العشق في شوارع و حارات القلمون......

[Nader 3:16]

يعني ظاهرة بشعة الى حدّ ما و السبب انو عم نشوف البنت عم توقف مع يلي بتحبو في الشارع او تحت البيت بعلم او دون علم اهلها....

يعني هالعادة يلي عم نلاحظها عند الشباب منها حلوة ابداً من كل النواحي.....

و يلي بنكرز اكتر انو بتلاقي الواحدة مربية و اخلاقها جيدة و بتكون واقفة احيانا مع واحد الله يسترنا....

يعني ما بعرف شو بدي قول بس المصاحبة صايرة موضة بالقلمون في هذه الايام....

شو موقف كل واحد من هذه الظاهرة؟؟

و مين بيتحمل المسؤولية؟؟؟؟

[wishes]

موضوع حلو
أنا من وجهة نظري المصاحبة داء خطير يستشري في القلمون و السبب باعتقادي هو تقليد الفتيات في الجامعات.
بهالإيام صارت الواحدة بتتباهى إذا وقفت مع شب حتى و لو كان ما بيستاهلا بس من قلة الرجال صار المهم تحكي مع شب.
أما المسؤؤلية فتقع على الاهل و الأصدقاء و المجتمع القلموني بدرجة كبيرة. عنا بالقلمون إذا شافو واحدة عم تحكي مع رفيقا بالصف بيعملو منا قصة فبصير في كبت مما يدفع البنت إنا تحكي مع أول شب ما بيستاهلا

[مصطفى معتوق]

انا عندي وجهة نظر خاصة بالموضوع ورح انطر شوي بعض التعليقات من الاعضاء قبل ما قولها لان بدي شوف شو رأي الاخوة ومدى قرب او بعد وجهات النظر

[دوكر]

بنسبة لاي ...
انا بلاإية اسوء عادة...من شان هيك فتحت الموضوع عن الحب من شان نوضح الفرء بين الحب و الدحك ع الدؤن...
المسؤلية بتوأع ع الدولة...عم نمزح...اكيد ع الأهل لي ما بناءشو ولا شغلة مع و لادن...و انا مع الست وشيز بي الاسباب ...لي اهما التإليد الأعمى...
و يا هلا بإبن السبع ...
يسلمو موضوع اهم من المهم...

[habouleh]

أنا بلاقي انو كلمة صاحبتي لما يقول الشب عن البنت يلي بحبها هيك هي اهانة للبنت و اذا الواحد عنجد بحب هل بنت يروح يخطبها من أهلها و غير هيك ما بصح

عجبكون هيك أهله و سهله و ان ما عجبكون لدينتييييييييييييييييييييييييييييييييييييي

[HARD]

الاخت wishes ردودك على طول سلبية على الاخر بالنسبة للشباب وهذا في جملتك(بس من قلة الرجال) .

اولا مع احترامي للجميع ما هو تعريف المصاحبة .؟؟؟؟؟

هل وقوف الشب مع البنت بالشارع ؟؟؟ هل كلام الشب مع البت بأي شئ ؟؟؟؟ ام تقصدون الحب ؟؟؟؟؟
يعني الشب مافي يحكي مع البنت الا بنية مانها منيحة ؟؟؟؟؟؟؟

باختصار يلي صاير بالقلمون بهدلة وجعدنة ليس مصاحبة ولا شئ تأحنك على الاخر بكون الواحد صايع بالشارع ما بيعرف شئ بتلائية واقف مع بنت بتدرس بالجامعة كل يوم مع العلم انو اهلها برفضو هيك موديل من الشباب بس (هادول منن كتار كما اعتقد) انا هون بتعجب شو هل مواضيع المشتركة بيناتن ؟؟؟؟؟؟؟؟؟
ويمكن عندك رفيقة بالدراسة او بالعمل وكل التعامل والكلام جبلي هل الكور او عطيني هل البرنامج او بدي هل الدفتر او هل المحاضرة وكيف كان الامتحان وطلعت العلامات ، وان شاء الله بتتوفقي ، ماني فاهمة هل الفكرة ، ........ وهيك يعني انا بشوف انو هيك نوع من التعامل مشرع .

[من هنا و هناك]

السلام عليكم
انا اكتر شي بنكرزني هي البنت اللي اسا ما فقصت من البيضة بتلاقيها عم تحكي مع شب اسا شعر دقنو ما بينت
و بقولو الضيعة عم تفلت
انو طيب ليش ؟ عم تفلت من تحت ايدين الجيل القديم المحافظ اللي صيتو كان زي العسل

[Nader 3:16]

نشكر جميع من شارك بالموضوع.......

