نرجو عدم رفع الكلفة بين الإخوة والأخوات

[روعة]

السلام عليكم ورحمة الله وبركاته

يدخل الواحد منتدى قريتنا العزيزة ليجد مناقشات شخصية بين الإخوة والأخوات,

يا إخوة,

الفتيات اللواتي تدخلون في خصوصياتهن لا وبل تجرحونهن احياناً هن أخواتكن في الله فعاملوهن معاملة الإسلام: معاملة الرسول صلى الله عليه وسلم:

إن أخطأن فالنصيحة بالحسنى وإن أحسن فدعاء بظهر الغيب يكفي.

والمنتدى لا يسمح برفع الكلفة بين الإخوة والأخوات لأنه ليس من الإسلام في شيء( إن كان كلامي فيه خطأ فليصوبني المشرفون الذين وضعوا تصوراً لقوانين المنتدى)


وأخيراً أعود فأقول:

نرجو عدم رفع الكلفة بين الإخوة والأخوات

[الزاهر]

وهي امضائي عالعريضة!!!!

[دوكر]

يا هلا بالست روعة..............يا اخت روعة ......معك حء بالي عم تؤلاي...........بس بدك مين يسمع.............يا ست روعة........نحنا لأنا عارفين انو هنا اخواتنا من شان هيكا عم نحكي ..................
يا ست روعة ..........نحنا منا عم نرفع الكلفة............بس كمان في طس عم نوكلو كل فترة ........يعني نحنا عم نتحمل الكلام لي احيان بنحكى و بكون مؤصود فاي بعض الشباب الطيبة ...بس الواحد ما بدلو ساكت لأنو انتو بنات........
بس هل رفع الكلفة بوجب علينا ما ننصح.....يمكن معك حء البعض منا عندو اسلوب شوية مبعرف كيف .....قاسي .....بس هل الشي ما بحتم انو النصيحة صارت غلط............الغلط بالاسلوب...........طيب تكرمي ح نزبط الاسلوب شوية................

و كمان بتمنى عليكي تابع الموضوع..........ازا ممكن............

و هلا بالمعلم زاهر..........ززالله يبارك فيك ع توقيعك....بس ان شاء الله تكون أريت ابل نا تمضي....................

يعطيكن العافية..............

اخوكم دوكر المعوكر............

[روعة]

حتى الأخوات أطلب منهن عدم رفع الكلفة مع الشباب.

وبالنسبة لمتابعة المواضيع فأنا أفعل حين يكون النت متوفراً.

[almuslim]

السلام عليكم

يظهر أن "الكلفة" رفعت مع اللغة العربية أيضاً !

يا هلا بالست روعة..............يا اخت روعة ......معك حء بالي عم تؤلاي...........بس بدك مين يسمع.............يا ست روعة........نحنا لأنا عارفين انو هنا اخواتنا من شان هيكا عم نحكي ..................
يا ست روعة ..........نحنا منا عم نرفع الكلفة............بس كمان في طس عم نوكلو كل فترة ........يعني نحنا عم نتحمل الكلام لي احيان بنحكى و بكون مؤصود فاي بعض الشباب الطيبة ...بس الواحد ما بدلو ساكت لأنو انتو بنات........
بس هل رفع الكلفة بوجب علينا ما ننصح.....يمكن معك حء البعض منا عندو اسلوب شوية مبعرف كيف .....قاسي .....بس هل الشي ما بحتم انو النصيحة صارت غلط............الغلط بالاسلوب...........طيب تكرمي ح نزبط الاسلوب شوية................

و كمان بتمنى عليكي تابع الموضوع..........ازا ممكن............

و هلا بالمعلم زاهر..........ززالله يبارك فيك ع توقيعك....بس ان شاء الله تكون أريت ابل نا تمضي....................

يعطيكن العافية..............

اخوكم دوكر المعوكر............

[دوكر]

يا هلا بالمعلم مسلم...
ما فهمت عليك...بتمنى توضحلي شوية...
يعطيك العافية...

[دوكر]

يا هلا بالمعلم مسلم...
ما فهمت عليك...بتمنى توضحلي شوية...
يعطيك العافية...

[Om Ahmad]

أنا أوافق أختي روعة, الملاحظة في محلّها, و نرجو الإلتزام من الطرفين

[الريس]

موضوع كتيير حلو ، وأنا ضد انو تنرفع الكلفة بين الشب والبنت سواء بالمنتدى أو في غير المنتدى ، وسواء كان الشب معروف أم غير معروف والأمر نفسه بالنسبة للبنت .

ولكن خلونا انفنّد شو هي الحدود يلي عم تحكوا عنها ، خلونا نتوصل لصيغة مشتركة ونمشي على أساسها ، وبتمنى من الأخت سمايا والأخت أم أحمد والأخت أم السعد والأخت لينا والأخ الشامي والأخ معتوق والأخ دوكر وجميع الشباب والصبايا المشاركة في هذا الموضوع ، والإدلاء بآرائهم هنا .


بداية أسئل عدة أسئلة لا لحصر النقاش بهذه الأسئلة ، بل لتكون نقطة انطلاق ، نناقشها ويضيف كل عضو أسئلته واستفساراته التي نناقشها هنا .

ما ضوابط التي يجب أن يعتمدها الشب بردو على البنت ؟؟

ونفس الشي للبنت ، شو لازم تعمل لما بتكون عم اترد على شب ؟؟؟؟

هل كل أنواع المزح ممنوع بين الشب والبنت ؟؟؟؟؟؟

هل تعتبر الرسائلة الخاصة التي هي من شاب إلى فتاة ، أو من فتاة إلى شاب خلوة ؟؟؟؟؟؟

هل يمكن لشب أن يناقش مع فتاة أمور حياتها ، متل شو بتشربي انتي وقاعدة على الكمبيوتر و.. ؟؟؟

وماذا إن كان ذلك بطريقة منضبطة وأمام الملأ ؟؟؟؟؟؟

هل تخفف هذه الشروط في حال كانت المرأة المخاطبة متزوجة ؟؟؟؟

وما درجة القرابة التي يمكن التساهل بها ، والتراخي في مثل هذه الشروط ؟؟؟

ملاحظة هذه أسئلة ، أنتظر من الاخوة والأخوات مناقشتها والحوار حولها ، وان شاء الله سأفند أجوبتي فيما بعد .

[دوكر]

يا هلا بالمعلم الريس.........
حلو......هادا الموضوع مميز .....ومنيح للنقاش.........
طيب ت نشوف شفنا نؤل........
ما ضوابط التي يجب أن يعتمدها الشب بردو على البنت ؟؟

ونفس الشي للبنت ، شو لازم تعمل لما بتكون عم اترد على شب ؟؟؟؟
هدولي السؤالين من جهتي ح جاوب عليون مع بعضون......لأنو بي هل بعتبر الشب و الصبية لازم يكون عندون نفس التعامل اتجاه بعضون بالمنتدى .....ما بظن انو حدا منون لازم يكون لو صلاحيات اكتر من التاني........
التعامل بين الشب و الصبية لازم يكون منضبط بضوابط الشرع الاسلامي.....و بالكلام لي ضمن نطاق الادب.......انا شخصيا عندي نظرة للمنتدى ع انو متل صف بالمدرسة.......فاي شباب و صبايا.......بصير فاي نقاشات و حكي......محدا بجي و بؤلك انو الدين ب يؤمرك انو تزردا عبسة وما تتعاطا مع البنات......او هي تعد مكشرة طول الوءت و ما تحكي مع حدا.....و كمان ما بؤلك استلم دفة الحكي.....و النكت.....و طول الوءت حكي ما لو طعمة.....و ملو لزمة..........و تشهشء من الدحك.........يعني بدو يكون في عدل........بتحكي الكلام اللازم.....و ازا مرء شي تعليق حلو بتؤلو.......
و كمان صبي بدو يتعامل مع بنت.....بدو يتزكر انا بنت .....و انو عندا مشاعر اكتر من الشب....بدو يراعي هل الشي.........

هل كل أنواع المزح ممنوع بين الشب والبنت ؟؟؟؟؟؟

يا خي الريس ......ما في تعريفات حالين للمزح عندي.....بس هنا نوعين........المزح التءيل........و المزح المجلوء.........ما في داعي نضرب اكزمبلات.......

هل تعتبر الرسائلة الخاصة التي هي من شاب إلى فتاة ، أو من فتاة إلى شاب خلوة ؟؟؟؟؟؟

انا لي بظنو ....حسب رأئ انو....هل الشغلة بنءيسة حسب الرسالة....يعني......ازا ما لها لزمة......والكلام لي فيا ملو داعي ينحكى ......فا هادا صار شي ملو لزمة......
بس ازا الكلام شوية ضروري.....متل نصيحة ....ما في داعي تنحكى ادا الكل بالمنتدى....فا منا مشكلة.....بس بكون من الافضل انا تكون رسالة خاصة جماعية......تنعت للتين ع الاليلة.....يعني يكون في حدا من جهة البنت عارف بالرسالة....او من جهة الشب .......



هل يمكن لشب أن يناقش مع فتاة أمور حياتها ، متل شو بتشربي انتي وقاعدة على الكمبيوتر و.. ؟؟؟

وماذا إن كان ذلك بطريقة منضبطة وأمام الملأ ؟؟؟؟؟؟

تأريبن هدولي جاوبنا عليون........

هل تخفف هذه الشروط في حال كانت المرأة المخاطبة متزوجة ؟؟؟؟

ما بظن انو في داعي تتخفف هل الشروط ازا كانت المرة متزوزة........هيا زاتا .....انتا بالاخر عم تعاملا كا انسان .....ك شخص ....لو افكارو.....و لو كان في شوية توجيه بس تزوز......



وما درجة القرابة التي يمكن التساهل بها ، والتراخي في مثل هذه الشروط ؟؟؟

يا خي ليش بتتغير الضوابط ازا كان جدو اخو جدا.....هههههههه........هوني كمان بنحكم ضوابط الاسلامية.......

يعطيكن العافية......
اخوكم دوكر المعوكر......

[روعة]

أعجبني تشبيه دوكر للمنتدى بصف المدرسة

أظن أن الأسئلة التي طرحتموها ستحل المشاكل إن شاء الله

[مصطفى معتوق]

ما ضوابط التي يجب أن يعتمدها الشب بردو على البنت ؟؟
الاداب والاخلاق العامة المعروفة والمحددة بموجب عاداتنا وتقاليدنا الشرقية الراقية

ونفس الشي للبنت ، شو لازم تعمل لما بتكون عم اترد على شب ؟؟؟؟
كمان يجب عليها مراعاة الاداب العامة والمحافظة على انوثتها وعفتها وعدم التكلم بمنطق الرجال واكتفاءها بمنطق الفتاة المهذبة المثقفة الواعية الحساسة

هل كل أنواع المزح ممنوع بين الشب والبنت ؟؟؟؟؟؟
لا المزح خير ممنوع ما لم يتخطى الحدود الاخلاقية فلا يضر مثلاً ان روى احدهم نكتة عبر الميسينجر او روى لفتاة حادثة طريفة من باب الهزل لا الجد( بس ما انو والله يقلها بدي اخطبك ويطلع عم يمزح ؟؟؟؟!!!)

هل تعتبر الرسائلة الخاصة التي هي من شاب إلى فتاة ، أو من فتاة إلى شاب خلوة ؟؟؟؟؟؟
لا تعتبر كذالك بسبب البعد الجغرافي

هل يمكن لشب أن يناقش مع فتاة أمور حياتها ، متل شو بتشربي انتي وقاعدة على الكمبيوتر و.. ؟؟؟
ازا البنت ما عندها مانع ما بعتقد انو في مشكلة يحكو شو بتاكل شو بتشرب شو مشاريعها مثلاً على صعيد الدراسة او العمل طبعاً مع احترام خصوصياتها .

هل تخفف هذه الشروط في حال كانت المرأة المخاطبة متزوجة ؟؟؟؟
لا لا نفس الشي

وما درجة القرابة التي يمكن التساهل بها ، والتراخي في مثل هذه الشروط ؟؟؟
طبعاً هناك فرق ان كان الانسان عم يحكي مع اختو او بنت عمو او بنت خالتو او خالو او عمتو عن ازا كان عم يحكي مع بنت الجيران تختلف درجة الخصوصية

[الريس]

الله يبارك فيكم على هذه الردود بس بدكم ما تواخذوني لأني نيقة شوية بهيك مواضيع كل مصطلح بحسو فيه شي من الغموض رح طالب صاحبو بالتوضيح .

