تزوج عبر موقع القلمون

[الشامي]

السلام عليكم ...

الزواج عبر الأنترنت ... أتصور أنه أسلوب جديد من أساليب التعارف والتواصل بهدف الزواج النبيل (لمن يبحث عن العفاف) ...

موقع القلمون، وأهل القلمون بين الداخل وبلاد الإغتراب.. هل نحن بحاجة لهذه الوسيلة من الزواج ... قد يقول البعض لا ... (مع أنه هناك أجيال بدأت تولد في الغربة وتترعرع هناك )... فأرجو أن يكون الرد مصحوبا بالتوضيح ... سواء كان مع أو ضد ...(فنحن هنا لنناقش وليس فقط لنقول نعم أو لا ) ...

هي وسيلة إذا يمكن أن نضع لها بعض الشروط والضوابط لتتناسب مع واقع بلدتنا وثقافتنا...(هذا من وجهة نظري) ... فما هي برأيك تلك الشروط والضوابط من زوايا مُختلفة...

أترك لكم التعليق وتسليط الضوء على ما يمكن أن يكتنف هذا الأمر أو هذا المشروع من إيجابيات وسلبيات وكيف يمكن تلافي السلبيات ليكون مشروعا إيجابياته تطغى على ما يمكن أن يبقى من (سلبيات)...

أخوكم

[HARD]

لا ونعم ... يتبع ....

[الشامي]

وعليكم السلام أخي هارد ...

بانتظار ما يتبع ان شاء الله (أظن أن لا ونعم هي ما لا نريده هنا )

أخوكم

[وسيم أحمد الفلو]

الفكرة جيدة، ولكن بشرط أن يكون هناك معرفة بين الأهل، لكي يكون التقييم عن بعد موضوعياً.

[الشامي]

السلام عليكم ...

جزاك الله خيرا أخي وسيم على هذا الضابط الذي اقترحته (بشرط أن يكون هناك معرفة بين الأهل) ، بانتظار المزيد من المشاركات والضوابط التي كما قلنا يمكن أن تقلل من سلبيات هذا الأمر إن وُجدت وتجعله يتأقلم قدر الإمكان مع واقع بلدتنا وثقافتنا...
وإن أردتم إيضاح حول طريقة عمل هذا الأمر يمكننا التوضيح...

أخوكم

[باسم الحج]

السلام عليكم
اضيف الى مقترح الاخ وسيم ان تجمع الادارة جميع المعلومات الشخصية بالوثائق من الاطراف التي تود المشاركة حتى نضمن جدية الموضوع و عدم اتخاذه للهو

[HARD]

عندي استفسار للاخ الشامي ، طيب معقول أن اتكلم معها على اساس التعرف للوصول الى الزواج وأنا لا اعلم شكلها !!!!! ، ما هو الحل ؟؟؟؟ هل تضع الصورة على المنتدى اكيد كلا .
وثانيا ما تفضل به الاخ وسيم والاخ باسم هو تعقيد للموضوع ، واذا كان عندي هذه الشروط المطروحة فلن اتوجه للموقع لاتعرف على الاخت فأكيد سوف اتكلم يا مع اخيها ان كان يوجد معرفة بين الاهل ، او اذا كان في اثباتات واوراق وامضاء .... كما قال الاخ باسم ، فالافضل ان لا تفتح يا شامي المنتدى من الاصل .
انا اقترح ان تكون الصفحة هي عبارة عن اعلانات بمواصفات و دون ذكر الاسماء بالنسبة للجنسين ، فان احب الشاب او الصبية ان تعلم من هو تبعث للمشرف فالمشرف يعرض الطلب على الشاب يعني يقول له انو في صبية بمواصفات كذا وكذا دون ذكر الاسماء اكيد المشرف لا يعلم لا اسم الشاب ولا الصبية حتى الان فبعد ذلك ان وافق الشاب او الصبية حسب الطالب ندخل بالاسماء ويتم اطلاع المشرف على الاسماء من الطرفين والمشرف يقدر الموضوع لا اعلم كيف هناك اكثر من طريقة للتأكد وللحكم فان كان الموضوع على محمل الجد بتعرفهم على بعض وهم بعدين بيحكو مع بعض بعيد عن الموقع لان مهمة الموقع قد انتهت ، يعني تخيل كيف بتفكر الخطابة وعميل هيك انا لا اعلم كيف هذا تصور من مخيلتي ودمتم سلالمين لاحبائكم ، والله يرزقنا ببنت الحلال والعايزين بالاخص من المغتربين هذا ليس اعلان هذا دعاء بس بي

[المهند]

لا اعتقد ان موضوع الزواج عبر هذا الموقع او غيره يمكن ان ينجح نجاحا كبيرا ازا كان التزاوج سيكون بين أبناء القرية فقط لان الكل يعرف بعضه البعض ولا يحتاج لعروض او مواصفات لا من موقع ولا من خطابة..اما اذا كان الامر مفتوحا على بيئات ودول ومناطق اخرى فلا بأس شرط حصر الامور بالمشرفين على الموقع وعدم تركها في ايدي الزوار لضمان عدم العبث من قبل البعض

[المهند]

نسيت خبرك يا هارد اني شايفلك سرلنكية هيك امورة عشاكلتك بتناسبك عالاخر.هيك بتصير بتتفلسف عليا انت وهي بس بتجاوبك بوغا بوغاههههههههههههههههههههههههههههههههههههههههههه:d يلا اذا عبالك لحتى نخبر زيد والمشرفين حتى ياخدولك موعد باقرب فرصة بركى منرتاح منك:d

[الشامي]

السلام عليكم ..

