح تشارك معنا... المهمّ أهلا و سهلا بك كضيف على القلمونيين و أعتقد بل أؤكد أن القلمونيين سيرحبون بك ترحيبا خاص من قلب القلمون إلى حيث أنت... يا الله بدّك شي يا أخي العزيز؟؟
سلام

[الزاهر]

نموذج للمرأة اللبنانية, متعلمة, متأنقة, نرجسية, ...
عاطفية, وقد تصل في بعض الاحيان الى المزاجية
مشاركتاها مميزة .. غنية ... متنوعة ... ولن نبالغ ان قلنا انها احدى الاركان الاساسية للمنتدى ...
تثور تارة لتدافع عن تيارها السياسي في وجه الخصوم ...
ثم تعود لنشر الورود الفواحة في ساحات الترفيه ...
تهوى اللغات الاجنبية لدرجة انها اعتمدت اسماً حركياً في المنتدى,
ما هو الا ترجمة لمعاني اسمها الحقيقي الى الفرنجية ...
انها ويشيــــز في المنتدى فلها ولمراسلنا العزيز الكلام ...

الأخت Wishes حبذا لو تعرفينا بنفسك .
أماني محمد عبد الوهاب من مواليد 14-5-1986

أين درست أماني.........وإلى أي حد تطمح أن تصل.
كل دراستي كانت في مدرسة المنار الاسلامية أما حاليا فأنا بالجامعة اللبنانية – إدارة أعمال
عملت ماستر 1 وحصلت على منحة دراسية من الجامعة لكي أكمل ماستر ودوكتورا في فرنسا.

ما هي أهم هواياتك واهتماماتك.
أعشق اللغة الانغليزية وأقرأ كثيرا كتبها وأحاول أن أطور وأحسن من لغتي قدر المستطاع.
كما وأحب السفر كثيرا.

كيف تعرفت أماني على موقع ومنتدى القلمون
أنا بعرف من زكان إنو في موقع للقلمون لكن تسجلت فيه بعد ما بعتلي محمود العكرة عينة من القصص والمواضيع على المنتدى.
حسيتو حلو ومفيد وبيشجع التواصل مع عالم ما بعرفت......فتسجلت!!!!

ما هي الفائدة برأيك من المنتدى وهل هو يأدي دوره حاليا
المنتدى كتير مهم برأيي....لأنو يفسح المجال أمام الأعضاء ليطرحو مواضيع انمائية أو سياسة أو اجتماعية......
مفيد للقلمون وللمجتمع بشكل عام .....
هلأ إذا المنتدى عم يأدي دورو ولا لا........هاد بيتوئف على همة المشرفين وإذا عم يحاولو يوصلوه الأفكار للمعنيين بالضيعة.

ما هي نظرتكم للمواضيع المطروحة
أكتر المواضيع حلوة......مفيدة......وبحس الأعضاء كتير مثقفين
مثقفين وبيفكرو تفكير شباب وصبايا بيهمن اسم الألمون يكون مشرف


كيف تقيم أماني أعضاء المنتدى بشكل عام
أكترية الأعضاء بالمنتدى ما بعرفهن معرفة شخصية بس بحسن مهضومين وبيحبو التواصل والتعارف على بقية الأعضاء
بس في أعضاء شوية جامدين وما بيشاركو بمواضيع حدا......مع هاد.....أكترية الأعضاء فاعلين بالمنتدى.

هل من الممكن إن تذكري لنا 3 أعضاء ملفتين بالنسبة لكم .......والسبب في ذلك.
نارة: ما بعرفا شخصيا" و يمكن مني شايفتا من قبل بس كتير بحسا مهضومة و مشاركاتا حلوة و كتيرة
جابر دملوك: كتير مهضوم
مصطفى معتوق: بيعجبني كتير لما بيحكي سياسة بكون متشبث برأيو و ما بيتراجع ابدا
بس في كتير أعضاء ملفتين متل دوكر و شانزيمر و محمود هيدا شهادتي مجروحة فيه


