للشعراء فقط...

[فشلان]

أنا كنت بالبداية وعدتكم بإني أشارك ببعض أبيات شعر.. شنو ما إلي مراء بالشغلات الباقية... مثل الأناشيد يلي بتطرب البعض.. ويلي بتبكي البعض الآخر...
ولذلك أفتح المجال هنا.. فقط للشعراء.. أن يكتبوا من واقعهم.. وما حدا يكتبلي:
أنا الذي نظر الأعمى إلى أدبي وأسمعت كلماتي من به صمم.. ويقول هو مألفها....
معليش... خلونا نشوف المواهب يلي عند الشباب... (بيني وبينكم.. إن شاء الله يكون في مواهب!!!!)
رح بلش أنا بس المرة الجاية...:d :d

[باسم الحج]

اثناء احدى المحن التي مرت علي في الغربة كتبت هذه الابيات ثم توقفت لان الامور وقتها تحسنت و الحمد لله ارجو اعطاء الراي بصراحه فان كانت تستحق العناء احاول اكمالها


يا قلب صبرا على الاحزان و الالم ----- يا قلب صبرا فان الجرح لم ينم
احالني الهم اوصالا مفككة ----- و الروح شاردة و النفس في ندم
و زهرة العمر قد ذابت ملامحها ----- الا من يعيد العمر للامجاد و القدم


اخوكم باسم
------------------------------
ان تصل متاخرا خير من ان لا تصل

[Mohamad El Hajj]

انا مرة الفت هالبيتين بالحب و ما كفيت

أهواك و القلب فيك متيم...ما لي أرى أفق الفراق مخيم
مرت فلا حتى سلام أرسلت...حتى الجوارح مع الفؤاد تألموا

[فشلان]

الأخ باسم مشاركتك رائعة من حيث المعاني.. فقد جسدت محنتك كلمات رائعة نطقت بها... غير أني مع معرفتي المتواضعة ببحور الشعر.. أرى أنك في الشطر الثاني من البيت الأخير.. قد أحضرت مولينكس أجدد موديل.. وعملت كوكتيل طويل مع بسيط... ما بعرف شو كان فكرك توصل...
يرضى عليكن لا حدا يزعل من تعليقاتي... خدوها مزح.. لأني أنا بحب المزح.. ويلي ما بحس نفسو في يستحمل... دغري مباشرة ينبهني.. وأنا ساعتها باستثنيه من المزح الثقيل...

أما الأخ محمد الحج.. فالظاهر أنك عندك كسارة والدرك مش عارفين فيك.. والله ما يعرفو فيك بسكرولك اياها... بس مش كسارة بحص... كسارة أبيات شعرية... هو صحيح إنو انفهم المقصود... بس يا حسرة... الله وكيلك مفرطش العروض كل شقفة وحدا....

بس يرضى عليكن كفوا.. ما حدا يزعل.. واصبروا على أجوبتي...
وإذا مش عاجبكن رأيي وحكمي على الشعر.. أنا باستدعي الأخ المشرف عمر ملاط.. والأخ المهند.. بعرفن بيعرفو بهالشغلات
سعيدة....

[فشلان]

أول ما خطر ببالي إني أكتب شعر امدح فيه نفسي... وحبيت أظهر كيف أنا ملخبط.. وما في شي بيظبط معي.. الله وكيلكن كلو ملخبط... لا بعرف راسي من إجري...
ومنشان هيك، خدوا مني هالأبيات: بس لا حدا يقراهن غلط... شكلتن منشان تفهموهن... وشوفو كيف أنا صرت بحكي بجفوني.. وبشوف بلساني.. وبمسك بإجري.. وبمشي بإيدي.. وخود على فشل......

نَطَقَتْ بِما يَهــــوى الفوادُ جِفانُ ____ ورأى جَمالَ الأكرمين لسانُ
قد أَمسَكَتْ رجلاي كلَّ صَبابـــةٍ ____ وَمَشَتْ يدايَ كأنهنَّ حِصــانُ
وأُخِلَّ بالإحساسِ عندي فجـــــأةً ____ والبردُ صار كأنّه بُركـــــانُ
وأتى إلى جِسمي وكلِّ جوارحي ____ أمرٌ عظيمُ ما له حُســــــبانُ
لا تسألوا لم كـــــلُّ هذا أو متى؟ ____ فَمَرَدُّ ذلك أنني فَشــــــــلانُ

[عمر ملاط]

شكلتن منشان تفهموهن
آ الله وكيلك يا سيد فشلان، سواء عليك أشكلتهم أم لم تشكلهم لا يفهمون.. وأنا منهم...
يعني صحيح العروض مظبوط... بس خلطت حالك بحالك... أكتر ما حكيت عن جاري باسم الحج إنو جايب خلاط أجدد موديل... ترى شايف موديل خلاطك ألفين وعشرة.... الله يبعتلك.. من وين بتطلع بهالفنانيك.....
وعلى فكرة أنا شفت ردك على جاري باسم ومحمد الحج.. وموافقك عليه... لأنو باسم كان بسيط ما بعرف ليش عملو طويل بالآخر هيك...

