شويلي بيعجبنا بالأغاني دعوة للمصارحه

[nana]

و الله رغم أنها حرام ولكن للأسف منسمعها بعض الأحيان للترويح عن النفس، بس إذا هيك أعتقد لازم الواحد يحمل ستيريو ويمشي في

خطوة حسنة ولكن مساوئها أن ياما مكسر CDs وراجع شاري غيرهم ،الله يهدينا ويهدي الجميع بس الحمدلله من النوادر لأسمع.

أنا بسمع مش انو مابسمع بس عنجد لازم نلاقي بدائل حتى ننسى الأغاني
منو الشيطان مسيطر سيطرة كامله واحنا عاطينو مجال بيهل شيء
الله يهدينا ويرحمنا برحمتو قولو آمين .................أمين

[أم سفيان]

أجمل موضوع أقرؤه من شهور جزاك الله خيرا أختي نارا على النصيحة وبارك فيك

[دوكر]

يا هلا بالست نارا...........
يعطيكي العافية موضوع رائع.............
و متل ما ؤال المعلم حميطون.....في اناشيد.......بتحكي بكل المواضيع....و بتناسب كل الازواء.........في تنوع هائل بالاناشيد اكتر من الاغاني...........
الله يهدنا جميعا.............
يسلمو........

[moustafa]

موضوع حلو كتير.... بس متل ما قالو يللي قبلي إنو الأناشيد بتكفي و بتوفي... و في أناشيد لجميع الأحجام(كبير و صغير) و لكلّ العالم بشكل مختصر........المهمّ كتير منيح إنو يعرف الواحد ليش بيسمع أغاني.... بس للأسف في واحدين من يللي بيسمعوا أغاني ... بفكّرو حالهم عم يعملو نكاية بالدين و بالمسلمين... بس هيدال ما في داعي إحكي عنهم ... لأنّ ما حدا بأييدهم بالمنتدى أكيد....و في أنواع و أشكال... و في يللي بيفهمو و بيسمعو أغاني.. هيدال ما بتفرق معهم .. المهمّ يسمعو شي حلو.. فيعني فيهم يبدلو الأغاني بالأناشيد ...
ملاحظة: في هذه الأيام يوجد أناشيد بموسيقى... ما بعرف هيدي شو حكمها!!! بس أنا ما بسمعها و لا بفكّر إسمعها ...و ما بحبّذ إنو حدا يسمعهم.. و في أناشيد أشكال و أنواع من يللي ما بتنسمع... المهمّ ما رح غيّر الموضوع........
مشكورة أختي الكريمة نارا على الموضوع القيّم.... الله يبارك فيك و يجزيك الخير و يبعدك عن الأغاني و مساوئها و يقرّبك من الأناشيد و حسائنها.....

[الزاهر]

في هذه الحالة......أنصح باناشيد أبو الجود......لأنها عالجت كل جه من جهات حياة الانسان.....الحزن.....الفرح.....الكرب......السعادة ......النجاح.....الأمة.....الجهاد......اللي بدكم ياه

وهو المؤلف....والمنشد......والملحن.....يعني روعة على روعة!!!!
وحاليا صار عندي كل اناشيدو صوت......ونص!!!!!
اللي بدو شي ......أهلا وسهلا!!

سلام

[الريس]

أنا بصراحة بالفترة الأخيرة صرت عم خفف كتير من سماع الأغاني ، يمكن بالأول كنت ما اقرأ قرآن كتيير لأن كنت ما افهم المعاني بشكل تفصيلي ، يعني كنت افهم الموضوع بشكل عام ما أكتر مثلا آية (مثلهم كمثل الذي استوقد نارا فلما أضائت ما حوله ذهب الله بنورهم وتركهم في ظلمات لا يبصرون) كنت اقرأها واتخيل ناس ونار مضوية ورجعت انطفت و... بس هلأ صرت اتخيل أبعادها وما بين السطور وخاصة اني عم شوف هكذا ناس في حياتي وفي المنتدى وعلى التلفاز و...

