اقتباس المشاركة الأصلية كتبت بواسطة Nadine مشاهدة المشاركة
لم يثبت من طريق صحيح أن أبا لهب فرح بولادة النبي صلى الله عليه وسلم ولا أنه أعتق ثويبة لأنها بشرته بالنبي صلى الله عليه وسلم ، ومن ادعى غير ذلك فعليه إقامة الدليل على دعواه ، ولن يجد إلى الدليل الصحيح سبيلاً .
ثانيا :أن الله قد أخبر أن أعمال الكفار حابطة . فقال : ( وقدمنا إلى ما عملوا من عمل فجعلناه هباءً منثوراً ) وفي هذه الآية دليل على أن أبا لهب لا ينتفع بفرحه بمولد النبي صلى الله عليه وسلم ; بشيء لأن الله قد جعل عمله هباءً منثوراً
نصوص القرآن دالة دلالة قطعية على أن العذاب لا يخفف عن الكفار كقوله سبحانه ( ولا يخفف عنهم من عذابها كذلك نجزي كل كفور )

ماذا تقصد ب عندكم وهل انت منا ام لا؟
أول الشي عندكم... لا أقصد بها عامة المسلمين أكيد... على مهلك عليي.. رح تكفريني.. يرضى عليك.... إنما أقصد أنتم أصحاب مذهب: المولد حرام... وأنا كما قلت لك.. لا أذكر أني مرة حضرت احتفالاً بمناسبة المولد... ولكن لا أبهدلهم...
أما بالنسبة لموضوع الآية التي قدمتيها.. فهي عامة جداً ولا دليل فيها... فما بالك بمن دخلت الجنة، أو ما بعرف شو لأنها سقت كلباً... أو أطعمت هرة... يعني بدك لا تواخذيني ماني حافظ كتير شغلات.. بس بعرف من قريبو.... ومش عطول الآية العامة بتعني إنو ما في استثناء...
وأنا الحقيقة مش قادر اعمل مثل ما بتعملو وجيب الحديث بأي صفحة وأي سطر ... معلوماتي على قدي.. بس سامع هالكلام قبل هلأ... ولو رحت لعند شيخ من يلي بوافق على المولد أكيد بجيبلي أحاديث وآيات...
يا أخت نادين الخلاف بالدين موجود وغصبن عنا... بس المطلوب إنو ما الواحد إذا اقتنع بشي يبلش دبح بالباقيين... يا أختي ما تحضري مولد.... بس على نتفة إسا بتفوتوهم على النار....
لأنو عم يعملو كبائر... وشرك...
أكيد ما قصدي على الصوفية الخوتان.. أنا عم حكيكي مثلاً عن ناس مفترض إنو يكونوا بيفهمو على أساس... يمكن ما يعجبوكي.. بس مثلاً يلي بيمشو مع الجماعة الإسلامية بيعملو أحيان احتفالات بمناسبة المولد... لا بيشركو فيها ولا بيرقصو وبيدورو... أنا عن هادول عم احكي... أما هادوليك فأكيد عملهم خطأ ولا شك....