الأمثال الشعبية القلمونية

**Ouss** · 09-08-2007, 07:33 PM

يأطع البنات وساعتن (أنا ما لي علاءة , هيك بتأول ستي)

**Ouss** · 09-08-2007, 07:35 PM

سحّبن من شواربن (تقال عند صيد الكلمور)

**Ouss** · 09-08-2007, 07:37 PM

العتى , فيسو الأظلح ما بآ في يلائي أمثال

**الزاهر** · 09-08-2007, 09:42 PM

يالله......بالانتظار مفاجئة إن شاء الله........انتظرونا!!!!

سلام

**الزاهر** · 17-08-2007, 05:43 AM

السلام عليكم

بما أن الموضوع شبه مقفل......فلقد أصدرت هذا الكتيب....بالتعاون مع الأخ الفاضل جابر.....لكي يكون جامع لكل الأمثال التي وردت في هذا الموضوع!!!

وستضم الأمثال الجديدة عندما يصبح عددها كافيا.....

سلام.....

**ach** · 17-08-2007, 10:26 AM

very nice guys

**الزاهر** · 17-08-2007, 05:57 PM

شو زعيم.......!!!!!

شو هو اللي "فاري نايس".......وشو حابب تشوف بالطبعة الجديدة.......وشو عندك تعليقات على هالنسخة!!!!!........كمان السؤال موجه للبقية.....أي تعليق مرحب به!!!!

سلام

**الزاهر** · 14-12-2007, 01:24 AM

هلأ هادول هنة كلشي في امثال......مؤ في شي ابدا؟؟؟

**شرشبيل** · 14-12-2007, 02:15 AM

بُعدُ الحما، نعمةٌ من السما.

**الزاهر** · 14-12-2007, 02:49 AM

أف......هاد جديد!!!......وحلو!!!
بارك الله بك

**شرشبيل** · 14-12-2007, 02:54 AM

كومة حجار، ولا هالجار.

**ام السعد** · 14-12-2007, 03:13 AM

طلع الشعر ع لساني
من كتر الحكي.

يحرق حريشك شو مهضوم
كتيبة اللوزونج
بالموز والاورونج
جافافون جافافون
اوجو مونج .
(نشيد ايام الكشافة ).

بين كانون وكانون صيف تاني .
شايفلك شو شوفة .

**الزاهر** · 14-12-2007, 03:31 AM

حلو...منوين بتجيبو هالأصص هادي.....هههههههههه
كتير حلوين!!!!

**ام السعد** · 14-12-2007, 04:48 AM

يا رايح كتر قبايح.
وعد الحر دين عليه.
وجو بيقطع الرزق.
يا جبل ما يهزك ريح .
يا ربي بلا شماته.
نام ع وشو طب.
من تمك لباب السما .
ابن البط عوام .
من خلف ما مات .
عم بشتغل من الفجر للنجر .
متل اللزقة الانجليزية .
ما اعز من الولد الا ولد الولد .
لباس زهر خليهم يطقوا من القهر.
لبس العود بيجود.
ميت مرة جبان ولا مرة الله يرحموا
ما تنام بين القبور وتقول شفت منامات وحشة .
الداخل اليها مفقود والخارج منها مولود ..
اذكرنا القط اجا لينط .
اذكر الديب وهيئ القضيب
.كترة الشد بترخي .
كاسر ايدو وشاحد عليها .
قتل القتيل ومشي بجنازتو .
حط ايدك بجنازه وما تحطها بجوازه .
علمناهم ع الشحاده قام سبقونا على البواب .
عمرك اطول من عمري.
قام الدب ت يرقص , قتل سبع ثمان تنفس .
يا اخذ القرد ع ماله راح المال وبقي القرد ع حالو.
يا اللي بيشوفني بعين بشوفوا بعينتين.
ياطع عمرو شو كحته(بخيل).

**ام السعد** · 14-12-2007, 04:50 AM

الاكلة اللي توكلوه.
فالج لا تعالج
عينو ضيقة .
طنجرة ولقيت غطاها .
كل شي بلاش كتر منو .
صام صام وفطر ع بصلة .
حامل السلم بالعرض .
عتلان هم الدنيا .
شحاد ومشارط.
يلي ما بيغار بيكون حمار.
تعشى وتمشى .
بعد الكبرا جبه حمرا.
اللي اولو شرط اخرو نور.
باب النجار مخلع .
أمل ابليس بالجنة .
احلى ع قلبي من العسل .
الولد بتجي رزقتو معو.
أخد وج ومكتر .
القلوب عند بعضها .
اللي تحت باطو مسلة بتنعرو

**الزاهر** · 14-12-2007, 04:54 AM

أف......أف.....أف........كل هاد دفعة واحدة.......هههههههههه.................بارك الله بكم!!!

