تجربتكم مع الجماعات الإسلامية

[دوكر]

يا هلا بالست روعة .....
موضوع كتير مهم .....يعطيكي العافية و يبارك فيكي ع هل الطرح ......
بس عندي تعليء بسيط ع كلمة " تقييم" .....ما بعرف بس بظن افضل نستخدم كلمة "ابداء الرأي".....او شي من هل الأشياء ....منو من شان شي بس.....التقييم بكون من لجان مختصة و متخصصة .......و ما بظن حدا منا عندو العلم و الفهم لي بخلنا نقييم عمل ........هل الكلام ما بيعني انو العمل كلو صح.......
طيب ......

ما هو عدد الحلقات اليوم في القلمون إن كانت في المسجد أو في المنازل أو في مراكز الجمعيات الإسلامية؟

هدا انا مفيني جاوبك علاي ......بس لي فني ؤلو انو ملاحظ انو متل حلقات تحفيظ القرآن بتكتر بالصيفية و شبه بتنعدم بالشتوية......يمكن فنا نؤل انو هادا جزء من المشكلةو لي هو عدم المتابعة ..........(هدا منو بس بالنسبة لحلقات القرآن).....ايا عمل مفاي متابعة .........ما بطول.........و مفعولو و الثمرات تبعيتو ما بتكون متل اللازم.........

ما هو دور الحلقات؟

يا ويلاي ......هادا بدو مجلدات الحكي فاي...........دور الحلقات.......
لها دور كتير كبير لازم بمجتمعنا الاسلامي......بس للأسف ما عم نعرف نستخدما..........الحلقات بهل الأيام عم تتحول لمركز لتحفيظ بس....يعني كأنك عم تبعت الولد ت يحفظ مأطع او صفحة من القرآن و يرجع ع البيت.........(مع اهمية الحفظ )....بس مهادا الدور لي لازم تلعبو الحلقات......اسا دورا اكبر من هيكا......ءلال الاساتزة لي بفسرو للولاد شعم يؤرو....و ءلال لي بعلمون ع احترام الاكبر منون ......سمحيلي بهل الكلمة .....بس صاير الولد لي بروح ع الحلءة متل ابن الشارع .....نفس الالفاظ.........نفس الاخلاء.....بس الفرأ انو حافظ آيتين...........ابل الحفظ لازم تكون الادب ......و كتير اشياء .........

هل تنحصر أدوار المسلمين بأضاحي العيد وتقديم الدواء والملابس للمحتاجين؟
أم أن حلق الذكر هي ما ترفع المجتمع إلى المستوى الديني المطلوب؟

هلأ هوني نطينا نطة كبيرة ........لكن فوء ما كان ازضك بسعن حلقات القرآن تبعت الزغار.........عم تحكي عن الحلقات ك كل ........دروس الدين و الحفظ و ......و.......
طيب.......

وحتى أضع إطاراً للموضوع أريد أن يتحدث كل منا عن دور الجماعات الإسلامية في تربيته الدينية وما هو المطلوب منها بالضبط

طيب......
لكن هلأ بدنا نبلش حكي.........
الامة الاسلامية.........امة الدعوية العملية......دين الحركة........دين الحياة الدنيا و الاخرة.........الدنية هي مرة طرء ..........بدنا نأضيا و نأضيا...........بس ربنا بعتلنا الدين ....ت نأضيا بطرءة غير ......ت يكون لنا أثر بالدنية..........منو رسمة ننشهر فيا .....و لا تمثال نحطو لشي قائد..........ومن......وو من...........الاثر تبعنا .....هي الادايبو الاخلاقيات لي جات بدينا...........المبادئ لي صقلا دينا...........