في نقطة: انو هالوقفات يلي بيوقفها الشب مع البنت لوين بدها توصل ....اكتر شيئ بيختلفوا على شغلة زغيرة و ببطلوا و كل واحد بصير يأيبل على صاحب او صاحبة تانية....

في امثلة كتييييييير...المشكلة انو هذا النوع من الحب هو عن غير تقكير.....

في الواحد يكون بتعجبوا واحدة بس ما بيوقف معها ليش لأنو افترضوا اجاها عريس و اهلها وافقوا....شو بدو يكون موقفوا؟؟؟؟

نكمل الرد بعد مشاركة بقية الاعضاء

[مصطفى معتوق]

والله يا شباب حديث الهارد كتير صحيح وانا بأيدو بنسبة 100%
وكمان بحب ضيف شغلة يمكن راحت عن بالو وهي انو يلي عم يوقفو بالضيعة مع بعضن قدام العالم ما بعتقد انن عم يعملو الزاحلة بس المشكلة بيلي بيعملو حالن قوادم بالضيعة وازا مرقت بنت من قدامن بيحمرو وبيغضرو ولمن بيطلعو لبرات الضيعة بيفلتو على حل شعرن
على كل حال الموضوع بعدو كتير طويل بس ناطرين باقي المشاركات بعد في نادين ونارة ما سمعنا رأين وانا بصراحة ناطرن
وينك يا فشلان ؟............. بعرفك بتحب هيك قصص

[almuslim]

السلام عليكم،

اذكّر بالقول: هي نظرة فابتسامة فكلام .... فــ ... ،

القصص الكثيرة التي حدثت في القرية اظهرت ان نسبة كبيرة ممن كانوا يتكلمون مع بعضهم من شباب و صبايا انتهو بالزواج من شخص آخر...

فكل ما كان يحدث هو من باب الشهوة أو الوسوسة التي يلقيها الشيطان في عقول الشباب و البنات.

هل تظن البنت أو الشاب عندما يتكلمون مع بعضهم سرا و علانية انهم يقومون بعمل صحيح؟؟ و لا اتكلم هنا عن المخطوبين ، هذا العمل اعتبره عملا شنيعا و هو من المعاصي التي قد تورد صاحبها الى الزنا.

بالنسبة لي إذا أردت ان اخطب اي بنت و علمت انها كانت تتكلم مع شخص من باب الإعجاب أو الصداقة المزعومة فالإحتمال الأكبر هو أن اترك أمر تلك البنت الى شخص آخر عنده تاريخ صداقات متنوعة أكثر مني.

السلام عليكم

[wishes]

السلام عليكم
الموضوع أكثر من رائع وواقعي و يستحق المشاركة.
أحب ان أوضح للأخ HARD معنى كلامي عن قلة الرجال:
1- انا لا أتكلم بسلبية عن الرجال بل على العكس انا احترمهم و اجلهم و أعتبرهم العنصر الأساسي و الفعال في المجتمع و لكن انا انظر بسلبية إلى الرجال أو الشباب المقصودين في الموضوع المطروح ليس إلا.
2- قلة الرجال لا اقصد بها الإهانة إلى الرجال بل المقصود منها أن نصف شبان القلمون مغتربين و انت منهم اعتقد. صار إذا بتطلع عالشارع عنا ما بأ تلاقي شباب و إذا لقيت بيكونوا صايعين هنا لا أتكلم عن كل الشباب بل عن قسم كبير منهم. لذلك صارت البنت بس بيهما توقف او تحكي مع شب بغض النظر عن التكافؤ الفكري و الثقافي.

[Salim]

الحقيقة يا جماعة أن الذي يحصل في شوارع القلمون وخاصة وراء الجامع الغربي هو قمة في السفاهة والبهدلة وليس له أي علاقة بالكزدار المعروف في القلمون منذ زمن قديم. ألمنطقة المذكوره تعج بالفاسدين والتافهين وأصبحت أقرب إلى بار كبير. أعتقد أن المشكله أصبحت أخلاقيه ويجب معالجتها.

