شو رأيكون كل واحد يحكي شو أكل اليوم

**الريس** · 15-10-2007, 10:08 AM

اليوم أبو الشباب الريس تروق مناقيش من عند عيشة ، وشاي وزيتون ، ومكدوس ، وخيار وبندورة.

**الزاهر** · 15-10-2007, 10:53 AM

اليوم متروء "مكسرات".....ههههههه
المهم.....صرلي يومين عم آكل مجدرة أد ما بحبها.....واليوم الماما عاملة فتة (تسئية).....أهلا وسهلا بالجميع!!!!

**الريس** · 15-10-2007, 10:58 AM

الله يخليلك الماما ، والله نعمة كبيرة ، انو الواحد يكون عندو حدا بيعرف يطبخ .

أنا أمنية عمري اني اقدر اجي على لبنان لحتى اتزوج وظبط وراق المرا ، وجيبها لهون ، وبتصير تساعدني بالطبخ ، ما رح قول تطبخلي لأن مش شغلتها ، وهي منها شغالة عندي ، بل تنيناتنا منساعد بعضنا ، في أحلى منها يكون الريس واقف مع الريس بالمطبخ وعم يمزح معها فيقوم ويدلق عليها زيت أو يكس بيض ني عليها لأنها بتقرف منو كتيير ..... والله ناطر هالمألب بالنطرة ...

**الزاهر** · 15-10-2007, 11:02 AM

هههههههههههههههه.......يا زلمة........والله عألك حلو!!!!

بس ليك.....كيف ناطر المجية على لبنان بالنطرة....وأكلت مناقيش من عند عيشة اليوم!!!!

**الريس** · 15-10-2007, 11:07 AM

حبي هيدي أنا بعملها بالبيت ، صرت أشطر من عيشة فيها ...

يعني لما بقول صليت بالقلمون ، يعني على المزراب مقابيل الكعبة ...

ولما منقول صلينا ورا علي ... يعني ورا الجهني

وهيك احنا حياتنا ... بكرا لما بتسافر بتتعود على هذه المصطلحات كلها .

يمكن أنا كتبت مناقيش عيشة وما انتبهت على حالي ، لأن بحكيها بكل حرية ....

**الريس** · 15-10-2007, 11:10 AM

نسيت قلك والمكدوس كمان شغل إيدي ، ما غير الزيتون مكبوس عند عاصم بيضا ، وصيت واحد عليون ، وكل الباقي من هون ...

**الزاهر** · 15-10-2007, 11:10 AM

تمام.....لكان ناطرك شي يوم تعزمني على طبخك....لأن بيني وبينك......بيؤولو الرجال طبخهم أطيب!!!

**الريس** · 15-10-2007, 11:12 AM

بس تكون جايية على العمرة ، خبرني ، برسالة خاصة ، بس ما بتعرف شو بيطلع معي أفلام لحتى ما تعرف مين أنا ، يمكن اتنقب ، أنا وبكون على الترويقة ....

**مصطفى معتوق** · 15-10-2007, 11:30 AM

لكن ازا هيك يا ريس بركن بتعلمني كيف بيعملو المكدوس لان المكدوس يلي بالامارات مش طيب بنوب
كنت عم وصي من الشام لانو اطيب مكدوس على الكرة الارضية
بس ازا مكدوسك اطيب مرقلنا الوصفة لنجربها

**nana** · 15-10-2007, 01:37 PM

الف صحة والله ياريس صار لازم دوقنا المكدوسات

**الريس** · 15-10-2007, 06:02 PM

ولك وأتا يلي بدكون ، أهلا وسهلا ، البيت بيتكم ، وان كنت أخجل منكم حاليلا لأن البيت قايم وقاعد ، بتعرفوا حياة العزوبية . على كل رح أكتبلكم الوصفة اليوم عشية بإذن الله ، بس من هلأ لوقتها اشتروا بتنجان قبل ما يسكر السوق ، وما تنقوهم فيون بزر كتيير مشان ما يخدو معكون كتتيير زيت

**عمار الفلو** · 15-10-2007, 06:44 PM

شورأيكون تفتحوا موضوع خاص تكتبو في كيف بيعملو الأكلات القلمونية لأنها بتفيد و خاصة الغتربين

يلي بيحس حالو بيعرف يعمل إكله بيعلمنا

يعني يلي بيعرف بيعلم يلي مبيعرف و منجرب ومنعطي رأينا

**الزاهر** · 15-10-2007, 07:18 PM

هيك موضوع سبق وموجود.......وكانت أختي نادين تكتب فيه!!!!
أيبلو عليه بساحة النسوان!!!