**ام السعد** · 14-12-2007, 04:54 AM

المرا متل السجادة العجمية كل ما ضربتها بتجوهر

**ام السعد** · 14-12-2007, 04:55 AM

اتمنى ان يكونوا نالو اعجابك

**الزاهر** · 14-12-2007, 05:00 AM

إعجابي وبس......واهتمامي.......ومتابعتي....وووووو
هنة فيهم شوية مكرر....لكن فيهم كتير جديد!!!!

**شرشبيل** · 14-12-2007, 03:57 PM

كِشكاتْ الجِيرانْ، إكلُوونْ الفِيرانْ.

**شرشبيل** · 14-12-2007, 07:54 PM

شو هالحُججْ، يلي ما بتقلِي عُججْ

.

**ام السعد** · 14-12-2007, 08:25 PM

ذنبك على جنبك.
حط بالخرج.
ابيض متل شق اللفت .
بيعمل من الحبة قبه
الله يقصف خملو .
حكي بدري.
الدم ما بيصير مي.
روحه بلا رجعه.
دق المي و هي مي.
ياما تحت السواهي د واهي.
تيتي تيتي مثل ما رحتي متل ما جيتي.
بالوجه مرايه و بالقفا صرمايه.
التكرار بيعلم الحمار.
التكرار بيعلم الشطار .
راح الكثير و ما بقى الا القليل.
جود من الموجود.
حاميها حراميها.
درب يسد ما يرد.
خالف تعرف.
الله يسترنا من ه الضحك .
خود اسرارهم من صغارهم .
رجعت حليمة لعادتها القديمة.
قالت نجلا في حلقوم .
خليها بالقلب تجرح و لا تطلع لبرا و تفضح.
حيفا ما بتخاف من هدير البحر .
راجع ايد من ورا و ايد من قدام.

**ام السعد** · 14-12-2007, 08:31 PM

كني وما تجني

**ام السعد** · 14-12-2007, 08:41 PM

أكبر منك بيوم أفهم منك بسنة .
جبنا الاقرع تيشجعنا كشف عن قرعته وفزعنا.
رضينا بالهم و الهم مارضى فينا.
تمسح جلدو من كتر الضرب.

**ام السعد** · 14-12-2007, 09:27 PM

حما بتشتي وبتصيف ع سطح واحد :
طلعت الحما ع السطح وجدت بنتها نايمه بعيد عن زوجها قالتها قربي جنبو دفيه الدنيا برد .
وراحت عند كنتها وجدتها بلزق ابنها قالت لها بيعدي عنو العمى بقلبك فطستيه , الدنيا شوب .

**ام السعد** · 14-12-2007, 09:29 PM

جبناك يا عبد المعين لتعين لقيناك بدك مين يعينك .
متل الحمام اللي مقطوعة مويتوه.
بق البحصة وخلصنا .
يا داخل بين القشرة وبصلتها ما بينوبك الا ريحتها.
راح جحا ت يصلّي، شاف باب الجامع مسكّرقال منيح اللي اجت منَّك يا بيت الله وما إجت منّي .
صهر بيشدّ الظهر، وصهر بيكسر الضهر.
عايش باللوج.

**ام السعد** · 14-12-2007, 10:29 PM

اللي بدو الدح ما يقول أح

**دوكر** · 14-12-2007, 11:04 PM

يا هلا باجميع .....
يا هلا باست ام السعد....ما شاء الله في بجعبتك امثلة كتير.......
يلا ناطرين اسا امثلة ........عارفين بعرفون لي ؤلتوين....بس ما بأدر استحضرون ....اولكن المشكلة وين؟....ههههههههه.....
يلا ما شاء الله انتو مكفين و مفين ......
يعطيكن العافية.......
اخوكم دوكر المعوكر......

**ام السعد** · 15-12-2007, 12:29 AM

اذا اتتني مذمة من ناقص فتلك شهادة بأني كامل.
خاف من عدوك مرة وخاف ومن صديقك الف مرة .
وراء كل رجل عظيم امرأة.
الضحك بلا سبب قلة أدب.
رب صدفة خير من ألف ميعاد .
فخار يكسر بعضو.
أبعد من السما عن الأرض .
اللي خرج من داره تقل مقداره .
اذ دخلت الملائكة هربت الشياطين .
لا سلام على طعام .
خير الكلام ما قل ودل

**ام السعد** · 15-12-2007, 12:42 AM

إذا عُرِفَ السبب بطل العجب .
اخطب لبنتك ولا تخطب لابنك .
عين الحسود لا تسود .

