ما هو أهم اختراع او اكتشاف أنجزه الانسان برأيك؟؟

**Nader 3:16** · 05-01-2008, 03:37 PM

بصراحة خطر عبالي هذا السؤال و يا ريت الكل يشارك و يؤول لنا شو هو اهم اختراع اخترعوا الانسان عبر العصور و شو السبب برأيو؟؟

و يا اهلين....

انا عن نفسي بقول الكهرباء لأنو الكهرباء فتحت مجالات لإختراعات رهيبة افادت الانسان في كل مجالات حياته....و خصوصاً انو بهادا العصر ما حدا في يعيش بلا كهرباء لأنو كل الآلات التي يستخدمها الشخص تقريباً تعمل على الكهرباء...اما الحجة الاقوى شوفوا لما بنقطع الكهرباء عنا شو بصير ...عياط و مسبات و و....

انا هذا رايي و ننتظر آرائكم و خصوصاً رأي الأخ زاهر ..نوطرينك!!

و السلام عليكم

**دوكر** · 05-01-2008, 05:48 PM

يا هلا بالمعلم نادر......
انا من وجهة نظري اهم اختراع هو "القلم"....لولا الءلم ما كان فنا نكتب ولا فورمول......ما كان فاك تعمل حسابات لأيا شغلة ....

يعطيك العافية ....
اخوكم دوكر المعوكر....

**الزاهر** · 05-01-2008, 06:57 PM

متل ما وعتك بالجامعة يا نادر.........وهي رح نكتبها!!!

أهم اختراع بالنسبة لي هو "السيفون"........المجارير.........

تخيل حالك بلا مجارير.........شبتعمل؟؟؟

**همسة** · 05-01-2008, 10:11 PM

اذا اردت ان ابحث عن اهم اختراع .. فهو بلا شك اللغة او الاحرف او الكتابة ..

**شرشبيل** · 05-01-2008, 11:13 PM

**همسة** · 05-01-2008, 11:42 PM

مخترعات هامة شهدها القرن العشرين

اخترع (بريسبر إكرت) و(جون ماكلي) وهما من جامعة بنسلفانيا الأمريكية سنة 1946م جهاز الكمبيوتر الرقمي.

* اخترع الترانزستور أو (الترانزستون) سنة 1948م بجهد موحد بواسطة فريق علمي ثلاثي هم (وليم شكلي) و(ووتر براتن) و(جون باردن).

* اكتشاف تركيبة الحامض النووي المرمز له بالحروف اللاتينية (DNA) سنة 1953م من قبل (فرانز كريك) و(جيمس واتسون).

* اخترعت حبوب منع الحمل سنة 1956م وخضعت لاختبارات طبية فنية لسنوات وفي سنة 1960م وزعت الحبوب تجارياً أول مرة سنة 1960م.

* اكتشف الفضاء علمياً من أعالي الكون لأول مرة سنة 1961م حين انجزت أول رحلة علمية قام بها الإنسان للفضاء.

* أول هبوط للإنسان على سطح القمر تم سنة 1969م.

* اختراع شبكة (أربنت) للمعلوماتية في مقر وزارة الدفاع الأمريكية سنة 1969م، وهو ما أدى إلى ابتداع اختراع (انترنيت) في أوائل الثمانينيات وتحديداً سنة 1983م ومن ثم ابتداع الشبكة العالمية للمعلوماتية على مستوى العالم في أوائل سني التسعينيات.

* تكليل نجاح الجهد العلمي الذي قام به (باتريك ستبتو) و(روبرت ادوارد) في بريطانيا في أبحاث الأخصاب وولادة أول طفلة أنابيب سنة 1978م التي أطلق عليها اسم (لويس براون).

**المهند** · 06-01-2008, 12:40 AM

أعتقد ان اعظم اختراع أخرجه عقل الانسان الى الوجود هو حلويات "زنود الست" وانا لما بعرف مين اخترع هالنوع من الحلو رح أعملو تمثال عساحة التل بدل الساعة..تخيلوا انو نكون عايشين بلا ما ناكول حلو "زنود الست"!!اكيد كانت الحياة جحيم في جحيم في مرارة لا تطاق

**Nader 3:16** · 06-01-2008, 01:21 AM

السلام عليكم......