هل أنت مشتركة في منتدى غير منتدى القلمون
لأ



هل عندك أي مأخذ على الموقع والقائمين عليه
في كتير..... بحس المشرفين بميزوا بين الأعضاء بيحذفو شغلات بكون ما إلا معنى مرات و بيتركو شغلات بتكون فيا تجريح إذا عجبتن
رح اعطيك مثل..... بموضوع فضح الألقاب كنت عم اتواصل انا و سليم و عم يقلي انو بيعرف مين انا قلتلو عطيني دليل قلي بقولو عنك بالضيعة انك حلوة و شاطرة ما لقينا إلا المشرف حذف هالكلمتين استفسرنا عن السبب بس متل العادة ما في جواب
و لما واحدة حكيت حكي تجريحي عن الشيخ الحكي منشال كل شي حكيناهن و بعتنالن لأ و يللي بعصب اكتر قالو إنو هيدا حرية تعبير
طيب إذا حرية تعبير ليه فيه مشرفين و مراقبين بيحذفو يا بيحذفو للكل يا بخلو للكل

فاصل ونعود لأسئلة الأعضاء

[الزاهر]

تتمة!!!

أما أسئلة الأعضاء:

لما ذا لا تلتزم الانسة ويشز بالحجاب مع اننا نحس عندها فى بعض الكتابات نوعا من الغيرة على الدين.
أنا عطول بقول إنو انا ما لاح اتحجب إلا لحتى كون قد الحجاب يعني احترمو و ما اعمل نتل اكترية المتحجبات يللي بيلبسو لبس ببهدل الحجاب و الدين و المسلمين الحمدلله النية موجودة بس بانتظار القرار الحاسم و انشالله خير


احد الاعضاء يزعم انك صرحتي في وقك سابق انك غير متدينة ؟؟ هل هذا الكلام صحيح وما هو مفهومك للتدين؟
أي عضو قال إني غير متدينة؟ مش صحيح بس مرة simpson سألني إذا أنا متحجبة و إذا كتير متعصبة بالدين قلتلو الحجاب شرف لإلي بس هيدا الشرف بعد ما وصلني و بالنسبة للتعصب قلتلو إني الحمدلله بصلي و بصوم و بقرا قران وبس منفتحة كتير يعني بحترم حرية المعتقد لكم دينكمو لي دين



هل الانسة ويشز منتمية لاحد التيارات السياسية فى لبنان؟ وفى حال كان الجواب نعم لماذا وما السبب الذى دفعها لهذا الانتساب؟
لأ مني منتمية انتماء رسمي بس بميل كتير لتار المستقبل بحب انجازاتو عالصعيد الاقتصادي بسوليدير و بتعليم العالم و باعمار لبنان و باريس 1 2 3 يعني بحس إنو بيشتغلو لمصلحة الاقتصاد اللبناني

تتهمك احدى الاعضاء انك لا تعرفين معنى كلمة الشفقة او على الاقل انها غير موجودة في قاموسك لدرجة انك قد تتخذين قرار بتدمير حياة اي شخص دون ان يهتز لك جفن ما تعليقك على هكذا كلام ؟؟؟
مين هيدي يللي عم تتهمني هيك اتهام إذا بتعرف شي عني تقول أنا بالنسبة لإلي بحس حالي كتير حنونة و قلبي طيب مع العالم و من السهل انا تنزل دمعتي
وقت سالتني السؤال حسيت حالي مجرمة بس برجع بقول إذا عندا دليل أو معطيات تقول


اكثر من عضو اشارو من خلال اسئلتهم الى كونك ترفضين التعرض للانتقاد من قبل الاخرين ولا سيما فيما يتعلق بالمواضيع السياسية وغيرها كما لاحظ بعض الاعضاء تمسكك برأيك والدفاع عنه بشتى الوسائل فهل انت كذلك ؟ وما هو موقفك ازاء من يوجه لك انتقادات ؟؟
بالنسبة للانتقاد إذا كان بناء ليش لأ بس في أعضاء بتنتقد لمجرد الانتقاد و اثبات الوجود بس بالعكس انا كتير بحب النقد البناء مبارح قريت نقد موجه لإلي من نزيه ملاط حسيتو بناء احترمتلو رأيو ووعدتو غني اتقيد بنصيحتو
بالنسبة للدفاع عن الرأي شي طبيعي دافع عن رأيي بس بحترم اراء الاخرين و كل واحد غلو رأيو بهالحياة و هيدا شي طبيعي و انو يدافع عنوشي طبيعي أكتر