الأخ معتوق تقول ردا على السؤال الأول :

الاداب والاخلاق العامة المعروفة والمحددة بموجب عاداتنا وتقاليدنا الشرقية الراقية

أنا أطالبك بتوضيح هذه التقاليد ، فالفتاة التي ترقص الرقص الشرقي أمام الرجال بشبه ثياب تعتبر نفسها حاملة للتقليد الشرقي ، وكذا الشاب الذي يمارس الدبكة مع الفتاة و.... ومن ثم إن أخلاقيات التعامل بين الشاب والفتاة ليست محل إتفاق بين دول الشرق لنأخذ بها ، فنرى أن العلاقة بين البنت والشاب في الأشرفية غير العلاقة بين البنت والشب في القلمون أو طرابلس و... فعن أي عادات تتحدث ؟؟؟

ومن ثمّ في إجابتك عن السؤال الثالث تقول :
لا المزح خير ممنوع ما لم يتخطى الحدود الاخلاقية فلا يضر مثلاً ان روى احدهم نكتة عبر الميسينجر او روى لفتاة حادثة طريفة من باب الهزل لا الجد( بس ما انو والله يقلها بدي اخطبك ويطلع عم يمزح ؟؟؟؟!!!)

شو رأييك يا أبو الشباب إذا قلتلّك إني بعرف واحد مجدوب كان عم يمزح مع بنت فسألها اذا مخطوبة ، الله يقصف خملو صحيح ، كل ما اتذكر عملتوا بضحك عليه .

بالنسبة للأخت روعة ، فأنا بانتظار إجاباتك ، وخصوصا أنك أنتي من طرح هذا الموضوع المهم .

أخ دوكر عم تقول :

التءيل........و المزح المجلوء.........ما في داعي نضرب اكزمبلات.......


بتمنى عليك اتفرقلنا بيناتهم ؟؟؟؟؟؟

[Ouss]

"[quote=الريس;27793]يا أختي كل إنسان بالدنيا عندو أسلوبو ، سبق وصار كذا شب قايلي اني ما هيك لازم احكي مع البنت "

,يمكن كان لازم أكتب هالمشاركة بمحل تاني تحتا ما غيرلكن الموضوع..بس يالله ما بيأثر.

أبل ما بلش هادي الكلمة موجهة لكل المنتدى ومنو بس لأخي الريس ,وأنا كتبتا بإسمك لأني فهمت من شخص إنك جرحتلو شعورو..يمكن ما كان أصدك ..أو ما كنت منتبه ..بس هيك أنا فهمت من مشاركتو بموضوع معين..

أخي الريس, أنا كنت بدي ألك كلمة من كم يوم , بس ما كنت فاضي ..

انشالله ما كون اتأخرت وتكون طنجرت الضغط انفجرت ,..

وأنا بعتبرك أخ عزيز عألبي مع إني ما بعرف مين بتكون,..

إنتا واحد محبوب بالمنتدى وكتير بتعجبني آرائك ببعض المواضيع , بس أنا بعارضك بشغلة واحدة بس ,إنك بتحكي كل العالم بنفس الأسلوب وما بتغيرلهجتك(هيك أنا شايف , وإنتا هيك آيل) ,شيل البنات عجنب هلأ , عم إحكي عن الشباب,...

لازم تعرف كل واحد كيف تحكي معو,وما لازم تحكي بنفس اللهجة مع كل العالم,شوف أنا ورفئاتي مثلاً, معودين نحكي مع بعضنا بطريئة معينة , يمكن حيالله كلمة منا معودين نحكيا مع بعضنا بتجرح رفيأي , إذا أنا مثلا بألو لحميطون يا (حذفت) بيزعل مني وأكيد ما بيعيد يحكي معي عا تلات سنين(هنا تلات يام , بس أنا بحسن تلات سنين أد ما بحب حميطون) , بينما نفس الكلمة إذا ألتا لواحد تاني سوكر مثلا, إذا التلو يا حمار بحسا كتير عادية وما بيتأثر لأنو معوّد يحكي هيكا مع رفآتو , وفي كتير فرق بالألمون بيأولو لبعضن يا حمار ويا حيوان وهادا شي كتير عادي عندن ,..

الشغلة تانية , يمكن الواحد يكون بيتأبل الكلام من شخص معين وما بيتأبلوا من شخص تاني , يعني يمكن إنتا إذا بتألو لسوكر يا حمار بيجي بدعسك ,..

أنا مثلا بتأبل الحكي من فشلان لأني بعرف نفسيتو و فاهم شبيأصد من ورا كلامو , بس يمكن إذا واحد تاني بألي نفس الحكي بزعل منو ,..

شوف عمار مثلا, لمن وسيم ألو حمار ما انزعج (لو انزعج كان ألو يشيلا عن المنتدى) بس أكيد إذا واحد تاني بألو نفس الكلمة بيعلأ معو,..

والشغلة التالتة إنو الكتيبة عم تكون عالمنتدى وكل العالم عم تأراها شباب وبنات , وفي عالم ما بتحب تحكي بشغلات أو مواضيع إدام عالم معينين ,وحتى إذا كانت شعلة منيحة بالنسبة لو , ما بيريد إنو أشخاص معينة تأراها , مرّة اتصل فيني واحد وكنت كاتب عنو شي منيح بالمنتدى , وطلب مني شيل المشاركة , لأنو ما بيريد أشخاص معينة تأرى المشاركة ...

من وجهة نظري إنو هالأسباب عم تأدي إنو كتير عالم عم تبعد عن المنتدى حتى تتفادا هالمشاكل , وفي عالم عم تنسحب متل منا عم نشوف...شوف زاهر كيف زعل مني لما كتبت عنو كم كلمة بلهجة قاسية (كان عم يدحك عليي المحتال ,بس أنا بفرجي إذا مني ناسفو شي بهدلة مرتبة , آل عأساس عندو إمتحان , بس دنبر خالي نعيم ما في يشيلو عن المنتدى أد منو متعلأ في (بدي أطلب من المشرف يعملو حظر دخول عالمنتدى شي أسبوع زمان))

بتمنى من كل الإخوة بالمنتدى ينتبهو لكلامن , ويكونو حريصين عمشاعر غيرن وإذا بيعرفوا إنو واحد بينزعج من شغلة يحاولوا يتجنبوا..

وأنا بالنهاية بتمنالك كل خير يا أخي الريس إنتا و صديقي دوكر , وبتنمى النجاح للمنتدى ولأخي زاهر (انشالله ينجحوا مع بعضن )..

وبتمنى إنك ما تفهم كلامي غلط .. بس أنا حبيت أول رأيي بالموضوع..

بس عدّني وصلت متأخر ..شايف ريتم الكلام خافف...معناتا انفجرت(أكيد) ...

بتمنا عليك تدلك الريس اللي بنعرفو وبنحبو ...

عكل حال ..

مبروك الصلحة

[مصطفى معتوق]

اخي الريس :

انت خدت القشرة تبعت كلامي وعملت من الشرقيين تماماً
يا حبيبي لازم نميز بين العادات الشرقية وبين المستشرقة
يعني الشباب يلي بيروحو بيوعدو بال كافيه تروتوار وبيحطو حلق بدينيهم تل لا فاش كي ري هادال ما فيك تقول عنن شرقيين والبنت يلي بترقص عريانة ادام غير زوزها هادي ما خصها بالشرق لا من قريب ولا من بعيد .
انا لمن بقول الشرق ما بيكون قصدي بالشرق يلي على الخريطة .... متل ما هيئتك فهمت ...
انا الشرق يلي عم احكي عنو هو شرق الترابط العائلي والروابط الاسرية ... عو شرق الشعر الراقي مع المتنبي وغيرو ... وهو شرق الفكر الانساني الراقي ... الاخلاق ... والعفو عند المقدرة ... الحب التسامح ... التعايش بين الاديان ... تجاور الكنائس والمساجد ....شرق : المجد للرب في الاعالي وعلى الارض السلام . بينما الحكي يلي انت اصدك عنو حسب ما انا فهمت فهو مجموعة من البشر وللاسف الشديد مكتوب على هوياتن انن من الشرق بس فكرن وعقولن وارواحن متعلق بتاكساس وبنيويورك وبلاس فيغاس ....
بتلاقي الواحد منن ما بيعرف يركب جملة عربية مفيدة وبدو يعمل حالو شرقي
او بتلاقيه مدحوش بالامركان او الفرنساوية وبدو يعمل شرقي

نحن مشكلتنا بالاجتياح الغربي يلي ما وفر لا تاريخ ولا جغرافيا ولا حتى مدنيات وهلق عم يجرب يضربلنا ثقافتنا ويحرف فيها ...

بتمنى انو الفكرة تكون وصلت
حبيبي يا ريس

[shanzimer6]

السلام عليكم:
ان شاء الله عما قريب رح شارك بالرد عكل سؤال مطروح, لأنن مهمين, وأساسيين بالمنتدى...
شكراً لطارحهم ويلي عم يجاوبو علين, شكراً لتكملة الموضوع, انا بعتقد انن هدال أهم شي حالياً عالمنتدى, لحتى الواحد يعرف الضوابط الشرعية والأخلاقية بالتعامل, قبل ضوابط العادات والتقاليد...وبعدين بيطبقن, لأن التطبيق أهم من النظريات والآراء...
سلامات

[shanzimer6]

وقبل ما جاوب عالأسئلة, حبيت قول انو:
يحتاج المجتمع إلى بواعث وضوابط أخلاقية: بواعث تدفع الناس إلى عمل الخير وأداء الواجب, وإن لم يوجد في البشر من يراقبهم أو يكافئهم...
وضوابط تحكم علاقاتهم, وتلزم كل واحد منهم أن يقف عند حدّه ولا يتعدّى على حقوق غيره.
والقوانين الأرضية ( أو يمكن منسمّيا العادات والتقاليد) لا توجد تلك البواعث والضوابط, لأن الإفلات منها ممكن والاحتيال عليها ميسور, ولهذا لا بد من الوازع الذاتي من داخل النفس الانسانية , من القلب الذي إذا صلح بالايمان صلح عمل الانسان كله, وإذا فسد فسد عمله كله.

[دوكر]

يا هلا بالجميع.....
و يا هلا بالريس.......
اول شغلة بحب وضح للريس لي ؤلتو انا....ؤلت في نوعين من المزح.....لي هنا .....التءيل.......و المجلوء......الفرء بيناتون.....المزح التءيل هو لي بكون فاي نوع من التجريح......او نوع منالتدخل بخصوصات البنت ....او الحكي علي بشي بيحرجا .......
اما المجلوء.....فهادا متل انو بعد كل كلمة حكي في تعليء يكون ملو طعمة.......هيكا لمجرد تعباية المشاركة.........

و يا هلا بالست شانزيمر سته ........تعليء كتير حلو كلنا تأريبن نسنا نزكرو .....الا و هو الوازع الديني.......
يا شباب و يا صبايا.....لي ما عندو شي من داخلو يردعو فهادا محدا منا فاي يؤلو ما تعمل هيكا.......و ما تؤل هيكا......
و كونو بالمنتدى في كتير ناس بأسماء مستعارة .....فا مفينا نؤل انو ما حكي هل الشي لأنو ستحا من فلان.....لأ........بيحكي و ما بهمو........من شان هيكا ....ضابط الوازع الديني ......ضابط ....."فأن لم تكن تراه فإنه يراك"......هدا بدو يكون هو لا بيتحكم بعلاءتنا مع الناس....بكلامنا.....بحاتنا ك كل................

و يا هلا بالمعلم ؤس.......كلام حلو........
و كنا ناطرينك يا ست روعة........
و كمان وين رأيك يا ريس...............
و يعطيكن العافية..........
اخوكم دوكر المعوكر...........

[الريس]

وقبل ما جاوب عالأسئلة, حبيت قول انو:
يحتاج المجتمع إلى بواعث وضوابط أخلاقية: بواعث تدفع الناس إلى عمل الخير وأداء الواجب, وإن لم يوجد في البشر من يراقبهم أو يكافئهم...
وضوابط تحكم علاقاتهم, وتلزم كل واحد منهم أن يقف عند حدّه ولا يتعدّى على حقوق غيره.
والقوانين الأرضية ( أو يمكن منسمّيا العادات والتقاليد) لا توجد تلك البواعث والضوابط, لأن الإفلات منها ممكن والاحتيال عليها ميسور, ولهذا لا بد من الوازع الذاتي من داخل النفس الانسانية , من القلب الذي إذا صلح بالايمان صلح عمل النسان كله, وإذا فسد فسد عمله كله.

هالعبارة هيدي ، هي أحلى شي كتبتيه لحد هلأ بالمنتدى ، وتدل على عمق فكري ، ومبدأ في الحياة .
فهذه هي نقطة انطلاق الداعية التي يجب أن تعرفها قبل أن تحدد أهدافها وماذا تريد من الناس .

