ما الذي جلب على القلمون هذا الويل ؟؟؟

[مصطفى معتوق]

سحر الشرق
الريس
هبول وهبولة
الشبح
رامي
المهند
انا
وغيرهم الكثيرين ......

انا شخصياً قد اتفق مع البعض على بعض الافكار وقد اختلف مع البعض الاخر ....
الا اني ارى انه يجدر بنا بدل الخوف من نشر غسيلنا الوسخ على مناشر الانترنت كما كان يخشى اخي نزيه خداج فمن الاجدى ان نتفكر في اسباب اتساخ الغسيل من الاساس ؟؟؟

لماذا هناك اشخاص كل همهم ان يبخسو الناس اشيائهم ؟؟؟
لماذا هناك اشخاص لا يستطيعون النوم دون الكلام عن فلان او علان ؟؟؟
هل تأصلت ثقافة القيل والقال وحب السيطرة وسياسة ال SHOW OF على بعض ابناء البلدة ؟؟؟؟
اين القيم الشرقية من المحبة والتسامح ؟
لماذا نرى بعض الاشخاص يتربصون بالبعض الاخر كما الذئاب ينتظرونهم على ذلة لسان لينهشو لحمهم بدل التوجه اليهم بالكلمة الطيبة والنصيحة ؟؟؟؟

اختم تساؤلاتي بعبارة يا عيب الشوم !!

[kalamoun_28]

100 أهلين بالسيد معتوق ... هيدا هو الحكي المظبوط ... والحمد الله وجدت في المنتدى من اقتنع بأن مسألة "نشر الغسيل" على الناس عامة هي مسألة تضرّ بسمعة البلدة ولا تنفعها, والحمد الله أن اخي أبو صطيف طرح هذه المشكلة, للبحث....

أتمنى أن نصل من خلال مناقشة هذا الموضوع الى "شبه حلّ" وأن لا نتلقى اجوبة من الشرق والغرب بعيدة عن الموضوع الأساسيّ.

سلامات, نزيه خداّج ملاّط

[الزاهر]

وكأنما هناك اتفاق بأن المشكلة كبيرة.........وبأنها متأصلة في ثقافتنا...........وكل مرة منفتح موضوع ومنحكي عنها..........طيب.......وشو استفدنا...........نحنا اللي عم نحي منعرف إنها غلط............وإن شاء الله منا وائعين فيها..............شو هية الخطوات العملية اللي تشيع هذه الثقافة بين الناس؟؟؟

أنا بألكم........من الآن وصاعدا........فلنتعاهد إن نكون قدوة لغيرنا في هذا المجال..........هكذا أمور لا تعالج بالكلام..........الكلام جزء صغير فقط من الحل..........هالأمور بدها قدوة......قدوة عايش مع الناس كل يوم.........بيتعامل معهم بصغائر الأمور كما بالكبير منها..........وأثناء ذلك.....ينشر تلك الثقافة الصحيحة........

ثم ...........يجب.........وبكل حزم..........إن نشيع ثقافة النهي عن المنكر!!!.......يا عمي نصنا بس يشوف شي غلط بيألو لرفيؤو ليك شو عمل فلان!!!........يا زلمة روح ألو لفلان ليك حالك شعملت........إن شاء الله نطبق عأنفسنا......وندعي الناس لذلك

السلام عليكم

[وسيم أحمد الفلو]

كل المشكلة هي مسألة بناء الافكار المسبقة عن الاشخاص والاحداث وحتى الافكار ...

ليك معتوق حكيت جملة رائعة بس بعدين لما شرحتا ضيعتنا


زاهر القضية ليست قضية قدوة فقط، القضية أننا لسنا معتادين على الحوار وتقبل الفكر الآخر، وأننا تربينا على فكر "نفذ ثم اعترض" وعلى نهج "الكتيبة الخرساء"، والمشكلة هي بإزالة هذه المفاهيم من رؤوسنا وإلى الأبد.

[مصطفى معتوق]

ليك معتوق حكيت جملة رائعة بس بعدين لما شرحتا ضيعتنا

منو انت يلي بتضيعك هاللطشة يا فلو دافنينو سوا

زاهر القضية ليست قضية قدوة فقط، القضية أننا لسنا معتادين على الحوار وتقبل الفكر الآخر، وأننا تربينا على فكر "نفذ ثم اعترض" وعلى نهج "الكتيبة الخرساء"، والمشكلة هي بإزالة هذه المفاهيم من رؤوسنا وإلى الأبد.

وانا بأيدك يا فلو على هالكلام مشكلتنا هي بنهج الكتيبة الخرساء والحل يا زاهر لهيك معضلة ما بيكون الا البتر لانو هاد سرطان ثقافي عم يجتاحنا يدك تبتر وتجرب تخلي المناطق المبتورة تفرخ من جديد

[rami]

سحر الشرق
الريس
هبول وهبولة
الشبح
رامي
المهند
انا
وغيرهم الكثيرين ......

