[قضية] جسر المشاة !

[الزاهر]

[shanzimer1]

والله ومعك كلّ الحقّ يا ارايب..........الجسر كتير بعيد وما حدا عم يستفيد منّو أبدا.........
أنا كان رأيي انّو كان لازم يكون في جسرين عالأوتوستراد........واحد فوق بيتكم و واحد فوق بيتنا كمان ........لأن كتييير عالم عم يموتو(الله يرحمن جميعاً) وهنّ عم يقطعو ............
هنّ فكرن انّن آسو مساحة الضيعة وعملو الجسر بنصّا....قام ماحدن استفاد فيّ لا الشرق ولا الغرب.....وعرض الطريق كتيييير واسعة .......آكلين نصّ أرض الضيعة قدّ منّون موسعينو للأوتوستراد........ولحّق عسيارات مارءة متل النفاسة......وعحوادث...

[The Knight]

صحيح انو ما بيعجبك العجب يا زهورة...
ولك بوس ايدك وش وافا انو عملوا جسر......
هلء ميشان ميلتكن انتو فيكن تمرؤو من التونيل بس نحنا من ميلة احمد قزيحة, يلي بوجهلوا تحية كيرة, فمجبورين نقطع الاتستراد وشفت اديش راح ضحايا هونيك الله يرحمن جميعا ويجعل الجنة مثواهم امين يا رب.
ميشان هايك بعتقد انو الجسر كان لازم يكون من جنب بناية قزيحة...

[الزاهر]

شو المشكل يكون في جسرين؟؟؟؟

[The Knight]

شو المشكل يكون في جسرين؟؟؟؟

بدك تسءل الدولة والبلدية......

[دوكر]

يا هلا بالمعلم أطر الندى...
موضوع الجسر كتير مهم...لازم يكون في اكتر من واحد...هاها لكن بدكن تتأصمو الجسورة بين بعضكن كمان ...واحد فوء بيت زاهر...و تاني فوء بيت الست شانزيمر واحد...بتخلونا نمرء عنون...و لا متل المعمولات شوف ولا تدؤ...ههههه...عم نمزح...و يا هلا بالست شانزيمر واحد...
يا هلا بالست شانزيمر سته ...لكن بحكيا للمحروسة و بؤلا تجي توخدلنا حصتنا من المعمول...حطون ع جنب لكن...هههه....
بالافراح ان شاء الله...يسلمو....
يعطيكن العافية...
اخوكم دوكر المعوكر...

[Nadine]

جسر المشاة!!!

هالقضية من اهم القضايا اللي لازم البلدية تعملها اعتبار , صار في كتير عالم بيوتهم فوق الجسر, يعني بدن يقطعو الطريق كل يوم.

يعني شو حلو يكون الشخص عم يقطع الطريق من عشية وما في كهربا, واللي ماشي على الاوتوستراد ما عندو ضو بالسيارة . واديش في عالم بتسرع كمان يعني بعلمك ما في سيارة , وانت وعم تقطع ما بتلاقيها غير لكمتك ودلت مكفاية.

[Nadine]

سلامات...
كيف الأرايبين؟؟؟؟

والله يا نادين أطيب شي معمول البيت... أو بالأحرى كل شي بينعمل بالبيت بيكون أطيب...

آه والله اليوم ودّعنا العمة الكريمة, إن شاء الله بتوصل بخير وسلامة... انتبهولنا عليا كتير... هدي العمة غالية عقلوبنا...
والله هالحياة كلا وداع... ومن أصعب المواقف " الفراق", عأدّ منو حلو الاستقبال, عأدّ منو بيقرّف " الوداع والفراق"... بيعين الله...

المهم.... تباعاً لسلسة الصور من الحارة الغربية, منكمل بصورة جديدة من جهة البحر ( هلأ يمكن شوية بعيدة) بس بعتقد بتؤدي المطلوب وبتعطيكن صورة واضحة!! ( شتأتيلو لبور سمير!!!؟؟؟؟)

اكيد اطيب شي المعمول شغل البيت , كمان كل شي بينعمل بالبيت الو طعمة غير. بتاكلي انت ومرتاحة.

ان شاء الله بتوصل بخير وسلامة عمتي. ايه والله سأليني انا عن الوداع والفراق!!!

والله كانت ايام بور سمير بتجنن, انا كتير شتألت للسباحة ببور سمير وخصوصي صرلي شي اربع سنين ماني سابحة.

بارك الله فيكي يا ارايبة على هالصور.

شكرا كتير لإلك .

والله منيح ارايبتي عم تحط هالصور من حارتنا, لان الاخ زاهر مشغول بحارتو.

[shanzimer6]

سلامات...
يا هلا بالأرايبة.... والله نحنا بخدمة الأوادم... انتي قوليلي صورة أيش بدك وان شاء الله اذا ممكن فليش لأ....
والله الغربة صعبة عالكل, ما حدا مرتاح! وأكيد بتشتاقي للقلمون ولحارتك...
وهاد اذا مين ما بدو نصورلو حارتو فما يتردد يقلنا وإن شاء الله نحنا بخدمة الأوادم...
واتركي زاهر بحارتو معليش... بس منو مقصر ماشاء الله.. الله يعطيه العافية....
أما بالنسبة لدوكر, فمتل ما قلنا ابعتا لدوكرة وما بتخسر شي... واذ بدك حدد من أي نوع بدك... لأ ن مؤ في كتير.. عم امزح ها..
وبالنسبة لموضوع الجسر, فلازم يكونوا 3 كمان واحد فوق بيت زاهر, والتاني فوق بيتنا, والتالت فوق النورث .. وهيك بيكون تمام... والله يرحم جميع يلي قضيوا عهالأوتوستراد...

[أبو رياض القلموني]

شرأيكن نعملكن كل واحد جسر عدرج بيتو ؟! ولك البلدية ما معا تظبط المجارير !! بدا تعمل عشر جسورة !!
إذا زاهر بدو واحد فأ بيتو و The Knight بدو واحد حد بيتو ...كم بدنا جسر !!

أنا شايف إنو موقع الجسر كتير منيح , يعني إذا واحد بدو يأطع من فأ بيتن لزاهر ..يهز كرشو شوية ويأطع من التونيل .. وإذا كان من تاني ميلة من الضيعة يطلع من جنب بناية الدكتور رشيد ويأطع عالجسر ..
بعدين يا The Knight مين ءال إنو ما عندكن تونيل ؟
إذا كان بيتكن صب بيت فلو فيك تأطع من تحت التونيل بس نتبه ما توأعلك بشي جورة ...صحيح في شوية ريحة زبل بس بيتزبط التونيل وبيتنضف..
ماني شايف أءذا من ولاد الضيعة ..بعد ما البلدية ركبت لمبات بالتونيل راحو كسرون !!