[مصطفى معتوق]

وقبل ما جاوب عالأسئلة, حبيت قول انو:

يحتاج المجتمع إلى بواعث وضوابط أخلاقية: بواعث تدفع الناس إلى عمل الخير وأداء الواجب, وإن لم يوجد في البشر من يراقبهم أو يكافئهم...
وضوابط تحكم علاقاتهم, وتلزم كل واحد منهم أن يقف عند حدّه ولا يتعدّى على حقوق غيره.
والقوانين الأرضية ( أو يمكن منسمّيا العادات والتقاليد) لا توجد تلك البواعث والضوابط, لأن الإفلات منها ممكن والاحتيال عليها ميسور, ولهذا لا بد من الوازع الذاتي من داخل النفس الانسانية , من القلب الذي إذا صلح بالايمان صلح عمل الانسان كله, وإذا فسد فسد عمله كله.

كلامك في جزؤو الاول كتير صحيح فاي مجتمع بحاجة الى ضوابط والنس بحاجة الى رقابة او هيئة معينة تكافئ المنتج وتعاقب المجرم ..
اما حديثك عن القوانيين الارضية وعن سهولة الاحتيال عليها فلازم تفسريه شوية اكتر .
هلق بحسب قناعاتي الشخصية . الانسان نفسو هو المراقب الاول والاخير لاعمالو واخلاق الانسان وعقلو هنة الهيئة او المراقب الاول والاخير للانسان .
العقل يا انسة اسراء هو الشرع الاغلى للانسان وهو يلي بيخليه يفرق بين الخير والشر بين العل والظلم وهيدي الهبة يلي وهبا الله للانسان دون غيرو من المخلوقات حتى يتميز فيها عن البهائم مثلاً.
بحب الفت النظر انو حتى يلي بتسموه انتو تشريع سماوي تم الاحتيال عليه من خلال بعض الاجتهادات والنتيجة كانت كارثة ودمار للبشرية وطوائف وملل ومذاهب ما انزل الله بها من سلطان وكلو باسم الدين وكلن فاكرين حالن معن حق .
يبدو انو نحن متفقين على مسألة الوازع الزاتي هادي مش رح نختلف عليها بس انا برأي انو مصدر الردع ما بيكون من القلب يلي هو مصدر عاطفي جداً ولمن القلب بدو يتحكم بالاسان بتكون النتيجة متل النتيجة يلي وصلنالها هلق ... شعب عاطفي عم يسوقوه متل الخواريف بشعارات رنانة طنانة جوفاء . فالرادع الذاتي لازم يكون العقل الراجح وحتى يكون العقل راجح لازم يكون مسلح بالثقافة والاطلاع .

انا كتبت بالعامية لاني ازا بدي اكتب بالفصحى بهيك موضوع رحح تفتح القريحة ويطلع جرايد وانا بصراحة ما بدي طول عليكي
سلام

[HARD]

والله انا وكما اعتقد ان ما دام الكلام بين الشخصين ضمن الاحترام فهذا جيد

اما عندما بياخد الشب وش كتير على الاخر فسوف يكون الكلام بأقل تروي وكانه يخاطب صديق قديم ، ولكن هذا مختلف .....


وهناك من يرفع الكلفه بنوع من الكلام المحترم الجدي (ماحدا يطلب تفسير مارح اعرف فسر للاسف )
نحن كمسلمين لدينا كلمات مفاتيح منعتمدها بكلامنا عند التخاطب.....باختصار

.
وهناك نوع من رفع الكلفه بين الاكبر والاصغر فعندنا يحاول الاكبر ان يوقر الاصغر فهذا الاصغر بيركب على ظهر الاكبر .......باختصار

باختصار انا كاتب بالعامية لانو كان رح يطلع معي مسبات بالفصحى
والله شيئ بنكرز حاسين معي .

[مصطفى معتوق]

والله شيئ بنكرز حاسين معي .

يسلملي كشكش بدنك
يا قاسي انت قال هارد قال
الله يوجهلك الخير يا فشلان لمن سماك

هاردبشت

[HARD]

يسلملي كشكش بدنك
يا قاسي انت قال هارد قال
الله يوجهلك الخير يا فشلان لمن سماك

الاخ هارد

لا يوجد تعليق لاني اعتقد ان الفكرة قد وصلت

[دوكر]

يا هلا بالجميع......يعطيكن العافية.........
بدنا نرجع شوية ع كلام المعلم معتوق .......

اما حديثك عن القوانيين الارضية وعن سهولة الاحتيال عليها فلازم تفسريه شوية اكتر .

خي معتوق لو ما القوانين الارضية كلا فنا نحتال عليا .....و بطرء العالم بيعتبروا شرعية........ما كان عنا شي اسمو محامين........موضوعنا هوني منو المحامى و المحامين....بس قوانين الوضعية كلا فيك تحتال عليا.........لأنا قوانين منا كملة و لي حطوا اكيد ما كان عندون نظرة كاملة حول تغيرات بالاحوال حول نواحي الحياة كلا.....و منون ؤدرين انو يكون عندون حل للكل المسأل..........

هلق بحسب قناعاتي الشخصية . الانسان نفسو هو المراقب الاول والاخير لاعمالو واخلاق الانسان وعقلو هنة الهيئة او المراقب الاول والاخير للانسان .
العقل يا انسة اسراء هو الشرع الاغلى للانسان وهو يلي بيخليه يفرق بين الخير والشر بين العل والظلم وهيدي الهبة يلي وهبا الله للانسان دون غيرو من المخلوقات حتى يتميز فيها عن البهائم مثلاً.

معك انا بكلامك انو النفس و العقل البشرية فيا تكون نوع من الوازع ....او مراقب ع الواحد....بس منو ايا نفس .....منو ايا عقل .......العقل لي بعرف قدر ربنا سبحان و تعالى هو لي بكون عندو هل المراقبة........العقل لي عندو مبادئ و قيمعم يستمدى من شرع ربنا هو لي فاي يكون عندو هل المراءبة...........منو ايا عقل........يعني هلأ السكرجي و لي بيلعب ءمار ليش أولك فات بهل المجال؟....لأنو ما عندو عءل........مل بظن .....بس ما عندو موجه للعءل.....ما عندو ضابط للقيم......ما عندو خلفية يستمد منا الاخلاقيات.......هو شاف انو السكر مفاي شي........
فا لي بدي ؤولو انو العقل و النفس البشرية ازا ما كان في شي يضبطا........و لي هو الشرع الربانيي.........ما ح تكون مرائبة مظبوط ع نفسا........

بحب الفت النظر انو حتى يلي بتسموه انتو تشريع سماوي تم الاحتيال عليه من خلال بعض الاجتهادات والنتيجة كانت كارثة ودمار للبشرية وطوائف وملل ومذاهب ما انزل الله بها من سلطان وكلو باسم الدين وكلن فاكرين حالن معن حق .

هوني بهل جملة عندي تعليءين .......كلمة "لي بتسموه".....ليش عندك ما بتسماي شرع سماوي؟
و بعدين وين تم الاحتيال ع الشرع الاسلامي.....يا خي معتوق بالشرع الاسلامي.....في اشياء ثابته.......ما ببتغير مع الزمان و المكان........و في اشايء ببتغير مع الزمان و المكان.....و هدي لي بتخضع لأجتهادات العلماء ضمن النصوص الشرعية....و القياس و هل الامور........منو كل واحد بجي و بيعطي رأيو بهيكا امور..........و منو مين ما عطي رأي بهيكا مسأل بكون عم يحكي مظبوط.....في ثوابت ما فاي يطلع عنا........
و الؤصة فايا تفصيلات كتير .........مبدنا ندخل فايا من شان ما نضيع الفكرة الاساسية من الموضوع...........

يبدو انو نحن متفقين على مسألة الوازع الزاتي هادي مش رح نختلف عليها بس انا برأي انو مصدر الردع ما بيكون من القلب يلي هو مصدر عاطفي جداً ولمن القلب بدو يتحكم بالاسان بتكون النتيجة متل النتيجة يلي وصلنالها هلق ... شعب عاطفي عم يسوقوه متل الخواريف بشعارات رنانة طنانة جوفاء . فالرادع الذاتي لازم يكون العقل الراجح وحتى يكون العقل راجح لازم يكون مسلح بالثقافة والاطلاع .

هادي الجملة حلوة و بوافءك عليا......العاطفة ما لازم تكون هي المسير للانسان.....العقل الراجح المسلح بالثقافة و الاطلاع........حلو هل الكلام.......بس الألب فاي يكون وازع بكتبر امور.......و العاطفة كمان.....بس بدا ضوابط كمان...عندك حب ربنا .....الخوف من عذابه و رجاء جنته و ثوابه .....هادي عواطف......

اسا يمكن كان في كم شغلة بدي ؤلون.....نسيتون.....هههههههههه.......


يعطيكن العافية.............
اخوكم دوكر المعوكر.........

[مصطفى معتوق]

اخي العزيز دوكر ان شاء الله بتكون ايامك كلها صفا وما فيها تعوكر .

بالنسبة للمقطع الاول عن التشريع الارضي فانا لمن طلبت منها توضيح ما طلبتو من فراغ ورح اجل التعليق على حديثك على هادي النقطة لبعد ما اسمع رأي الانسة اسراء كرمال ما نحرق الفكرة قبل وقتها بس كون اكيد اني معك بكل حرف قلتو عن هادي الفكرة .
العقل لي عندو مبادئ و قيمعم يستمدى من شرع ربنا هو لي فاي يكون عندو هل المراءبة...........منو ايا عقل........يعني هلأ السكرجي و لي بيلعب ءمار ليش أولك فات بهل المجال؟....لأنو ما عندو عءل........مل بظن .....بس ما عندو موجه للعءل
معليش اخي دوكر هون بدي منك تركز معي شوية صغيرة.
في فكرة طالما اختلفت انا و 50 % من البشر يلي بعرفن عليها وهي التوجيه الرباني للانسان وكانت النقاشات تفوت ببواب وتطلع من شبابيك بس كنا نرجع نتفق على نقطة انو الانسان هو مخلوق مخير ضمن نطاق القضاء والقدر وهادي الخلاصة بيتبعها ملحق بيقول انو الحلال واضح والحرام واضح باللغة الدينية وازا بدنا نحكي مصطلحات مدنية فالنافع واضح والمضر واضح وعلى الانسان انو يختار الطريق يلي بدو ياها طالما هو عايش بهالدنيا .
نحن منا رح نختلف انو في شروط واطر موضوعة لادارة الكون من الكواكب والمجرات وصولن للنيترون والبروتون بالأتوم واكيد هاد النظام الكوني يشمل تنظيم حياة جميع المخلوقات من خلال الغريزة كل المخلوقات باستثناء البشر يلي منحهم الخالق هامش واسع من التحرر على ان يعود ويحاسب كل نفس عما قدمت .
وفي مسألة بيهمني اني اتناولها معك كوني بحسك انسان متفهم وواسع الاطلاع ( معليش سامحني بس انا هيك بحس على الرغم من انك بتحاول تغبي هاد الشي يمكن كرمال ما تفضح شخصيتك الحقيقية ) بس اليوم انت عم تنظر للامور بنظرة شمولية احادية القطب متلك متل اي انسان مؤمن : وهاد الشي ما بيعني انو غيرك منو مؤمن انتبه ! بس عادة الاشغاص يلي بيتسبو الايمان لنفسن بيكفرو كل شخص ما عندو نفس النظرة او نفس التوجه بحكم السلطة الالاهية يلي بينسبوها للنصوص يلي هنة بيتبعوها .
خليني اضرب مثل كرمال ما ينفهم حديثي غلط ...
اليوم ضمن الفرق الاسلامية في اختلافات ادت الى خلافات شاسعة وكل فئة تتهم الفئات الاخرى بالهرطقة او التجديف الخ الخ الخ .... مع العلم انو كلن بيقولو انو هنة صح وعندن مقياسن الخاص للحرام والحلال ( متل قصة البيض او العسل يلي ظني انك بتعرفها ) فباختلالف الباراماتر تبع كل مجموعة بتختلف التشدد او التطرف او الانفتاح على الغير عند الفرق .....
هلق انت قلت جملة كتير عجبتني وبصراحة انا بعتبرها اساس لاي حوار مفيد وهي انو عطول في بوان فيكس او ثوابت ... عظيم
هاد الاوريجين او البوان فيكس الجميع متفقين عليه اما الشيطان فهو بالتفاصيل فخلونا نبتعد عن الجهر بالتفاصيل ونجهر بالجوهر ساعتها بتضل الشياطين محبوسة ويوم القيامة الله بيحاسب كل انسان على اعمالو( ان الينا ايابهم ثم ان علينا حسابهم )
مزبوط او لأ
طولنا وطلعنا عن الموضوع شوية بعتقد
منكفي بعدين سلام ناطر تعليقك

[shanzimer6]

السلام عليكم:
بسم الله, ما شاء الله
ولك ما بتناموا؟؟؟؟؟؟؟ يعني نمنا فئنا, لقيت متروسة صفحة جديدة بهالموضوع
وقعدي ردي عن شي من الصفحة يلي قبل كمان... الله يعين

بعتقد الأخ دوكر أصاب جزء من الحقيقة_أو الفكرة_ يلي كنت بدي وصلا
أما إذا كنت يا أخ معتوق منك عم تلاقي إحتيالات على القوانين الأرضية, فلأيش في قانون, ولأيش في نظام, ولأيش في إدارة , ولأيش في عقل بالمرا, اذا الواحد تارك المنطق أو يمكن ناسي هدفو بهالدنيا أيشوا

كلامك في جزؤو الاول كتير صحيح فاي مجتمع بحاجة الى ضوابط والناس بحاجة الى رقابة او هيئة معينة تكافئ المنتج وتعاقب المجرم ..