[باسم الحج]

اشكرك اخي فشلان على التعليق الظريف و اقول لك تستطيع ان تمزح كما يحلو لك بتمون
كما اشكر جاري العزيز على توضيحه للخطا و ان شاء الله ساحاول تصحيحها و اتمامها حسب الظروف ,ملاحظة,عندما كتبت هذه الابيات لم اقطعها وانما اعتمدت على الحس و على اذني

--------------------------------
ان تصل متاخرا خير من ان لا تصل

[أبو حسن]

نَطَقَتْ بِما يَهــــوى الفوادُ جِفانُ ____ ورأى جَمالَ الأكرمين لسانُ
قد أَمسَكَتْ رجلاي كلَّ صَبابـــةٍ ____ وَمَشَتْ يدايَ كأنهنَّ حِصــانُ
وأُخِلَّ بالإحساسِ عندي فجـــــأةً ____ والبردُ صار كأنّه بُركـــــانُ
وأتى إلى جِسمي وكلِّ جوارحي ____ أمرٌ عظيمُ ما له حُســــــبانُ
لا تسألوا لم كـــــلُّ هذا أو متى؟ ____ فَمَرَدُّ ذلك أنني فَشــــــــلانُ

هذا من باب تداخل الحواس ومشاركتها في التصوير ...

وأحسن معنى تضمنته أبياتك هو الشطر الأول من البيت الأول ... لكنك فيما تلاه أراك قد أبعدت النجعة ...

ومن جميل ما قرأت في هذا الباب قول أستاذنا الشاعر "...":

أذني تكاد ترى كلامك وارفا * كالزهر يندى بالحديث المخمل
والعين تسمع صمت روحي عندما * بك في التلاقي شوق روحي يختلي

[فشلان]

يسلم تمك يا سيدي أبو حسن.... رأيك مش بس حسن.. بل أفضل رأي سمعته... والحقيقة غمرتني بلطفك غمر... حتى غرقت وما بقى فيني عم فوش....
يعني بيكفي تشبيه بأستاذكم الشاعر تلات نقط حتى توصفني بإني شاعر.... ما تخيلت إنو يكون في حدا قايل متلي... يا زلمة عم يقلدوني...
بس ليش حتى نزعتا معي بالأبيات الباقية... شنو ما حكيت مثل أستاذكم تلات نقط... يا أخي بالنهاية كل واحد عندو شعورو المرهف....
ولكن الفرق ظاهر بين الشخصين، فهو يبدي أن الحب يدخل من أبوابه المعتمدة وغير المعتمدة.. أما أنا فأبدي أن أعضائي الفاشلة الملخبطة.. لم تعد تدري وظائفها...
فشتان... بين المعنيي..:d :d :d :d

[Mohamad El Hajj]

يعني يا فشلان إذا البيت ما اتقطع معك بتقطع صاحب الأبيات عمهلك شوية عل الشباب
يأستني من حياتي و مع هيك رح حطلك بيت جديد
-----------------
ا _ _ ا
ا ا--ا ا--ا ا
ا ا ا ا
ا___ا__ا____ا

اسا منو مكتمل لأن اسا ما وصلت نقلة البحص و الرمل من الكسارة تبعت المشاركة الأولى

[فشلان]

ما في أسهل منها لكن.. وأنا هيك كمان...
اسماع لقلك يا خالي...

عيد بأية حال عدت يا عيد.... بما مضى أم لأمر فيك تجديد
....
لا تشتر العبد إلا والعصى معه ... إن العبيد لأنجاس مناكيد

هذه الأبيات قلتها وأنا في الثانية من عمري... وإذا شئتم يمكن الرجوع إليها في ديوان المتنبي..
هههههه

وإذا مش متأكدين إني قلتها فيكن تشوفوا هالموقع:
http://www.fawakh.net/vb/archive/index.php/t-13754.html

[فشلان]

روق واستمتع.. وخليها عفوية.... ما هو مانو حلو الموضوع إلا بهالطريقة.. أنا بنقر عليك.. وغيرك بنقر عليي.. وهيك....
حبيب قلبي ... وخود هالأبيات كرمال عينك...
عفواً على التعنيف والخذلان فلقد حكى قبل الفؤاد لساني
واغفر على ما كان منى آنفاً واصفح وسامح واجز بالإحسان
أنا ما قصدت إهانة أو سوءةً بل مزحةً تسري على الإخوان
حق عليك بأن تعاتبني فلا يبقى صديق صاحب الفشلان

[فشلان]

والله قوية منك هادي يا خالي... غلبتنا فيها.. وجبتنا أرض أرض.... ألفتها ما هيك... هادي شغلة... ها ها ها

[فشلان]

يا جابر المكسور من أضلاعنا .... من ذا يداوي قلبنا المكسورا؟؟؟
من ذا يزيل الهم من أرواحنا .... ليقيم حباً كامناً مستورا
أنقذت ظاهرنا ونسيت باطننا .... وتركت مهجتنا صدى مهجورا
هلا تدواينا بجبر قلوبنا .... وتعيد بهجتنا هوىً وسرورا؟؟؟

[الشامي]

السلام عليكم ..

