أخبار رياضيّة متنوعة

[مصطفى معتوق]

و بعد طول انتظار تحقق الحلم... الحلم الذي طالما لازمنا... الحلم الذي تربينا معه ونشئنا عليه...

لم يكن الوصول سهلا إلى هذا المحفل الكروي.. منتخبات عريقة واجهت أبطالنا الذين استطاعوا بادائهم الرائع زرع البسمة التي غابت عن السوريين لفترات طويلة ...

نعم.. وبكل فخر نستطيع أن نقول: سوريا في كأس العالم..

السعادة لاتوصف... سعادة تجاوزت تلك التي عاشها السوريين ليلة التأهل... تلك اللية التي مازال الكثير يعتقد أنها حلم جميل...

الجميع متحمس والموضوع الوحيد الذي يرافق أي محادثة هو مباراتنا الأولى في كأس العالم...

عندما تنصت إلى أي حوار فإنك لا بد أن تسمع: حظوظنا مشروعة, المباراة غير سهلة, لقد حققنا الانجاز عندما تاهلنا, إن شاء الله الفوز من نصيبنا, يا جماعة تفائلوا بالخير تجدوه, نحن أحسن منهم, و, و, و......

معظم الأطفال والكبار يرتدون قميص المنتخب الوطني... العلم السوري مطبوع على الوجوه و يرفرف في كل اصقاع الوطن الغالي... على شرف المنازل, أسطحة العمارات, الحدائق, الشوارع, السيارات, الأسواق وواجهات المحلات...

الجميع يترقب لحظة دخول الاعبين إلى أرض الملعب... ساعات معدودة و يشهد العالم كله رفع العلم السوري... ساعات معدودة و يعزف نشيد حماة الديار لأول مرة في كاس العالم...



وفجأة رن الهاتف...



ألو مين...
شو لسه نايم... يازلمة حاجتك نوم...

أهلين أبو حميد... الله يسامحك... والله كنت مبسوط بالنومة يا زلمة...
يالله حبيب بسرعة... المباراة رح تبلش بعد شي ساعة... عم نستناك بالقهوة... الشباب كلون وصلوا...

بتعرف أبو حميد شو كنت عم بحلم???
يحرأ حريشك... هادا مو وقت أحلام... بسرعة, لبس وتعى لهون... القهوة مليانة ناس...

يالله... بس برايك منفوز هل المرة عليهون???
والله أنا متل ما سمعت إنه تيري هنري مصاب ويمكن مايلعب... كمان كاكا وعد انه يدخل جول بمناسبة عيد ميلاد مرتوه...

يازلمة... شو قصتنا مع فرنسا... شو طلعتلنا بالسحبة يعني... والله خايف نخسر معهم هل المرة كمان...
شو نخسر ما نخسر... والله بنجلط... كمان لا تنسى انه زيدان مو موجود هل المرة... يعني فرصتنا كبيرة...

في كتير ناس عم بتشجع فرنسا بالقهوة???
والله في يا أبوشريك... بتعرف يعني هي العادة... كل واحد ما بحب البرازيل عم يشجع فرنسا... حاكم كله بدو يانا نخسر منشان ما يلعبوا معنا... بس نحن متل ما أنا شايف أكتر منهم... يالله بسرعة منكمل حكي هون...

يالله ما بتشوفني إلا عندك...
بس لا تنسى العلام يستر على عرضك...

راح جيبون لا تخاف... معقول انساهم يعني... يالله سلام...



بعدين راح صاحبنا وغسل وجهو ولبس القميص رقم 20 تبع رونالدينهو... ولما فتح الدرج منشان يطلع علام البرازيل لمح العلم السوري يللي اشترالوا ياه أبوه ايام دورة المتوسط من شي عشرين سنة...

نظر اليه بتحسر وقال بغصة: يالله, خيرها بغيرها... الله يسامحك

[الزاهر]

معتوق................معتوووووووووووووووق.......... .....ولك أوم يا زلمة............صارت الساعة 9 والكل ناطر ليبلشو التروئة.............أووووووووووم!!!!!

[مصطفى معتوق]

اهلين بالحج قطر