يظهر أن الإخوة فهموا الإقتراح خطأ...

لن يكون الزواج عبر ركن في المنندى أخي هارد .. ولكن عبر موقع خاص تابع لموقع القلمون له إدارة مستقلة عن المنتدى .. ويمكنك التحكم به كما تريد (كطريقة التحكم في المنتدى ولكن ما يناسب موقع الزواج )...


أنا أتصور أن الأمر يُمكن أن ينجح مع وضع بعض الضوابط كما سبق وأسلفت...

عندنا حتى الآن :

هناك معرفة بين الأهل
توفر الوثائق (لدى الإدارة)
عدم ذكر الأسماء إلا بعد التأكد من تناسب الطرفين وجدية كل طرف.

بانتظار المزيد من باقي الإخوة الأعضاء..

أخوكم

[HARD]

شو يا ايها المهند ما العيب بالسرلكنية اما انتم من عيلة بشوف حالها على العباد وعندها تفرقة بين المسلمين والوانهم وانا كما اعلم ولله اعلم انت اقرب للسرلنكية مني ليش ؟ انه بالعيلة عندكم في سرلنكية او اكثر يعني انت بتحتك فيهم ويمكن بتعرف لغتهم كمان على فكرة في جامعة الاداب الم تتعلم اللغة السرلنكية ؟؟؟؟؟ سلام وكن وسيما كما اعلمك

[abujahl]

min nahity ana did hal fikra la2inu ana bil asas did fikrit 3adam ma3rifit il tamni abil il zawag w hatan fatrit il khutbe mustahil tkun wa2it kafi lal tnein yit3arafu 3ala ba3id ba3ref 3inidkun wighit nazar tanie bas ana aslan did fikrit il zawag min dun il ta3aruf shi iza kan 3abir il internet w kaman haydi 2isit inu il 2ahil yikhtaru kaman ana dida la2inu bil 2akhir mahini illi ra7 y3ishu ma3 il zawg aw il zawge barak allah fikun salam

[المهند]

بالااداب ما تعلمت حكيون بس بالشغل احتكيت فيون منيحو صرت بعرف احكى سيرلنكى,اذا شى مرة عصلجت معك شى واحدة منون وما قبلت تاخدك انا بحكيلك ياها وبقنعا فيك لا تزعل:d

[فشلان]

الله مع الشباب...
عجبني الموضوع كتير... لأنو أنا الحقيقة حابب واحدة .... بس ما بعرف كيف بدي قلها صحيح عم نكزدر ونشوف بعضنا... بس يعني لأني شوية محترم... ما بتدخل فيها...
بس ما بعرف ليش حتى لف الأرض وروح عبر الأقمار الاصطناعية حتى إرجع على القلمون.. دغري بحكيها...أو بحكي أهلها... أو إني ما فهمت الطريقة كيف رح تكون...
ما المهم إفهم الطريقة... المهم فيكن تدبرولي اياها... ترى رح نختير وإسا ما حدا عطف علينا.....
بعدان يا قاسي ويا سيف... لا تفوتولنا بدهاليس ما بينطلع منا.... هية ما القصة يا قاسي إنو ما باخد سرلنكية لأني أعلى منها أو أحسن منها.. أو فايت على الجنة قبلها... بس يعني هية القصة ذوق ومزاج.... معليش ما تضطرونا نكشف المستور.... :d:d:d
شو يا شامي... بتدبرلي اياها... بس أصلاً إنت بالقلمون ولا برى القلمون... يعني فيك تساعدني ولا لأ... لأني كل يوم لما بشوفها على الطريق... ببعت Sms من قلبي على رقم قلبها... بس ما عم يجيني جواب... أولك ليش؟؟؟ شو الحل؟؟ يرضى عليك ما في غير هالطريقة فضفض فيها... ســـــــــــــــــــــــــــــــــــــــــــــــــ ــــــــاعدوني

[HARD]

المهند عصب هههههههههههههههههههههههههههههههههههههههههههههههههه ههههههه
اه احسن بس معقول كل واحد اخذ شي الف اسم معقول بالمنتدى !!!!!!!!!!!!!!!!! سلام خي المهند

[وسيم أحمد الفلو]

أخ فشلان
نصيحة اخوية : كلم أهلها أو كلم من يعرفها أو كلمها، فإذا لم تحدث إستجابة أو قبول فعض على الجرح وحاول النسيان، لأن الوضع الذي أنت فيه (مع أنه له حلاوة) فهو متعب للأعصاب من دون فائدة.

[فشلان]

أخي وسيم أحمد الفلو بدك تزعلني منك... يعني ما شفت بمشاركتك غير إذا لم تحدث استجابة....
طيب ما تقولنا إذا حدث استجابة... خلينا ننبسط شوية... ما طلع معك إلا هالاحتمال.... أعوذ بالله من الشيطان الرجيم.... الله يبشرك بالخير....................................
طمنتني... أنا كان عند 1% تفاؤل... طيرتلي هنة

[أبو جاد]

يرضى عليك يا عديل... فيك تدبرلنا شي عروس؟؟؟ ولا القصة صعبة عليك؟؟؟ وإنت شو قولك يا شامي... منعملها حمصية... ومنباشر بالموضوع؟ ناطر ردك يا عديل...