[moustafa]

أنا هللء معصّب بلاوي
بتعرفو ليش؟؟؟ لأنّي كتبت ردّ 10 أسطر و مفسّر فيي كلّ شيء بس مدري شو فقست عالكيبورد فراح كلّ الردّ...
هللء المهمّ إنّو القصة من الأهل و من الرفقة و من البلدية!!!(يللي بتسمح للزبالة إنها تفوت على القلمون و تبعث برائحتها الشتيعة و المقرفة داخل البلدة و تحديدا وراء الجامع الغربي بعد العشاء)
و قصة المصاحبة ما بتفوت بعقل عاقل ...
رح قول بشكل مختصر: إنّو يللي بدو يصاحب أو يللي بدّها تصاحب خلليهم يفكّروا شويّ بعقلهم قبل البدء في المواجهة و المعركة الطويلة..
لوين بدهم يوصلوا؟؟؟إنّو أكبر فحل بالحبّ ما فيي يضمن كانّو رح يضلّ بالعلاقة أم لاء.. على كلّ حال يمكن إذا منّو أكيد إنّو من كلّ قصص المصاحبة بينجح 2% في الزواج من بعضهم البعض... يعني مين رح يضمن نجاحوا؟؟؟ و لك صارت قصّة التقديم على الضباط أسهل بألف مرّة...
ما رح طوّل ... أنا بس بحبّ وضح ليللي ما فهم عليي : أنا ضد قصص المصاحبة و التفكير فيها أصلا..

[الريس]

بصراحة الموضوع كتير حلو وكتير مهم ، ولكن لا أدري لماذا تم المناقشة فيه بشكل بعيد عن الواقع نوعا ما ، أولا أنا برأيي الحب ليس عيبا ، ولكن ينبغي لمن يريد أن يرتبط بفتاة ان يكون على قدر من المسؤولية وان يكون قادرا على الزواج منها .


كما ينبغي أن تكون علاقته بهذه الفتاة مضبوطة بضوابط شرعية وأخلاقية .

أم سبب المشكلة ، فهو برأيي يقع على الفتاة التي خرجت كاشفة الرأس من بيتها ، متزينة وهي تظن أن الشاب صخرة لن يتأثر ...

المشكلة اليوم ان الفتاة تخرج للشارع متزينة ومتبرجة و... وبتقلك أنا طالعة لحتى روح عن نفسي وبس ، ولكن هي بتكون عم تروح على الشباب سواء علمت ذلك أم جهلت .

وبعد ما تلفت البنت نظر الشب ، رح يبلش ينخز عليها ويسمعها من الكلام الجميل يلي كل بنت بتحب انها تسمعوا ، وبتصير هذه البنت بدها تتقرب من هذا الشب أكثر لحتى اتضل تسمع هذا الكلام واتسد هذه الرغبة الفطرية يلي عند الفتاة بسماع الكلام الحلو ، ومن هنا تبدأ المصاحبة .

وسببها باختصار :

- الأهل لأنهم تركوا ابنهم أو بنتهم ينزلو على الشارع ويحكوا مع نسوان و...
- البنت يلي طلعت من بيتها ، بلا لباس شرعي .
- الشب يلي نخز عليها .
.
.
.

[HANA]

لن أشارك في المنتدى بعد اليوم.

[Nader 3:16]

ممكن نعرف الاسباب بقا؟

[الزاهر]

لن أشارك في المنتدى بعد اليوم.

مممممممم.......وأت أريت هالرد......ألت إلا هادي التيتة كاتبة شي.......والريس مارطها بهدلة طويلة عريضة.......لكن استغربت إنو ما لها غير هالرد بالموضوع!!!!


طمنينا يا أختي....مين زعلك!!!!

[الريس]

أول شي يا ابن القص ما تقعد تعطي دروس ومواعظ ، أنا بعرف انك كنت اتنخز على قرايبتي .... (حذفت من قبل المشرف) .....

تاني شي ، يا أختي هنا ، بدك تتركي لك الحرية ولكن رح ازعل كتيير منك ، لأني اسا ما ناقشت معك ولا نقاش وما عرفت تفكيرك ولا أي شي عنك ، بس يظهر من كلامك انك صاحبة قلب طيب ، وهذا بدون أي مجاملة ، أما بالنسبة للأفكار فما بعرف شي عنك لسا ، لحتى احكم بالمنيح أو القبيح .

[مصطفى معتوق]

أول شي يا ابن القص ما تقعد تعطي دروس ومواعظ ، أنا بعرف انك كنت اتنخز على قرايبتي .... السمان .....