نشكر جميع من شارك في الموضوع و خصوصاً المهند منوّر و الله...
و ننتظر البقية

**X-Man** · 06-01-2008, 02:54 AM

المشاركة الأصلية كتبت بواسطة Zaher Eddin

متل ما وعتك بالجامعة يا نادر.........وهي رح نكتبها!!!

أهم اختراع بالنسبة لي هو "السيفون"........المجارير.........

تخيل حالك بلا مجارير.........شبتعمل؟؟؟

يا دلللللللللللللللللللللييييييييييييي قديّشك vulgaire يا زاهر نياعء لعيتلي نفسي يا لطيف شو فولغار شي كتير ريللي، وبالنسبة للمهند هل أنت تقصد فعلا حلويات زنود الست؟؟

**وسيم أحمد الفلو** · 06-01-2008, 06:51 PM

السلام عليكم

أهم الإختراعات هي اللغة والكتابة والأعداد.

**المهند** · 07-01-2008, 02:48 AM

كنو عاد حدا استحى بهالدنى!! تأدب يا مستر "اكسمان "احسن ما تسمع شي ما بيعجبك مرة تانية !! شو شلش الحيا مقطوش من راسك؟!!

**ابو عمر** · 07-01-2008, 04:25 AM

أهمّ اختراع بهالبردات هوّا الدّفاية.....سواءاً للكستنة أو البطاطا الحلوة.....

**HARD** · 07-01-2008, 05:26 AM

الإتصالات السلكية و ا للاسلكية و تشفيرها

**مصطفى معتوق** · 07-01-2008, 01:33 PM

انا برأيي انو اهم اختراع على مر العصور والتاريخ هو الحرف الهجائي يلي حقق نقلةنوعية من مرحلة الكتابة التصويرية متل الهيروغليفي او الرمزي متل المسماري الى مرحلة تصوير النبرة الصوتية مع المعلم قدموس السوري

ولولا الحرف لما ولدت كل تلك العلوم وكنا لحد هلق منرسم صورة عصفور بدل ما نلفضها

**kalamoun_28** · 08-01-2008, 01:33 AM

اسم الله حولكن ... كما تلاحظون, كلّ واحد يجاوب في موضوع مختلف ليس له علاقة بجواب باقي الأعضاء.

يا أستاذ نادر, السؤال الصحيح يكون: في domain X ما هو أهمّ اختراع؟ وليس ما هو أهمّ اختراع (فقط).

ما دخل, الكهرباء, بالكتابة, بالمجارير, بالاتصالات, بزنود الست حتى نقارن بأن هذا أفضل من الآخر.

حدّد ال domain لكي نستطيع النقاش ومقارنة الأجوبة.

100 وردة سيد المهنّد.

**المهند** · 08-01-2008, 02:07 AM

الف هلا بالعريس خداج وانشالله منفرحلك بعريس عن قريب يا رب..شكلك بتحب الزنودالست او انو انت بقرارة نفسك عارف انو جوابي هو الجواب الصحيح بين الكل ههههههههه

**Nader 3:16** · 08-01-2008, 03:34 PM

في domain X ما هو أهمّ اختراع؟

ما بدها تنين يجادلوا فيها اكيد اشعة X هي اهم اختراع!!!

طيب كرمال عيون المعلم نزيه كل واحد بدو يشارك يؤول اهم اختراع هو كذا بالمجال الفلاني و يا اهلين ...

**kalamoun_28** · 08-01-2008, 05:41 PM

حبيب قلبي المهنّد.

كابتن نادر, مش كرمال عيوني, صدقنّي سؤالك لم يزعجني أبدا ولكنّي أحببت أن ألفت نظرك في طريقة طرح سؤالك ليكون سؤال منطقي وله معنى والنقاش فيه يكون جدّي ... هذا كلّ ما في الامر, أخي الكريم.