[الشامي]

السلام عليكم ..

يا شباب الله يبارك فيكم .. شو صايبكم ...

عم نحكي عن موضوع محدد لنصل لنتيجة حول فكرة (الزواج عبر قسم مخصص تابع لموقع القلمون عبر النت ) فحاولوا أن لا تخرجوا عن الموضوع ...

واللي بدو يتزوج يا عمي يروح يدور يشوفها على ارض الواقع ... ههههه ....

على كل قد فُتح موضوع عن التعدد اللي بدو يشارك فيه يشارك هناااااااك وليس هنا ...

يعني لم نفتح طلبات الزواج بعد فناقشوا الفكرة كما طُرحت الله يوفقكم...

يا خيي يا فشلان .. صدقني ان عرفتك اللي بتحبها رح تحبك .. لأن مبين عليك دمك خفيف وفهمان .. ما حاسك فشلان أنا ...

أخي أبو جاد شو بيك طول بالك على عديلك... هو ناقصو؟؟؟

يالله ركزوا على الفكرة اذااااا ممكن ...

أخوكم

[المهند]

انت يا زيد حل عنا وروح على ركن زواج المسيار واحكى هونيك لانو انت مقطوع وهونيك محلك مش بيناتنا نحنا العزابةمن شان هيك خلونا نكمل موضوعنا هون .وبقولك يا اخ فشلان غير اسمك بيمشى الحال وحاجتك تبعت رسايل لانو كلو ما بينفع وانا مع خيي وسيم فلو المفجوع قبلك بنفس الحالة انو اهجم عالموت وفجر حالك يا بتموت يا بتموت ههههههههههه اما انت يا خيي هارد خلاص بطلنا نزوجك سيرلنكي رح نشفلك شى واحدة اثيوبية يا خيي لعيونك

[أم سفيان]

أنا منضمة مع المعارضة أكيد أخي الشامي رح تقول لو دليتك مشغولة كان أفضل
على كل المثل يقول "الباب الي يجيك منو الريح سدو واستريح"
ولا تخاف على العزابة لن يموتوا من العزوبية والناس كانت ولازالت تتزوج بدون هذه التقنيات فلماذا نعقد الأمور
لو كانت هذه الخدمة ستكون صلة وصل بين دول العالم والقلمون لآختلف الأمر ولكن كل أهل القلمون يعرفون بعضهم وعندما يفكر أحد المغتربين بالزواج ينزل على القلمون ويدور على العروس المناسبة وكذلك البنت عندما تنزل إلى القلمون ستقف الطوابير أمام بيتها خصوصا إذا كانت ممن يحملن الجنسيات الأجنبية .
وأنت تعرف الناس أصناف منهم المتفهم ومنهم من هو غير ذلك فإذا لا سمح الله حدث خلاف بين الزوجين المتعارفين عبر موقعكم الكريم فستسمع ما لا يسرك واسأل المجربين ممن تبرعوا للعمل في البلدية

[الشامي]

السلام عليكم ...

سرتني مشاركتك أختي أم سفيان بعد غياب طويل

وأنا أحترم وجهة نظررررررك، ونحن هنا لنحاول إجمال السلبيات والإيجابيات التي قد تنطوي على مثل هكذا المشروع..

وبالأخير كما تعرفون أننا نؤمن بالشووورى وبعدين الإدارة بتاخد الرأي الذي تراه أقرب لمصلحة البلدة ومصلحة الموقع ...


يعني تحفظات أختنا أم سفيان تتلخص في
1- لا حاجة لهذه التكنولوجيا بما أن كل أهل القلمون يعرفون بعضهم البعض.
2- الأمر الآخر المسؤولية التي قد تترتب والمشاكل التي قد تتسبب للموقع من وراء هذا الأمر

ونحن بانتظار المزيد حول الموضوع وحول ما ذُكر من إيجابيات وسلبيات وتحفظات

أخوكم

[العبد الفقير]

أنا من ناحيتي أؤيد الخطبة عبر الموقع ، وليس الزواج ، لأن متل ايام الخطبة ما في ! وكما قال أخونا أبو الروم لازم الشب يتعرف على البنت قبل ما يتزوجها ، يعني القصة مش لعبة ، لازم يعرف عقيلتها وتفكيرها كيف (اذا كانت مع التيار أو لأ ...) وكما نرى كل يوم ، فان أكثر حالات الطلاق في القلمون يكون سببها عدم تفاهم بين الزوجين ، وعدم معرفة الزوجة قبل عقد القران .

