كان يا ما كانْ...!!!

كان يا ما كانْ
اسمعوا يا إخوانْ
هَيدي القُصة إلكُنْ
صايرة بْهزمانْ

كان في شبْ عم يخطبْ
بنت من البناتْ
وطلّعوا من عندا
بعداد الأمواتْ

طلبوا منوّ شقّةْ
وفوقا مصرياتْ
وآلولو يكتبلا
كلّ الممتلكاتْ

والعرس بدوّ يكونْ
بأفخم الصالاتْ
وفستان العروسْ
مطرّز بالألماسْ

وما لازم ينسى إمّا للعروسْ
ويْجِبلا فستان,سْكربينة وجزدانْ
وإلاّ بْتُنْخُرْ راسو هيِ متل السوّسْ
وبتحوّلو فرَحو لكومة أحزانْ

وهُوّا هالمسكينْ
صافن وجمدانْ
وهِنّي مش سائلينْ
غير عن الطلباتْ

وكان يا ما كانْ
وسلام يا إخوانْ
هيدي القصة إلكنْ
تتفهموا الزمانْ