لماذا نخاف من الحجاب؟

[nana]

موضوع الحجاب بخصني أنا وحدي

ولما بدي أتحجب راح أتحجب بدون ماروح خبر لملاْ أنا راح أتحجب وأنا إنسانه كتير مقتنعة بي الحجاب ومش ضدو ابدا بس سبق وقلت ما بحب حدا يسألني ليش ماتحجبتي لهلاء
وإنما الأعمال بي النيات


وشكرا كتييير إلك أخت نادين على الموضوع المميز
اصلا أنتي قدوة المنتدى
وبارك الله فيكي

[Nadine]

[shanzimer1]

السلام عليكم ورحمة الله وبركاته
إسمو حسب ما قريت وفهمت إنو الموضوع خاصّ فينا إحنا الحريم ، رح آخد رياحتي بالحكي وااتغزّل بالجميعات..............

سلامااااات يا نادين ولك والله اشتقتلّك كتيييييرررررواشتقت لأحاديثنا الصّباحية بمدخل البناية ولك واشتقت لدفّ(ALBENI) نتسلّى فيّ عطريقنا نحنا وراجعين عالبيت أنا وإيك ورشا لك مو بس أنا اشتقتلك الحارة الغربيّة كلّا اشتاقتلك بس يلّااا الحمد لله في هالصفحة تجمعنا ليكي بدّي أول شي ابعتلك بوسة لك وبوستين لبنّوتك عكلّ خدّ واحداااااا
ياااااا سلام يا نادين ع هالموضوع !!!!!!!!!!!والله تمام !!!!!!!!!!!!إختيارك موفّق وعظيم!!!!!!!!!!الله يجزيك الخير!!!!!!!!!!!!!!!!!!!!
وهلّأ قبل ما احكي قصتي مع الحجاب بدي هنّي (shanzimer6)على ردّا الرائع والمميّز ، ولك شو قصتك يا حبيبتي ،ولك شو قصتك يا عيني ؟ولك شو قصّتك يا قلبي؟؟؟؟؟؟؟؟ولك ما تركتيلنا كلمة نكتبا ولك ما تركتيلنا آية نستشهد فيّا ؟؟؟؟؟؟؟؟؟ولك ما تركتيلنا حديث ندعم فيّ موضوعنا؟؟؟؟؟؟؟؟؟؟؟؟؟؟؟؟؟؟؟؟؟
الله يحفظك ياااااااربّ!!!!!!!!!!!!!!!ويبارك فيك!!!!!!!!!!!ويجزيك الخير!!!!!!!!!آمين.............

أهلا ًNARA!

والله شرّفتينا والله!!!!!!الله يجزيك الخير!!!!عجبتني صراحتك وشجاعتك!!!!!!الله يقوّيك!

[shanzimer1]