أمّا بخصوص أخي المهنّد, زنود الست أكيد اطيب حلويات وأحسن اختراع في الحلويات... بيكفّي فيها كلمة "ست"

تتكون أحلى شي, 100 وردة زعيم.

سلامات, نزيه خداّج ملاّط

**المهند** · 12-01-2008, 01:26 AM

زنود الست هو اهم اختراع على كل الاصعدة والمجالات...هيك لازم تكون وضحت الفكرة يا خيي نزيه..

**Inno 3:16** · 13-01-2008, 12:04 PM

لا يا حبيبي القلم منو إختراع ياشاطر الكومبيوتر هو أهم إختراع يا ويسو

**Inno 3:16** · 13-01-2008, 12:16 PM

لا يا حبيبي القلم منو إختراع ياشاطر الكومبيوتر هو أهم إختراع يا ويسو

**Inno 3:16** · 13-01-2008, 12:28 PM

معليش حلو الاحد يشارك بس بمنطق يعني الدفاية خلقت وحدها الدفاية بدها ألات تتصنعها لذالك الألات يلي صنعتها هي أهم إختراع

**Inno 3:16** · 13-01-2008, 12:35 PM

الله عليك يا ندَور حديسك منطقي لأنَو فعلا الكهربة إختراع مهم

**fadi** · 13-01-2008, 01:49 PM

أهم إختراع هو عقل الإنسان بحد ذاته لأن لولا عقله لما توصلنا الى جميع هذه الإختراعات من زنود الست و الدفايه الى الآلات التي تصنع الدفايه الى الكهرباء و مروراً بالقلم الخ الخ الخ
فالحمد لله نحمده حمداً كثيراً على وهبه لنا العقل

**Nader 3:16** · 13-01-2008, 02:13 PM

يا ذكي يا 3:16 تاني مرة كتوب كل ما تريد كتابته بمشاركة واحدة....

ما تجرصنا.نحنا سمعتنا طيبة و الحمد لله بالمنتدى!!!

الكمبيوتر بدون كهرباء لا يعمل,,,,,,,,و الانسان بدون الحرف و اللغة و التواصل مع الغير ما كان فيه يخطو خطوة الى الامام.....

بالنهاية في كتييييييييييييييييير اكتشافات مهمة و فادت الانسان و لا يمكن احصاؤها و لا يمكن تحديد افضلها ....

و بعدين يا فادي عقل الانسان هو اختراع يأطع خملك صحيح....يا حبيبي هذا صنع رباني!!!! يعني لو ما شاركت لكان خيراً لك!!!

و شكراً لكل من شارك بالموضوع..و يلي عندو شي اضافة يضيفها !!!

و يا اهلين

و السلام عليكم

**عمار الفلو** · 13-01-2008, 08:11 PM

أهم اختراع اخترعه الإنسان هو

الكهرباء ( مع التحيز

)

**kalamoun_28** · 13-01-2008, 11:27 PM

طيب الظاهر لا أحد يحبّ أن يناقش في موضوع معيّن, ونصرّ على قول أهمّ اختراع هو كذا وكذا من دون ذكر المجال ..

اذا القصة هيك, سأقول رأيي:

أهمّ اختراع في حياة الانسان هو غرائزه الثلاثة : الأكل, النوم والجنس .... لأن الانسان من دون هذه الغرائز, لا يقوى على الحراك والتفكير لكيّ يخترع ما تفضلّتم به من ذكر أشياء.

**fadi** · 14-01-2008, 01:26 AM

يا هلا بالكابتن نزيه
روء متعصب

**kalamoun_28** · 14-01-2008, 02:53 AM

يا أخ فادي, منّي معصّب, شخص بيحكيك عن النوم, الاكل والجنس ... يعتي معقول يكون معصّب؟ ولو يا سيد فادي, معجبتني هيدي منك بنوب ... 100 أهلين عكيد.

