شاركنا بحلّ مشكلة القلمون...!!!

[lina k]

اخوتي الطريق للحل هي النشاطات المختلفة التي عن طريقها تلج الى العقول و تحبب الناس بخلق معين او بفكرة وتبعدها قدر الامكان عن ما تفضلت به الاخت ام سفيان مع بعض التحفظ يعني الكلام للاسف ماكتير بهذه الايام بينفع بدنا مبادرات ومحفزات
مثال : الولد مستعد يضل على البليستيشن او الاكس بوكس طول اليوم اما العبرة هي انه يجب ابتكار افكار ونشاطات تجذب متل هذا النوع من الاولاد حتى يحبوك اكتر من اللعبة او يحس حالو مرتاح وفرحان واكيد اذا مافي تشجيع من الاهل فصعبه كتير ينجذب الولد والله اعلم .

سلام,فعلا هذا هو الرأي الصائب ولكن المشكلة أنّ النشاطات التي تحدث في القلمون تعود لفرقة معينة مما يؤدي إلى نفور الفتيات ويرفضن المشاركة في أيّ نشاط فقط لسبب بسيط أنه يخصّ فرقة معيّنة.للأسف,هذه هي الفكرة السائدة في القلمون.لذلك من وجهة نظري,فالحلّ المناسب هو بالدعوة ولكن بأساليب خفية ومن أشخاص ملتزمين لا يتبعون لأيّ فرقة كي يزرعوا الثقة في النفوس.وأيضا يجب بالتأكيد القيام بالنشاطات ولكن دون معرفة أو نشر الجهة الراعية بشكل مباشر .ويجب أن تقام هذه النشاطات كلّها في أماكن جديدة غير فلامينغو وأجيال(مع إحترامي الشديد)ولكن هذه الأماكن باتت مصدر شكّ في قلوب بعض الفتيات عامة والأهالي خاصة.
عندما نقوم بهذه الأشياء عندها سنجد مبادرات ومشاركات من كلّ فتيات القلمون وليس من فرقة منهم.
هذا هو رأيي الشخصي وأتمنى أن يتنفّذ على أرض الواقع.

[مصطفى معتوق]

يا لينا كلامك منطقي بس صعب انو يتحقق .

انا وبعد خبرة بالسياسة والاحزاب بحب اني الفتلك نظرك انو 90 % من الجمعيلت او الفرق او المنظمات او الجماعات سميها متل ما بدك لمن بدها تقوم بنشاط بيكون همها الاول والاخير الاعلان عن وجودها او عن تفوقها من باب انو_ انا موجود انا اعمل _
اما الطوباوية يلي عم تطرحيها بالعمل الاجتماعي من خلال الاهتمام بجوهر العمل ونتائجه فبعتقد صعبة لا بل تكاد تكون مستحيلة انها تصدر عن جماعة لها غاية سياسية . وامكانية انك توجدي مجموعة عمل تعمل على ايصال فكرة دون هدف سياسي كتير ضعيفة الا ازا كانت مجموعة من الاصدقاء على غرار المجموعة المعروفة بالقلمون ( الشانزيمر ) .
اما انك تجيبي مجموعة عندها هدف سياسي وتقوليلهن اشتغلو شغل اجتماعي ف 90 % من التجارب كانت فاشلة والاعمال الاجتماعية متل الدعوة او غيرها كانت تقتصر على الافراد والاعضاء والمقربين فقط لا غير .

[سحر الشرق]