وحتى بهالشغلة, يمكن ما تلاقي دائماً مين يكافىء, بقدر ما بتلاقي دائماً مين يعاقب, لأن سبحان الله ,هالعالم دائماً تبحث عن الخلل في أي شغلة_ وهادي مادّا احتيالات_ بالعكس عندن حنكة ومنطق, وعشوية رح يقنعوك

اما حديثك عن القوانيين الارضية وعن سهولة الاحتيال عليها فلازم تفسريه شوية اكتر .
هلق بحسب قناعاتي الشخصية . الانسان نفسو هو المراقب الاول والاخير لاعمالو واخلاق الانسان وعقلو هنة الهيئة او المراقب الاول والاخير للانسان .

ماذا لو ترافق العقل مع المنطق, لأن أحياناً في عقل, وما في منطق بالكلام
وماذا لو ترافق هالعقل مع الايمان, يلي محلو القلب؟

العقل يا انسة اسراء هو الشرع الاغلى للانسان وهو يلي بيخليه يفرق بين الخير والشر بين العلم والظلم وهيدي الهبة يلي وهبا الله _ سبحانه وتعالى_ للانسان دون غيرو من المخلوقات حتى يتميز فيها عن البهائم مثلاً.

بحب الفت النظر انو حتى يلي بتسموه انتو تشريع سماوي تم الاحتيال عليه من خلال بعض الاجتهادات والنتيجة كانت كارثة ودمار للبشرية وطوائف وملل ومذاهب ما انزل الله بها من سلطان وكلو باسم الدين وكلن فاكرين حالن معن حق .

ليش مين قال انو يلي احتالو اعتمدوا عأسس دينية, الدين واحد!! بس يلي اجتهدوا ما اجتهدوا الا ليوجدوا فراغ من جديد, أو يضيعوا الانسان عن وجهتو الأساسية
وانتا قلتا باسم الدين
ليش كل مين قال انا مسلم كان مسلم!!! بعتقد انو يمكن نفوت بسجال طويل بهالموضوع, ميشان هيك.... وانا مني عم حاسبن, في يوم ربنا بيحاسبنا كلنا فيه
بس بدي قول انو الانسان ما لازم يبعد عن الدين, والسنة

يبدو انو نحن متفقين على مسألة الوازع الذاتي هادي مش رح نختلف عليها بس انا برأي انو مصدر الردع ما بيكون من القلب يلي هو مصدر عاطفي جداً ولمن القلب بدو يتحكم بالاسان بتكون النتيجة متل النتيجة يلي وصلنالها هلق ... شعب عاطفي عم يسوقوه متل الخواريف بشعارات رنانة طنانة جوفاء . فالرادع الذاتي لازم يكون العقل الراجح وحتى يكون العقل راجح لازم يكون مسلح بالثقافة والاطلاع .

ما منختلف نحنا شعب عاطفي , ولازم يكون العقل مسلّح, بس الايمان وينوا؟ منو بالقلب... وعقل بلا ايمان ما بيعطي الواحد فكرة اذا الانسان يلي عم نحكي عنو مسلم ولا لأ
(ولهذا لا بد من الوازع الذاتي من داخل النفس الانسانية , من القلب الذي إذا صلح بالايمان صلح عمل الانسان كله, وإذا فسد فسد عمله كله.)

نحنا بيهمنا عمل الانسان... فلازم نطلع عقلبو وإيمانو.....

مني عم احكي عن انسان طائفي, ولا عن غير المسلمين, والذي يعنيني في حديثي الانسان المسلم, يلي ربنا سبحانه وتعالى بيّنلو كل شي, عالج الأسباب التي تنشأ من المشاكل,...
وعطيناه الدوا, بس بدكن مين يتبع الروشتة, ويشرب الدوا,,, والله أعلم

سلام

[مصطفى معتوق]

عفكرة

ردك رائع وممتاز وبهنيكي عليه

وبالنسبة للنوم فانا بعتبر انو بس موت رح يكون معي وقت اني نام وارتاح حتى تقوم القيامة اما الحياة بالنسبة لي فهي ساحة صراع مستمرة وما عندي وقت ضيعو بالنوم ..

بعدين ما تهاجمي المحامين كتير ............

على فكرة هلق من عشية رح ارجع اقرا الموضوع بتمعن ان شاء الله ورد بالشكل المناسب

بالمناسبة يا انسة اسراء انت والاخ دوكر مين قلكن انو مني غم لاقي احتيالات على القوانين ؟؟؟؟؟

ما بعرف ليش صار هالسوء التفاهم ........

[أبو رياض القلموني]

أولاً بشكر الإخوة دوكر وإسراء عردودن الحلوة ..بس أنا حابب ضيف كم كلمة..

بحب الفت النظر انو حتى يلي بتسموه انتو تشريع سماوي تم الاحتيال عليه من خلال بعض الاجتهادات والنتيجة كانت كارثة ودمار للبشرية وطوائف وملل ومذاهب ما انزل الله بها من سلطان وكلو باسم الدين وكلن فاكرين حالن معن حق .

بحب ألك يا سيد معتوق إنو اللي مفكر حالو احتال عالتشريع بكون احتال عحالو وبس , ولا مفكر إنو الله منو عارف شفي بألبو,بالشرع في أشياء ثابتة متل ما ألك أخي دوكر..., شفتلي شي مرة واحد مغير بالقرآن أو مألف شي حديث جديد ! أما بالنسبة للقوانين الوضعية فياللي مألفا واحد متلي ومتلك ما بيفريء عنا بشي ويمكن لو أعدنا أنا وياك كنا عملنا أحسن منا , بعدين وأتل بتخالف مصالحو بغيرا أو بطلع قانون جديد , يعني بالأحرى عم يعبد شغلات هو مألفا , متل اللي كان عامل إلاه من تمر , ولمن جاع إكل إلاهو ..وكذلك الأمر بالنسبة للي بيعبد الورق اللي هو مألفو ...

يبدو انو نحن متفقين على مسألة الوازع الزاتي هادي مش رح نختلف عليها بس انا برأي انو مصدر الردع ما بيكون من القلب يلي هو مصدر عاطفي جداً ولمن القلب بدو يتحكم بالاسان بتكون النتيجة متل النتيجة يلي وصلنالها هلق ... شعب عاطفي عم يسوقوه متل الخواريف بشعارات رنانة طنانة جوفاء . فالرادع الذاتي لازم يكون العقل الراجح وحتى يكون العقل راجح لازم يكون مسلح بالثقافة والاطلاع .
القلب هو أمير البدن وبصلاحه يصلح البدن وبفساده يفسد البدن كذلك . قال الله تعالى: " أفلم يسيروا في الأرض فتكون لهم قلوب يعقلون بها أو آذان يسمعون بها فإنها لا تعمى الأبصار ولكن تعمى القلوب التي في الصدور". [الحج:46] وروى البخاري ومسلم في صحيحيهما أن رسول الله صلى الله عليه وسلم قال: "ألا وإن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب". فبالقلب يفقه العبد وبه يتوجه، فإذا صلح بنور الهداية أفلح صاحبه ونجح وإذا أظلم بالضلال خاب وخسر.

أنا بأول إنو القلب لو دور كبير متلو متل العقل , والقلب بأثر عشي من تصرفات الإنسان (في فلم حضرتو عالجزيرة الوثائقية , لمن بيشيلو ألب واحد وبيحطو بجسد واحد تاني , بيصير الشخص التاني عندو بعض التصرفات متل صاحب الألب , وجربوا عكتير عالم وصار نفس الشي)..

فأنا بأول إنو لازم ألوبنا تكون لينة حتى نمتثل لشرع الله عزّ وجل , وما وصلنا إحنا المسلمين لما نحن فيه اليوم إلا بعدما قست قلوبنا ...

بس عادة الاشغاص يلي بيتسبو الايمان لنفسن بيكفرو كل شخص ما عندو نفس النظرة او نفس التوجه بحكم السلطة الالاهية يلي بينسبوها للنصوص يلي هنة بيتبعوها .
اليوم ضمن الفرق الاسلامية في اختلافات ادت الى خلافات شاسعة وكل فئة تتهم الفئات الاخرى بالهرطقة او التجديف الخ الخ الخ .... مع العلم انو كلن بيقولو انو هنة صح وعندن مقياسن الخاص للحرام والحلال ( متل قصة البيض او العسل يلي ظني انك بتعرفها ) فباختلالف الباراماتر تبع كل مجموعة بتختلف التشدد او التطرف او الانفتاح على الغير عند الفرق .....


حبيبي معتوق , يمكن يكون في شوية خلافات بين المسلمين عأمور معينة بس منو صحيح إنن بيكفرو بعضن متل منك عم تتفصح, هالكلمة منا هينة أبدن وما حدا مسلم بيسترجي يأولا لأخو , ولا مرة سمعت بالضيعة إنو حدا كفر حدا ,وبالرغم من كترة الجماعات عنا بالضيعة فكل فئة عندن مشاريعن الإسلامية الهادفة وطريإتن الدعوية الخاصة , ومن عيشتي بالضيعة بشوف إنو المسلمين بضيعتنا بحبو بعضن وبيتمنو الخير لإخوانن.. وفي كتير من الشباب بيشتغلو مع عدة جماعات وكتير حريصين عفعل الخير وين ما كان في نفع للمسلمين , وإذا حدن من إخوانو كان بحاجة أكيد ما رح يأصر , والحمد لله إنو إساتو الخير بالمسلمين بضيعتنا , ما في محتاج إلا بيوصلو الإعاشة والمساعدات ,والحمد لله إنو إسّا في عالم بتشتغل لوجه الله, بس الغريب إني ولا مرة اسمعت إنو القومية بضيعتنا وزعوا شي بالضيعة أو عملو شي مشروع نافع(غير مخيمات العربدة) ..يمكن ناطرين بس يصير عندن شي مصلحة أو بدن يفوتو عشي منصب...


أخوكم
العم أبو رياض

[دوكر]

يا هلا بالجميع...و يعطيكن العافية ع ردودكم و التفاعل...بس روؤ شوا علينا...عند شوية تعليأت ع الكلام لي انحكا ...بس مشغول كتير و ت ؤرا الكلام بشكل مفصل اكتر ...بركا بالمسا...
يعطيكن العافية...

[دوكر]

يا هلا بالجميع........
هلأ عارفين شغلة اني رجعت اريت لي مكتوب......و مني عارف شبدي احكي .....يعني نطرح ألف فكرة.......و عندي مية مليونشغلة كنت بدي ؤلون........بس المشكلة كيف بدنا نبلش.......
ح نحاول نشوف شفنا نحكي........