العمل الاسلامي .......ايشوا.....؟....هادا كان يمكن من الاسألة لي كان لازم تنطرح بأول الموضوع.....ما تعريف العمل الاسلامي........(هادا عنون موضوع كاتبي ......بس ما صار فاي تفاعل ...)مبدنا نفوت بمتاهات التعريفات....بأختصار.........العمل الاسلامي......هدفو الاساسي يكون للمسلمين كيان...هادا لي بعرفو انا.....ت يكون لنا كيان و يكون فنا نعتمد ع انفسنا لازم نكون خرج نعتمد ع انفسنا.....منو واحد بلا اجرين و بدو يمشي....(اللهم انا نسألك السلامة و العافية....)........
و ت نأدر نبني هل المجتمع الاسلامي ......بنبلش كل و احد بحالو ............بصلح حالو ......بكون منيح بينو و بين رباو............بعدين بدو يكون مأثر بلي حولو.......عيلتو ....الشباب لي معو بالشغل .......الناس لي بيعرفو.....بدون يعرفو انو هادا ناجح بحاتو ......لأنو دينو هيكا امرو ......بدون يعرفو انو هادا اخلاءو الاسلامية هي لي بتخلاي محترم معون........انو....انو.........(عم نشطح عن الموضوع مهيكا.....)
حاسس حالي حكيت كتير...............لكن ح وءف هلأ ..........و ننطر نشوف الآراء .....و بنبأ نكمل بأذن الله.......

يعطين العافية........
اخوكم دوكر المعوكر..............

[دوكر]

يا هلا بالمعلم ايمن......
له له له......ايش هل الكلام........كلامك اكيد عم تحكي عن وضع الجمعيات الموجودة هلأ ع الساحة...........
بس هادا منو الهدف من الجمعيات .....و لا من الافكار العمل الاسلامي........
طيب شيلنا من الجمعيات ازاعم تخدم القائد .....و هل الحكي......
ت نجي ع لي عم يشتغلو بالعمل الاسلامي منفردين و منون فايتين ت حدا......عم يوصلو بالاخر يصير فرق صوفية حسب رأي .......قرآن و ذكر.........و صيام و صلاة .....(اكيد مع أهمية هل الأشياء ...)بس العمل الاسلامي منو توزع منشورة .....و خلصة .....هادي منا دعوة ........و هادا ما بيبني اجيال.........و لا بخلي الامة الاسلامية تؤم...........
ازا ما كان عنا عمل منظم .....تحت قائد رباني ...........بخد اهم الشي بمبدأ انو يسمع من لي حولو .......و يوخد بوجهات نظرون........يعني في حولو متل مجلس شورة من ناس فاهمة .........من شان ما يتفردبالقرارت لوحدو.........ما ح نوصل لمحل .....بدنا ندلنا محلنا.............



يعطيكن العافية...........
اخوكم دوكر المعوكر............

[أيمن غ القلموني]

يا هلا بالمعلم ايمن......
له له له......ايش هل الكلام........كلامك اكيد عم تحكي عن وضع الجمعيات الموجودة هلأ ع الساحة...........
أكيد قصدي على الجمعيات الموجودة حالياً على الساحة .
بس هادا منو الهدف من الجمعيات .....و لا من الافكار العمل الاسلامي........
أكيد
طيب شيلنا من الجمعيات ازاعم تخدم القائد .....و هل الحكي......
ت نجي ع لي عم يشتغلو بالعمل الاسلامي منفردين و منون فايتين ت حدا......عم يوصلو بالاخر يصير فرق صوفية حسب رأي .......قرآن و ذكر.........و صيام و صلاة .....(اكيد مع أهمية هل الأشياء ...)بس العمل الاسلامي منو توزع منشورة .....و خلصة .....هادي منا دعوة ........و هادا ما بيبني اجيال.........و لا بخلي الامة الاسلامية تؤم...........
ازا ما كان عنا عمل منظم .....تحت قائد رباني ...........بخد اهم الشي بمبدأ انو يسمع من لي حولو .......و يوخد بوجهات نظرون........يعني في حولو متل مجلس شورة من ناس فاهمة .........من شان ما يتفردبالقرارت لوحدو.........ما ح نوصل لمحل .....بدنا ندلنا محلنا.............
قائد رباني ، وليس كل من أصبح قائد يستحق القيادة.
ولكن المشكلة أنك إذا انتقدت القائد لخطءٍ قام به فكأنك ارتكبتَ كبيرة من الكبائر ، و شوف تبييض الوش ، يعني ببهدلوك بس لأنك فكرت بعقلك ، وبَدون ياك تكون ماشي على العمى .