ولكن هذا الأمر يجب أن يكون سري جدا ، يعني مثلا المخلوقة يلي بدها تخطب ، بتفوت على قسم الخطبة في الموقع ، وبتحط معلومات عنها ،
والشروط يلي بدا ياها في ابن عمها ،وهذه المعلومات لا يجب أن يعلمها أحد ، يعني حتى المشرف ما مضطر يعرف اسم البنت و ..... يكفيه أن يعرف بعض المعلومات مثل (متعلمة لأ - محجبة لأ ....) ويكون تواصله مع هذه الفتاة عبر الأيدي تبعها ، يعني أديك بتتظبط بالبرمجة مع الاخوة انو يقدر المشرف يودي رسالة على أي دي ، أو رقم ملف معين وهذه الرسالة تكون تصل لهذه الفتاة الذي أدخلت بريدها الالكتروني أثناء تعبئة الاستمارة ، ولكن هذا البريد كما قلت لا يظهر للمشرف ، فقط أي دي ومعلومات معينة ، وفي حال كان يريرد التراسل ، يكون ذلك بارسال رسالة إلى الأي دي المعين ..... وكذلك الشباب يفعلون الأمر نفسه ، وبعدن شغلت المشرف يجمع بين الأمور ، وبس تظبط القصة يوديلهم بطريقة برمجية معينة رقم الملف تبعها له ورقمها له ، ولكن عبر طريقة برمجية معينة يظهر عندها مايله وجميع المعلومات عنه ، وكذلك هو ، فبيتصل الشب بهل المخلوقة وبيتعرف عليها ومن ثم بيروح لعندهم على البيت كذا مرة (وأهم شي ما يروح وايدو فاضية أول مرة مشان ما يحكوا علي اهل العروس ، يعني على القليلة صينية حلو من عند الحلاب -مش من عند فادي مبسوط- ) وان شاء الله بتمّ القصة على خير ، ليش لأ . يعني فكرة رائعة ، وهي تفيد حسب رأيي الشباب المسافرين والحاضرين ولكن المسافرين أكثر، يعني اذا واحد بيشتغل ببلاد برا ، وما بيخد عطلة الا شهر بالسنة ، شو رح يلحق يقبل ويتعرف بهل الشهر ؟ كما ان ظاهرة التعنيس أصبحت ظاهرة لافتة للنظر في القلمون بل في كل العالم ، فيمكن شب بيركب عقلوا على عقل بنت معينة ، ومش منتبهلها ، فبيجي دور الموقع ، يعني القصة طالما أنها سرية فهي ليست عيبة ، الشب اذا كان قادر وطلب الزواج فهذا أمر حلال بل محب وأحيانا يصل للوجوب في بعض الحالات ، وكذلك البنت اذا طلبت السترة و ...... ما بتكون عم تشلح حالها على الشباب ولا شي ، يلي عم يشلحوا حالهم على الشباب هنة يلي ببينوا فراصيعهم وبيطلعوا من بيوتهم يفتنوا الشباب ، مش يليي بتفوت على النت عم تطلب العفة والسترة ، يعني خديجة اللهم ارض عنها ألم تتزوج النبي صلى الله عليه وسلم . ما فاهم هل العادات والتقاليد البايتة أيمتن بدنا ندلنا متمسكين فيها ، لأننا مفكرينها دين ، في حين انو جوهر الدين تاركينوا .

ويا أخ فشلان ، نصيحة خبر البنت يلي بتحبها انك بتحبها وطلاع خطبها وعود معها ببيتها مع أهلها وتعرف عليها عن قرب وعلى أهلها ، لأن بعض الأهل ما بينعاش معهم . قلا يا بنت الناس انتي بتعجبيني ، -يعني انت بتكون حاسس من قبل عليها ، وهي بتكون حاسة عليك- وأنا بدي اطلع أخطبك ، من أهلك . شو رأييك ، عجبتك افكرة ؟؟؟؟؟ لحق حالك قبل ما يحبولك ياها ، فتكون فاشل في هذه المسألة حتى . كما أنصحك أن تختارها فاشلة ليكونوا أولادكم ناجحيين ، فالقاعدة كما تعلم ، (- * - = + ) يعني ناقس ضرب ناقص يساوي زائد ، ففشل ضرب فشل يساوي نجاح .
والسلام عليكم
العريس وسيم

[العبد الفقير]

أخت ام سفيان :

السلام عليكم ورحمة الله وبركاته ، تقولين :


ولا تخاف على العزابة لن يموتوا من العزوبية والناس كانت ولازالت تتزوج بدون هذه التقنيات فلماذا نعقد الأمور

الشباب لا يموتون من العذوبية ، ولكنهم يواجهون الكثير من الصعاب في ايجاد الزوجة ، واذا وجدوها لا يمكنهم التنسيق كثيرا بسبب وضع عملهم في الخارج وما شابه ذلك .


لو كانت هذه الخدمة ستكون صلة وصل بين دول العالم والقلمون لآختلف الأمر ولكن كل أهل القلمون يعرفون بعضهم وعندما يفكر أحد المغتربين بالزواج ينزل على القلمون ويدور على العروس المناسبة وكذلك البنت عندما تنزل إلى القلمون ستقف الطوابير أمام بيتها خصوصا إذا كانت ممن يحملن الجنسيات الأجنبية .
يا أختي أولا ليس كل أهل القلمون يعرفون بعضهم ، يعني انت مثلا بتعرفي يلي من جيلك وأكتر أو أقل بشي بحصة أو بحصتين ، بس هل تعفين بقية الأجيال ......
ومن ثم من قال أن معرف الشخص هي معرفة أنه فلان ابن فلان دارس هي وبيقبض هلأد ، ولكن لازم ينعرف كل صغيرة وكبيرة ، وهذا لا يكون الا عن قرب وعبر الحوار بين الشاب والفتاة .