ولك طلع عنا شعراء وما عارفين ...

أخي فشلان صحيح ظبطت معك على أخونا جابر .. بس مش مع الكل رح تزبط معك....

ولك وينك يا مهند... مو على أساس أدب وشعر ونثر...ألخخخخخ

أخوكم

[المهند]

الظاهر انو الدملوك ما بدو يجيبا على خير!! لهلء ماعم يفهم انو المهند ما بيندسلواعلى طرف!! المرة الماضية فهمتو هالكلام وصار بدو يعملي حالو الشيخ الوقور يلى بيرد من الكتاب والسنة !! بس الظاهر ان الاون ان يفهم الدملوك حدوده جيدا!!وان يعرف من هو المهند!!بسمع غلي هالمرة مش بلا غلي لذلك انتظر مني ما لم تسمعه قبل ايها الدملوك الفيلسوف

[المهند]

خيي شامي الاعصار قادم لا محالة فانتظروا وتحضرواجيدا!!لانها الحرب !! وقد أعلنها الدملوك علينا ونحنا وكما قال :
الشاعرلها:اذا الملك الجبار صعر خده
مشينا اليه بالسيوف نعاتبه

[الزاهر]

السلام عليكم وبعد
والله بعضهم يقول أنه بقي فقط ثانيتين على يوم القيامة لكن يبدو أنهم سيدعون لاجتماع آخر ويقربون الساعة لكي يصبح هناك فقط ثانية واحدة. لحئوا حالكم صلولكم كم ركعة أبل ما تؤووم الأيامة ودعوا ربكم عسا أن تنفعكم الثانية الباقية.

يالله استعجلو----أنا بلشت بالصلا مين بدو يوئف ورايي يستعجل لسا في ثاااااااااااانية
ولك يالله استعجلوا .........


شو هاد يا أخي المهند
والله لمّن بوش أعلن الحرب على صدام ما عمل متلك........روئها عالعم جابر شوية يا أخي ------لازملنا بهالكام يوم-----مو شايفوا من أيام نوح وئت اللي كان البحر سليئ...... ما بيتحمل ألبو بعتأد ......روئها شوية يا أخي......

لا تاخدها جد يا عمي جابر ها.......نحنا منحب المزح متلكم.....بس وئت الجد لازم يكون جد ووئت الهزل لازم يكون هزل.

يالله سامحونا

السلام عليكم

[أبو جاد]

يا أخ جابر عهدنا منك الشعر الجميل و الموذون . بس اليوم هل الشعر لشيخ الفشلانين . مبعرف من وين جايبو حد علمي المدرسه يلي بتعلم هيك شعر سكروها و يمكن كانت بباب التبانه و صار محلها نهر . فأرجو منك أن تكتب لنا الشعر المعتاد عليه الجميل الموذون.والله ذكرتنا بهل كم بيت مثل كأنا طالعين عل طريق النبعا . نحنو ناطرين الشعر المعهود منك

[فشلان]

لا تواخذوني شباب مش رح جاوب كتير اليوم... لأني جاية كتير تعبان... وبدي نام.... بعدان أنا كل يلي سمعتو هلأ رح غض نظر عنو.. لأني ما بدي نغص يومي.. لأنو هاليوم تاريخي بالنسبة لي... طلعت على التلج وكتير كتير كتير انبسطت... منشان هيك... رح أجل مشاركتي لعبكرة..
بس جهزو أنفسكم جميعاً يلي ماسكين فشلان بالعرض.... عم تغلطوا كتير هه...
حابب أعرف مين إنت يا سيد أبو جاد.. وشو السبب يلي عم يخليك تهاجمني هالأد.. يعني اليوم فقط بلشت تحكي.. ووجهتلي أكثر من ثلاث انتقادات...
بس بسيطة.. أنا ما بزعل من حدا.. بس كمان بعرف كيف بدي رد..
يالله السلام عليكم.. وبكرة إن شاء الله المعركة حامية...

