خاص للشباب ::

[عمار الفلو]

أنا بعتقد إنو مبتزوج أكتر من واحدة

لأن وقت يلي بدي إختار , بعتقد بكون مفكر منيح بالموضوع فبعد كل هيدا التفكير بعتقد إنو لازم كون اخترت صح فساعتها مفي داعي اتزوج مرة تانية

مع إنو بشوف إنو أكتر ناس فين يعطو رأين بالموضوع هن المتزوجين

لأن بيكونو عم يحكو من واقع

يلاّ بيدل بيحقلنا نحكي

[دوكر]

السلام عليكم .............كيف الجميع...........؟؟؟؟؟؟؟؟؟؟؟
يا هلا بالست دانيا و بالجميع................
يسلمو ع الموضوع...........مهم ..........
انا بخالف الشباب .......بعتإد انو بي هل الإيام لازم كل واحد يوخد تنين........و تلاتة.......و اربعة.....ازا فاي.........و هل الشي منو طمع بالشهوة......
بي هل الإيام صار في صبيا اكتر من الرجال و الإحصاءات كلا بتدل انو عدد الصبيا بالسنسن الجاية يمكن يصير ضرب 5 من عدد الرجال..............
يعني هلأ عدولي اديش في بنات معنسين.........كتير............
هدا سبب من الأسباب لي بتخلينا نحكي بالزواج التاني...........
بعتقد إنو لازم كون اخترت صح فساعتها مفي داعي اتزوج مرة تانية
هدي جملة المعلم عمار............عندي سؤال.........مفاي الواحد يختار صح اكتر من مرة؟...
اكيد الجواب أه فاي.........فا من شان هيك ما بظن انا حجة من شان الواحد ما يفكر بالزواج مرة تانية......يمكن تؤلي انا مافيني اعدل بيناتون .......هدي مسلن حجة.......

و يا هلا بالمعلم عمار...............


هلأ ت نشوف الأسئلة لي سائلتيون يا ست دانيا.......

ما الذي يدفع بك اذا كنت متزوج للزواج مرة ثانية ؟؟
اول شي هدا حأ شرعي لكل واحد منا .....
تاني شي متل ما سبأ و ؤلت.........صارو لي معنسين كتار .......فا من حأن علينا انو يلؤ عرسان.....

واذا كنت أعذب هل تفكر بأن يوما ما عندما تتزوج ستتبع سنة الله بان تتزوج اكثر من مرة ؟؟؟

هلأ حوطت متل هل الفكرة براسي......بس مبعرف كنو فيني طبأ ع ارض الواقع......
بس م بستبعدا......
بس اكيد ازا عزمت ع هل المشروع .......بؤلا للصبيا لي بدي ؤخدا اول شي.....انو بدي ؤخد واحدة تانية ......ت تحط حالا بالجو.....


وما هي التي لن تجعلك تتزوج عليها وتبقيك ملكها ؟؟؟؟
لي مح تخليني اتزوز عليا بدا تكون اذا نظرت اليها اسرتك واذا غبت عنها حفظتك واذا امرتها اطاعت...............بس كمان هدا الشي ما بيمنع انو الواحد يوخد تنين...........

[أم سفيان]

بما إنك يا أخ دوكر عم تعلق تعليئ مفصل عالجمل
في جملة ألتها ما شفتها منطئية أبدا
ما الذي يدفع بك اذا كنت متزوج للزواج مرة ثانية ؟؟
اول شي هدا حأ شرعي لكل واحد منا .....
طيب يا أخي الطلاق كمان حأ شرعي هل معناتا إنو لازم نستعملو أو إنو نستعملو عنبوجنب
بدكن الصراحة وأرجو أنو الشباب ما يزعلو مني ما بحب المجاملات
شباب هالإيام إلي راسن بالزواج التاني ما عم بيفكروا غير بحالن وسبأ وحكينا بالموضوع وكزاب إلي بيؤل بدي إتزوج لعف العوانس
يلا ناطرة الريس لأن أكيد مارح يعجبوا جوابي

[الشامي]

السلام عليكم ...

بدون تعليييييييييييييييييييييييق ....

أخوكم

[الزاهر]

بسسب طلب توضيح من أحد الاخوة.......فسأوضح لماذا اخترت "لا"....ببساطة...لأن السؤال بيضيع.......السؤال عن التشجع....والتشجيع مختلف عن الموافقة!!!

[دوكر]

يا هلا بالست ام سفيان.....
مؤبولة منك....(كزاب لي بؤل انو بدو يتزوز ت يعف من العنوسة).....
و اناما ؤلت انو حء شرعي معناتا ستخدمو عن بو جنب...........بالعكس..........
هدا لأنو حء شرعي لازم نستغدمو بضوبطو.....................
لي ما في يعدل ما يأرب.............
يسلمو...........

