السلام عليكم...
أول شغلة عندي سؤال ؟؟ انتو لما رحتوا على صيدا لحتى تتسبحوا ، رحتوا وحدكم ولا خدتوا معكم محارم ؟؟؟
أهلاً بالريس...
أهلاً أيمن....
نحنا لما رحنا عصيدا , رحنا مع رابطة الطلاب المسلمين_ نادي الايمان_.
بلا محارم....ليش نحنا رايحين ننام هونيك؟
رحنا قضّينا النهار...غيرنا جو...(مع الولاد المتسجلين بالنادي) وكان نص أهلي ورفقاتي رايحين
تاني شي ليش هيك معصبة وشكلك كرهانة حالك و.... يا أختي اضحكي تضحك لك الدنيا .
أنا مني معصبة... بس الواحد أحياناً بيمرق عليه أوقات ما بيكون طايق حالو....
أنا بحب قللك شغلة ، انو منو وحدك بهل الدنيا يلي هيك ، كلنا اتشنطلنا واتعزبنا كتيير بحياتنا ، كل يوم منشوف ألف شخص ، منسمع ألف كلمة حلوة وألف كلمة بشعة ، منضحك للحلوة والبشعة ، ومنخد القصة عفوية ...
صحيح الكل مرق بهالمرحلة انو يتشنطل...بس هلأ دوريتي....
ما بعرفي ليش انتي هيك ناقمة على كل الدنيا ، ولك شوفي غيرك بتهون مصايبك ، وين هالمشكلة الكبيرة اذا ما في مسبح بالقلمون للبنات ؟؟؟
أنا مني ناقمة عحدن. وأكيد لما بيشوف الواحد مصيبة غيرو بتهون علي مصيبتو....
ما في مشكلة أبداً اذا ما في مسبح....هلأ وقفت عهالشغلة؟
بعدين شعم يعمل بور سمير؟؟؟؟
أنا حطيت هالمثل متل فكرة لبلش بموضوعي وبس...

انتو حقكون يكون في مسبح ، بس واذا ما كان فيه وين المشكل ؟؟؟؟؟؟؟ حملو حالكم ونزلو على بور سمير بكير ، وسبحو مع المحافظة على اللباس ، واذا بتعرفوا اتسوقوا نزلوا بسيارة بكون أحسلكم .
ما في مشكلة...
نحنا الحمد لله محافظين عاللباس....ومنعرف نسوق, بس ليش؟ ما بور سمير فشخة عبيتنا.
وشكراً لكم....