بنبلش مع المعلم معتوق........اولا الله يبارك فيك ع الكلام الطيب......يا خي معتوق ......الاوصة و ما فيا بلي حكيت فاي انتا......لانسان هو مخلوق مخير ضمن نطاق القضاء والقدر.....هادي بنتفء عليا .........
بس لي حكيتو حول التكفير ....و النظرة الاحادية الجانب....(بتعرف اديش شطحنا عن الموضوع.....مفي مشكلة.....).......يا خي لي كونت انا ؤصدو من الثوابت بالدين.......و الاشياء لي بنختلف عليا....منو بالاصول......كلنا بنتفء انو القرآن و السنة هنا الاساس....و انو كل احكامنا الشرعية و حياتنا العملية بنستمدا منون.......بس اليوم تمرء عليك مسأل منا مارأة من ابلا ....منا صايرة ايام الصحابة...و ايام التابعين......و كلو من ورا تطور الدنيا......شبنعمل بهل الحالة ........بنوءف و بنؤل انو عمال لي بدك ياه.....اكيدفي صح و في غلط بالمسألة....هوني بجي دور اجتهاد العلماء.......منو كل ما واحد تعلم ايتين صار فاي يحكي بهل المسأل.....بدو يكون عندو الماكنيسم تبع العالم....عندو عدة العالم.......و كمان بدو يكون عندو ورع......بخاف ربنا.........ساعتا بيبجتهد.....و هل الشي بحتمل الصح و الغلط......بس بدلا هل الامور منا بي المفاهيم الاساسية للدين.......منا بالاصول.....لي لازم نكون كلنا كمسلمين متفءين عليا.............
و هل المور ما بيدخل فيا التكفير....و لي بكفر اخو المسلم ....هدا انسان منو جاية يشتغل للاسلام جاية ينظر......مسلن ت نضرب مسل.....عنا فرأتين من المسلمين .....صار حدث معين.......ؤمو ناس و ؤلو ما في حل الا الجهاد ت ندفع هل البلا....بنهجم علين و بنخلص........عندون ادلتون.........الفرءة التانية ؤلت لأ هلأ منو لمصلحتنا نفوت بهل الديوان......عندون كمان ادلتون.......اكيد محدا بكفر التاني....ازاكان كل واحد منون عندو دليلو المعتبر...نتبه هوني دلالو المعتبر شرعا.......بس ازا جاة الفرأة لي مودن يجاهدو ....و ؤلو انو لأ مودنا لأنو مافي جهاد.....هدولي عم ينكرو اساس من الاساسات.......و اصل من الاصول.......فا اكيد محا تنأبل منون..............

طيب .....هلأ دور مين...........هاها....دور الست شانزيمر.......يا هلا بالست شانزيمر سته.............يعطيكي العافية .....رد منيح........بس......
بس يلي اجتهدوا ما اجتهدوا الا ليوجدوا فراغ من جديد, أو يضيعوا الانسان عن وجهتو الأساسية

لأ.....هل الكلام ما بوافء عليا بالمرة....حسب ما فهمت الفكرة تبعيتو....لي اجتهدو انا برأي لأنو في فراغ....منو نءص بالدين او بالشرع ......بس لأنو في شوية تغيرات بنمط الحياة....لي بيفرض علين الاجتهاد .....دينا دين لكل الاجيال و لكل العصور.......متل ما سبء و ؤلت ....فاي متغيرات...و هادي بيجتهدو من شان يلاؤلا الحلول....و اكيد وءت انسان بدو يفكر بمسألة دائمن نظرتو بتوكن ءاصرة....ما بكون ملم بالموضوع بكاملو........من شان هيكا بيوءع الغلط........




هلأ اسا في عنا العم ابو رياض...........
كلامك........حلو...........


يعطيكن العافية..............
اخوكم دوكر المعوكر..............

[ساميا]

لقد حاولت أن ألقي نظرة سريعة على الردود والمشاركات الأخيرة لكني وجدت أن نظرة سريعة لا يمكن أن تكون كافية لكثرة ما إحتوته هذه المشاركات من أفكار وعناوين تصلح كل واحدة منها أن تكون موضوعاً بذاته..

وإسمحوا لي أن أدير دفة الحديث بإتجاه معين وأطرح سؤالاً: كيف يجب أن تكون حدود العلاقة بين الملتزمين في عصرنا هذا - أقصد عصر العولمة والتكنولوجيا الحديثة -؟

منذ زمن وليس ببعيد، تعلمنا ضوابط شرعية في العلاقة بين الرجل والمرأة الأجنبية عنه، وكان منها غض البصر وعدم الخلوة وعدم الخضوع بالقول و.. وكل هذه الأمور ممكن تجنبها في حوار بين شاب وفتاة عبر المسينجر أو الشات أو المنتدى أو المحمول أو ..
لكن المشكلة أن هذه الحوارات في أغلبها تبدأ بطريقة وبأمور إعتيادية وسرعان ما تنتهي بالوقع في فخ شيطاني أو شبهة تكون هي الخطوة الأولى على الطريق الخطأ..
مثلاً ما رأي الإخوة والأخوات بشاب ملتزم بدينه مطيع لربه، توقظه زميلته أو صديقته لصلاة الفجر، برسالة أو رنة من المحمول؟
وما رأيكم بفتاة ملتزمة ومحجبة تبث همومها و(تفضفض) عن نفسها لأخيها في الله تلتمس منه النصح والحل للمشاكل التي تعترض طريقها؟
وما رأيكم بالكلام غير المفيد والمجاملات التي تتعدى حدود الشكر بين الجنسين أو المزح سواء كان خفيفاً أو ثقيلاً؟

بإنتظار آرائكم ... والله وليّ التوفيق

[دوكر]

يا هلا بالست ساميا.......يسلمو و يعطيكي العافية..............
يمكن شوية بعدنا عن موضوع الموضوع بالمشاركات السابءة.......بس هلأ انتي شوية رجعتنا ع الجو بس بشكل شمولي اكتر..........
طيب........
كيف يجب أن تكون حدود العلاقة بين الملتزمين في عصرنا هذا - أقصد عصر العولمة والتكنولوجيا الحديثة؟

العلاءة بين الشب الملتزم و الصبية الملتزمة...بهل العصر...؟؟؟.....مع التغيرات الكبيرة لي صارت بالمجتماعات....وتغير كتير من الاعراف.....صارنا بنأيبل ع صيغة جديدة للعلاءة بين الصبية و الشب الملتزم.......
بس انا لي بشوفو انو مافيا هل التغيرات و هل الانقلابات لي بتطر الواحد يغير من تصرفاتو.......
يعني........اد ما تطور الكون.....و صار عنا انواع من الانفتاح.........و العولمة التكنلوجية......و,..........بضلو في ثوابت بالعلاءة بين الشباب و الصبايا الملتزمة.........اد ما تطور الكون بصير بحءلي اني ما غض بصري....لأ.....و الخلوة بدلو حكما نفس الشي....و متلون الغضوع بالقول........و كل هل الامور ما ببتغير نظرتنا لها.......
هادا دينا........حطلنا حدود.....الاساس انو نضلنا ضمنا.......
بس بي ايامنا المجتمع فرض علينا ترؤ تعامل شوية جديدة ....ما بتتعارض مع مبادئنا الاساسة....فني اتعامل مع ايا بنت كنو كانت ملتزمة ولا لأ .....من خلال مفاهيمي الخاصة....مني مطر دلني مبحلأ فيا.......و لا انو تعد تحكلي النكت لي عندا........و لا انو ؤأف انا واها لوحدنا...................واحدة معي بالشغل.....بدي منا شغلة.....تعملا شي تءرار......تطبعلي فاتورة....تعطيني شي شغلة....مني مطر ؤعمل قصيدة غزل من شان ؤلا.....ازا بتريدي بدي الشغلة الفلانية....و هاه خلصت الؤصة........ولاني مطر ؤعد انا وياها بالكفيتيريا لوحدنا ساعة من شان فهما انو بدي منك تدرسيلي اديش بدو يكلفنا المشروع...........
يمكن اطر حكيا ع المسنجر او ع التلفون .....بس منو كمان بين كل جملة و جملة بنحكي شي ساعة شطابغة و كيف عم تأضي ايامك.......و ؤصص ....خلص كلام ضمن ضوابط.......

هلأ بنجي ع المنتدى ......يمكن هونك تؤلولي في علاءة عمل ...طيب هوني ايشاية العلاءة.....ليش في حكي بين الشباب و الصبايا ع المنتدى؟؟؟؟
هاها....متل ما سبء و حكيت .....انا بعتبر المنتدى متل الصف تبع المدرسة........اجتمعنا فاي........شباب و صبايا.......عم نحكي حول ضيعتنا.......حول دينا....حول ايا شي.....بإحترام متبادل.........و بنحاول دائمن نكون عم نستفاد من هل الوءت.....



لكن المشكلة أن هذه الحوارات في أغلبها تبدأ بطريقة وبأمور إعتيادية وسرعان ما تنتهي بالوقع في فخ شيطاني أو شبهة تكون هي الخطوة الأولى على الطريق الخطأ

هوني في عندي تعليء .....ما بظنانو حوار عن حسن الخلء بدو يجر الانسان ع الطرء الغلط....هادا من وجهة نظري.....يعني انسان فايت ع المنتدى من شان يستفيد و يفيد...من شان يتبادل هو و الناس الافكار...منو فايت ت يتعرف و يطء حنك......في محلات تانية للشات و الحكي الفاضي ........

مثلاً ما رأي الإخوة والأخوات بشاب ملتزم بدينه مطيع لربه، توقظه زميلته أو صديقته لصلاة الفجر، برسالة أو رنة من المحمول

ههههههههههههههههههههه.........يأطع خملو ....منودا. هادا..........بدحك......حلوة هل الفكرة .....اسا احسن تفيؤ ع القيام....... و تجيب رفأتا و يجو يصلو مع بعضون.......هادا كلام فاضي ....يمكن الواحد بي هل الايام ازامرتو او امو عم تفيؤ ع الفجر ما بؤم........ههههههههههه.......بعدين ما لإي يستعين هو و حدا من الشباب ع الطاعة............


وما رأيكم بفتاة ملتزمة ومحجبة تبث همومها و(تفضفض) عن نفسها لأخيها في الله تلتمس منه النصح والحل للمشاكل التي تعترض طريقه

هلأ ازا طرحت مشكلة عبر المنتدى منا مشكلة .....بس انو تحكي مع واحد لوحدو و تعد تشكيلو هموما فا مفي داعي ..........في كتير صبايا يشاركو هموما و يساعدو ت تلاءي الحل المناسب..............و اد ما كان هل الانسان متعلم و بيفهم .......

رأيكم بالكلام غير المفيد والمجاملات التي تتعدى حدود الشكر بين الجنسين أو المزح سواء كان خفيفاً أو ثقيلاً؟

انتي عم تؤلي كلام منو مفيد.....اكيد مفي داعي لو......
و المجاملات لي فيا زيادة ....و كلام طالع نازل....و بوعد يعمل بيتين شاعر بوصف عيونا من شان يؤلا يسلمو ع مشاركة كاتبتا....هههههههه........
المزح......ازاكان تعلء بسيط و بدحك منا مشكلة....

يعطيكين العافية............
اخوكم دوكر المعوكر..................

[الزاهر]

كيف يجب أن تكون حدود العلاقة بين الملتزمين في عصرنا هذا - أقصد عصر العولمة والتكنولوجيا الحديثة -؟

سؤال كتير كبير......وبعادتي .....أي طريقتي بالتفكير...إني بلش بالتفاصيل ثم اتوسع واتوسع للحالة العامة!!!!.......يعني اعتذر عن الإجابة حاليا....يمكن بس كون فكرة اوسع!!!


لكن المشكلة أن هذه الحوارات في أغلبها تبدأ بطريقة وبأمور إعتيادية وسرعان ما تنتهي بالوقع في فخ شيطاني أو شبهة تكون هي الخطوة الأولى على الطريق الخطأ..

صحيح.....وأد ما الواحد (أو الواحدة).....أد ما آل أنا إيماني أوي.....ما شاء الله بيهد الصخر.....مستحيل أوئع.......لكن هو غفل عن "حقيقة" إنو ما اجتمع 2 (شب وبنت يعني).....إلا وكان الشيطان تالتهم.....سواء كان الاجتماع بالضيعة.....ولا عالمسنجر.......ولا بالحريشة.....ولا بقاعة الجامعة وبين 400 شخص غيرهم.....فيها تكون خلوة!!!!!....ولو كان اجتماعهم على ذكر وتسبيح.....رح يجي وئت ينحرف......والله يستر ساعتها!!!


مثلاً ما رأي الإخوة والأخوات بشاب ملتزم بدينه مطيع لربه، توقظه زميلته أو صديقته لصلاة الفجر، برسالة أو رنة من المحمول؟

والله يا ريت......وخصوصي بهالأيام.....منفيئ على صوت الفراشة.....خلص.....رح جبلها موبايل!!!!.......عم امزح ها!!!!

