عضو نشيط
بإختصار بالنسبه لل X أو x أو x
هذه الأبيات تختصر الكلام
إذا المرء لا يرعاك إلا تكلفاً **** فدعه ولا تكثر عليه التأسفا
ففي الناس ابدال وفي الترك راحة **** وفي القلب صبر للحبيب ولو جفا
فما كل من تهواه يهواك قلبه **** و لا كل من صافيته لك قد صفا
إذا لم يكن صفو الوداد طبيعة **** فلا خير في ود يجيء تكلفا
ولا خير في خل يخون خليله **** و يلقاه من بعد المودة بالجفا
و ينكر عيشاً قد تقادم عهده **** و يظهر سراً كان بالأمس قد خفا
سلام على الدنيا إذا لم يكن بها ***صديق صدوق صادق الوعد منصفا
{رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا}
دوكر المعوكر
يا هلا بالمعلم هارد......
يعطيكي العافية ع هل الأبيات.....
و ناطرين الشباب و الصبايا.....
اخوكم دوكر المعوكر......
... إذا طعنت من الخلف , فاعلم أنك في المقدمة ...
الإسراء - مراقب
السلام عليكم.
ما شاء الله.... موضوع جميل, واقعي, مميز, هادف....
كل راي انعطى بهالموضوع عالج فكرة او تحدث عن جانب....
بالخلاصة, المجموعة كملت بعضا , وانفهمت الفكرة....
وانعرف انو في مشكلة ....وهاد نص الحل ....
اما النص التاني ... فهو في الاية القرانية : " لا يغير الله ما بقوم حتى يغيروا ما بانفسهم ".
وبرايي, ما بيغيرو الناس يلي بانفسن الا لما بيتبعو الدين صح, وبيصيرو يحطو حدود وضوابط اخلاقية لتصرفاتن وبيحترمو الذات الانسانية : مشاعر , احاسيس, تطلعات, اهداف... وما بيسخفو اي عمل كان _ كبير او صغير_.
ومن يتهيّب صعود الجبال يعش أبد الدّهر بين الحفر
دوكر المعوكر
يا هلا بالست شانزيمر سته.......
يسلمو ع المرور الكريم......و ع هل الأضافة ........
يعني الموضوع منو بس حول وضع الأكسات و التشطيب ع الناس .......هوا شوية لو علاءة بالتعامل مع الناس........
بنظرتنا لأيا شخص بنتعامل معو او بنسمع عنو او بنعرفو او....او.....
من المشاكل لي بنواجها كمان مع الناس ......ؤصة الزووم ان و الزووم أوت.......
هادي دائمن بنواجها ......كمرتنا منزوعة ..........ازا واحد عمل غلطة زغيرة بندلنا نعمل زووم إن علايا ........و بنغبش ع كل المحاسن لي فاي............كل شي صح عامل بحياتو هل الأنسان بنعمل علاي زووم أوت..........
و كل هل المشاكل متل ؤلت الست شانزيمر سته .......انو حلا بتغير من داخلنا .....نظبط نظرتنا .....نشوف النسا بالعينتين ......ما نظلم حدا .......
يعطيكن العافية ........
و بأنتظار اسا افكار و ردود من الشباب و الصبايا..........
اخوكم دوكر المعوكر..........
... إذا طعنت من الخلف , فاعلم أنك في المقدمة ...
Le Chimiste
ههههههههههه هادي يا دوكر ال X منستخدمها مع الدكاترة بالجامعة يعني منسمع من تلاميذ قدام انو الدكتور الفلاني مو كويس شرحو مو منيح و من هالحكي....فمنقوم منحط X عليه و انتبه بتكون ؤاعد بالمحاضرة و عم تفهم شويه بس بما انو سامع عنو حكي بتحاول تورجي حالك انك منك فاهم.......
عنجد نصيحة مجربة ما حدا يرد عتلاميذ قدام بقصة ال X ....
هلء يمكن الشغلة يلي ذكرتهاما لها علاقة بالشي يلي عن تحكوه بس بتضل ضمن اطار ال X...... مو هيك...
و يا اهلين بالمعلم دوكر......gif "1 (22)")
دوكر المعوكر
يا هلا بالمعلم نادر......
كلامك بيدخل شويا تحت أطار الاكسات لي عم نحكي عنا ......و هيا وءت الواحد بحط أكس مسبقة ع ايا شي......
يسلمو ع مرءتك ......
يعطيكن العافية ......
اخوكم دوكر المعوكر......
... إذا طعنت من الخلف , فاعلم أنك في المقدمة ...
Administrator
بالنسبة للزوم يا دوكر أنا ما كتير صحبة مع الزووم.........خاصة الدجاج بحامض!!!