وأنت تعرف الناس أصناف منهم المتفهم ومنهم من هو غير ذلك فإذا لا سمح الله حدث خلاف بين الزوجين المتعارفين عبر موقعكم الكريم فستسمع ما لا يسرك واسأل المجربين ممن تبرعوا للعمل في البلدية
يعني الموقع شغلتوا يجمع بين الشب والبنت ، وبعدن هنة بيتعرفوا على بعضهم وبيخطبوا بعضهم ، اذا تفاهموا مع بعضهم فخير ، والا فهم لم يحسنوا التعرف على بعضهم ، ولم يحسنوا الاستفادة من الفرصة التي دمها لهم الموقع .

يعني يا أختي أنا بدي ياكي تطلعي لاجابيات المسألة أيضا ، يعني نحنا المسلمين بصراحة لازملنا هيك وسائل كتيير ، وما فيها شي عيب ، بس ما بعرف التفكير العام بين المسلمين في هذه الأيام هو رفض كل جديد ، باسم الدين ، خلينا نطور شوية ، ونطلع من حاجز التقاليد التي لا ليست ديني ، وانما هي مجرد تقاليد ورثت عن الآباء وقد تكون حسنة ، ولكنها كانت تصلح لزمان معين ، ليس زماننا هذا لا أعني أني أؤيد ما يحصل في الشارع و ........ ولكن هنا الوضع مختلف كثيرا .

كما أنصح ادارة الموقع بالاشتراط على جميع الاخوة والأخوات الذي يرسلون طلباتهم على الموقع ، أن يتراسلوا معهم فيما بعد ويخبروهم عن تجربتهم في الزواج عبر النت ، يعني مثلا شبكة الebay بس تشتري شغلة من شخص على موقعهم بيسألوك اذا كان هل الشخص يلي اشتريت منو كذاب أو ......... وهذا برأيي يجب أن يكون في قسم الزواج ، وتضاف تجربة كل شخص لمن بعده .

[Nadine]

الإنسان عندما يتخاطب بالمراسلة الالكترونية مع الجنس الاخر ، يفرض ذهنه من غير شعور منه ، صورة جميلة للذي يكتب له ، ويفرض فيه صفات حسنة ، وكذلك يعمل الذهن في كل ماليس لديه صورة سابقة مخزنة في الذاكرة ، وحينئذ فيتعلق القلب بما هو اشبه بالوهم ، ومع استمرار المراسلة يزداد هذا التعلق ، لاسيما والإنسان بالمراسلة ينتقي الكلمات الحسنة ، ولايرى منه الطرف الآخر أي عيب لانه لايرى منه إلا كلمات مصفوفة فحسب ، ثم إذا جاء عالم الواقع ورآى الرجل المرأة ، أو رأت المرأة الرجل ، فقد يصدم كل منهما بالفرق الشاسع بين الوقع وما فرضه الذهن من تلك الصورة الجميلة ، صحيح أنه قد يحاول تناسي هذه الصورة في البدء ، لكن مع الزمن يزول الوهم تدريجيا ، ويبدأ الواقع يفرض نفسه على القلب والشعور ، وكثيرا ما يحدث الانفصـــــال ، بعدما تسبب الزواج بتفرق الأسرتين المتصاهرتين أيضـــــا

[أم سفيان]

أخت نادين أوافقك على بعض ما قلتيه أن العقل يجمل صورة الشخص الذي وراء الكمبيوتر أو كما يسمونه شبح الشاشة العنكبوتية
ولكنك قلت عندما يتلاقى الطرفان تسقط الأقنعة وتحصل خيبة الأمل وساعتها يتخذوا القرار بعدم الإرتباط من الأصل وليس الإنفصال هذا أمر
ولكن الأمر الذي يقلق هو أن يبقى طرف منهما متعلق بالآخر ويرى فيه فارس الأحلام أو فارسة الأحلام هنا تحدث خيبة الأمل الحقيقية
واحتمال كبير أن تكون البنت هي الطرف المتعلق لأن النساء بشكل عام يحكمن العاطفة فيتغاضين عن أشياء كثيرة منها الشكل والمال وما إلى ذلك بينما الشاب يحكم جانب العقل أكثر فتتردد في ذهنه الكثير من العبارات مثلا بدت صورتها التي أرسلتها لي أجمل من الواقع ولم أعلم أنها قصيرة لهذه الدرجة وشكل جسمها قابل للسمنة والشامة اللي على خدها ما بتعجبني وووووو
و في الأخير الشغلة بدها دراسة جيدة قبل أن تقدموا على مشروع كهذا

[Nadine]

هذا فعلا ما اقصد, بارك الله فيك اخت ام سفيان

[الشامي]

السلام عليكم ...

أشكر الإخوة جميعا على المشاركة وإبداء الرأي...

يا جماعة .. ان شاء الله مفكرين بدنا نفتحلهم بيوت كمان على موقع القلمووون ؟؟

يعني أخونا وسيم غنوم قال يؤيد الخطبة وليس الزواج .. ليش إحنا بدنا نحط مأذون يزوج الناس .. العنوان فقط للتعريف بالقسم وللتشجيع على المشاركة ..

أما موقع الزواج فهو يعني أول خطوات الزواج، وسيلة جديدة ليخطو المقبل على الزواج الخطوة الأولى ضمن ضوابط وشروط مُعينة توضع لهذه الخدمة لتكون متناسبة متلائمة مع ثقافة القلمون ودينها...