بسم الله يلا رح احكيلكم قصتي:d :
أنا والله تحجّبت وأنا عمري أثنا عشرة سنة ونصّ والسبب اللي دفعني للحجاب هو خوفي من الموت وأنا منّي متحجّبة:وحسب ما باذكر انو أوّل شغلة وعيتلا عها الدنيا هي الموت :للصراحة وحسب ما باذكر انو وأنا بصفّ العالي تالت كان معنا رفيقنا بالصفّ اسمو ماجد الصّباغ وكنا بمدرسة المنار والله يرحما أمو اتوفّت واتأثر الصّف كلو يومتا بالقصّة لأنو ماجد كان تلميذ طيّوب وآدمي ومهضوم وكلّنا ابكينا معو يومتا وباتذكر كمان انو واحدة من المعلمات اخدتنا عبيتن وعزّينا !!!!!وأنا من كلّ عمري حسّاسة وبتأثر كتيييرفهالشي علق براسي وبعدين بعد فترة زغيرة توفّى جارنا "أبو رياض قزيحة"وشفت التابوت هو ومارق من تحت بيتنا والجنازة وتأثرت كتييييركمان وبكيييييت ورجفت كتييييروقضيت الليل كلّه وأنا عم فكّر والماما من خوفا عليّ نومتني حدّا يومتا وتاني يوم فقت وقللتلن اني بدّي اتحجّب مع اني زغيرة والبابا كيّف وخصّصلي ميزانية للتياب الجداد والماما قبلت والله وما حكيت شي ونزلتني عطرابلس واشترتلي بلوز مقبول طولن وحجابات بس أنا اتحجّبت بأول يوم من رمضان يعني بعد فترة زغيرة ناسيا الدّيش لأنو روعة قررت تتحجب واتفقنا نتحجّب سوا....وكان بهافترة لي رفيقتين كنت كزدر معهم وكنت اسمع أغاني معن كمان بس سبحان الله بعد ما تحجّبت بعدو عني وما عاودو رفقاتي بس بضلّن من معارفي وبعدنا منسلم عبعضنا دايماً اذا شفتن بالطريق...بس ما تزعلوا عليّ لأنوا ربّنا بدّلني رفقا بحبن وروحي معلّقة فيّن وكانو كلّ سنة يزيدو واحدة لحدّ ما صرنا تسعة ما شاء الله والحمد لله .......بس أول ما تحجّبت ما كنت افهم شو الحكمة الرّبانية من حجاب المرأة وما كنت راعي الحجاب الشرعي ،بس بالبروفيه بتذكّرقريت كتب رائعة عن الحجاب وبلشت أوعى لأهدافو وللحكمة الربّانية من وراه وبلش عندي هدف جديد :كيف بدّي حسّن لباسي وأول شغلة عملتا بطّلت البناطلين تقريبا ً وبلشت البس تنانيروحسيّت انو هيك أقرب لصورة الحجاب .....وبعد سنة اقتنعت انو العباية هي اللباس الصّح وكانت بلشت تدرج المشالح عنّا بالضيعة وشفت انو المشلح مناسب والله وبلشت حضّر كيف بدّي قول لأهلي اني بدي البس مشلح واخواتي اللي أكبر لسّا ما لبسوه ....وقلتلن لأهلي :البابا كان جوابومؤثّر جدا ً ،قلّي:" أنا ما باحكم عليك وبظلمك وبقلك زغيرة أنا بخاف اذا قلتك لأ انو ربّي يسألني يوم القيامة ليش منعتك عن اللباس الشرعي وباركلي خطوتي وشجّعني" وهو تولّى مهمّة إقناع الماما والحمد لله..وإخواتي لحقوني من بعدا ولبسو متلي .......اذا بقلكن الخطوة هينة بكون عم اكذب بس والله ربّنا سبحانه وتعالى بيسّر والحمد لله....وأنا اليوم كبرت وتكوّنت شخصيتي الحمد لله وبعد ما فتّ عالجامعة اقتنعت أكتر بالحجاب وحسّيت القدر والقيمة والعفّة اللي منحني ياها حجابي وشفت المعاملة الخاصة اللي الشباب بالجامعة بيتعاملوا مع المحجبة وإحترامن لها وتوقيرن ومو بس من المسلمين بل كذلك من الطائفات الأخرىوهدا أكيدن المطلوب ...........وكلّ يوم عن يوم بزيد اقتناعي بالحجاب وبحسّ انو وبكلّ صراحة لازم يكون جزء من حياة المرأة المسلمة.....................

اللّهم ثبّتنا بالقول الصّادق.
اللّهم يا مقلّب القلوب ثبّت قلوبنا على دينك.

[الزاهر]

حدثنا زاهر الدين عن الورقة أن أخته كتبت عليها:

كانت بداية الفكرة بالتفاق مع بنات خالاتي بحيث نتحجب في أول يوم من رمضان وكنا حينها بين الـ 13 والـ 14 سنة!!!!
كان الدافع في البداية الغيرة من الأخريات بالاضافة إلى تشجيع الأقارب.......لكن فيما بعد أدركنا بأنه فرض وواجب على جميع المسلمات....فأصبح راسخا في القلب لأنه أمر من الخالق سبحانه وتعالى

ما طلع منها أكتر من هيك........شو منعمل!!!!!

[Nadine]