يسال احد الاعضاء عن استعدادك للتنازل عن معتقد معين سياسي او ديني او قناعة شخصية مثلاً ) كرمال شخص معين) ؟
ليه غيري بدو يعبر عن رأيو و أنا لأ لو مبدي احكي و عبر مكنت فتت عالمنتدى
كرمال شخص معين و مين ما كان هالشخص...... مين ما كان هالشخص و قد ما كان بيعنيلي رأيي هو رأيي و ما بغيرو بس من زمان كنت قلن اني بحب اخد واحد من رأيي السياسي تمندبح بعضنا بالبيت

كيف تصفين لنا اقربائك وعلاقتك بهم ؟
كتير منيحة الحمدلله بحكي معن كلن و بحبن كلن هلأ غذا في واحدة بالعيلة ما بتحكينا ما يعني انو علاقتي بالاقرباء منا منيحة بالعكس انا بحبن كلن سواء عمومتي او خوالي او نسوانن و رجالن
أنا كنت كتير متعلقة بستس الله يرحما و قت ماتت ضليت فترة بحالة نفسية كتير صعبة ضليت فترة ما اقدر نام قد ماانقهرت عليا الله يرحما و يرحم جميع الأموات المسلمين

هل تحبين ان تقتني افضل واجمل الثياب والعطور وهل تتأثرين بالموضة ؟
شي طبيعي اني البس احلا تياب و اتبع الموضة بس منو ععماها الحمدلله انا محتشمة بلبسي عالأقل بنظري يعني بتبع الموضة بالشي يللي بناسب طريقة لبسي
بالنسبة للعطور هيدا عشقي و عندي كتير عطور

هل حاولت ان تلفتي نظر احد من الشباب يوم من الايام ؟
اوف شو هالسؤال؟ أنا بنت عادية بلبس و بترتب و بطلع عالشارع مرة او مرتين بالأسبوع بكزر بأدب أنا و رفقاتي و الحمدلله بحاتة محدا حكي عليي كلمة منا منيحة و في مرة صرحت بالمنتدى إنو إذا بيمرق من حدي ليوناردو دي كابريو ما بتطلع فيه

انت شايفة بحالك كتير ما هو تعليقك على هذا الكلام ؟
يللي بيعرف شي عني قول و ما يستحي بالعكس والله انا بعامل كل العالم متل بعضن و انا مني أحسن من حدا مرات
بس يللي عم يسأل هيك أسئلة إذا عندو شي ضدي أو شي دليل يقول و ما بستحي

مسك ختام اسئلة الاعضاء هل من الممكن ان تشرحي لنا عن مفهومك للحياة ؟؟؟
الحياة رحلة لازم نعرف نعيشا و نستغل كل دقيقة فيا بالنسبة لإلي بحب كتير وقت اقعد بيني و بين ربي بحس إنو هيدي احلى لحظات بالحياة

كلمة للمشرفين
للمشرفين الموقع كتير حلو بس بدو كتير تطوير و سياسة التمييز بين الأعضاء بتمنى تتفادوا قد ما فيكن كرمال المصداقية بالفوروم

كلمة ختامية
في الختام بدي قول شغلة بالانكليزي :
the only reason anyone would ever hate me is because they want to be just like me
و يللي في مسلة بتنعرو

لا يسعنا الا ان نشكر الانسة ويشيز على مشاركتها معنا لهذا اليوم ونجدد الموعد في الاسبوع القادم ان شاء الله مع فارس المنتدى المقدام المهند
فنرجو من يريد طرح اي سؤال على المهند ارسال رسالة خاصة الى مراسلنا عزيز زاهر الدين (حصراً) كي يصار الى طرحها عليه
وشكراً لكل من ساهم في نجاح هذا العمل

