أول شي ، بحب رحّب بالست نارا ، وما بتبقي اطولي علينا هيك يا أختي .
أنا برأيي المشرفين هنة يلي أسسوا هالعمل ، وسياستهم منذ البداية كانت ناجحة ، وهي يلي أددت إلى توسع المنتدى ، وسلوك مسارا تصاعديا .
المشرفين هنة ذاتهم ، ما اتغيير فيهم شي بنوب ، ولا أفكارهم ما اتغييرت ، بس يلي صار انو الناس يلي بتفوت على المنتدى كترت .
المشكلة انو في ناس ما بتعرف تحكي مع الناس ، يعني الواحد فايت مفكر حالوا عم يحكي مع رفيقوا يلي صرلوا بيعرفوا 15 سنة -وإن كنت أعارض فقدان الإحترام بين الرفاق بحجة المزح- هون في ناس جداد عم نحكي معهم ونتعرف عليون وعلى أفكارهم ، أحيان منجرب نمزح وأحيان منجرب نكون جديين وأحيان ..........
المشكلة الكبرى هي لما واحد بجي بدو يتذاكى على غيرو ، يعني أنا أكتر شي بكرهوا لما واحد بدو يضحك الناس ويظهر حالوا على حساب غيروا ، يعني أنا بيد اسأل سؤال ، فرضا شخص عرف مينوا دوكر مثلا وفات على المنتدى وقال دوكر هو فلان ، وانبسطوا منو الأعضاء انو قدر عرف ، بس نفس الوقت دوكر زعل وبطّل يفوت على المنتدى شو استفدنا ؟؟؟؟؟؟
أنا الهضامة على حساب أعراض الآخرين كتيير بكرهها ، ونفس الشي تزكية الأنفس على حساب الآخرين ، ونفس الشي الاتهامات الزور و........
وفي شغلة كتيير بتزعج وهي انو في ناس بتفوت على المنتدى لحتى اتغني موال ، وكل مرّة بحطولنا نفس الشريط وما حلهم يغيروا بقا ، أنا ان شاء الله كون عم ناقش مع أبو جهل ما في قدني بنبسط لأن بخد وبعطي معو ، بس هون الواحد بيحكي فكرة وبفكر حالوا عم يناقش مع أناس تتفاعل مع الحوار والكلام وبيتفاجئ انو واقف قدام مسجلة .
أنا بتمنى انو يكون عنا ناس متل أبو جهل ، بتقتنع بفكرتها لأنها متيقنة منها ، مش لأجاندات خارجية ، ومصالح مالية و....
وفيما يخص المنتدى ، أنا برأيي انو الألوان لازم تتغير ، ما بعرف المنتدى كيف مبرمجينوا بس فيكم تعملوا بغيير الألوان حسب الأشهر ، يعني مثلا بالربيع لون شكل والصيف لون تاني و... بتنعمل بالphp بسهولة وأكيد الشباب يلي معكون بيقدروا عليها .
بدنا باننرات جديدة ، بدنا مشاركات المشرفين ، بعدين ما عندكم مشرفات غير ساميا وناديين ؟؟؟ مع انهم مكفيين وموفيين الله يبارك فيون ، بس اذا كان في كم صبية لسا ما بضروا .
أنا من ناحيتي برشح الست نارا ، والست لينا كركر والشنزيمر والست دانيا ....
رد مع اقتباس
