سلام
أنا حسّيت انو هالموضوع كتير مهمّ, ميشان هيك قررت شارك فيه, وكما طلبت يا أرايبة نادين, رح بلش حضرتي بالموضوع عسى انو غيري كمان يتشجع ويحكيلنا قصتو الشخصية مع الحجاب, وليش عدم الاقتناع؟
ولا بأس إذا الشباب حبّو يشاركو بالموضوع
(ملاحظة لمن يهمه الامر: الموضوع يلي بيعجبني بس بردّ عليه, ويلي ما بتعجبني طريقة الحكي فيه بفضّل ما ردّ).
بسم الله الرحمن الرحيم:
يا استاذ دوكر كنت حضرتك منقّص انو نحنا كنا أولاً مع عباد الرحمن, ومنو بهالطريقة الحلوة يتم فضح الألقاب, متل ما انت ما بتحب حدا يفضحك كمان نحنا ما كنا منحبّ حدا يفضحنا, على فكرة, أنا نزلت بنفس اليوم باسمي الحقيقي والحركي, يعني مني مستحية من حدن_ تنبيه_
( بحب قول انو هيدال بس يلي كنا معن وكنا صغار في السن, والباقيين اشتغلنا معن, بس ما كانت النتيجة الذوبان فيهم, بتعرف كيف الواحد بيشتغل مع حدا تاني؟ يعني فوراً طلبت مني أعمل هالشغلة, بعملا بس ما بتسمّا عإسمك, ما هيك؟). نحنا متل ما قالوا رفقة ومنو فرقة... ( كما انو shanzimer3 وshanzimer7 ما بيحبو المانغو, يعني معلوماتك غير دقيقة).
المهم....مع العباد صرنا صحبة أكتر, ونحنا يلي بيعرفونا بيعرفو انو فرقتين, فرقة صغيرة وفرقة كبيرة, وأنا أصغر واحدة فيّن, توحدنا مع بعضنا, لأن أكيد عنا نفس الأهداف, بعدين أكتريتنا أرايبين,فما في داعي حدا يعرفنا عبعض. وبآخر فترة, قبل ما نترك العباد, أو يتفكك بالقلمون, كانت روعة معلمتنا, الله يوجّهلا الخير, وكنا عم نتعلم دين, كما كنا منتسجّل بمدرسة الدين يلي كمان كانت تنعمل بمدرسة المنار, من هنا بلشت ثقافتنا الدينية وحبّنا للدين, وأكيد كان هالشي متكامل مع دور الاهل بالبيت.ولا ننسى المخيّم, فكل واحد بيكون ترباية المخيم منعرف أصلو وتربايتو يعني, لأن المخيم هو بحدّ ذاتو لحتى يقدّر كل واحد إدّيش بيقدر يتحمّل من المسؤولية, وتهذيب النفس على الصبر. المهم, شعارنا بهالحياة: محل ما في عمل خيري نكون مزروعين عبوابو, وان شا الله نساهم في توعية هالبنات يلي بالضيعة. كما انو الجو ببيتنا والحمد لله كان من مصلحتي, فالحمد لله جوّ بيتنا ملتزم, وكان لأختي (shanzimer1) الدور الأكبر في توعيتي منذ صغري, والوالد الحبيب, أطال الله عمرو, من أهم مبادئه انو ينصح, يعني ما في شي بالقوة, ومن هنا كان لدور الأهل المثبّت الرئيسي لموضوع الحجاب, وللأصدقاء أيضاً.
ليس بالضرورة انو كل شخص اشتغلت معو تكون مع أفكارو 100% بس نحنا لم ننشقّ عن أحد, وما منكره حدن, ومنا عالقين مع حدن_ هيدا توضيح يعني_.
المهم, وأكيد كتير رح يكون الواحد مستحي أول يوم من ارتداء الحجاب, وليس من الحجاب بعينه , ولكنه بيلاحظ انو انتقل عمرحلة جديدة, طبعت هالشي عتصرفاتو, وهو غير قاصد. والحمد لله أنا أعتزّ بديني وحجابي وأهلي وأصدقائي, الذين كانوا منارة للحق, بس ما تركتولنا مجال للحكي أو للشرح....
ويمكن عملتونا تنظيم ارهابي, ونحن لسنا كذلك.فنحن في سبيل الله نمضي, نبتغي رفع اللواء فقط.
هيدي تجربتي مع الحجاب, أكيد لا داعي للتفصيل أكتر من هيك, أو يمكن فصّلت أشياء ما كان لازم تنقال, بس الحمد لله على كل شي.
يا أختي المسلمة, اعتزّي بدينك وبحجابك, فأنت على خطى الرسول الأعظم محمد صلى الله عليه وسلم...والسلام
رد مع اقتباس