[المهند]

طالما حذرت امثالك من المتفلسفين يا جابر دملوك,ولكن لم يجد التحذير نفعا,لذلك قررت ان أريك قدرك,وأعرفك حدك.فما كان مثلي ليهجو شخصا مثلك حتى لا يخلد ذكرك بين العالمين..ته فخرا أيها الدملوك الصنديد,فهانذا قررت أن أنقش اسمك في سجل المهزومين,علك تكون عبرة لكل من تسول له نتفسه المساس بشعرة من شعرات المهند,أو أن يسمعنا "سخافته"الوانا من التذاكي والتفاخر..لذلك نظمت فيك هذه الأبيات المقذعة,وأسميتها "الشفرة القاطعة" حتى تجتث دابر لسانك من هذا المنتدى,وتشذب أغصان أرائه الخضراء من يبس فيهقتك.ولراحة نفسك المطمئنة:
الفاتحة
الشفرة القاطعة" " دملوك مهلا قد اتاك مهند بين الصورام كالصواعق يرعد
يا أيها الخلان عذرا انم ا طال السكوت وان رد جالد
يا سرق الأشعار تهجوني بها أشفار شعري لا تلين وتهمد
سأقص شوكك في قليل مشقة أكرم بسيفي حين يضرب ساعد
ما كنت أحسبنى بيوم هاجيا دملوك شوك عقله متبلد
لكنها الاقدار تفرض حكمها ان "ال جابر" قد رضوا أم عاندوا
يا موقدا قدر القصيد بسخفه دع عنك قدرا فيه طبخ فاسد
"بقبق" بشعرك في الورى مستأسد أني تخيف دجاجة تستأسد؟!!
فشلان خالك من جهول فهمه أقصوه من نسل السلالة تسعدوا
اسمع نصيحة مشفق متنبه ان رمت فوزا أيها المتشرد
يا باغياشق الصخور بشوكه أقلع!!..سيبقى صخري المتصلد
حذفت من قبل المشرف بالإضافة الى تعديلات تمت باللون البنفسجي
يا اخوتي ادعوا له وترحم ودملوككم ها قد محاه مهند !

[المهند]

شو يا صاحبى زاهر!! ليك شو صار بجدك الدملوك!!اذا حابب انظم فيك شى قصيدة انت ورسومك المألعطة ما عندى مشكل!!انتبه وزين الكلام معى بميزان ترى انا سيفى عم يطوطح يمين وشمال هاليومين,,خبي راسك احسنلك!! الدهب

[العبد الفقير]

يا لطيف ، الهيأة حميانة بين الشباب ، الله يعطيكم العافية وقويكم ، يلا السلام عليكم ، كفوا شغلكم

[الشامي]

السلام عليكم ...

شلونكم يا جماعة ...

يجوز للشاعر ما لا يجوز لغيره ...رواه مسلم...

يعني يا شباب ياما حذرتكم من حدة السيف المهند.. وقد رأيتم بأم أعينكم... سترك يا رب...

أخوكم

[فشلان]

هممممممممممممممممممممممممممممممممممممممممممممممممم مممممممممممممممم
يا خي جابر أنا حد عملي كتبت إنو عمرك بالأربعين... لذلك لن أتلفظ بما تلفظ به المهند.. لأني أحترم الكبير... بس معليش اسمحلي بالأبيات يلي رح اكتبها لأنو قولة قاعدة الأخ الشامي:
يحق للشاعر ما لا يحق لغيره... وإذا بدنا نجي نكتب الشعر وقور ومحتشم.. ما بقى شعر...

يلي بدو ينزل على الساحة بدو يكون شاعر... وبدو يكون شاعر إنو القصة أكبر منو....
عم تعيرني إني راكض ورا المسيار والتعدد... أنا يا أخي أصيل... وعندي عزة نفس بروي بلد بأكملو والفشلانة عندي بتسوى كل السيارات والبواصط كمان..
وأنا كمان مش رح ذمك... بس بكفي احكي عن نفسي حتى تحس بقدرك....
عاملي حالك كاتب شعر... آ والله كاتب شعر بفتح الشين.... بس غلطة كبيرة يلي بيجابه الشعراء