طيب أخونا وسيم يؤيد هذا المشروع على أن يكون:
1- سرياً حتى على الإدارة !!!..
2 - أن تُكتب التجارب سواء الفاشلة أو الناجحة ليكون فيها النفع للزوار الجُدد.

أما الأخت نادين فهي تعارض الفكرة لأسباب هي :
1- الصورة التي قد تخالف الواقع لمستخدمي هذه الوسيلة..

أترككم لمزيد من المشاركات والإيضاح والإستيضاح والشروط والضوابط..

أخوكم

[العبد الفقير]

السلام عليكم
للأخت نادين ،
يا أختي لما يقال زواج عبر الموقع ، يعني أنا برأي وكما قال أخونا الشامي ، انو مارح يكون الزواج على الموقع ، يعني شغلة الموقع يفتح لهم مجال يتعرفوا على بعضهم ، انتو فاهمين المسألة بشكل خاطئ يمكن ، بس ما بدها هل الأد ، والمشروع رائع ، فنحنا المسلمين لازملنا هيك مشاريع كتيير

[فشلان]

أنا أكتر شي ما بلاقيه منطقي إنو الواحد إذا ما عجبتو الشغلة... بينسفها نسف.. مثل مثلاً تيار المستقبل إذا عجبن الشخص.. بيجو رح يألهو... وإذا ما عجبهم... بيطلع ابليس أهون منو.... ونفس الشي الشيعة.. إذا عجبن الشخص دغري بألهو..(مش بيجو رح يألهو)... وإذا ما عجبن.. بيفتحلو بيت على حسابن بجهنم....

معليش بالأول أخت أم سفيان.. عجبها رأيي بموضوع معين.. أما الآن فما رح يعجبها رأيي...
أول الشي منشان نطمنكن يا بنات... هون الموضوع عن الزوجة الأولى.. وليس التعدد.... فيرضى عليكن لا تنحرّوا لها الدرجة.....
الشلغة التانية.. إنو معقولة ما قدرتو لقيتو ذرة منيحة بهالفكرة.. يعني ما في شي هيكة سيء صرف.. حتى الخمر.. ربنا بقول إنو فيها منافع بس منافعها أقل من سيئاتها.... يعني على مهلكن.. حكوا بتجرد شوية.... ما حدا رح يتزوج على مرتو من هالموضوع....

يعني لاحظتو الشباب.. عم يحكو كل واحد بطريقة واقعية شوية... شي بقول رأيي كذا والتاني رأيي كذا... مش قطع رقبة الموضوع من الأول.....

وبعدان يا أخت نادين... أنا من الأول بكره القصص والحكايات.... دخلتي بمواضيع الأحلام والخيال.. وكأن الإنترنت صورت الشب فارس يركب الحصان الأبيض البراق.... جاء وأخذ عروسه وطار بها في السماء... ثم لما يأتي الواقع.... بيطلع الزلمة معفن وما بينتاء... وكأنك عم تحكي عن شخص معين.. أو كأن فكرة قاعدة ثابتة...

هية القصة مش بالكلمات يلي منكتبها.. يعني أنا مثلاً فيني غير النهاية يلي حطيتيها للقصة وقول إنو لما إجو على أمر الواقع... البنت لقيت إنو فارس أحلامها.. تحقق وطلع أحلى من الأحلام.. وكان مثال الشهامة والرومنسية... وكان جواد كريم... وهو لقيها بالواقع أحلى من الصور يا أم سفيان... وفينا نألف قصة أحلى من قصتكم....

معليش شديت عليكن شوية لأني حسيت إنو جعلتو الموضوع على هواكن... الموضوع إنو الشامي الله يهديه... طالب إنو نحط الإيجابيات والسلبيات... وعلى أساسو بتقدر الإدارة.... يمكن من خلال الإنترنت ينجح 10 علاقات... ويسقط 7... بكون منيح....

وأنا برأيي إنو لو نجح 7 وسقط عشرة بكون كمان منيح... لأنو هون ما في معدل.. وعلامات راشاه........

والله أعلم.....

[فشلان]

شو هالفكرة يلي عم تطرحها.. ما فهمت كيف يعني أنت تؤيد الخطبة على الإنترنت.. ولا تؤيد الزواج على الإنترنت... هو أكيد الزواج بهالمجال مقصود فيه الخطبة.. إسا قلي بيجبو ولاد على الإنترنت...
بس على كل حال مشكور كتير على النصيحة... بس يا حسرتي على حالي من وين بدي عيشها... أنا رأيي شوف دبرلي شي سفرة.. بشتغل شوية... وبرجع باخدها.... الله وكيلك تعلمت وقعدت بلا شغل... عطلجي... مثل شيخ النَوَر... بس هية القصة إنو ما تروح البنت من إيدنا.. قصدي من بيت أهلها.. لو إنها بإيدنا ما في مشكلة...

على كل حال... ادعولي من كل قلبكن...

[الشامي]

السلام عليكم ...

أهلا بعودتك يا فشلان ... وين هالغيبة ..

طيب رأي أخونا فشلان نلخصه بالتالي :

1- فشل أو نجاح الزواج عبر الإنترنت لا يحكم على الطريقة بحد ذاتها بالصواب أوالخطأ..
2- يؤيد هذه الوسيلة

بانتظار المزيد من الآراء والتعليقات ...