**kata2eb** · 15-01-2008, 06:48 PM

أنا برأي إنو أهم إختراع هو الكهرباء

بس بدي إفتح موضوع جديد

ما هو أبيخ إختراع في تاريخ البشرية؟
أنا برأي منتدى القلمون

**kalamoun_28** · 15-01-2008, 06:57 PM

"ما هو أبيخ إختراع في تاريخ البشرية؟
أنا برأي منتدى القلمون"

**Nader 3:16** · 15-01-2008, 07:22 PM

السلام عليكم...
و ارجو ان لا يخرج البعض عن الموضوع الاصلي...

و الى الاخ Kata2eb يا اخي اذا كان بايخ متل منك عم تؤول الاولى انك ما تشارك فيه ولا تفوت عليه......

و بالنسبة للاخ نزيه فالشغلات يلي قلتها هي غرائز ولدت مع الانسان وليست اختراعات و لا هم يحزنون.....
يعني الانسان ما كان يوكل و بعدين اكتشف انو لازم يوكل!!!!؟؟
هذه فطرة الانسان...

في كتييييير اختراعات كانت نقطة تحول في حياة الانسان ....و بسببها توصل لإكتشافات اخرى...!!

ويا اهلين

**kalamoun_28** · 15-01-2008, 07:34 PM

يا كابتن نادر, اعلم انها غرائز وهذا ما قلته أصلا ... ولكنّي اجاوب على نفس منوال الاجوبة التي قرأتها, وهي أجوبة من كلّ اتجاه ولا يوجد مقارنة مفيدة في مجال معيّن ... فلهذا السبب, مشيت مع الماشي وقلت أن غرائز الانسان أفضل الاختراع ... تعلم خداّج يطبّق المقولة : الموت مع الكثرة حلو ... 100 وردة

**moustafa** · 16-01-2008, 08:55 PM

أوية منك يا أخ نادر...
أنا برأيي إنو الكلام... يعني اللغة هو أهم إختراع....

**Inno 3:16** · 16-01-2008, 09:57 PM

يعني صراحة حديسك مش صحيح لأنو العقل يا شاطر مو الإنسان يلي اخترعو ربنا خلقو يا فهيم

**همسة** · 16-01-2008, 11:10 PM

ارى انني و عدة اعضاء ( الد. وسيم و الاخ مصطفى ) صوتنا للغة..

شكلها رح تربح

..

**أيمن غ القلموني** · 16-01-2008, 11:27 PM

اللغة والأحرف والكتابة هي بلا شك أهم إختراع.

**Arsenic** · 20-01-2008, 12:01 AM

المشاركة الأصلية كتبت بواسطة fadi

أهم إختراع هو عقل الإنسان بحد ذاته

المشاركة الأصلية كتبت بواسطة fadi

فالحمد لله نحمده حمداً كثيراً على وهبه لنا العقل

انو منك شايف حالك يا سيد فادي البيضة انك مناقض حالك بحالك....عم تؤول انو اهم اختراع و بعدين عم تؤول انو ربنا وهبنا اياه....

بس انا برأيي انو اعظم اختراع هو الشمسية....بس محيرتني كيف بيستخدموها بس بالشتوية...فسبحان الله العظيم....

**moustafa** · 20-01-2008, 01:46 PM

لاء يا فادي ما كان أحسن أبداً.... لأن الarsenic رأيو على الراس و العين و هو أفهم واحد بالمنتدى...سمعت....ما تبقى تتذاكا و تبيض وش....
يا نادر... فيني قللك شو هو أهم إقتراح...؟؟!!! إنن اقترحو إنو لازم يللي عم يسوق ياخد يمينو... و إلا كان صار شي 35680 حادث باليوم....

**Nader 3:16** · 20-01-2008, 04:21 PM

السلام عليكم......

من بعد آراء الاخوة بالموضوع يتبين لنا انو الاكثرية قد صوتوا للغة و الحرف....

ولا شك انه من اهم الاكتشافات التي اتاحت للإنسان التواصل مع غيره من خلالها.....