ضَحِكتُ اليوم من ذاك الكلام______ولـكــــــني أردتك بانـتـقـــــــام

فذاك الشعر لا يبدو كشــــعر______وهذا الـنـثـر ليس علــى انتظام

وإن رُمْتَ المكارم ذات يـوم______فـَخـُــذ شعراً متيناً من إمــــــام

تـُـهدّدنـــــا بأبيــــات أقـَـلـّـت______كلاماً لم يُــعِــــرْ حتى اهتمامي

ومن يملكْ مَبيتاً من زجـــاج______فلا يرشــــق عـــــــدواً بالسهام

فطلْقٌ واحد من بيت شـعري______كـفـيـــــــلٌ أن تؤول إلى حطام

ولن أبدي مَســــاوءكم كثيرا______فـَمِـثــلــي لا يُفـَـتـِّشُ في الرُّكام

تـُعَيِّرنــــي ولكن لن ألــومَ الــــــــــــــــذي لا يرتـــــجــي غير اتهامي

أنا يا جـــــــابر الدملوك إمّا______مشيتُ اليوم في أبهى احتشامي

أتتني الغانيــات بكل صوب______يســــــــابقن الصبايا من أمامي

يُسَطـِّرْنَ الملاحمَ في مديحي______ويَنْظُمْنَ القصـــــائد في هيامي

تـَمَـنّـيـن الحيــاة معي بقربي______بـمـســـــيـــــار، بـتــعــداد مُلام

فـأنـفـُضُهـُنّ من حولي لأني______أصيــــلٌ أبتغي عِزَّ المَـقــــــام

وما ميلُ الصبايا من ميولي______ولست أغوص في بحر الغرام

أنا يـا جابر الدملوك شــهم______وعَـيْــلُ الناس في الدنيا مدامي

ولن أرضى لـِفـاتنةٍ تـُريني______جمــــــــالَ المالِ والدنيا أمامي

بأن تجثو على أعتاب قلبي______تـُمَـنـِّـنـُـــني بتقديم الطعـــــــام

زواجي لن يكون شعارَ ذلٍ______ولكنْ حـــــاملاً أبـــهى وســام

إلى الفشلانة المبهور فيها______سأرسل كـــابـِـراً أبهى سلامي

سأحضنها إلى بستـان قلبي______وأنصــــــب حوله أقوى حزام

أدَلـِّلـُـــــــها وأهديها كلاماً______وفـــعــلاً طيبـــــــاً قبل الكلام

سأجعلها المليكة في فؤادي ______لتســــمو في الحـقـيـقـة والمنام

وأغرقها ببحر الحب حتى______تكون الحورَ في بحرِ الغــــرام

أخوكم الفشلندق..

______

[فشلان]

أنا يا مهند قرأت وشفت اسمي... والجملة تأخذ على محملين... يرضى عليك وضح رأيك...
أنا مشح رح علق هلأ.. حتى أوصل للمقصود من الكلام....
وكفى...

[الشامي]

السلام عليكم ...

شو حميانة يا جماعة الظاهر ...

المهند والفرزدق (قصدي الفشلندق) ... طولوا بالكم .. خدوا نفس...


أخوكم

[المهند]

أناماقصدت بالابيات التي تلت اسمك في القصيدة الا من تسميه خالك وهو جابر دملوك,ولكنييلاأقول ذلك خوفا من تهديدك لي يا رمز الفشل,ولكن لأنها الحقيقة,,فكل المقصود في الابيات هو جابر دملوك "الله " ويعنى لا تقد عليي مراجل لانو بتعرف قالوا ما متت ما شفت مين مات؟!! يرحمو

[فشلان]

ولا أنا خيفان منك..نحنا الشفر منلعب فيها تحت لسانا.... بس لأني ظنيت إنو تكون بس قاصد استخدامي المتكرر لكلمة خالي... منشان هيك ما تسرعت بالرد....

بس يا ريت تبقى تصحح الأخطاء الإملائية... يعني سمحلي فيها عيب عليك يكون فيها أكثر من أربع أخطاء إملاء.. شو طالع من صف الروضة؟؟؟؟

[جابر دملوك]

يا مهند يا أخي (ضم الألف و فتح الخاء) ما الذي قلته لك حتى تتلفظ بهذة الأوصا ف الجميلة. و تحسب هذا فوزا فهنيئا لك الفوز.

لقد حمدنا الله سبحانه أن أوجد لنا هذا المنتدى ليكون قناة نتواصل بها نحن أهل المهجر مع أبناء الضيعة سواء من عرفنا منهم و من لم نعرف و خصوصا من ولدوا بعد رحيلنا فتجعل المسافات الطويلة بضع خطوات . فو الله لم أكتب كلمة في هذا المنتدى على سبيل الإساءة و الإهانة بل من أجل الفائدة أو المزاح المباح و لكن يبدو أن البعض لا يروقه ذلك.

لقد حز في نفسي ما قد قرأت منك و لا أظن أنه يقال في عدو. فلم أعد أستبعد قيام حروب أهلية في المنطقة.

أعتذر عن أي كلمة إعتبرت إهانة.

و السلام عليك. (سلام مفارقة)

و ألف مبروك على المشرفين.

[فشلان]

على مهلك علي شوية يا خالي جابر.. ما بعرف إذا لاحظت الفرق الشاسع بين قصيدتي وقصيدة السيف أبو شفرة...
أنا ما وجهتلك أي إهانة.. وإن كنت استقبحت كلام السيف أبو شفرة... لأنو كلام ثقيل... أنا كانت قصيدتي عن فخر بنفسي.. ولم تحتوي على إهانات.. ولا ما معي حق...

أنا لما قرأت إنو عمرك بالأربعين... فكرت كتير قبل الإجابة.. ومنشان هيك جعلت الجواب فخر وكبرياء.... وإن لم تخل من كلمات مثل الانتقام.. والحطام حيث شبهت كلامك بالحطام.. لأنه مكسر...

ولذلك لا أجد في كلامي غير مزح قد أجيب به على مزحك... وأنا أتقبل منك ما قلته... فلربما قرأت كلاماً قبل كلامي قد أثر فيك...