وما رأيكم بفتاة ملتزمة ومحجبة تبث همومها و(تفضفض) عن نفسها لأخيها في الله تلتمس منه النصح والحل للمشاكل التي تعترض طريقها؟

ممممممم.....حسب الفضفضة......وحسب المشاكل...وحسب الأخ...يعني.....شو لازمل تيعرف كنها حيرانة بين الحجاب الأزرق والاصفر!!!!.....وشو لازملو ليعرف كنو امها بتنأ كتير ولا لا......بس ممكن تستشير صاحب تجربة بمجال في حال كانت تنوي ان تخوض هذا المجال....إن كنا عم نحكي بالعلم......أو مثلا في شي مشروع نسوي مشابه لمشروع قام به فئة من الشباب....فممكن يكون في تواصل بطريقة مناسبة منشان التنبيه على المشاكل اللي ممكن تعترضهم ومن هالأصص!!!.......كمان الحكي بيختلف من شخص لشخص......يعني إذا حصرناها بفئة الشباب.....في كتير محاذير......
أما إذا بدنا نفهم "الفضفضة".....متل المفهوم الأول....فبلاها احسن.......

وما رأيكم بالكلام غير المفيد والمجاملات التي تتعدى حدود الشكر بين الجنسين أو المزح سواء كان خفيفاً أو ثقيلاً؟

ممممممممم..........الكلام غير المفيد......سواء كان بين شب وبنت...ولا شب وشب.....منو لازم......المجاملات......أكيد اذا كان الواحد (أو الواحدة) عنده ما يكفي من الحياء......ما رح يوئع بهالأصة.....هاد رأيي........المزح........هادي اصة.....أنا مني وإلي......بستصعب اكتب جملة بلا شي تلميحة.....شي تورية.....اللي بيفهمها يفهمها.....والي ما بيفهمها......بيكون احسن!!!....سواء كنت عم احكي مع الحيط ولا كباية الموية........يمكن هادي مشكلة.....بس هاد طبع......وصعب امحيه بالمحاية.......بدو وئت!!!.....فالأصة باعتقادي نسبية.....وحتى تصبح كتاباتي كلها بالفصحى.....سأظل أخفف من هذا ما استطعت.......
من جهة تانية......أحاول أن ابتعد عن المزاح الغير لازم بكل الوسائل......إن توجَّهَت لي بمزحة.....أو "كلمة حلوة" (متل ما بيسموها)......أحاول تجاهلها.......مبدأيا هذا رأيي بهذا التفريع!!!
وشكرا على مبادرتك بتولي الدفة.....لأن كل واحد كان عم يحكي بوادي......وإن شاء الله نصير بوادي واحد من هلأ وبالرايح!!!!

[مصطفى معتوق]

حبيبي معتوق , يمكن يكون في شوية خلافات بين المسلمين عأمور معينة بس منو صحيح إنن بيكفرو بعضن متل منك عم تتفصح, هالكلمة منا هينة أبدن وما حدا مسلم بيسترجي يأولا لأخو , ولا مرة سمعت بالضيعة إنو حدا كفر حدا ,وبالرغم من كترة الجماعات عنا بالضيعة فكل فئة عندن مشاريعن الإسلامية الهادفة وطريإتن الدعوية الخاصة , ومن عيشتي بالضيعة بشوف إنو المسلمين بضيعتنا بحبو بعضن وبيتمنو الخير لإخوانن.. وفي كتير من الشباب بيشتغلو مع عدة جماعات وكتير حريصين عفعل الخير وين ما كان في نفع للمسلمين , وإذا حدن من إخوانو كان بحاجة أكيد ما رح يأصر , والحمد لله إنو إساتو الخير بالمسلمين بضيعتنا , ما في محتاج إلا بيوصلو الإعاشة والمساعدات ,والحمد لله إنو إسّا في عالم بتشتغل لوجه الله, بس الغريب إني ولا مرة اسمعت إنو القومية بضيعتنا وزعوا شي بالضيعة أو عملو شي مشروع نافع(غير مخيمات العربدة) ..يمكن ناطرين بس يصير عندن شي مصلحة أو بدن يفوتو عشي منصب...

وهي رجعنا للموضوع زاتو ....
رح عيد ...
هلق انت يا عمي ابو رياض جيت على المنتدى مأخر مدري وين كنت لمن كنا بالزمااااااانااااااات عم نتناقش بهالقصص مع الاخوة الريس والمهند وابو محمد والدكتور وسيم وغيرن ... يمكن كنت مع نبو خذ نصر عامل فورمان على الجنائن المعلقة او شا .....

منرجع للجد

المشكلة عندك هية انك عم تنظر للأمور كلها بمنظار كتير ضيق ... هلق ما حدن قال انو المسلمين بالضيعة كفرو بعضن !!!! وما حدن قال انو اهل الضيعة منن ايد واحدة على عمل الخير !!! بالعكس هادي شغلة موجودة بالقلمون والحمد لله وانا وبصفتي مسؤول بالحزب القومي ( معليش رح احكيها بشكل رسمي ) مع انو الكل يكونو ايد واحدة وقلب واحد لانو بالنهاية هاد جزء من التفاعل الاجتماعي يلي بيحرص عليه الحزب القومي .

بس انا لمن احكيت عن الاختلافات والخلافات كنت عم انظر للموضع نظرة اممية مش نظرة ضيعجية .. بمعنى انو القلمون ضيعة كل اهلها من لون مذهبي واحد ويمكن من النادر جداً انك تلاقي 2 من لضيعة ما بتجمعن صلة رحم او قربة .

هاد الشي بيخلي القلمون غير صالحة ان تكون مثل عن الاختلاف والخلاف .. هلق بينط حدن بيقلي بس فيها قوميين وتيار مستقبل وجماعة واسلاف واحباش وما الى ذلك ... صحيح هالكلام ... بس دائماً كان الانتماء القومي القلموني اقوى من كل العنصريات وكان يجمع اهل الضيعة على الرغم من الاختلافات الكبيرة بين بعضهن ....

مثل على السريع : انا قومي سوري متشدد واعتبر من جناح الصقور بالحزب وهاد عبد الغني طوط مثلاً انا بأكدلك انو اول شغلة رح اعملها بس كون بالقلمون وشوفو اني رح سلم عليه ويمكن تشوفنا مع بعضنا بحكم انو بيتن جنب بيت خالتي يلي بتواجد فيه اكتر من بيتنا

كمان مثل تاني : المختار الحج علي . شوف اديشنا بعاد ومختلفين بالاراء السياسية والفكرية والفلسفية بس فيك تروح تسألو من لاعب كرة القدم المفضل عندو ويلي عطول بيروح بيعمل مشارع خاصة معو بعد العب ( عشا كوكتيل وما شابه ذلك ...)

وازا بدي كمل بالامثلة بصير مضطر اذكرلك يمكن اسماء 90 % من الشباب يلي بختلف عنن بالسياسة وبيجمعني فيهن قوة الانتماء للضيعة يلي هي هون رقعة صخيرة من ارض الوطن السوري الكبير .

اما الخلاف والتناحر يلي انا عم احكي عنو .... والتكفير و و و ( مع اني ما بتذكر اني استعملت كلمة تكفير ؟؟؟) وحضرتك عم تنقضلي كلامي .... فبحب حولك على صراعات عمرها صار حوالي 1500 سنة وكانت نتيجة شرمذة طويلة ومقتل الصحابة والخلفاء وهدم اساسات الدولة بحجة الطوائف ( انتبه بلغتي انا كقومي في فرق كبير بين الدين والطائفة منبقي منحكي عنو ) هاد ضمن صفوف المسلمين كمجموعة واحدة من الناس .

رح ارجع لكلامك ... على سيرة انو في شباب بتشتغل مع اكتر من جهة فالدافع الاساسي هو العلاقات الاجتماعية القلمونية يلي هي والحمد لله اقوة من اي خلاف سياسي هي انا ياما مشارك بنشاطات للجماعة وللعباد ولغيرن وهاد الشي منو غلط .... حتى بثقافتي كقومي هاد شي مفروض عليي لان حزبنا حزب اجتماعي وهادول الناس هنة ابناء امتي ومجتمعي وواجبي كسوري قومي اجتماعي اني كون جزء من هادا النسيج الراقي .

منرجع لموضوع المخيمات . ليك انا شخصياً مني مشارك بكتير مخيمات حزبية طلابية . بس بتذكر تمام انو لمن كنت اطلع على المخيم كنت شوف بعيني انو كل هالكلام منو صحيح بنوب ويلي بدو يحكي عن الاختلاط وهي قصص فيروح يفصل الجامعات والمدارس والشوارع والضيع ويعمل شوارع خصوصي للحريم . على فكرة اغلب الاحيان بيكون عدد المشاركين بمخيمات الطلبة للحزب قد عدد سكان محافظة من المحافظات اللبنانية منو ضيعة او مدينة مثلاً فمع الكترة والرقابة الصارمة اكاد اجزم باستحالة حصول هيك خبريات . وبيضل عنا شغلة اساسية . انو يلي بدو يسكر او يزني او يعمل فاحشة ما بعتقد انو حدن من المخلوقات في يمنعو او يكسر جموحو وعملتو منها رح تكون مرتبطة بزمان او مكان.

على فكرة :
عجبتني جملتك الاخيرة كتير ... لمن بدن يفوتو على منصب .... هههههه شو فاكرنا تيار الدولار يعني ؟؟؟؟ ليك نحن وقت بدنا نعمل هيك عمل خيري بعتقد عندنا اسلوبنا الخاص وما منطبل ومنزمر متل غيرنا ومنربح العالم منية ....

[الريس]

لقد حاولت أن ألقي نظرة سريعة على الردود والمشاركات الأخيرة لكني وجدت أن نظرة سريعة لا يمكن أن تكون كافية لكثرة ما إحتوته هذه المشاركات من أفكار وعناوين تصلح كل واحدة منها أن تكون موضوعاً بذاته..

وإسمحوا لي أن أدير دفة الحديث بإتجاه معين وأطرح سؤالاً: كيف يجب أن تكون حدود العلاقة بين الملتزمين في عصرنا هذا - أقصد عصر العولمة والتكنولوجيا الحديثة -؟

منذ زمن وليس ببعيد، تعلمنا ضوابط شرعية في العلاقة بين الرجل والمرأة الأجنبية عنه، وكان منها غض البصر وعدم الخلوة وعدم الخضوع بالقول و.. وكل هذه الأمور ممكن تجنبها في حوار بين شاب وفتاة عبر المسينجر أو الشات أو المنتدى أو المحمول أو ..
لكن المشكلة أن هذه الحوارات في أغلبها تبدأ بطريقة وبأمور إعتيادية وسرعان ما تنتهي بالوقع في فخ شيطاني أو شبهة تكون هي الخطوة الأولى على الطريق الخطأ..
مثلاً ما رأي الإخوة والأخوات بشاب ملتزم بدينه مطيع لربه، توقظه زميلته أو صديقته لصلاة الفجر، برسالة أو رنة من المحمول؟
وما رأيكم بفتاة ملتزمة ومحجبة تبث همومها و(تفضفض) عن نفسها لأخيها في الله تلتمس منه النصح والحل للمشاكل التي تعترض طريقها؟
وما رأيكم بالكلام غير المفيد والمجاملات التي تتعدى حدود الشكر بين الجنسين أو المزح سواء كان خفيفاً أو ثقيلاً؟

بإنتظار آرائكم ... والله وليّ التوفيق

بارك الله فيكي يا أختي على هذا الردّ ، بصراحة كلامك أكثر رائع ، ويا ريت حكيتينا فيه من الأول ، لحتى يندار الحوار بطريقة مضبوطة .


تسألين يا أختي بداية ، عن حدود العلاقة بين الملتزمين في عصر العولمة والتكنولوجيا ، وسمحيلي زيد كمان بعصر التعتير لأن في إرتباط وثيق بينهم ، فالتنكنولوجيا والعولمة آكلة كل وقتنا ، وسبب التعتير ما بق عم نكتفي بشغلة وحدة ، فصرنا بدنا نشتغل كذا شغلة ، لحتى نقدر نفتح بيت خلال شي سنتين وشوية ، فحياتنا كلها ضغط وتعب وإرهاق ، ولا بد من أخي في الله الذي أراه دائما أن يروح عن قلبي ، فأنا لا أنتظر منه بعد نهار طويل أن يأتي إليّ ويعطيني شرح في أصول الفقه ، وأن يحفظني البيقونية وأصول التفسير و.... أنا أحتاج لرفيق يفهمني وأفهمه ، إذا تكلّمت معه لا يخاطبني على أني ذاك السلفي الصالح الذي استوقفه صاحبه فقال له أوقف الشمس ليس معي وقت ، لنكن واقعيين ، أنا لا أستطيع أن أحيا هذه الحياة ، نعم نصلي ونصوم و... ولكن لست هكذا ، عندي أفكار ومبادئ أسعى للنشرها بين الناس من حولي ، بلساني وبجسدي وبكتاباتي التي أكتبها ... و...