[nana]

نارة: ما بعرفا شخصيا" و يمكن مني شايفتا من قبل بس كتير بحسا مهضومة و مشاركاتا حلوة و كتيرة


شكرا ونفس المحبه مني إلك

[الزاهر]

ما شاء الله ........صار عنا أكثر من 1000 مشاهدة........من وئت انفتح الموضوع.....يعني تقريبا 66 مشاهدة باليوم الواحد!!!!
ما شاء الله!!!!

[moustafa]

أهلاً بالمهنّد ..... عفواً باقائد المهنّد........ عنجدّ المقابلة كانت رائعة بس مثل ما قال أخي نادر إنّو كبيرة ......يعني بتتعب إنت و عم تقرءها .......
بارك الله فيك يا زاهر على مجهودك ....... و عقبال مقابلتي
يا الله سلامــــــــ

[المهند]

أشكر جميع الاخوة الذين علقوا على المقابلة وأقول لهم اننى اتقبل اى نقد او رد موضوعى ومنطقى مهما كان منهم بكل رحابة صدر..بالنسبة لرد الاخ وسيم فلو الاخير فاقول لك يا صاحبي أننى اصبحت على قناعة ان الذين يتربون او يعيشون مع بعضهم سنوات قد يخرجون بتفكير مماثل او مشابه لبعضهم البعض.."فيك تسال اخوك صلاح مرة سالنى عن هالقصة من يومين لانى كنت عم ازكر قدامو نفس الفكرة وقلى متل كيف يعنى ؟!!قولتو مرة مثلا وسيم اخوك قلي فكرة بيشعر فيا هو وبيحس فيا ولقيت انا فعلا كانت براسى بلا ما صرح عنا"اسالو هو بيقولك عن ايش بقصد ..بالنسبة لكلامك انو احيانا بتناول الاشخاص وبيكون ردى قاسى عليون بقولك صحيح وانا ما بنكر هالكلام بس بصراحة ربما لانك تجهل السبب قد قلت هذا الكلام والواقع ان من اتناولهم شخصيا بردى القاسى عادة ما اكون قد سمعت منهم شخصيااو عنهم بطريق موثوق انهم قد تعرضو لاناس او اشخاص اعتبرهم انا وغيرى كثير انهم قدوة فى العمل الاسلامى او مثال فى التضحية والجهاد والبناء ومقارعة اليهود وكثير منهم من قدم نفسه وروحه وماله وكل ما يملك فى هذا السبيل ليأتينا في نهاية المطاف واحد"حقو" فرنكين بعدو ما بيعرف "الالف من عصا الربش" وما عندو ادنى ثقافة دينية او علمية او سياسية وبدو ينتقد ببغائيا على مثل هؤلاء الناس الكرام!!!اسمحلي يا اخ وسيم انا بهالحالة يعنى راسي ما بيحملني..وساعتا بلاقى حالى مضطر امشى واتصرف مع هالمتخلفين حسب الطريقة المعروفة:"هيدول متل الراسور بدك تضلك داعسو لانو ازا قبيت اجرك بيفز .."سلامات

[عمر ملاط]

أنا يا شامي زعلت...

[dania]

شو زاهر ؟؟؟

المقابلة الجاية مع مين وليش ساكتين عن الموضوع ؟؟؟؟

[مصطفى معتوق]

شو زاهر ؟؟؟

المقابلة الجاية مع مين وليش ساكتين عن الموضوع ؟؟؟؟

نص المقابلة الجاية صار معي وانا عم اتحفظ على نشرو لاني عم فكر خبي هالجوهرة وما خلي حدن غيري يشوفها ................
متل العادة النشر يوم الاحد ما تستعجلي يا دانيا اليوم الجمعة اسن في يومين

[الزاهر]

شو ........نفذ صبركم......ما على اساس متفقين إنو كل نهاية اسبوع (السبت أو الأحد) هو الموعد