حبيبتي لينا
الاهل بيلعبو دور كتير كبير بسلوك ابناءهن وانحرافهن وكمان ما لازم ننسى دور المدرسة يلي هية البيت التاني للولد يلي بيقضي فيه نص وقته
يعني الاهل لازم يعرفو يختاروا البيت التاني يلي عم بيبعتو الولد عليه ويساعدهن بتربية ابنهن او بنتهن
بالبيت في تربية بس البيت والمدرسو هم مكملين لبعض وما حدن يقلي اي معليش بحطهن بمدرسة مسيحية وانا بعلمهن دين بلبيت فبقلكن لا هيدا غلط لان المدرسة بتشربهن كل شي ماو بس الدين
المهم هيدي اول نقطة بس النقطة التانية يلي بدي احكي فيها انه البنت وكل بنت لازم تحاول تساعد غيرها كيف رخ قلكن
يعني من واجبي انا كفتاة مسلمة بعرف ديني اني لما شوف بنت بضيعتي غلط او عم تنحرف او الحكي عم يكتر عليها اني اتقرب منها انصحها وصدقوني والله انه في كتير بنات عنجد ممكن يكونو سلكو طريق غلط بس بمجؤد انك تحكي معها بتلاقيها لانت وتقبلت كلامك ويا بخت مين قدرت تصلح بنت واجرها عند ربها اكيد ما بينعد ولا بيحصى من الحسنات
حاولو جربو تتقربوا من البنات يلي عم نشوفهن قدامنا عم بيضيعوا وما تعملو متل غيركن وتبعدوا وتقولو لا شبدنا بهلشغلة وما بدنا وجع راس وبكرة اذا حدن شافنا معها بيحكي علينا صدقوني هيدا غلط لان البنت المحترمة معروفة وحاولو تساعدو غيركن
وفي حديث عن الرسول اللهم صلي عليه بيقول : من راى منكم منكرا فليغيره بيده فان لم يستطع فبلسانه فان لم يستطع فبقلبه وهذا اضعف الايمان ) يا ريت كلنا نفكر منيح بهلكلام من خير الخلق وصدقوني كتير شغلات رح تتغير بضيعتنا اذا كل واحد فكر وعمل بهلطريقة
نحنا يا شباب ويا بنات واللهي ما النا الا بعض وبحاجة لبعض فما تخلو الضغينة وحب النفس والغيرة والحقد يفرقكن هيدا كله من الشيطان بعدوا الشيطان وحبوا بعض وخافوا على بعض لانه كلنا قرايبين وكلنا اهل ويلي بيحكي على بنت ضيعتي يعني عم يحكي عليي فبحاول احميها واتقرب منها وجرب معها مرة وتنين وتلاتة والا ما انجح افضل بكتير من اني قول يا رب نفسي وامشي
يا رب ما كون كترت حكيي واذا اخطئت فمن نفسي واذا اصبت فهذا من عند الله
وكلامي موجه للطرفين الشباب والبنات وان كنت عطيت المثل عن البنات

[مصطفى معتوق]

سؤال ؟؟

هل انت نفس سحر الشرق يلي كانت عم تخوض حرب ضروس بموضوع المستوصف ؟؟؟؟

[lina k]

سلام,كلامكم صحيح ولكن ما أردت قوله هو أن تكون النشاطات بإسم فتيات لا ينتمين لا لأحزاب سياسية ولا لأحزاب دينية.بصراحة,لديّ صديقات من تيار المستقبل وأخريات من أجيال وأخريات من الجماعة و.....وفتيات بعيدات عن الدين و.....وأعرف تفكيرهنّ بشكل واضح.ولا يمكن التقريب بينهنّ إلا من خلال فتيات ملتزمات غير منتميات لفرقة دينية أو سياسية معينة وهدفهنّ مساعدة الناس فقط.وأنا وبصراحة أعترض على الأعمال والنشاطات التي تقام في سبيل الترويج لجمعية معيّنة أو حزب معيّن.فعندما نقوم بالمساعدة في سبيل الدين لا يجب علينا التفكير سوى بمصالح الدين والناس وليس مصالحنا وشهرتنا.
أعلم أنّ أفكاري خيالية ولكننيّ أحاول تنفيذها ولو بقدر قليل.
شكرا لكم..