المهم..........كمان تفصيل مهم يا دوكر........هاد نوع من أنواع الـ X....وأهم من يشتهر به هنة "وبلا مواخزة" النسوان!!!........كلهم....من صغيرتهم لكبيرتهم.........يمكن في استثناءات باللي تعلمو يكون عقلهم مسيطر عمشاعرهم.........وهادول كتير قلائل (سواء ذكور أو اناث!!!!)....لكن هادي ظاهرة عند بنات آدم......ومو أنا اللي عم اتفصح واعصر مخي لجيب هالكلام.......إقرأ الأحاديث والآيات تجد فيها الكثير الكثير في هذه القضية......
مثل صغير.........شوف أمك مثلا........بتكون صرلك سنين منك مغلط معها بكلمة........لكن بس تألها شي مرة وتزلط من لسانك كلمة هيك هيك......بتنشحك نشح...........ولك إنت طول عمرك كلامك ما بينسمع.....ولا بحياتك سمعتني كلمة حلوة.........الله يعين مرتك عليك..........كيف فيها عايشة معك..........إن شاء الله ما يطلعو ولادك متلك.........إلخ إلخ إلخ إلخ ...........لتنخرلك دماغك!!!
هاد كان من جهة .......يمكن ما كتير لها علاقة بموضوعنا.....طيب لنرجع!!!
المهم........هادي كمان يا دوكر بالنسبة لي سببها سيطرة العواطف على المنطق والعقل عندنا.......فأنا يجدر بي إن أخطأ معي أحدهم أن أعذره......ولك لازم شوف شو السبب اللي خلاه يغلط معي.........يمكن أنا كنت السبب بلا ما انتبه!!!...........لكن........هل يمكنني أن أفعل ذلك إذا كان الشخص المخطأ في حقي كله أخظاء...........؟؟؟؟
بالتأكيد لا
ثم........من جهة أخرى......شخص لم أعتد منه سوى الأذية......إذا أحسن إلي يوما من الأيام........ألن استغرب ذلك؟؟؟...........ولك ساعتها صعبة يا زلمة......كيف بدي ظن فيه خير.......أكيد عم يحضر مألب.......أو بدو شي............لكن إذا تكررت....أعيد النظر فيها!!!
كمان..........وكملاحظة...........أعتقد إنو الكل ملاحظها......مين أكتر شي عنا بيعملو العالم زووم عليهم؟؟؟
الدينين......الملتزمين.......الشيوخ........العلماء .........
سبحان الله.......إذا شيخ شي يوم من الأيام آل كلمة "ما فهموها"..........هاد زنديق......هاد ملحد.........هاد .ولك هاد عميل صهيوني......سي آي إي أمركاني!!!........ولك بتوصل فيهم المواصيل إنهم يضربوه.......ولك يا عمو فهيم شعم يحكي رجاع تفصح.....
إذا شي واحد ملتزم مرء شي يوم بشارع العشاق رايح ليعود صديقو أو ليصل رحمه........هاد صار أزعر......يحرأ الـ".."......ولك إجري بالدؤون........كل بني دؤون هيك!!!
طيب.........كمان شو الحل يا ترى يا دوك؟؟
هاد يا دوك الحل برأيي كمان إنو نوعي الناس إنو "إن الحسنات يذهبن السيئات!!!"......وإنو ما لازم ولا بيوم من الأيام خلي نفسي تحكم عالناس.....لا.....عقلي اللي لازم يحكم ........أصلا لتصير بمرتبة تحكم فيها عالشخص........بدك تكون أحسن منو وأعلم منو وأفقه منو...ووووووو
لكن نحنا منحكم عأعمال الشخص.......غلط منؤولو هون أنته غلطت......عمل منيح منألو بارك الله بك.......لك منا رد الجميل.......أحسنت.....ولك منجبلو هدية إذا أمكن........وما فينا.......أهين شي الحكي......"شكرا" بتعمل العمايل أحيانا
ومن هون....أنوه إلى أهمية تنبيه وشكر الشخص في وجهه..........مو بس يغلط شخص أو مجموعة نضل نؤول ولك هادول ليك شعملو.......ليك ليك ليك........ولك يحرأ ......لا.....لازم نروح لعندو للمخطأ نألو يا عمو أنت عملت هيك.......ونحنا شايفين هاد ما كتير صحيح....لأنو 1.....2.....3......وبرأينا الصح كان إنو تعمل هيك......ونحن لك من الداعمين!!!
الحكي بيناتنا ما بينفع.......بدك توصل للشخص......."بالطريقة المناسبة"........يمكن ما تكون إنو إنت تروح تحكيه هي الطريقة المناسبة........بتبعت رسول.......وين المشكلة.........بتبعت رسول ترتضيه ويرتضيه!!!!
فإذا.......المهم أنو ما نعمل زووم إلا بالمحلات اللازمة.......لأن الزووم بيلزم ببعض الأماكن.......البديل إنو نتوجه للشخص المغلط وننبهو....وإنو نثني عالشخص اللي عمل صح أنا سمحت لنا الفرصة لذلك!!!
والسلام عليكم ورحمة الله وبركاته
ضوابط المشاركة
رد مع اقتباس