**nana** · 15-10-2007, 08:40 PM

اليوم أكلنا كتيييييييييييييييييييييييييييييييييييييييييييييييي ييير طيب

**مصطفى معتوق** · 15-10-2007, 08:43 PM

المشاركة الأصلية كتبت بواسطة NARA

اليوم أكلنا كتيييييييييييييييييييييييييييييييييييييييييييييييي ييير طيب

شو هالاكلة يا خانوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من اي مطبخ ؟؟؟؟؟؟؟؟؟

**الزاهر** · 15-10-2007, 08:44 PM

شو أختي.......شكلها الـ "كتير طيب" أكلة طيبة......طبخيلي منها.....ووديلي شوية بالـ Dhl........!!!!!

**nana** · 15-10-2007, 08:53 PM

سجلو عندكون:
بطاطا مقليه
باذنجان مقلي
قرنبيط بي طحينيه
تبوله
حمص
وناكتس
يعني أكلة مقالي

**nana** · 16-10-2007, 11:32 PM

شو ماحدا تغدا ولاتعشا اليوم

**الزاهر** · 17-10-2007, 12:13 AM

ممممم........اليوم تغديت أرب المغرب......تسئية!!!......أجلتها الماما لليوم!!!!
والعشا......جبنة وزهورات!!!
الترويقة كانت جبنة....بس نوع تاني....وشاي أخضر!!!!!!

**nana** · 20-10-2007, 11:37 AM

اليوم تروقت معجنات

**الزاهر** · 20-10-2007, 01:46 PM

يمكن تروئت جبنة وشاي......مش أكيد.......مبارح سهران كتير.....بسبب الشاي.....وأمي جابتلي لفة عالفرشة......يمكن كانت لفة جبنة!!!!!

لوووووووووووووول!!!

**nana** · 23-10-2007, 10:28 PM

جيعانه بس ماعم اعرف شوبدي آكول

**الزاهر** · 23-10-2007, 11:21 PM

مممممممممم.........مش ذاكر بالضبط........بس كأني أكلت كوسا محشي ....بالحامض.......
ولسا ما تعشيت!!!!

**Nader 3:16** · 24-10-2007, 12:13 AM

صري زمان ما شاركت هون...

المهم

اليوم اكلت : سبانغ و رز و لبن.....

و الحمد لله الذي اطعمنا و سقانا و جعلنا مسلمين

**dania** · 24-10-2007, 01:23 PM

انا هلأ طلبت مشاوي عالمكتب وناطرة وجعانة كتيرررررر

**مصطفى معتوق** · 24-10-2007, 04:03 PM

انا اكتلت سبانخ عند زهرة لبنان

يعني فيكن تستنجو انو انا بابو ظبي

**dania** · 24-10-2007, 04:06 PM

المشاركة الأصلية كتبت بواسطة مصطفى معتوق

انا اكتلت سبانخ عند زهرة لبنان

يعني فيكن تستنجو انو انا بابو ظبي

عنجددددد يا لطيفففففف

لكن انا بوكرا ضابة شنتي ونازلة دبي

**مصطفى معتوق** · 24-10-2007, 04:13 PM

المشاركة الأصلية كتبت بواسطة dania

عنجددددد يا لطيفففففف

لكن انا بوكرا ضابة شنتي ونازلة دبي

اكيد لانو عندك اجازة

انا عبكرة طالع على سلطنة عمان مع الشباب رايحين نعمل مخيم بمنطقة مسندم

**dania** · 24-10-2007, 04:18 PM

المشاركة الأصلية كتبت بواسطة مصطفى معتوق

اكيد لانو عندك اجازة

انا عبكرة طالع على سلطنة عمان مع الشباب رايحين نعمل مخيم بمنطقة مسندم

احسن روح عشان سما ابو ظبي تكون منعشة

**مصطفى معتوق** · 24-10-2007, 04:19 PM

المشاركة الأصلية كتبت بواسطة dania

احسن روح عشان سما ابو ظبي تكون منعشة

شو اصدك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

**dania** · 24-10-2007, 04:20 PM

المشاركة الأصلية كتبت بواسطة مصطفى معتوق

شو اصدك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

انا ؟؟؟

ولا شي ..........