أهم شغلة بتححبنا بالقرآن هو انو نستشعر انو كلام ربنا ونفهموا منيح ، اتصور حالك انت الإنسان الضعيف يلي ما بتطلع شي بهذه الدنيا ، اتصور انو ربنا عم يحكيك ، اتصور حالك عم تقرأ الكلام يلي كان يقرأو النبي صلى الله عليه وسلّم وأبو بكر وعمر و.... وأكترية أهل الجنة كانوا يقرأو قرآن -قلت أكترية ولم أقل كلّ لأن كان في ناس قبل الإسلام على عقيدة التوحيد و...- أنا بعتبر القرآن انو كتابي أنا والناس يلي بتحمل مبادئي وأفكاري .

ودائما لما منقرا خلينا انحاول نوصل معنى الآية بيلي قبلها ، ما اصدي حدا يطلع بتفسير من عندو وكل واحد يفسر القرآن على ذوقوا ، اقرأو تفسير للسورة بعدين عدوا على رواق اقروا وفكروا فيها ، ورح تشوفوها عايشة معكون بحياتكم اليومية .

الإنسان يلي بيسمع أغاني بيسمعهم لأن بمثلولوا حالتوا الغرامية أو الإعجابية أو الجغلية أو ... أما الإنسان يلي بيسمع قرآن لأن بكون عم يأيبل على الصح بين كلام ربه ، بكون عم بتعرف على الحقائق من خالقها ....

موضوعك كتير حلو يا ست نارا ، الله يجعلوا في ميزان حسناتك ، بدي منك اتشدي همتك على الأغاني واتبطليها ، وأنا من ناحيتي وإن كنت ما بسمع إلا نوادر بوعد إني رح بطلها نهائيا .

[Nader 3:16]

(ملاحظة: في هذه الأيام يوجد أناشيد بموسيقى... ما بعرف هيدي شو حكمها!!! بس أنا ما بسمعها و لا بفكّر إسمعها ...و ما بحبّذ إنو حدا يسمعهم.. و في أناشيد أشكال و أنواع من يللي ما بتنسمع... المهمّ ما رح غيّر الموضوع........)

اكيد يا ابو صطيف و شو اسمك من السمعية......... يعني و كمان مو كل الاناشيد بتنسمع...
مثلاً ابو الجود و ابو دجانة لا يعلى عليهم..... اماّ فرق الرقص الحاليه يلي بتسمي حالها فرق انشادية ...فما بدي جب اسمعها ابداً....

و شكراً على الموضوع المفيد

[nana]

موضوعك كتير حلو يا ست نارا ، الله يجعلوا في ميزان حسناتك ، بدي منك اتشدي همتك على الأغاني واتبطليها ، وأنا من ناحيتي وإن كنت ما بسمع إلا نوادر بوعد إني رح بطلها نهائيا .[/quote]


أن شاء الله منبطل سماع الإغاني يالله تعا نتحدى مين بيسبق التاني وشرط انك توفي بوعدك انو ماتسمع اواسمع او نسمع الاغاني شور رأيك

[محمد أحمد الفلو]

(مثلهم كمثل الذي استوقد نارا فلما أضائت ما حوله ذهب الله بنورهم وتركهم في ظلمات لا يبصرون) كنت اقرأها واتخيل ناس ونار مضوية ورجعت انطفت و... بس هلأ صرت اتخيل أبعادها وما بين السطور وخاصة اني عم شوف هكذا ناس في حياتي وفي المنتدى وعلى التلفاز و...

يا .

الهدف إنك تستشعر إنو الكلام موجه لاك أولاً .........
مش الهدف تقيم الناس .... وكل آيه عمين بتنطبق ......
أول شي ... وأهم شي تعرضا على نفسك وشخصيتك وسلوكك ... وتشوف شلازم تظبط بحالك
إن شاء الله ينفهم قصدي

والله يعينا عالتطبيق

[عبد الله]

الموضوع يحمل هدف جميل لكن الأجمل هو ان نحقق هذا الهدف .
شكرا على الموضوع

[nana]

الموضوع يحمل هدف جميل لكن الأجمل هو ان نحقق هذا الهدف .
شكرا على الموضوع

شكرا لمرورك

[nana]

أجمل موضوع أقرؤه من شهور جزاك الله خيرا أختي نارا على النصيحة وبارك فيك

شكرا لمرورك أخت أم سفيان