[الريس]

بتشكر الست دانيا على هذا الموضع المميز ، وان كانوا لأسئلة بدهم تعديل بعض الشيء ، وبتمنى عليها تطلب من المشرف هذا الشيء اذا اقتنعت ، لأن يلي بشجعو التعدد هنة كتيير قلال وما حدا بيعتبر انو هو الحالة الأفضل ، ولكن في المجتمع دائما حالات خاصة ، كما أنه ثمة ناس لا حالات خاصة لديهم ولكن يحبون أن يعددو .

يعني اذا بصير السؤال هل توافق على الزواج من فتاة أخرى غير زوجتك ؟؟؟




واذا كنت أعذب هل تفكر بأن يوما ما عندما تتزوج ستتبع سنة الله بان تتزوج اكثر من مرة ؟؟؟

بصراحة أنا ما مفكر أبدا بإني أخد واحدة تانية ، لأن الريسة ملتلي عيني وبزيادة ، يعني الحمد لله على كل شي ، واذا ربنا قدرلنا انو نتزوج من هالبنت بكون تمام ، بس يلي خيفان منو اني كون ما بستاهلها ، صدقوني عتلان هم عنجد ، يعني المخلوقة رح تشعر بالراحة معي ولا لأ ؟ ورح تنسبط ولا لأ ؟؟؟ حاسسها مسؤولية كبيرة ، ما بدي اخد وحدة وتكفي حياتها معي وهي منا مبسوطة ....


وبالنسبة لكلام مصطفى ، حول الطراطيش والجحيم و... يعني القصة كلها بترجع انو الواحد يعرف ينقي أول بنت ، ما بعرف اذا كنت سمعت بالأخ يلي اتزوج واحدة ثانية من فترة ليست ببعيدة -يمكن سنة وشوية ؟؟؟- راحت مرتو الأولانية طلبتلوا التانية ، وهنة هلأ عايشيين ومبسوطين ومن أحلى ما يكون لا في مشاكل ولا بطيخ مسمر ، يعني كل واحدة ببيتها وبيعدل بينهم ، والإهل مش عالقين مع بعضهم ولا شي ، الجماعة كتيير متراضيين بين بعضهم ، بس الخوازيق بتجي من المجتمع يعني الناس ما بعرف شو دخلهم في ؟ هو قابل ومرتو قابلة واهلو قابلين واهل المرا قابلين والزلمة شاييف حالوا انو قادر يعدل ...
فهل الناحية ما بينخاف منها ، اذا الواحد عرف نقا الأولانية مظبوط ، وبعدين صدقني كل شي بينحل ، المهم تكون مرتك بتفهم عليك وبتفهم عليها ، وما في أي مشكلة إلا ولها حل بإذن الله .


أما بالنسبة لكلام السيد عمار ، عم تقول انك رح تنأي على المظبوط ورح تحسن الإختيار ، بس هذا كلام سابق لأوانوا ، يعني هلأ كل فيك تعملوا تقول أنا مني مفكر اني ارجع عدد ، أو ما بحبذ أو ... أما انك تقول من هلأ ما بدي عدد ، فهيدي مشكلة كبيرة كتيير ، سألني ليش ؟

لأن ما بتعرف المستقبل شو بخبيلك ، انت اليوم فيك تشوف البنت اذا حلوة ولا لأ ، وفي تعرف اذا آدمية ولا لأ ، وفيك تعرف اذا دينة ولا لأ ، بس فيك تعرف اذا بتجي ولاد ولأ ؟ فيك تعرف اذا كانت عينك رح توقع على واحدة تانية ولا لأ ؟ فيك تعرف اذا كانت ستكفيك من جميع النواحي ولا لأ ؟؟؟؟؟؟؟؟؟؟؟؟؟؟؟

وبالنسبة للمعلّم دوكر ، فكلامك زين يا أبو الشباب ، هيك بدنا ياك ، ولك روح الله يفتحها بوجك كيف ما برمت .

أما الست أم سفيان ، فصحيح يا أختي انو الطلاق حق شرعي ، ولكن هالحل بكون عبارة عن تنفيسة ، وما بجوز انو الانسان يتزوز ويكون ناوي انو بدو يرجع يطلإ ، يعتبر العقد باطلا ، ويعتبر الزوج زانيا وإن عاش مع المرأة 20 سنة ، وهي أيضا إن كانت تعلم بهذه النية ، أما إن لم تكن تعلم فالزوج يعتبر زانية ، وتعتبر هي مظلومة ...

احنا ما عم نقول انو بدنا نستخدم حق التعدد بطريقة عشوائية ، وما عم نقول انو ماننا سإلانين عن البنت وعن مشاعرها بنوب ، القصة وما فيها ، انو هيدي رخصة ، مسمحلنا نخد فيها بجميع الحالات ، وحاجتكم لف ودوران ، ساعة بتحصروها بحالة معينة ، وساعة الواحدة بتقبل انو تكون الأولة بس ما بتقبل تكون التانية وكأنها هي أحسن من البنت يلي رح تكون التانية وكأنها مانا سامعة بحديث (لا يؤمن أحدكم حتى يحب لأخيه ما يحب لنفسه) ، وساعة بتعملوا انو الرجال مندار على شقايف راسو ومنو قادر ينضبط ويلتزم مع امرأة أبدا ، رح اتضلوا اتلفوا واتدوروا ، بس (فلا وربك لا يؤمنون حتى يحكموك فيما شجر بينهم)

أم سفيان ، سمعي مني ، حاجتكم لف ودورنا ، حكمي الرسول -اللهم صلي وسلّم على سيدنا محمد- بهل المسألة وما رح تكوني إلا مبشوطة .