واخيراً نتمنّى لمن عنده اي تعليق مفيد ان يكتبه...ويلي بدو يفوت يكتب رد لا معنى له ففما في داعي يكتبو...
و يا اهلين

**wassim.h** · 09-04-2008, 03:12 PM

اللغة والأحرف والكتابة هي بلا شك أهم إختراع
فلولاها ماكنا وصلنا للكهربه وللسيفون ولزنود الستوما كنا ءدرنا نعبر مظبوط عللي بداخلنا يعني ماكنا رح ننبصت كتير بالغرائزاللي حكي عنا أخي نزيه.....

**wassim.h** · 09-04-2008, 03:13 PM

اللغة والأحرف والكتابة هي بلا شك أهم إختراع
فلولاها ماكنا وصلنا للكهربه وللسيفون ولزنود الستوما كنا ءدرنا نعبر مظبوط عللي بداخلنا يعني ماكنا رح ننبصت كتير بالغرائزاللي حكي عنا أخي نزيه.....

**السجين** · 09-04-2008, 03:46 PM

أنا بوافق الأخ وسيم برأيو ...سلام

**яiиda** · 09-04-2008, 06:39 PM

انا مع الاخّ(دوكر)والاخ(نادر)والاخ (شرشبيل)لانّو: اوّلا"الكهربا شي مهمّ كتير وهادي الشّغلة معك حقّ فيها ومع دوكر بسّ بتاني سبب منو بالformuleبالحسابات ليلّي بدنا نعملو وبس.ومع شرشبيل لانّو الكمبيوتر عنجدّ كتيييييييييير مهمّ.سلام

**Nader 3:16** · 11-04-2008, 12:46 AM

شكر للمعلم وسيم و للأخت rinda على اعادة احياء الموضوع من جديد.
و يا اهلين.

**Nader 3:16** · 15-04-2009, 05:09 PM

السلام عليكم....شو كيفكم؟
خلونا نسمع رأي الأعضاء الجدد يلي ما شاركوا بالموضوع هادا.

**haitham** · 15-04-2009, 05:14 PM

في محاولة للإجابة على سؤال ما الإختراع الأهم على مدى التاريخ البشري بأكمله ؟ قامت مجلة فوكاس Focus البريطانية على مدى شهرين كاملين برصد آراء القراء بشأن الإختراعات التي شكلت علامات فارقة في تاريخ البشر وحياتهم , فماذا كانت النتيجة ؟؟؟

لم تخلو النتيجة العامة لآراء الناس من الغرابة والطرافة وربما اللامعقول أحياناً , فالمرتبة الأولى في قائمة أكبر مائة إختراع عرفها الإنسان منحت للتمديدات الصحية ( الحمامات ) , رغم إحتواء القائمة على الطاقة النووية والكمبيوتر والمضادات الحيوية والسيارات والطائرات و ... إلخ.

ويرى من صوتوا لصالح التمديدات الصحية أن إختراعها بعد عام 1850 شكل علامة فارقة بين مرحلتين : في الأولى كان الناس كالذباب يهيمون وسط ركام من المخلفات التي تجلب الأوبئة وتفتك بالآلاف كل عام, وبين مرحلة جعلت الإنسان أكثر نظافة وبالتالي أكثر تحضراً .

والمحظوظ رقم 2 في القائمة هو الكمبيوتر , لحضوره الدائم وتواجده في كل بيت تقريباً في الدول المتقدمة , الأمر الذي جعله يحظى بالمركز الثاني بعد الحمامات !

وفي المركز الثالث جاءت تقنية الطباعة , التي إخترعت على يد العالم الألماني جوهانز جوتينبرج عام 1450, ولاشك أن نظرة واحدة إلى الأشياء تجعلنا ندرك أهمية الطباعة .

أما المرتبة الرابعة فقد احتلتها بجدارة النار , لأنها تعني للإنسان الدفء والضوء وطبخ الغذاء وتسخين المعادن لطرقها و... إلخ.

وجاءت العجلات في المرتبة الخامسة , يليها الراديو في السادسة , ثم المضادات الحيوية في السابعة , والإنترنيت في الثامنة , والترانزيستور في التاسعة , والليزر في العاشرة .