[دوكر]

يا هلا بالجميع.......
طيب .....متل ما طلبت من الاخت روعة ......
أرجو أن تكتب لنا عن تجربتك مع الجماعات الإسلامية حتى تبرز للإخوة فائدتها (إن وجدت لها فائدة) ......تكرمي......
اول شغلة عندي تعليء ع كلمة (ان وجدت لها فائدة)....كلمة بعتبرا كتير خطيرة ........هلأ اكيد الخامة الموجودة حالا ع الساحة ما بتفيد بالعكس يمكن عم تضر احيان ما بخولفكن الرأي بهل الفكرة ....بس ك مبداء الحركات و الجمعيات الاسلامية هي من الاساسات لبناء الجيل الاسلامي.......طيب ح يجي من هل الحكي بعدي.........

بداية انا تجربتي مع الجمعيات الاسلامية الحمد لله اساتا مستمرة لهلأ و ان شاء الله بدلا كويسة.........ما بؤلك الواحد بيمرء بظروف مع الجمعيات .....بتدايء ......يمكن ما بوافؤن بكلشي عم يعملو بس هل هدا معناتو انو يحمل حالو يومشي؟

طيب خلونا نتفء ع شغلة .....ح نعرف الجمعيات الاسلامية و الحركات الاسلامية بكلمة بعتبرا انا مرادفة لهن .....و هي " العمل الاسلامي " .....لأنو حسب وجهة نظري (و ما ضروري تكون صح.....يعني كلشي عم احكاي هو من وجهة نظري ....و هي عبارة عن ارائي الشخصية ...)......فا كنا عم نؤل انو حسب وجهة نظري العمل لي ما بكون ضمن اطار مجموعة لها امير او قائد او ......او مرشد....او لي بدكن تسمو .........ما بكون عمل اسلامي ....بكون يمكن عمل دعوي.....عمل فاي يؤم فاي شخص لوحدو ازا توفرتلو ادواتو ......يعني توزيع سدي عن الحجاب ......فاي 500 شخص يشتركو فاي .....هدولي يجمعو مصريات و هدولي يجمعو المواد لي بدا تنحط ع السيدي.........و هدولي يوزعو ع باب المدرسة ....و هدولي ......و فاي واحد منو لوحدو يكون معو مصريات مليردار و بيعرف يشتغل ع الكمبويتر ....يعمل احلى سيدي .........و يوزعو .....بطرءة معينة .....(مني عم بخس بهل العمل .....بس هادا عمل دعوي........).......لكن اعمل الاسلامي بيشمل الدعوة ....منو هيكا بس بل هي الركيزة الاساسية فاي .........و كمان ما بوءف عندا........

فازا العمل الاسلامي هو منو مجرد تأريب الناس من الدين .....بس هو بناء لمجتمع صالح و منو المهم فاي الكمية ....المهم الكيفية .....يعني اديش فاي اليوم ناس الحمد لله بصلو ؟ بس اديش عند عالم حاملين فكر.......اديش عندك رجال بوءت الفتن؟ ءلال (اللهم يا مقلب القلوب ثبت قلوبنا على دينك...)
دور الجمعيات الاسلامية لكن هو بناء .........هو تربية .....متابعة ........بتيني الفردو بصير عندا ثقة فاي ....هادا فاي يفيدنا بهل النءطة.........بتعرف توجهو ساعتا ....بشكل منو يفيد القائد...لأ يفيد المجتمع.........
الهدف منا ......انو تكون نوع من النظام بالعمل الاسلامي.....و هوني بنجي ع تعدد الجمعيات .....ليش بشوفو بهل الايام شي منو منيح....مع انو هو كتير مفيد......ازا عرفنا نستثمرو ........تعدد الجمعيات لازم يكون فاي نوع من التكامل بالعمل ..........منو تضاض متل بإيامنا............