على كل حال أنا من يريد الاعتذار.. وإن لم أقترف ذنباً ولكن لفارق العمر... فأنت أكبر مني بضعف عمري تقريباً.. ومهما مزحنا فلازم يكون في حدود.. بس بتمنى ترجع تراجع كلامي لتجد أني نظمت فخراً لا إهانات.... فهل في ذلك حرج..؟؟؟

ولك يا خالي هادي تاني مرة اليوم بكتب بطريقة مهذبة... وأنا مش من عادتي إلا المزح والهرج.. بس يالله بتستاهل كل خير يا خالي...
ابن ابنك.. الفشلندق....

[فشلان]

ولعيونك أحلى خال

فاضت دموعي من كلام الجابر______ووقفت شهماً كالعتيد الثائر

وسللت سيفي ضد كل مشفر______أفديك نفسي يا صديقي الجابر

والله قد أثرت في أعماقنا_________أدميت مهجتنا سلبت مشاعري

غصت لدمعتك القلوب فأدميت______وذرفت دمعاً للصباح الباكر

أجثو على عتباتكم أبغي الرضى ____ يا ليت شعري هل أنا كالكافر؟

أنا يا حبيبي ما قصدت إهانة______أنا ما قصدت لذي الكلام السافر

هلا قبلت متيماً يرجو هنا_________فض النزاع وهجر كل مكابر

أنا يا حبيبي مستعد كي أكو______ن بكل فخر مستكين الخاطر

عبداً ومولى يقتفي بركاتكم______يجتث كل مكابر متآمر

عفواً وسمحاً أرتجي من قلبكم______رفقاً، رجوناكم، بقلب الشاعر

[جابر دملوك]

الله يبارك فيك يا بني و الله خجلتني.
أنا لن أمدحك أبدا و لكنها ناصعة جلية. معدنك طيب يا بني و يلمع من بعيد.
يا فشلان يا شيخ الشباب ها أنذا أسحب كلامي في حقك.

[جابر دملوك]

و الله لولا أنك ستسألني من أكون لوددت أن أعرف من أنت.
من يدر قد تكون إبنا لصديق.

[فشلان]

والله لا أكذبك القول يا خالي إنو لما رديت عليي بالرضى بكيت.. بكيت عن جد...
حسيت إنو عم مثل فلم وكنت أنا البطل...

[جابر دملوك]

لن أنتظر حتى أعلم من أنت أو إبن من تكون فأنت صديق و أخ و حبيب.
اللهم أرزق الفشلان بما في قلبه و ليس بإسمه.

[أبو محمد القلموني]

الأخ الكبير المفضال جابر دملوك وقع كلامك منا موقعا عظيما فأنت من لا نزال نجل ونحترم و نقدر. ولفرط سعادتنا بك في هذا المنتدى لا نمل من السؤال عنك و عن من يعرفك طمعا في مزيد وصال تهفو إليه قلوبنا. فلا تلوح بما لوح به بعض أحبائنا سابقا وكادت قلوبنا تنخرق به لوعة ، لولا أنه عاد و طيب خاطرنا و أطرب آذاننا بكلامه الطيب العذب.

أنت لا تعرف الأخ المهند وهو لو عرفته كثير المزاح لا يمل من تدبير المقالب و الإكثار على الخلق بالتندر و الهذر. ولا أحسب ما فعله معك إلا من هذا القبيل. فهو طيب القلب ، شهم النفس ، عفيف ، قريب ، لا ترد عليه في شيء فتصدر عنه مغبونا خائبا. فأرجو أن تأخذه بواسع حلمك .

[المهند]

اولا يا فشلان انا ما كتبت اخطاء لغة بس هيدي اخطاء طباعة وانامنى قادر زبطا بعد مانزلت تانيا ازا انت بتحط الشفر بين سنانك انا بحطو على راس لسانى وحاجتك تمثيل وعاملى فيا الابن النادم هلء وتتباكى بكاء التماسيح على كل حال احب ان اذكر الهاجين والمهجوين هنا ان الشعر والهجاء والمدح وغيره كلها فى واد والحقيقة فى واد دائما فطالما هجا بعض االشعراء القدامى ابعضهم البعض بأقذع الكلام وكانوا يتسامرون ليلا يذكر احدهم الاخر بماهجاه وهم اعز الاصدقاء!! لذلك الشعر هو الشعر والشاعر من يستطيع التغلب على غيره بأجمل الصور ولوكانت مقذعة فلا ينزعج من شعرنا احد او فلتقفلو هذا العنوان لانه سيصبح بلا متعة حين نقعد واصابعنا على افواهنا كالاولاد الشاطرين في صف الروضة!! او قولوا لنا افتحوا المصاحف وجودوا ورتلوا

[جابر دملوك]

الأخ أبو محمد أنت حبيب قلوبنا و لو لم تجمعنا بك إلا سويعات من سنوات مضت و هذا تقصير فادح من قبلنا.
كنت قد قطعت الأمل من إستمرار هذا المنتدى على المحبة و الألفة و لكن ما قرأته منك ومن الأخ فشلان "شيخ الناجحين المهذبين" قلب الأمور عندي 180 درجة.
بارك الله فيكم جميعا و جعله في ميزان حسناتكم.
و سامح الله من أساء لنا و ليس في قلبي نحوه إلا الحب و التقدير.