بعد ذلك بدأت الآراء تميل نحو مستلزمات الصحة والسلامة حيث حظيت المطهرات بالمركز الحادي عشر , تليها وسائل منع الحمل ثم العلاجات المضادة للفيروسات .

وجاء بعد ذلك دور المواد والأدوات التي جعلت حياة الإنسان أكثر سهولة، مثل البلاستيك (14), ووسائل الطيران (15), والعتلة (16), والمصباح الكهربائي (18), والأصباغ الصناعية (19) .

وأظهرت قائمة الاختراعات ولع البريطانيين الغير عادي بالكرة حيث جاءت في المرتبة العشرين, أي قبل التيار المتردد, والأشعة السينية, والسيارة, والميكروسكوب, والدراجة, وحتى الأقمار الصناعية .

أما النقود فقد احتلت المركز (29 ) , ولم يحظى الهاتف سوى بالمركز (34) .

ولأن البريطانيين يستهلكون أكثر من 10 مليارات منتج معلب سنوياً فلم يغفلوا إعطاء صناعة التعليب مكانة خاصة , إذ جاءت في المركز (35) , وتأكيداً لمقولة البعض بأن البريطانيين شعب مكتئب فقد اختار المشاركون في الاستقصاء المركز (42) لمضادات الاكتئاب , والجدير بالملاحظة أن أهمية مضادات الاكتئاب جاءت بعد أهمية الطاقة النووية مباشرة .

و رغم أن المتفجرات مسؤولة عن موت ملايين البشر منذ اختراعها عام 1000 على يد الصينيين إلا انها احتلت المركز (48) , ونظراً لإرتباط أفلام الحركة بالمتفجرات فإن هناك ارتباطاً بالسينما , وربما لذلك جاءت الصور المتحركة بعد المتفجرات مباشرة , أما الآلة الحاسبة فقد احتلت المركز (53) .

ومن اللافت للنظر أن الآراء لم تغفل الصفر العربي كأحد أهم الاختراعات على مدى التاريخ , أما المراكز الأخيرة لأهم مائة اختراع فتراوحت بارتباطها بحاجات الناس اليومية مثل السكين , والملابس الداخلية , وقلم الحبر الجاف , ومزيلات الرائحة , وسحابات الملابس , والباب الدوار , والجسور المعلقة , وتكنولوجيا الكوارتز , ودولاب الغزل , وآلة النسخ ... إلخ , وفي المركز الأخير جاءت القهوة سريعة التحضير
__________________

**gardinia** · 15-04-2009, 05:33 PM

سلام, مشكور أخ نادر عهالموضوع.
انا برأيي إنو أهم اكتشاف هي اللغة و الكتابة و الأحرف فلولاها لكانت الإختراعات و الإكتشافات تلاشت و لم يتم نقلها عبر الأجيال. و بالتأكيد هناك اختراعات أخرى مهمة.

**مايا** · 16-04-2009, 05:37 PM

انا برأيي إنو أهم اكتشاف هي اللغة و الكتابة و الأحرف
و الكهرباء

**Nader 3:16** · 16-04-2009, 08:34 PM

من خلال هذا الموضوع خلينا بفضل من المولى عز و جلّ كتييير اعضاء يشاركوا بساحة التكنولوجيا يلي كانت محصورة بعدد محدود من الأعضاء.
شكراً للجميع عالمشاركة.
بس عنجد الكهرباء اهم اختراع

الموضوع: ما هو أهم اختراع او اكتشاف أنجزه الانسان برأيك؟؟

أدوات الموضوع

عرض

ما هو أهم اختراع او اكتشاف أنجزه الانسان برأيك؟؟

أعظم الاختراعات في التاريخ !!!

رأي!!

العمى!!!

؟

اهلا وسهلا والله!...

في كل المجالات!!

السلام عليكم و رحمة الله و بركاته.

السلام عليكم و رحمة الله و بركاته.

نتيجه

ضوابط المشاركة