أحتاج لرفيق أعيش معه حياتي ، بشكل عمليّ ، أشكي له هموم حياتي وضغوط العمل والصعوبات ، ويشكي لي همومه العائلية و... ونعالجها سويا ، ونتناصح ، ونتمشى ونروح عن أنفسنا ، ونمزح ، ومنعمل مقالب ببعضنا و.... هذه هي الحياة التي أريد ، ما بدي واحد بيمشي معي وهو ساكت ، ما بيضحك أبل ما ترجع القدس وهو ماشي عم يقرا قرآن و..... انتبهو منيح أنا ما عم اتسمخر على الإنسان يلي هيك ، بالعكس بهنيه انو بيقدر يطيق هالعيشة ، بس أنا ما فيني كون هيك .



بالنسبة لما ذكرتيه عن البدأ بطريقة منضبطة ثم الإنزلاق شئيا فشيء ، فأنا أوافقك ، واسمحي لي أن أوعز المشكلة لفقدان الرقيب ، نحن نقول أنه عندنا رقيب داخلي و... ولكن هذا لا يكفي حتى ولو كنا صحابة .

طيب تقولون ، أن الشخص هنا عندما يتكلّم ، إنما يتكلّم أمام الملأ ، وان خارج عن الحدود فإن الرأي العام سيحاسبه ، أقول لكم تمام ، ولكن ماذا إن كان الشاب أو الفتاة يدخلون المنتدى باسم وهمي ، من سيحاسبهم ..؟؟؟؟؟؟؟

فالحلّ برأيي ليس منع الأسماء الوهمية ، لأنه لا بدّ منها ، وستتبين فائدتها لكم فيما بعد ، وأسأل الله أن تكون تحليلاتي خاطئة ، ولكن بالوقت المناسب ، سيندم كثيرون ممن يكتبون بأسمائهم الحقيقية . كما أن الحلّ لا يكون بالإكتفاء بالرقيب الذاتي واستحاضار معية الله .

فالحلّ برأيي هو أن يفعّل دور المشرفين ، يعني معليش اذا حكينا بتزعلوا ، المشرفين كيف عم يتواصلوا مع الأعضاء ، بحطوا إعلان ، طيب شوفوا اديش في مشاهدات لهل الإعلانات ؟؟؟ والمواضيع ما بتشاركوا فيها ، يعني بتقعدوا تتأرجوا من بعيد وكل ألف سنة بطلو مرّة ، وأنا هون أصدي على الكل ، غريبة انو المنتدى هون أقل ناس بفوتوا عليه هنة المشرفين ، بعكس كل باقي المنتديات .


يعني كونوا في مشرفين ومشرفات ، بس شب يلخبط مع بنت أو يرد عليها بلطف زايد عن اللزوم ، يراسلوه الشباب ، لأن أكيد البنت ما لها عين اتقللو . ونفس الشي اذا شب وبنت انجلقوا كتيير عبعضون يتفضلوا المشرفين يحكوه على الخاص ، والمشرفات يحكوها ، بس ينسقوا مع بعضون قبل .


مثلاً ما رأي الإخوة والأخوات بشاب ملتزم بدينه مطيع لربه، توقظه زميلته أو صديقته لصلاة الفجر، برسالة أو رنة من المحمول؟


انو بدي افهم شو فيها ، يعني فيها اتودي رسالة صار تكتب فيها "السلام عليكم ، صار وقت الصبح " من دون بحبك وحبي وقلبي وشطابخة وكيف درسك و...؟؟؟ شو فيها ؟ وين الخلوة بالموضوع ؟؟؟؟

احنا لما منجي بدنا انعالج أي مسألة ، ما لازم نخد بالقرآن وبس ، يعني لازم انشوف الصحابة كيف طبقوه على أرض الواقع ، ومن خلال قرائتي لسيرة بعض الصحابة ، ما بحس انو صورة المجتمع في ذاك الحين كانت كما يطلب البعض ، يعني لما هند كانت عم اتأسلم وكان النبي صلى الله عليه وسلّم عم يقلها البنود فلما وصل على ولا تقتلين أولادك ، قالتلوا ربيناهم هنة وصغار ولما صاروا كبار انت قتلتهم ، فضحك النبي صلى الله عليه وسلّم ، وضحكلها عمر بن الخطاب . ونفس الشي منسمع بالصحابي يلي شاف واجد حاملة تمر وماشية ، فقلها اطلعي توصلك و...


يعني في صور كتيير ما لازم انغمّض عيونا عنها ، لأن بالآخر من كون عم نطلب من المجتمع شي غير قابل للتنفيذ .


وبعدين عم تسألي يا أختي ، عن البنت يلي بتفضفض لأخوها في الله ، أنا برأيي اتفضفض لرفيقتها بكون أحسن يعني أدد ما كان الشب بيعرفها و... فما رح يرتاح معها بالحكي متل لما بتكون بنت عم اتحكيها ، البنت بتروح معها مشوار ، بتطلع لعندها على البت ، بتمسحلها دموعها ، بتضمها ، بتبترلا على كتفها ... مش متل لما بكون الواحد واقف وعم يطلع بالأرض وهي عم تطلع بالأرض ويحكو بعضهم وفي مسافة بينهم ، وفي ناس حولهم و.... هيك ما حدا فيه يعالج الأمور الخاصة .

وبالنسبة للشب ما تسألوا عنو شو بيعمل ، يعني أنا بعرف من حالي ، متل الثعلب من تحت لتحت ، وفي كتير ناس هيك بتشوفوهم بتقولوا هادا البسين بيكل عشاه ، بس هو من تحت لتحت ، وهالثعلب هادا ، لما بشوف انو البنت عم تفضفضلوا و.... فرح يسأل حالوا شو بدها هل البنت هيدي مني ؟؟؟ ليش مأمنتلي أنا ؟؟ شو بعنيلها أنا ؟؟؟ وساعتها ببلش أبو الشباب -بليس- يجاوب على هالأسئلة ، ولك لأن انت مش متل غيرك ، انت بتحترمك ، وبتعزك ، وبتحبك ، وبتعجبها ، و... ولا هلأد انت غشيم ، ما حلك تشتلأ بقا ، قوم حكيها كلمة ، اجبر بخاطرها ، خدلها هدية ، اتص فيها واسيها ....


بالنسبة لحدود المزح و... فقلت هذه هنا لازم اتكون على المشرفين ، وبالحياة برات المنتدى ، كل واحد بشوف غلط لازم يحكي فيه .وينصح .

[دوكر]

يا هلا بالريس.......حبيبي و الله....كلامك حلو.....و فاي كتير افكار.......و انا معك مية بالمية بأول واحدة ......يا خي مبعرف ليش نحنا ازا نؤال ادمنا كلمة دعوة ......بنتخل واحد واءف و عم يسفء حديث ورا حديث و عم يعطي تفسيرات للكلمات .....او لاءط المصحف و عم يفسرو اية اية ....جامع كل التفاسير و كل الاختلافات.......انا مني عم ؤل انو هدولي ما بيعرفو يدعو.....بس هدول بنسميون دروس شرعية..........طلب علم....و ما كل العالم بتفوت بهل المجال........الدعوة منا هيكا........دعوة كلمة حلوة.....تعامل منيح....ابتسامة......توصيل فكرة للانسان بكلماتك الشخصية ....لي انتا بتستمدى من كتاب ربنا جل جلاله...و سنة المصطفى صلى الله عليه و سلم........
متل ما ؤال الريس الواحد بهل الايام بجي من شغلو محرؤ سلافو......منو مستعد يسمع واحد عم يحكي بالفصحة و جمل فيا من التشابيه و الاستعارات و الصور البلاغية......حابب يسمع انسان بعتبرو متلو.....ساعتا بؤل انا فيني كون متل هل الانسان ......بحاول صير متلو........يا خي انتا فاك تسمع محاضرة 3 ساعات و تكون مفي ادك مبسوط و عم تتستفاد.....ها ها ....عم تستفاد....هوني دورك.....بتوخد الفائدة و بتنشرا بالحولك من خلال كلمة و فعل.......
بتوجه الانسان........
هلأ اسا كان بدي ؤل كم فكرة .....ان شاء الله بالمسا.....و بعد مشاركات الشباب و الصبايا.......
اخوكم دوكر المعوكر.............

[أبو رياض القلموني]

[quote=مصطفى معتوق;28431]

وما حدن قال انو اهل الضيعة منن ايد واحدة على عمل الخير !!! بالعكس هادي شغلة موجودة بالقلمون والحمد لله وانا وبصفتي مسؤول بالحزب القومي ( معليش رح احكيها بشكل رسمي ) مع انو الكل يكونو ايد واحدة وقلب واحد لانو بالنهاية هاد جزء من التفاعل الاجتماعي يلي بيحرص عليه الحزب القومي .

إني لا أرى يا أخ معتوق أن سبب التآلف والمودة في بلدتنا الكريمة هو حبهم للقومية (عفواً , بس كلكن ما بتطلعوا خمسة ستة بالضيعة), بل هو التآخي في الله والتسابق في فعل الخيرات ,ولست أرى أن هذه الدعوة التي تدعو إليها تمس للمنطق بصلة , ولا ينبغي لنا أن نترك أخوتنا في الله ونتبع الأخوة العربية، أو الرابطة العربية، أو اللغة المشتركة والتاريخ المشترك، وهذا خلاف لما ذكر الله تبارك وتعالى في قوله: {إِنَّ أَكْرَمَكُمْ عِنْدَ اللَّهِ أَتْقَاكُمْ} [الحجرات:13] ولما قاله صَلَّى اللهُ عَلَيْهِ وَسَلَّمَ: (لا فضل لعربي على أعجمي ولا لأعجمي على عربي إلا بالتقوى), أم تظن نفسك أرقى من الناس غير العرب.

إن القوميين يمييزون العربي غير المسلم على غيره من المسلمين , فاستمع أخي إلا بعض الأشعار والعبارات الراقية التي يرددها قادتكم الأشاوس :

سلامٌ على كفرٍ يوحد بيننا**

وأهلاً وسهلاً بعده بجهنّمِ

هبوني ديناً يجعل العرب أمةً**
وطوفوا بجثماني على دين برهمِ
بلادك قدمهاعلى كل ملةٍ **
ومن أجلها أفطر ومن أجلها صُمِ

وكما قال صاحبك أحمد شوقي:

بلاد العرب أوطاني من الشام لبغداد***فلا دين يفرقنا ولا حد يباعدنا

ولعله من أكثر ما يغيظني هو التعبير الذي كان ولا يزال يقال إلى هذه الأيام: (الأمتين) الأمة العربية والأمة الإسلامية! فمن أجل هؤلاء تجعل الأمة الواحدة التي قال الله تعالى عنها: {إِنَّ هَذِهِ أُمَّتُكُمْ أُمَّةً وَاحِدَةً} [الأنبياء:92] تجعل أمتين!!

هذه العنصرية المقيتة البغيضة هي التي يحاربها الإسلام أشد الحرب، والتي كان أول من رفع راية الحرب عليها هو محمد صَلَّى اللهُ عَلَيْهِ وَسَلَّمَ عندما أنزل الله تعالى عليه هذا الدين العظيم، وأصبح الناس سواسية، فبلال الحبشي وأبو سفيان وسلمان الفارسي ومن أسلم من اليهود، ومن كان أنصارياً أو مهاجرياً فلا فرق بينهم: {إِنَّ أَكْرَمَكُمْ عِنْدَ اللَّهِ أَتْقَاكُمْ} [الحجرات:13].



مثل على السريع : انا قومي سوري متشدد واعتبر من جناح الصقور بالحزب وهاد عبد الغني طوط مثلاً انا بأكدلك انو اول شغلة رح اعملها بس كون بالقلمون وشوفو اني رح سلم عليه ويمكن تشوفنا مع بعضنا بحكم انو بيتن جنب بيت خالتي يلي بتواجد فيه اكتر من بيتنا

كمان مثل تاني : المختار الحج علي . شوف اديشنا بعاد ومختلفين بالاراء السياسية والفكرية والفلسفية بس فيك تروح تسألو من لاعب كرة القدم المفضل عندو ويلي عطول بيروح بيعمل مشارع خاصة معو بعد العب ( عشا كوكتيل وما شابه ذلك ...)

بدون تعليق... (ما بحب إجرحلك شعورك)

اما الخلاف والتناحر يلي انا عم احكي عنو .... والتكفير و و و ( مع اني ما بتذكر اني استعملت كلمة تكفير ؟؟؟) وحضرتك عم تنقضلي كلامي .... فبحب حولك على صراعات عمرها صار حوالي 1500 سنة وكانت نتيجة شرمذة طويلة ومقتل الصحابة والخلفاء وهدم اساسات الدولة بحجة الطوائف ( انتبه بلغتي انا كقومي في فرق كبير بين الدين والطائفة منبقي منحكي عنو ) هاد ضمن صفوف المسلمين كمجموعة واحدة من الناس .