[سحر الشرق]

سلام,كلامكم صحيح ولكن ما أردت قوله هو أن تكون النشاطات بإسم فتيات لا ينتمين لا لأحزاب سياسية ولا لأحزاب دينية.بصراحة,لديّ صديقات من تيار المستقبل وأخريات من أجيال وأخريات من الجماعة و.....وفتيات بعيدات عن الدين و.....وأعرف تفكيرهنّ بشكل واضح.ولا يمكن التقريب بينهنّ إلا من خلال فتيات ملتزمات غير منتميات لفرقة دينية أو سياسية معينة وهدفهنّ مساعدة الناس فقط.وأنا وبصراحة أعترض على الأعمال والنشاطات التي تقام في سبيل الترويج لجمعية معيّنة أو حزب معيّن.فعندما نقوم بالمساعدة في سبيل الدين لا يجب علينا التفكير سوى بمصالح الدين والناس وليس مصالحنا وشهرتنا.
أعلم أنّ أفكاري خيالية ولكننيّ أحاول تنفيذها ولو بقدر قليل.
شكرا لكم..

يا اخت لينا كلامك صح لان الجماعات يلي بتنتمي ما فيكي تنتظري منها انها تعطي بكل شفافية ومحبة لان بالنهاية هية مسيرة وغير مخييرة ودايما الهدف مش بيكون لوجه الله بس
اما بالنسبة لرأيي انه الواحد ما بنتظر انه يكون جماعة او فرقة حتى يشتغل من خلالها يعني انا برايي انه كل واحد ينطلق من نفسه وما ينتظر حدن يسانده او يساعده
انا شفت غلط لازم ما انطر حدن دغري اسعى لعمل واجبي اتجاه الشخص
وصدقيني لما انتي تجي تتقربي من بنت بشكل شخصي وشوي شوي تمرقيلها وتوعيها رح تنجحي اكتر بكتير من انك تطحشي عليها بفرقة ودعوة ودين وقصص لان ما رح تتقبل منك ابدا ولا ممكن انها تسمعك
كل واحدة منا لازم تتصرف وحدها وما تنطر غيرها واذا كل واحد منا فكر هيك صدقوني رح ننجح وبالاخر رح نلاقي نفسنا كلنا جماعة واحدة عم تشتغل لهدف واحد ورح نغير ونتغير كتير وضيعتنا واللهي هية وناسها بيستاهلو انه نتعب شوي ونكرس شوي من وقتنا كرمالهن ورربنا ما بينسى عباده وكان الله في عون العبد ما دام العبد في عون اخيه
واهم شئ هو اللين بالمعاملة لانه(لو كنت فظا غليظ القلب لانفضوا من حولك )

[lina k]

هذا ما أردت إضافته الآن"لو كنت فظا غليظ القلب لانفضوا من حولك" ولكنك سبقتني.
مشكورة على الردّ.

[سحر الشرق]

سؤال ؟؟

هل انت نفس سحر الشرق يلي كانت عم تخوض حرب ضروس بموضوع المستوصف ؟؟؟؟

اخي معتوق
انا سحر الشرق وسواء هوني ولا بموضوع المستوصف ارائي واحده ومبادئي واحده وانا عنجد ما فيني فكر الا بنفس الطريقة يمكن البعض ما فهمني بموضوع المستوصف بس انا واللهي ما كذبت بولا حرف ولا فتريت ولا جبت شي من عندي ولا لمصلحة حدن ولا بنتمي لحدن بس هيدا الحق يلي انا شفته وبشهد عليه وقلته ووضحته ولو على قطع رقبتي ما فيني قول علغلط صح ابدا لو ايش ما كان الثمن
بتمنى انه بالمستقبل تعرفوني اكتران شاء الله واذا اناغلط مع حدن فبتمنى انه يقلي لان منو غلط انه نغلط بس الغلط انه ما حدن ينبهنا على غلطنا وانه ما نصلحه ومن واجبي انا كمان انه اذا شفت غلط اني قوله لان الدين النصيحة

[lina k]

سلام,أشكر الأخت"سحر الشرق"على هذا الكلام الرائع.ولكن أرجو من جميع الأعضاء الإلتزام بالموضوع الأساسيّ وعدم طرح أسئلة خارجة عنه.
أرجو تقبّل هذا الإنتقاد فهو في صالح خدمة المنتدى وتطويره.