**ام السعد** · 15-12-2007, 01:46 AM

كرمال مرج تكرم مرجعيون .
ولاد البطة السودا .
مال حلال زلال .

**ام السعد** · 15-12-2007, 01:55 AM

الام بتلم .
البعد جفا.
الجوع كافر .
الولد ولد ولو عمر بلد .
الغربة كربة.
شباط مهما شبط أو لبط ريحة الصيف فيه ..
بتقلو ثور بيقلك احلبو .

**ام السعد** · 15-12-2007, 01:58 AM

رمضان إذا عشّر بشّر.
بمشي الحيط الحيط وبيقول يا ربي اوصل عل البيت.

**ام السعد** · 15-12-2007, 02:09 AM

مين شاف احبابه نسى اصحابه.
ناس بتاكل دجاج وناس بتوقع بالسياج.
صيت الغنى ولا صيت الفقر .
ما يعجبو العجب ولا الصيام برجب .

**ام السعد** · 15-12-2007, 02:14 AM

قوم إذا ضرب الحذاء برأسهم صرخ الحذاء بأي ذنب اضرب .

**ام السعد** · 15-12-2007, 02:22 AM

ما بيعرف كوعو من بوعو .

رباب ربة البيت تصب الخل بالزيت لها تسع دجاجات وديك حسن الصوت .

**ام السعد** · 15-12-2007, 03:08 AM

قلبي كرج ع الدرج .
نايمين متل اهل الكهف .
متل اللي ماشي ع قشور البيض (تقال للشخص البطيئ).
البنت اللي عند اهلها على اقل من مهلها .
اللي بيدق الباب بيسمع الجواب .
سكين ما بتقطع حتى باللبن .
لو كان فيه خير ما كان رماه الطير .
اسأل مجرب ولا تسأل طبيب.
اللي بيطلع لفوق بيتعب.
اللي فات مات .
الضره مره .
طويل وهبيل.
كل شي بوقتو حلو .
يا مستعجل وقف تا قلك.
لسانك حصانك ان صنتو صانك .
الصبر مفتاح الفرج .

**ام السعد** · 15-12-2007, 03:23 AM

الله يهني سعيد بسعيدة .
عديم وقع بسلة تين .

**ام السعد** · 15-12-2007, 03:50 AM

العين بصيره والايد قصيره .
القناعة كنز لا يفنى .
راحت السكره واجت الفكره .
كلمة يا ريت ما بتعمر بيت .
اجا ليكحلها عماها .
هبله ومسكوها طبله .
لا بيهش ولا بينش .
اللي بيته من قزاز ما بيرمي الناس بالحجاره .
اللي عقلو في رأسو بيعرف خلاصو .
من رادك ريدو .
اذ كبر ابنك خاويه .
ابنك على ما ربيته وجوزك على ما عودتيه .
المال مال ابونا والناس بيحاربونا .
اللي ايدو بالميه مش متل اللي ايدو بالنار .
السكوت علامة الرضا .
الخبر السيئ بيوصل بسرعة .

**ام السعد** · 15-12-2007, 04:55 AM

الجار جار ولو جار

**ام السعد** · 15-12-2007, 05:05 AM

اذا وقعت البقرة كتروا دباحينها.

**ام السعد** · 15-12-2007, 05:07 AM

اعطي خبزك للفران ولو اكل نصه .

**ام السعد** · 15-12-2007, 05:09 AM

اصابعك منها كلها متل بعضها .

**ام السعد** · 15-12-2007, 05:11 AM

اللي ما الو أول ما الو تاني .

**ام السعد** · 15-12-2007, 05:13 AM

فال الله ولا فالك

**ام السعد** · 15-12-2007, 05:14 AM

كل شيئ من الله منيح.

**ام السعد** · 15-12-2007, 05:16 AM

الساكت عن الحق شيطان اخرس .

**ام السعد** · 15-12-2007, 05:17 AM

العصا لمن عصا .

**ام السعد** · 15-12-2007, 05:19 AM

إصرف ما في الجيب يأتيك ما في الغيب

**ام السعد** · 15-12-2007, 05:20 AM

انت بدك العنب ولا بد ك تقتل الناطور .

الموضوع: الأمثال الشعبية القلمونية

أدوات الموضوع

عرض

كتيب الأمثال القلمونية!!!-الطبعة الأولى.

مثل عن الحماه والسماء !!!

مثل عن الجار والحجار !!!

متل عن الجيران والفيران !!!

متل عن الحُجج والعُجج !!!

ضوابط المشاركة