عنجد إنتو بتضحكوا ....

أيو فيزيك بتفهموا في إنتو؟ إن شاء الله القسم تاني بتسمو فيزيك، ولا مفكرا الفيزيك هوالإشيا إلي بتحكي عنا روعة (هيدي روعة مخصا بالفيزيك بشي).

ليكي يا ست عبير، نحنا آخدين شيمي بالجامعة أكتر مبتاخدو.

موقفي مش موجه للشيمي بس، للطب كمان .... لهندسة الكهربا (إلي أنا عاملا)... كل هادا منو علم... هيدي تقنيات، يعني متل النحت والرسم ، فالأحرى نسميون فن وأدب.

مش معناتا إنو منون مهمين، بس كمان شعر أبو الطيب واحمد شوقي، وروايات أغاتا كريستي مهمين.

العلم هو :فيزيك (النظري بس، مش ميكانيك تركيب البراغي)، الرياضيات (أكيد أصول الرياضيات منو الintegrale وهالأصص) ، وفلسفة العلوم.

أنا لما كنت بالجامعة قلت كلمة : إذا بكرا علمت بالجامعة شي إلو علاقة بالفيزيك أو بالرياضيات وقام شي تلميذ غبي سألني "وين بيستعملو هالإشيا" بكحشو من الصف دغري.

بالرياضيات لما بتدرس الgroupe بالAlgebre وبتشوف تناسق النظرية وجمالا، وبيجيك شي تلميذ جحش بيقول لشو هالإصص، أكيد بتموت من القهر.

يلا سلام وروقوا شوي، مفي شي ضدكن