**عبد الله** · 24-10-2007, 05:50 PM

كان اليوم الأكل كفته

**الزاهر** · 24-10-2007, 06:08 PM

مممممم......بوري مسلوق!!!

**wishes** · 25-10-2007, 12:42 AM

اليوم اكلت كوسا
أنا بالعادة ما بحب الكوسا بس اليوم عن جد كانو كتير لذيذين
يمكن لأني أنا عملتن

**مصطفى معتوق** · 25-10-2007, 12:49 AM

المشاركة الأصلية كتبت بواسطة wishes

يمكن لأني أنا عملتن

شو بلشتي بالستاج ؟؟؟؟؟؟؟؟؟؟؟؟؟؟؟؟؟؟؟؟

**wishes** · 25-10-2007, 12:52 AM

شو بدنا نعمل
هيدي الدنيا

**dania** · 25-10-2007, 10:38 AM

يا سلامممممممممم

ليوم نازلة على الشارقة
اكيد الماما طابخة شي اكلة طيبة

بس اعرف بقلكون

**مصطفى معتوق** · 25-10-2007, 02:32 PM

طالعين مخيم اليوم على مضيق هرمز بسلطنة عمان

يعني اكيد اكيد العشا حيكون كركندات مشوية على الجمر من صيدنا
تفضلو .

**wishes** · 25-10-2007, 02:44 PM

أنا اليوم بدي اكل صفيحة
WELCOME

**nana** · 25-10-2007, 03:45 PM

اليوم ماما طبختلنا كوسا

**الزاهر** · 25-10-2007, 11:33 PM

ممممم.......اليوم تغديت بالبيت.......بس ما عم اذكر أيش!!!!........
المهم.....ما رح بين بالمنتدى بئا إلا بالـ Weekend......فبعملكم تقرير اسبوعي...شو رأيكم!!!!!
لووووووووووول!!!

**dania** · 25-10-2007, 11:36 PM

المشاركة الأصلية كتبت بواسطة NARA

اليوم ماما طبختلنا كوسا

نارا هلأ بالطيارة ان شالله بتوصل بخير

وانا ليوم جيت عا بيت اختي نارة والماما كانت طابخة كوسا شو طيبيننننننننننننننننن

اتفضلوااا

**dania** · 26-10-2007, 03:00 PM

ليوم الماما بدا تطبخ معكرونة ليبية يا سلاممممم

اتفضلواا

**مصطفى معتوق** · 26-10-2007, 03:55 PM

On mange fruit de mer depuis hier

**dania** · 26-10-2007, 04:07 PM

المشاركة الأصلية كتبت بواسطة مصطفى معتوق

On mange fruit de mer depuis hier

فيك تحكي انكليزي او تتفلسف بالعربي

عشان في عالم ما بتعرف فرنسي

**الزاهر** · 26-10-2007, 04:13 PM

كوسا بالبندورة!!!!

**مصطفى معتوق** · 26-10-2007, 04:34 PM

المشاركة الأصلية كتبت بواسطة dania

فيك تحكي انكليزي او تتفلسف بالعربي

عشان في عالم ما بتعرف فرنسي

هاد بيت من قصيدة كتبتها بالفرنسي ازا بتلاحظي ان البيت موزون ........ بس انا ما بحب انشر اعمالي باللغات الاجنبية
كنت عم اوصف فيها شغلات !!

**Nader 3:16** · 30-10-2007, 12:17 AM

Spaghetti avec les Fruits de mer

تبعون معتوق

**مصطفى معتوق** · 30-10-2007, 12:25 AM

المشاركة الأصلية كتبت بواسطة Nader 3:16

Spaghetti avec les Fruits de mer

تبعون معتوق

خخخخخخخخخخخخخخخخخخخخخخخ

الف صحة

**سحر الشرق** · 30-10-2007, 01:02 PM

منسف بلحمة تفضلوا

مشاهدة نتائج الإستطلاع: مش عم أقول الموضوع مهم بس الفكرة حلوة ولا لاء

الموضوع: شو رأيكون كل واحد يحكي شو أكل اليوم

أدوات الموضوع

عرض

الريس

نارة خانوم

؟

دانيا

دانيا

الحمد لله رب العالمين

ويشيز

؟

?

دانيا

؟

ضوابط المشاركة