ما بعرف ليش حاسس انك رتي حافظة كل كتب الأحاديث ، بعتقد صرتي آريتيهم شي 18736235878747 مرّة لأن عم تدوريلك على شي حديث يحرم التعدد على الرجل أو يحصره بحالات معينة ، على كل خليك عم تأيبلي ، يمكن تلائي ، وبمناسبة التأيبل مندعي المتزوجات ومنقلهم انتبهوا ما يكون رجالكم عم يأيبلوا كمان ....

وانت يا شامي ، شكلك متني على السكيت ، أنا بعرف ، يعني ليش احمريت لما شفت الموضوع بالمنتدى ، وشو قصدك بكلمة بدون تعليق ؟؟؟؟؟؟؟

شو انت فاتح المنتدى لحتى الناس ما تعلق ، ولا يلي بحقلك ما بحق لغيرك ، آه ، فهمني لشوف ، اطلع فيي هون ، وما تضييع الموضوع ليش آخد واحدة تانية من دبي ؟؟؟

[dania]

بسسب طلب توضيح من أحد الاخوة.......فسأوضح لماذا اخترت "لا"....ببساطة...لأن السؤال بيضيع.......السؤال عن التشجع....والتشجيع مختلف عن الموافقة!!!

هلا بابو الزوز هلأ عرفنا ما بتشجع تعدد الزوجات

بس بتوافق تتزوج مرة تانية ؟؟؟؟؟؟؟؟؟؟؟

[dania]

السلام عليكم ...

بدون تعليييييييييييييييييييييييق ....

أخوكم

.
انت شكلك رح تتزوج 4

[dania]

هلأ ت نشوف الأسئلة لي سائلتيون يا ست دانيا.......

ما الذي يدفع بك اذا كنت متزوج للزواج مرة ثانية ؟؟
اول شي هدا حأ شرعي لكل واحد منا .....
تاني شي متل ما سبأ و ؤلت.........صارو لي معنسين كتار .......فا من حأن علينا انو يلؤ عرسان.....

واذا كنت أعذب هل تفكر بأن يوما ما عندما تتزوج ستتبع سنة الله بان تتزوج اكثر من مرة ؟؟؟

هلأ حوطت متل هل الفكرة براسي......بس مبعرف كنو فيني طبأ ع ارض الواقع......
بس م بستبعدا......
بس اكيد ازا عزمت ع هل المشروع .......بؤلا للصبيا لي بدي ؤخدا اول شي.....انو بدي ؤخد واحدة تانية ......ت تحط حالا بالجو.....


وما هي التي لن تجعلك تتزوج عليها وتبقيك ملكها ؟؟؟؟
لي مح تخليني اتزوز عليا بدا تكون اذا نظرت اليها اسرتك واذا غبت عنها حفظتك واذا امرتها اطاعت...............بس كمان هدا الشي ما بيمنع انو الواحد يوخد تنين...........


[/quote]
هلا فيك والله نورت وشكرا على مرورك الحلو

- مظبوط هيا شرع رب العالمين وغصب عنا بدنا نقبل بس اعقلوا وتوكلوا
اما عشان المعنسين !!!!1 هيدي مش حجة عشان الواحد يتزوج اكتر من مرة
الله كاتبلون هيكي لازم يشكروا الله اكتر شي

الله يقدم الي فيه الخير بس مش حلو الظلم

وان شالله بتاخد البنت الي بدك ياها وتنسيك الدنيا كلا وما تخليك تتزوج مرة تانية

[dania]

أنا بعتقد إنو مبتزوج أكتر من واحدة

لأن وقت يلي بدي إختار , بعتقد بكون مفكر منيح بالموضوع فبعد كل هيدا التفكير بعتقد إنو لازم كون اخترت صح فساعتها مفي داعي اتزوج مرة تانية

مع إنو بشوف إنو أكتر ناس فين يعطو رأين بالموضوع هن المتزوجين

لأن بيكونو عم يحكو من واقع

يلاّ بيدل بيحقلنا نحكي

هلا عمار معك حق الواحد حتى يخطي هيك خطوة لازم يعد للمليون ويفكر منيح

بس للأسف مش كل الشباب المتزوجين عم يفكروا قبل ما يتزوجوا وعم يندموا بس الظاهرة عنا بهالايام وخاصة بالضيعة هي الطلاق والزوج مرة تانية يعني مش عم يمشوا على سنة الله ورسولوا لاء عم يعملوا العكس

وما منقول الا الله يستر على بنات العالم ومتل ما الله كاتب لكل انسان بيصير ما فينا بإيدنا نغير الي كاتبوا رب العالمين

وشكرا على مرورك على الموضوع .