[أبو جاد]

يا شباب شبكن ولو وين هل الشعر يلي ناطرينو . ياأخ جابر هيدا الفشلان منو هين .زكرني باالشعراء القداما يلي بيدفع أكر بيمدحو . فيا أخ جا بر نتبه من فشلان و نتبه عليه . يا أخ
مهند شو هل مدح يلي مدحتو لحالك شي بجنن بسسسسسسس للأسف :مادح نفسه كذاب . هيدا حديث يا شيخ فشلان .فيا شباب نحنو نهطرين الأبيات الجميله

[المهند]

لك اناا يا بو جاد ما صدقت انى خلصت من عديلك وسيم لحتىطلعتلى انت؟!! لك انا ما بشوف بحالى بالقصيدة بقدر ما هجيت الدملوك!!انو هات سمعنا انت شى شعر من صوبك؟!!تقبر كزازي

[فشلان]

يا أخ جابر عهدنا منك الشعر الجميل و الموذون . بس اليوم هل الشعر لشيخ الفشلانين . مبعرف من وين جايبو حد علمي المدرسه يلي بتعلم هيك شعر سكروها و يمكن كانت بباب التبانه و صار محلها نهر . فأرجو منك أن تكتب لنا الشعر المعتاد عليه الجميل الموذون.والله ذكرتنا بهل كم بيت مثل كأنا طالعين عل طريق النبعا . نحنو ناطرين الشعر المعهود منك

ثو القثة مع أبو ذاد.. وين لثانك؟ أكتلو البيثة... ما عم يطلع منك ولا حرف ثح...
أنا قلتلك ما تجاكر معي وإنت مانك راضي غير ما تذاكر معي...
خليتنا نرجع نبقها...
هلأ ما حدا يعملي هية غيبة ونميمة وثخرية.. لأنو يجوذ في المنتدى ما لا يجوذ في غيره...
بعدان يا مهند لاذم تقولو لأبو ذاد: تقبر كذاذي
ادعمنا يا شامي ... ما إلنا غيرك بالأحاديث الملونة...

[الشامي]

السلام عليكم جميعا ...

والله أحسد الشعراء على هذه الموهبة ... وخللوها أخوية.. يحق للشاااااااعر ما لا يحق لغيره... وإلا كيف سيعبر عما يجول في خاطره...؟؟ ..والهجاء بالهجاء والمديح بالمديح... وكلنا ضمن الأدب .. بس هون شعر ونثر ووو ...

خللوها حُبية...رواه الشامي منيح هيك خيي فشلااااااااااان... يعني على الأقل بيت شعر من بين شفافك ولسانك الأحمر الجميل.. الظاهر انو ما منستاهل...يالله بسيطة يعني بتضل أحسن من القاسي اللي عم ينادي بتنحيتي من فوق رؤووووووسكم... شو مفكرنا أحسن من الزعمااااااااء.. على الكرسي لحتى يتكسروا اجريه.. واللي بدو يغلط بدي سلط عليه الفشلان.. وشفرات المهند... يا أهلين بالشباب...

أخوكم

[فشلان]

شو بلشت الحرب عليي يا قاسي.. ليش يا حبوب عم تقسى على قلبي الضعيف... أنا كل عمري بشد الضهر فيك...
إنت لاحظت مثل ما أنا لاحظت إنو فجأة ظهر أبو جاد.. وما إلو ولا شغلة ولا عملة غير يستهدفني.. إذا مش ملاحظ.. فيك تشوف مشاركات أبو جاد.. وتتأكد بنفسك.. لأني أنا لما اخترت إني رد عليه..عملت هيك.. ووجدت إنو كان مشارك قبل هالمرة بمشاركتين بسيطين. أما الآن فحامل السيف ومبلش فيني.. شو مفكرني خاروف ناطر حتى يدبحني... لأ معليش.. كبيرة عليه... وقولة ما بقولو: لا تنام بين القبور ولا تشوف منامات بتفزع.. ما حدا طلب منو يهاجمني بهالشكل... ولا أنا حيطي واطي..

أنا وأعوذ بالله من كلمة أنا بعطي فرصة على طول... مثل ما عملت مع السيف أبو شفرة.. ومن هالمنطلق رح اعتبر إنو مهاجمتك لإلي.. كانت متسرعة.. أما إذا بلاقي عكس ذلك.. فما تلومو إلا نفسكم...