تاني شي ، يا أختي هنا ، بدك تتركي لك الحرية ولكن رح ازعل كتيير منك ، لأني اسا ما ناقشت معك ولا نقاش وما عرفت تفكيرك ولا أي شي عنك ، بس يظهر من كلامك انك صاحبة قلب طيب ، وهذا بدون أي مجاملة ، أما بالنسبة للأفكار فما بعرف شي عنك لسا ، لحتى احكم بالمنيح أو القبيح .

كبيـــــــــــــــــــــــــــــــــــــــر ابو الفوز
شو هيئتك نازل طحن بالشبيبة
ليك شو كنت عم تعمل بهالغيبة هيئتك كنت عم تتمرن يا اخو الديانة

[الريس]

ولك يا خيي لا طحن ولا شي ، أنا هذا الصبي كنت لما اجي على القلمون -ان شاء الله نقدر نرجع ونلاقي شغل مرتب بلبنان- كنت شوفوا يقعد قدام محلو ، هو أكيد ما بيعرفني ، بس أنا وصلي خبر عبر النت من بعض أقارب البنت ويلي هنة أقاربي شو كان عم يعمل ........

[Nader 3:16]

هلء بصيييييييييييير ابو صطيف هيك بيعمل؟؟؟؟ معقول هيك يا ابو الفوز ما تقوم معلوماتك غير اكيدة.....

[moustafa]

يبدو أنّ المدعو الريّس يحاول إغاظتي من خلال ردّه في هذا الموضوع .... لكن مع الأسف لم يتأكّد من معلوماته قطّ....
و أنا ما بدّي بهدلو قدام أعضاء المنتدى مشان هيك رح إحكي بكلّ رواء .... ليك يا غبي أنا يمكن كون حبّيت بحياتي كلّها بس مرّة واحدة و منّي متذكّر أبدا" إنّو يللي حبّيتها كانت من بيت السمّان أنا أصلا" ما بعرف حدا من هالعيلة و الحمد لله.
على كلّ حال قصّة الحبّ تبعيتي ما بقيت 3 أشهر و رجعنا إنفصلنا و وقت صرت فكّر بيللي عملتو كنت قول على حالي إنّي كتير غبي ...
المهمّ من الحديث كلّو إنّو إذا جاية على المنتدى بغرض الإفتراء أو بغرض البياخة قللي مشان ما ردّ عليك و تعّب حالي...

[الزاهر]

هلأ يا مصطفي شو هالحكي.......بتكون آعد ادام المحل وصافن.....منسلم عليك ما بتنتبه......ومانك عشقان!!!!

آه روح بلط السما روح!!!!

[moustafa]

شو هالحكي يا زاهر !!!!!!!!!!! بلّشنا إفتراء على الناس...؟؟؟
الله يهديك و يهدي الريس ........ مين موكلكن عليي آهه؟؟؟
على كلّ حال أنا ناطر الريس لحتى يردّ لحتى شوف كنّي رح بلّش بالعلئة معو و لا لاء

[Inno 3:16]

موضوع حلو يا أخ نادر
يعنو هو في شغلة بطل في لا دين و لا عرض عند بعض الأهالي
يعني صارت شغلة كتير عادية
(الله يستر من أعظم

[الزعيم]

يعني ما بعرف شو بدي قول , صحيح الموضوع كتير حلو و بدو جلسة طويلة بس كمان ما بدو هلقد , يعني هلأ ما في واحد بالدنيا ما بتعجبو بنت سواء أكان دين أو منو دين, بيصلي أو ما بصلي يعني ما يقولولي الأخوة الملتزمين انو لأ و ما هيك.. هادي سنة الحياة, هلأ الواحد كيف بينقي العروس بلا ما يطلع فيا و يشوف اذا بتعجبو ولا لأ (متل ما بيصير بي باب الحارة)
صحيح أنا مش مع فكرة الوقفة بالطريق أو الحكي بالمخبي بين البنت و الشب بس انو كمان الشب مين ما كان يكون الا ما تعجبو شي بنت سواء محجبة أو مش محجبة و البنت نفس الشي بس مش بالضرورة يحكو مع بعضن.. لأ أنا ضد هالفكرة بس الا ما يصير في اعجاب و لو بسيط و يرجع يصير كل شي بالحلال انشاء الله

[abujahl]

2awal shi min 2allak innu hal shab 2alla yustur shu badi 2ifham shaghle inte kemel minshen t3ali2 3a ghayrak plz 2awal shaghle mahadan illu ha2 y3ali2 w ykayim ghayru plz ba3den shaghle tenie malahinak 3am t2ul innu il binit mrabiye w kilshi wein il mishekle iza hikyet ma3 illi yimkin ysir zawga ba3den iza sar nasib mahadan 3am yghalit ille intu la2inu mabtit2abalu lal ha2i2a il weke3 mama3nata iza il binit hikyet ma3 shab saret mana mniha plz manu hilu hal tifkir shukran