أخوكم

[العبد الفقير]

السلام عليكم ، يا خيي فشلان أنا كان قصدي انو الموقع بس يعرفهم على بعضهم ، يعني في مواقع بتفوت بتكتب كتابك انت وببيتك .
ومشان بنت الحلال يا خيي فشلان ، طلاع على بيتهم وقول لبيا انو بدك ياها ، بس خلي يشلك ياها على جنب بين ما ترجع من السفر .

[المهند]

أنا بقول يا فشلان ما رح يطلبوا منك شى ازا طلعت لعندون الا بيت وسيارة ووظيفة بمرتب حرزان ومهر زغير اقل من كيليين دهب,وانشالله اللوك تبعك يكون بيشبه لوك فارس الاحلام... بتمنى ما يعطوك شهادة تعلقا عالحيط لانك ادمي وابن حلال واهلك اوادم بس مشكلتك انو جيبتك مبخوشة يا صاحبي..وبهالايام معك قرش بتسوى نص قرش..عند المتدينين قبل غيرون..يا ترى خلونا نخمن جميعا شو رح يكون رد اهل البنت على اخونا هالمعتر فشلان؟!!!..هيدا نسينا نقول انك طبعى لازم تكون شى مهندززززززززززززز او دكتوررررررررررررر ازا كنت من القلمون حتى يفكرو اذا بيقبلو يقابلوك اهلا او لا,بينما ازا كنت غريب من برة القلمون قصتك هينة كتير يا صاحبي,بيعطوك بتراب الارض ولو كنت شحاد نوري عبواب الجوامع لانو زمور الحي ما بيطرب يا بعدي أتمنى لك التوفيق

[العبد الفقير]

معك حق يا مهند ، الاهل بالقلمون كتيير شايفيين بحالهم ، وكل واحد مفكر انو الله ما خالق غير بنتوا ، وانوما لازم يخدا الا شب من أفضل الشباب والأفضلية عندهم بيلي بدخل أكتر و .................................................. .
بس على كل خلي أخونا فشلان يجرب حظو ، اذا قبلوا اهل البنت فهنيئا له ، واذا ما قبلوا بالناقص منهم ومن بنتهم شو قلة بنات بهل الدنيا ، ما في أكتر منهم بهل الإيام ، وين ما رحت بتلاقيهم ، ويمكن يا فشلان ربنا يكون رحمك بأنهم ما يقبلوا ، يعني الناس يلي مفكرين حالهم أحسن منك ، وعاطينك بنتهم وهنة عم يربحوك منيتهم ، خليلهم ياها ، ينقعوا ويشربوا زومها . هذا اذا كان اهل البنت يلي بتعجبك من هذا النوع ، -يعني متل ما عجبك هل البنت بيعجبك غيرها بيخلق من الشبه أربعين- ، واذا كانوا اهل البنت أوادم وهذا ما أتمناه ، فتوكل على الله ، وضرب هل الخفانة بالحيط ، وألف مبروك سلفا ، وعلى قبال العايزين ان شاء الله .

[فشلان]

يعني بالفعل موفقين بهالمنتدى تبع الزواج.. وأنا بدعي الإدارة إنو دغري تفتحو... اليوم قبل مبارح... لأنو بالفعل مركز توليد المعنويات.. وشحن الآمال... وشحذ الهمم...
شوبكن سكرتوها بوجي هالتسكيرة هادي...
هلأ لكن اليوم طالع أخطبها من أهلها.. طالما إنو احتمال الموافقة حسب المهند.. يساوي حوالي 50% تحت الصفر... أما عند المعلم وسيم فهو 40% تحت الصفر... خلص رح روح احلق عند مروان الظنط والبس الطقم وأطلع على البيت، ونام.. قصدي بيتنا... لأنو بيت الست... ما الظاهر رح ادعسو... رح روح دبر لحالي شغلة مرتبة... واشتغل شي مائة سنة وارجع اخطبها... رح قلو لأبوها يشلي هية على جنب بالبراد منشان ما تنتزع... وهي أول مائة سنة صعبة وبعدان بتهون...

[فشلان]

رح غير الحلاق.. لأنو طلع مروان الظنط مسافر... راح يكزدر بدبي... رح روح عند أبو أحمد.... ما بيشكي من شي منوب....

[المهند]

سمعت انومروان الظنط رجع بالسلامة عالقلمون والحمدلله عسلامتو فيك تروح لعندو. بعدين يا بعدى خليك تتحضر نفسيا لانو الظاهر عودك بعدو طري وماعندك خبرة بهالقصص قبل اليوم؟؟انت بالقلمون يا صاحبي بالقلمون..بتعرف شو معناتا بالقلمون؟!! انا ماعم سكرا بوجك,..الله ييسر امرك ويسهلك بس لازم تضرب هالحسابات كمان..بكرة بعد ازا مشيت بهالحياة وعرفت وخبرت اهل القلمون بالزواج وكيف بيتعاطو رح تقول لك الله يرحم التراب يلى نزل على جدك يا مهند!!