وحاجة تشغل راسك... وتحسب الأوقات والساعات يلي بطلع فيها على الإنترنت... فيك تخلي حدا يمرق بعد الصبح يدور على البيوت يلي ضاوية... أكيد رح يكون بيتي من بيناتن... يعني بتسهل عليك البحث نتفة...

بس على كل حال... دووووووووووووووووووع

[فشلان]

على كل حال أنا عرفت مينو أبو جاد... لما سأل عديلو عن التعدد.... وأنا بالفعل بحترم هادا الشخص... بس هو يلي شن الحرب... وأنا بدوري رح دافع... نعم رح دافع....

[أبو جاد]

بارك الله بكم ياشباب . شو ياسيد فشلان عفوا على الكتابه الغير صحيحه . للاسف كان الجهاز الموجود عندي كا لا يوجد فيه عربي . ولكني غيرتو كرمالك .يا أخ فشلان موش ملاحظ أنو الأخواة رفعو العلم الأبيض و بطلو يكتبو شي . والله يا معلم شيفلك أنك سكتن بأقوالك و شعرك النير و الله معو حق الشامي يغنجك أكتر من هيك . بس أرجو من الأخواة مايخلو الفشلان يكون فرحان بحالو و أرجو منهن المشاركه بقوه

[المهند]

شو قصدك يا فشلان انو انت عطيتنى فرصة ؟!! وعلى شو كانت الفرصة؟!!! ليك انا منى ابو جاد ولا هارد ها!! يعنى تأنى كتير معى!!روح فشلن عكل العالم الا عليي!! و على العموم ازا انت قررت تردلو تارو لخالك تو ام ابو اخو ست دملوك " الله يرحم التراب يلى نزل عليه بعد ما دفنتوا وكفنتوا بقصيدتى" بتكون واهم كتير وغلطان كتير يا صاحبي لانو انا ما بتمشى معى قصة التارات والقبضايات يا حبيب ستك!!يعنى خليك بيلي قدك احسنلك!!وبتعرف انت انو سيفي أعمى مابيشوف لما بيتهاوى بلمعتو هو وعم يقص الرقابي!! يعنى لقد كان لك في دملوك عبرة!! وما تعود المهند يوما أن يخلف بوعده ولا وعيده!!وقد اعذر من أنذر

[فشلان]

يا ماما.. يا ماما خبيني... المهند معو سيف من قصب... بدو يهويلي فيه... بس أنا بردان.. ما بدي حدا يهويلي...

ليك يا معلم... أول الشي روح خود كم ساعة Dictée بالعربي عند الإستاذ إحسان.. بعدان تعا لعنا.. منشوف كنو منسمعلك شو عم تحكي... إذا بيتين ونص كان فيهم 88 غلطة..

يا حبيبي نحنا ما عنا وقت نضيعو.. ومش جايين هون نعلم صف الروضة إملاء... يالله لما بتلاقي حالك صرت قد المقام.. تبقى شرفنا...

[المهند]

والله يا شيخ عمر فكرة حلوة ازا قصيدة بتخلى العلاقة تقوى بين شخصين كتر خير الله!!يعنى هلء فشلان بيعمل قصيدة غزل لفشلامة ومنرتاح منو ومنبطل نسمع صياحو هون او كمان بركى بيبطل يتشهشأ بالبكي على خالو دملوك!! فكرتك حلوةوالله!!!! بعدين يا خيي اخوك الفشلان حاسومتخوف منى ماكون عم اعملو قصيدة هاجاء وبالش يعمل مناورات دفاعية ووقائية لصد الهجوم بالوقت يلى انا ناسى انو فى حدا اسمو فشلان عم يحوم فوق راسى متل البرغشة عم يطنطن ! ساعة بيقولى معملك قديم ومن ايام ست ستى!! وساعة سيفك مكسر !!يعنى ماناقص بعدشوى الا يقولى دخيل الله ما تهجينى يا مهند لانى رح اعملا بتيابى!!هههههههههه بالمناسبة يا فشلونى سلملى عستك الله يرحما طيبة وميتة!! وانا ما بهجى حدا الا ما بتطاول عليي ويتجاوز الخط الاحمر وما سوى ذلك فانا انسان كتير ديموقراطى وسيفى ما بينسل للا ليقطع مش ليداهن!!ويلعب!!

[عمر ملاط]

يا شباب معليش ما حدا يزعل...
بس أنا اضطررت آسفاً لأن أعدل بعض الأبيات التي ورد فيها كلام بذيء نوعاً ما... وأرى أن يقتصر الأمر على الهجاء دون ألفاظ وتشابيه غير لائقة... وحبذا لو ندخل الآن في مجال الغزل... يالله بركا بتتصلح أموركم مثل ما اصطلحت معي.. بس لا حدا يفهم إنها كانت منزوعة أحوالي قبل القصيدة... كانت تمام التمام