هلأ ازابدنا ننزل شوية ع واقعنا.....بينصدم الواحد.......العمل الاسلامي ليوم مين مستلمو......ناس فاتو ع هل المجالات و هنا منو كفو لها....ناس منون اد هل الاشياء ....بس ليش وصلو لهوني ؟
اكيد نحنا لي مأصرين ....ازا هادي لي هو خرج حمل حالو و اعد بي بيتو ....و هاديكا لي هي فيا تستلم الءصم الفلاني ....ما عجبا الشغل مع فلانة .....ؤم عملت جمعية لوحدا.......و هدوليكا.....ؤال هنا مدون يشتغلو لأنو القائد او الامير لي فوءون شكلو منو عاجبون..........
وءت هدولي الناس الكويسة بتبعد عن العمل الاسلامي مين بدو يجي يستلمو ....اراذل القوم.........من شان هيكا وضعنا كل مالو بالورياني.......بكونو تنين مفي ادون مناح .........مستلمين عمل اسلامي........بيختلفو شوي بالرأي .....صار عنا فرأتين......و المشكلة بصيرو بيشتغلو ضد بعضون.........هادا لي عم يخلي تجربة كتير من الشباب و الصبايا بالعمل الاسلامي تكون سيئة........

هلأ من شان تجربتي الشخصية .........ما بؤلك كانت توب ...لأ ....بالعكس فيا كتير من المشاكل و احيان يمكن كنت اطر بعد عن بعض الاعمال لي ما برضاها.....بس الشي منو ع حساب العمل ك كل ...........نحنا يمكن عم تواجنا مشكلة من الجو لي تربينا فاي .....ما بنحب يجينا امر من حدا ....بنحب نشتغل نحنا شباب بين بعضنا من دون ما يتحشر فنا حدا اكبر منا ......يمكن هلفكرة بتظبط ببعض الحالات ........اعمال زغيرة يعني .....بس مبدنا دائمن نبلش من محل ما بلش لي ابلنا .......شفنا التجارب الفردية .......ما لها تأثر متل التجارب الجماعية.............
ت نحكي بوضوح اكبر .........كلنا بنعرف التأثر لي عملو الامام حسن البنا رحمة الله عليه ع صعيد المنهاج بالعمل الاسلامي .......(هوني نحنا منا عم ندخل بالعقيدة.....هدا شي تاني ...)....بس كمنهاج للعمل الاسلامي ......الاخوان كانت و ما زالت بالكتب هلأ منهج من اروع المناهج للعمل الاسلامي ............

عم نشطح عن الموضوع مهيكا ..........خخخخخخخ.........هههههههه.......
طيب ت اسكت شي شوية .....نسمع منكن.......

يعطيكن العافية ........
اخوكم دوكر المعوكر............

[مصطفى معتوق]

اول باشتان : مشكورة الانسة روعة على مشاركتها التي اقل ما يقل عنها انها تحاكي الواقع .
تاني باشتان: انا عندي تجربة مع اكتر من جماعة اسلامية . ورح احكي عنها ان شاء الله بشكل سرد قصصي لتجربة معين حدثت في ظروف واماكن محددة .

[Nader 3:16]

عن تجربتي الشخصية استفدت كتييييييييير و كان في نية للعمل...لكن بالسنوات الأخيرة و مع بروز جماعات جديدة و ظهور عامل النكايات بين الجماعات الاسلامية تركت فكرة العمل نهائياً.....

و انا برأيي يتم بعد الانتهاء من هذا الحوار...انو ينطرح هذا الموضوع:

هل تعدد الجماعات و التيارات الاسلامية هو عامل ضعف او قوة للعمل الدعوي و الاسلامي؟؟؟