[العبد الفقير]

ليك خيي فشلان اذا بدك عندي اقتراح مشان قصتك ، فيك اذا بدّك اطول بالك كم سنة ان شاء الله خد رياحتك بالسنين لأن البنت في نسبة -0.002%- انها تنخطب لأن وضع الشباب بلبنان معروف ، والقلمون شقفة من هالبلد ، وعلى كل بعد هل كم سنة بكونوا الأهل -يعني اهل المخلوقة- عرفوا انهم عايشين بعالم الأوهام- وانو اذا بدهم ينفّقوا لازم يخففوا من شروطاتهم ، وساعتها بيمشي حالك يا أبو الشباب ، بتطلع لعندهم على البيت وانت عينك قوية ، وعم تحط شروطاتك يلي بدك ياها ، وبتقلهم جيبولي وخدولي وانت قاعد على الكنباية ومادد إجريك والريمود بإيدك ، بس القصة كلها بدا وقت .... فطول بالك ، واذا حسيت حالك انك صرت متل صفير ، عمل شيعي .:d :d :d

[HARD]

شو هل الكلام اخي لا ترد على وسيم ولا على المهند قوي قلبك وارفع راسك و اطلبها بكل ثقة اذا انت فزعان من رفض الاهل اخي معليش بس الاهم متكون هي رافضتك فساعته جرصة هههههههههههه عم امزح انا بعرف كتيرعندهم تجارب بالفشل وانا احاول ان استفيد منهم ولكن هم لا يتكلمون عن تجاربهم وانا الان ومن هذا الموقع وهذا المنتدى اطلب من كل قلبي من الشباب بوضع تجاربهم ان كانت فاشلة او ناجحة لكي نستفيد ونتعلم .

[العبد الفقير]

اصحا بالك ترد على هارد ، بيخربلك بيتك وبجرصك ، وبيكحشوك اهلها عن الدرج ، وبتروح البنت بتقول لرفيقاتها انو اهلها كحشوك ، وبيقولوا بدورهم لرفقاتهم وبتصير كل مانك مارق بالطريق بيضحكوا عليك البنات ، وبغمزوا بعضهم عليك ، فتركها وأو طول بالك متل ما قلتلك ....

[وسيم أحمد الفلو]

سلام
بتعرف يا عديل إنو ماخطرلي إنك إنت إلي كاتب هالرسالة.
لو ممرتي وأختي روعة قالولي ، مكنت إنتبهت.
ليك يا عديل ماحدا بياخد من بيت كسن وبعيدا مرة تانية.
سلام

[أبو جاد]

دخلك يا عديل بدي منك شوية توضيح... ما بياخد واحدة تانية ليش؟ لأنو اكتفى.... ولا لأنو بيندم على الزواج....؟؟؟؟؟
:d :d :d :d

[Nadine]

سلام
بتعرف يا عديل إنو ماخطرلي إنك إنت إلي كاتب هالرسالة.
لو ممرتي وأختي روعة قالولي ، مكنت إنتبهت.
ليك يا عديل ماحدا بياخد من بيت كسن وبعيدا مرة تانية.
سلام

whats wrong with beit kassan ya akh wassim?????

[وسيم أحمد الفلو]

والله يا عديل بتركلك حرية الإختيار بين الجوابين.
أما بالنسبة للأخت نادين فأنا عمبحكي عن الفرع التاني من بيت كسن، وعل كل ما حددت موقفي سلباً أو إيجاباً.

[العبد الفقير]

شو صار بموضوع الزواج عبر الموقع ، يعني ليش خجتوا القصة دعيس معيس ، هل حسم الموضوع وما هي النتيجة الأخيرة التي توصلتم لها ، ستعجلوا لأن في ناس ناطرة .

[المهند]

دخلك ناوي تتني الهيئة وواقف بالصف يا بعدي؟!!كنو صحي؟!! وابو جاد كمان؟!1 لك شو عامتكون مرت عمكون ولى نور؟!!والله انا بعرفا لمنى منيحة مع صهورتا!!ليش عم تبادوا هيك يا لؤمة؟!!هههههه هلء بفرجيكون ازا ما بخلي الخبرية توصل لام محمد وبنتا..او بقولك رح خليا توصل لابنا حمودة بركى بينزل عليكون اهل فنيدق بالبيك اب بينزلوا قافلة بالربوشة والمعادير وبدعوسوكون

[وسيم أحمد الفلو]

مين قلك يا حبيبي بدنا نعيدا مرة تانية .... هيئتك ما فهمت شي من حكينا...
قلنا إنو إلي بياخد من بيت كسن (بالإضافة إنو مرت عمو من بيت نور) مبيرجع بعيدا.
وبالنسبة لفنيدق ، فأهل فنيدق إهلنا وإخواننا ومنعرف منون أمتر مبيعرف محمد.

[Rola]

salam, l7a2i2a ana hala2 2rit el mawdou3 ma3 enou sarlou zamen ma7tout bas maba3ref lesh hal jimle yemkin maktir fhimta aw yimkin el ased ger : (مع أنه هناك أجيال بدأت تولد في الغربة وتترعرع هناك )... makel el ajyel yali btoulad bel gerbe w bit3ish barra mitel ba3ed, li2an fi wled 3eishin berrat baladon w mhazbin aktar min yali 3eishin bi baladon , min hek ana radet 3a hal mawdou3 bas nshala tifhamou ana shou asdi bi yali katabtou !!!....

[HARD]

ولله يا اخت rola حسب ما فهمت كلامك ليس له علاقة بوضعية الجملة ، الجملة وضعت ليفهم منها انه يوجد كتير عالم واجيال خارج البلدة، لماذا لا يكون هناك موقع على الانترنت ليعرف الاشخاص على بعض لهدف نبيل ،
وليس له علاقة بالتحليل التي ذكرته .