[Nader 3:16]

اخي ابو جهل...
انا لم القي الاتهام على أحد.
لكن ما اردت ان اقوله بأن هذا النوع من الحب و العشق هو مجرد طيش شبابي عارض.
لأنو انا ما قصدته بأن حتى الاولاد يلي اعمارهم لم تتعدى ال 14 سنة عم يوءفوا مع بنات بالشارع...بدك تقلي كمان هادولي ناووين الزواج كمان...
وبعدين اذا بتريد ما تفسر عزوقك انا لم اقل انو البنت اذا وقفت مع شب بتكون منا منيحة...و لكن بدك تحسب حساب انها بدها تصير علكة عكل لسان بالضيعة!!!!!

اخي انا ما اقصده بالموضوع هو طيش الشباب الذي لا هدف له من وراء هكذا حركات سوى لفت الانظار اليه (ليكوني يا عالم عم احكي مع بنت)...اي في ناس هيكا بتفكر..
و عادة هالنوع من الحب اؤكد لك انه لا يستمر الا بحالات معينة.
وشكراً على مشاركتك.

[المبـــارك]

أنا أضع اللوم أولا على الأهل... لأنه في هذه الأيام أصبح كثير من الأمهات يسمحن لبناتهن بالتعرف على شاب وتكون هي من تريد ذلك قبل البنت، لذلك نرى بعض الأمهات اللواتي يخرجن مع بناتهن إلى الشارع فقط لتقوم بعرضهن أمام الشباب علها تستطيع أن توقع بواحد منهم فريسة لابنتها. أنا أعرف كثيرمن الأمثلة لكنني لن أقوم بذكر أسماء.كما أعرف بعض العائلات التي يكون فيها الوالد ملتزما والأم محجبة و مع هذا ، نرى بناتهم فلتانين بالطرقات يتكلمون مع الشباب ... و المصيبة إنك بتلاقي الشب و البنت واقفين عالطرقات بكل جرأة عم يحكو مع بعضن يوميا ،، لك نفسي أعرف بإيش عم يحكو؟؟ يعني يلي بدو يخطب وحدة ما بيقعد معا قد ما بيوقف معها عالطريق...

[abujahl]

salam
illi 3uru 14 sine manu 3am yhib bas 3am yihki ma3 3alam il 2usa 2abil kilshi nnu mafina nilghi il takhalut la2inu iza hramnahun alla yustur sa3ita mahadan bisir fi yhadiyun amma iza 3taynahun fursa dimn hdud il ahl byishtighlu 3laya il 2usa killa bitkun bas rif2a bein ba3ed ana heik ra2yi mankun habsinun minhsna mayifiltu w manrakhilun il habl ktir

[bilal]

هذا الموضوع خطير ..وارجوا من اي شاب يريد ان يقف مع فتاة في الشارع ان يتخيل نفسة يمر في الطريق فاذا به يرى اخته تقف مع احد الشباب .. ماهي ردة فعله؟؟؟

[chony]

مشكور عل موضوع المهم لئن صيايره شغله المصاحبة كترانه كتير
بحب أحكي عن حالي أنا أنو مره عجبتني واحده و كنت ناوي عنجد اخطبها بس مبعرف أذا بدي قول لللأسف لئن فتش نبش طلعت بتحكي مع واحد بزاويه من هل زوايه لك و المشكل أنو بعد شهرين أو 3 بطلت بس أكيد مش رح فكر فيها مره تانيه لئن بكل بساطه سقطة من عيني
الله يهدي الجميع

[abujahl]

iza shufta 3am tihki ma3 wahed wityit min 3aynak iza shufta salmet3a hadan shu bta3mul sa3ita btitbaha ya haram il wadi3 ktir khatir 3indkun walla nihna kilna nas ghayrna bara bikunu filtu min zaman w falatenun alla yustur nihna il hamdilla isan 3inna his shar2i bisa3ed ktir walla manu 3eib inu il binit tihki ma3 hadan ya 3ayni shu 2inta 2abil matitzawag badak t2illi mashalla 3leik malak w nafs shi lal binit illi bhi2 la2ilak w il ghalat illi inta bta3emlu w btirga3 bitub 3annu ghayrak kaman bihi2ilu nafs il shi thanks