لا أريد الرجوع إلى أيام الصحابة والخلفاء لأنني سأضطر إلى فتح موضوع جديد ولكنني أقول أن القومية كانت سبباً في تمزق الخلافة الإسلامية (وهذا هو أحد أهدافها) , ففي الحرب العالمية الأولى كانت البداية عندما اتفق فيما يسمى اتفاقية سايكس بيكو على تقسيم الخلافة العثمانية بين دول الغرب، فجاءت الحركة القومية العربية وجيشت جيوشاً؛ وحاربت مع الإنجليز ضد الدولة العثمانية، فعندما أراد الصليبيون أن يدخلوا إلى القدس كانت رايتهم تضم جموعاً عديدة منها: الإنجليز، والعرب القوميون - الذين انضموا إلى الإنجليز في قتال إخوانهم في الإسلام "الترك" - ودخل الإنجليز القدس، وبانتهاء الحرب العالمية انتهت الخلافة العثمانية تماماً، وتمزق العالم الإسلامي، ونفذت اتفاقية "سايكس بيكو ".

[مصطفى معتوق]

اخي ابو رياض .
انا كتير حبيت النقاش معك بس عندي طلبين :

الاول : في موضوع اسمو الاحزاب في القلمون بين الفكر والواقع خلينا ننقل الحوار عليه ورح اطلب من المشرف ينقل مداخلتي ومداخلتك لهونيك كرمال انو هالموضوع مخصص لرفع الكلفة اما النقاش عن الاحزاب والعقائد فمكانو هونيك
التاني : يا ريت تعطيني شي كم ساعة بس لخلص يلي عم اشتغلو واكتبلك رد ..

برجع بتشكرك مرة تانية على اسلوبك الرائع بالحوار حتى الان وبتمنى من يلي بدن يحاورو يتعلمو منك الهدوء والطريقة الحضارية ....
انطظر ردي
سلام

http://qalamoun.com/Forum/showthread...DE%E1%E3%E6%E4

[ساميا]

نعم المرء ضعيف بذاته، قوي بإخوانه، وإذا كان الشيطان من الواحد أقرب فهو من الإثنين أبعد ومن الثلاثة أبعد اكثر وهكذا....
ولا بأس إن خرجنا قليلاً عن الموضوع الذي لا يتحدث عن طبيعة العلاقة بين الإخوة أنفسهم ولا بين الأخوات أنفسهن، إنما بين الإخوة والأخوات، أي بين الجنسين (الذكر والأنثى) من غير المحارم..
أنا أوافق الأخ الريس في مجمل كلامه حول ماهية العلاقة بين الإخوة، وعلى رأي الأخ دوكر هي ليست دائماً دروساً شرعية، إنما هي تطبيق لهذه الدروس وترجمة عملية لها، فالدين المعاملة، ورسول الله صلى الله عليه وسلم قال: " أقربكم مني مجلساً يوم القيامة أحاسنكم أخلاقاً..." وكان عليه الصلاة والسلام وصحابته الكرام كل منهم قرآناً يمشي على الأرض، وعندما بيّن لنا صلى الله عليه وسلم حق المسلم على أخيه المسلم جاءت كلها حقوقاً إجتماعية (بمصطلحاتنا اليوم) لا يمكن تطبيقها دون أن تكون هناك علاقات إجتماعية مثالية بكل ما للكلمة من معنى (إذا لقيته فسلم عليه،إذا غاب تفقده، إذا مرض فعده، إذا عطس فشمته، تحمل عنه، تسعى في حاجته، الأخ وإخوانه كالجسد الواحد إذا إشتكى منه عضو تداعى له سائر الجسد بالحمى والسهر والمؤمن مرآة أخيه)...
وبالعودة إلى العلاقة يبن الجنسين من غير المحارم، وفيما يخص الأسئلة التي طرحتها، فبالنسبة لي أرى أن كل الأمور المذكورة لا داعي لها أصلاً، وإن كان لا نص صريح على حرمتها، إنما هي بحد ذاتها مدخل واسع وعريض للشيطان ينبغي علينا إغلاقه بإحكام شديد، فكل واحد منا مطالب بسد الذرائع ودرء الفتنة وتجنب الوقوع في الخطأ ( ولا تتبعوا خطوات الشيطان)
وعندما تكثر الفتن من حولنا فالأولى بالمسلم أن يأخذ نفسه بالأحوط ، وإذا كان الصحابة الذين عاشوا إلى عصر التابعين من بعدهم، قال أحدهم للتابعين من حوله: إنكم تعملون أعمالاً هي في أعينكم أدق من الشعرة، كنا نعدها في أيام رسول الله من الأمور العظام.. فماذا يقول هذا الصحابي لو عاش لعصرنا هذا عندما يرى درجة إستسهالنا للأمور اليوم..
وقد عجبت من مقولتك أخي الريس في الفتاة التي توقظ زميلها لصلاة الفجر (انو بدي افهم شو فيها ، يعني فيها اتودي رسالةصار تكتب فيها "السلام عليكم ، صار وقت الصبح " من دون بحبك وحبي وقلبي وشطابخةوكيف درسك و...؟؟؟ شو فيها ؟ وين الخلوة بالموضوع ؟؟؟؟)
أنا من البداية قلت جميع الأمور التي ذكرتها ممكن تجنب الخلوة فيها إذا كانت عبر الهاتف أو غيره..
فليس الموضوع موضوع خلوة، إنما حول مبدأ التعامل وحدود العلاقة بأدق تفاصيلها، وهنا أسألك سؤالاً: لو كانت التي تفعل هذا الأمر أختك أو زوجتك، هل تسكت عنه وتعده أمراً بريئاً لا شبهة فيه حتى ولو كنت متأكداً مئة في المئة من سلامة نيتها وصدق طويتها وأنها لا تقصد سوى الدعوة للخير لأن الدال على الخير كفاعله، فتتركها تقوم بهذا العمل وتشجعها عليه وعلى مثله، أم تقول لها دعي غيرك من الشباب يقوم به فذلك هو الأمثل والأتقى ويكفيك أن ترشدي زوجك أو أخاك لمثل هذا الأمر فإن قام به أو لم يقم فقد نلت الأجر بإذن الله؟؟!!
أرجو الإجابة بالصراحة التي عهدناها دائماً في ردودك ...
أيضاً الرسول عليه الصلاة والسلام علمنا كيف يدرء المرء الشبهة عن نفسه، فعندما كان يسير مع زوجته أم المؤمنين صفية رضي الله عنها ليلاً ومر بقربهما إثنان من الصحابة إستوقفهما رسول الله صلى الله عليه وسلم وأخبرهما أنها زوجته،.. طبعاً هما لم يشكا به ويستحيل ذلك وقد قالا له متعجبين: أفيك نشك يا رسول الله؟.. لكن رسول الله يعلمنا منهج حياة للصحابة وللأمة من بعدهم في أن يدرأ المرء الشبهة عن نفسه في كل نواحي حياته،..
أرجو أن تكون الفكرة قد وصلت .. بإنتظار تعليقاتكم ... دمتم في رعاية الله وحفظه والسلام عليكم.....

[دوكر]

يا هلا بالست ساميا............
كلامك مدوزن....يعطيكي العافية........
هادا لي اان بدي ؤصلو........عشت مع كتير شباب....عندون كان نظرة حلوة للحياة .....بس مجرد نظرة.....المشكلة انو ما بيعرف يطبأ.....متل حالة الاكترية منا ......بنعد نؤرا الاحاديث و الايات .....بنعد نسمع ؤصص التابعين و الصحابة رضوان الله عليهم....و بنؤل ياي ياويلاي اديش حلوة هل الحياة....لو اني كنت معون.....هادا انسان حابب يعيش بالوهم......مظبوط ايامن كانت احلى الايام....و يا ريت عشنا معن....و ريت عشنا و كنا من صحابة الرسول صلى الله عليه و سلم.........بس هادا حلم.....لأنو نحنا هون....نحنا هلأ......
اديش كنت انبسط بس شوف شب ملتزم بيعرف يطبء دينو .....بيعرف يتعامل مع الصبايا و بيعرف ايمتن لازم يتعامل معون......ايمتن بحكي ......بيعرف يتعامل مع لي اكبر منو.....بحترم لي حولو..........عندو اخلاء رائعة.....متعلم.......مهذب.........دينا ما امرنا نحمل القرآن و الاحاديث براسنا.......بس ازا واحد وجهلو كلمة .....لا حول و لا قوة الا بالله.......بيمرطو مية حديث .....و بفأعو تكفيرة بالاخر........او ازا واحدة سألتو سأل بدير وشو....و يمكن بعلأ ورأ ع أميصتو مكتوب عليا لا اتكلم مع صبايا....من شان يبعد الفتنة...........يا خي هادا ما ءسمو دين......و كمان ما ؤلتك طبء الدين بالمؤلوب......ؤل في حديث عن الرسول صلى الله عليه و سلم....بما معنى ......تبسمك في وجه اخيك صدقة......و كمان.....افشوا السلام بينكم......الله ......هادا ثغر من الثغور.......هو بدو يلحؤ حسنات .....ماشي و تارأة عبسة....هو بشوف واحدة...."السلام عليكم و رحمة الله و بركاته"....كمان المصافحة بتهر الخطايا........و ابتسامتو من اول راسو لأخرو.....كمان منو هيكا الدين............
في خطوط الواحد ما يحاول يتجاوزا.....و هل الخطوط معروفة عند الكل.......
نشف ريءي مؤ فيني احكي........هههههههه.......
يعطيكن العافية.............
اخوكم دوكر المعوكر........

[الريس]

أختي ساميا الله يبارك فيكي ، بتقولي :
وهنا أسألك سؤالاً: لو كانت التي تفعل هذا الأمر أختك أو زوجتك، هل تسكت عنه وتعده أمراً بريئاً لا شبهة فيه حتى ولو كنت متأكداً مئة في المئة من سلامة نيتها وصدق طويتها وأنها لا تقصد سوى الدعوة للخير لأن الدال على الخير كفاعله، فتتركها تقوم بهذا العمل وتشجعها عليه وعلى مثله، أم تقول لها دعي غيرك من الشباب يقوم به فذلك هو الأمثل والأتقى ويكفيك أن ترشدي زوجك أو أخاك لمثل هذا الأمر فإن قام به أو لم يقم فقد نلت الأجر بإذن الله؟؟!

بصراحة أنا ما مرتي تعمل هيك ، بوديها إجازة عند اهلها شي أسبوعين تلاتة -يعني هي صحيح هالخصلة بطلت ، بس معليش برجع بدرجها- ، مش لأن مقتنع انو حرام أو شي من هالقبيل ، بس أنا هالشغلة ما برضاها لمرتي بنوب .

تاني شي ، يعني هي هلأمور فقهية ، أكتر مانا فكرية ، يعني أنا المبادئ يلي عم اتحكيني فيها بعرفها وكل يوم بحكي فيها كذا مرّة ، بس القصة كلياتها فقهية ، فلو بتورجينا الأمر من ناحية فقهية بكون ممنونك ، يعني بتعرفي انتي يا أختي انو كلامك على راسي وعيني ، بس الدين منو لحاف بشد فيه كل واحد من ميلتو ، واذا بدنا نمشي انو كل واحد منعزوا يشيل شغلة من الدين أو يزيد شغلة ، كنا طلعنا بلا دين .
وبإنتظار ردّك ، أستودعك الله الذي لا تضيع ودائعه .

[الزاهر]

حوار ممتع (كان)

[lina k]

بالفعل كان الحوار ممتعاً ويا ليته يعود,,,,,,,,,,
اين هم أصحاب الحوار "دوكر- الريس-مصطفى معتوق -shanzimer6-أبو رياض,,,,"؟؟؟ يا ليتهم يعودون للمنتدى لتعود إليه الحياة النقاشية من جديد

[الزاهر]

بالفعل كان الحوار ممتعاً ويا ليته يعود,,,,,,,,,,
اين هم أصحاب الحوار "دوكر- الريس-مصطفى معتوق -shanzimer6-أبو رياض,,,,"؟؟؟ يا ليتهم يعودون للمنتدى لتعود إليه الحياة النقاشية من جديد

هلأ دوكر موجود بس متابع فقط ومن بعيد لبعيد
الريس عايش بمجرة تانية
معتوق ما عندو نت !!!
و6 من شغلكم
وأبو رياض عندو شي أهم


بدنا دم جديد يعني !!

لكن شبكم عطول هيك متشائمين .... لك أحو كلشي ماشي ...
المستوى مختلف (من حيث النوع وليس من حيث الجودة)