انا شخصياً قد اتفق مع البعض على بعض الافكار وقد اختلف مع البعض الاخر ....
الا اني ارى انه يجدر بنا بدل الخوف من نشر غسيلنا الوسخ على مناشر الانترنت كما كان يخشى اخي نزيه خداج فمن الاجدى ان نتفكر في اسباب اتساخ الغسيل من الاساس ؟؟؟

لماذا هناك اشخاص كل همهم ان يبخسو الناس اشيائهم ؟؟؟
لماذا هناك اشخاص لا يستطيعون النوم دون الكلام عن فلان او علان ؟؟؟
هل تأصلت ثقافة القيل والقال وحب السيطرة وسياسة ال SHOW OF على بعض ابناء البلدة ؟؟؟؟
اين القيم الشرقية من المحبة والتسامح ؟
لماذا نرى بعض الاشخاص يتربصون بالبعض الاخر كما الذئاب ينتظرونهم على ذلة لسان لينهشو لحمهم بدل التوجه اليهم بالكلمة الطيبة والنصيحة ؟؟؟؟

اختم تساؤلاتي بعبارة يا عيب الشوم !!

مانك ملاحظ يا ردعي أني ما عم شارك بقا بالمنتدى؟؟؟ بس بتعرف ليش؟؟ لأنو في أعضاء معفنين وطالعة ريحة الخمّة منهن وأنت زعهم يا تافه، ولا مين شايفك ومعبرك أنت ومشاركاتك العفنة يا ردعي؟؟؟ تهنّا بجعدنتك بالمنتدى وانبسط بسكوت المشرفين لك وترك كلامك الرذيل وإهاناتك وانا هيدا يللي خلاني أترك المنتدى، حاولت أصلحوا بالأول بس عأولة غنوم دنب الجحش ما بيتجلس، ومنطقك ما بيتجلس يا ردعي، فوت شوف حالك شو كاتب بالساحة الرياضية وشوف المشرفين المسلمين كيف تاركنلك ياها يا عيبشوم عليكم بس، أنا ما تحركشت فيك وأنت جبت الدب عكرمك، الله يسترك والله بروحك دعس لما بتتهجم عليي يا ردعي.....على كل عارف أنا رح تنمحى المشاركة بس يا مشرف قبل ما تمحيلي دفاعي عن نفسي (كعادتكم) محي الكلام البذيء تبع معتوق وساعتها أنا بقبل تمحيني كلني من المنتدى والسلـــــــــــــــــــــــــــــــــــــــــــــ ـــــــــام

[kalamoun_28]

" فوت شوف حالك شو كاتب بالساحة الرياضية وشوف المشرفين المسلمين كيف تاركنلك ياها يا عيبشوم عليكم بس، "

أخي رامي, هل تستطيع ان تعطيني أمثلة عن كتابة معتوق في الساحة الرياضيّة الني تستوجب مراجعة المسلمين, كما تقول .... الساحة الرياضيّة يمكن الساحة الوحيدة من غير مسبّات, من أين لاحظت هذا الأمر مع معتوق في الساحة الرياضيّة ؟

[kalamoun_28]

أخي الكريم رامي, لقد قرأت مشاركتك بالساحة الرياضيّة وقمت بحذف الجملة.

أشكرك أخي على الملاحظة, ولو سمحت, اتمنى ان تخبرني اذا كان عندك ملاحظات أخرى ... وأتمنى عليك أن تبقى تشترك في المنتدى لو سمحت.

[rami]

أخي الكريم رامي, لقد قرأت مشاركتك بالساحة الرياضيّة وقمت بحذف الجملة.

أشكرك أخي على الملاحظة, ولو سمحت, اتمنى ان تخبرني اذا كان عندك ملاحظات أخرى ... وأتمنى عليك أن تبقى تشترك في المنتدى لو سمحت.

لك يا الللللللللللهههههه هلأ بشرفك يا سيدي أنا صرلي ساعة مهزوز بدني وعم أغلي وفتت كتبت تيشوفوا العالم ثقافة الردعي ويشوفو مين كان ظالم التاني تتجي تمحي الجملة؟؟؟؟ الله يسامحك ، أنا أطالبك بإعادة الجملة كما كانت إذا بتريد أقله تيعرفوا الأعضاء ليش أنا عم أحكي هيك!!! الله يسامحك عهالعملة هيك يا أخي نزيه!!! يالله بالله عليك رجعها متل ما كانت وأنا حافظها إذا بدك.

[kalamoun_28]

يا أبو الروم, صلّي على النبّي, اذا بتريد.

بالنسبة لموضوع "تهديد المنتدى", محسوبك خداّج أوّل شخص صفّ معك أو على الاقل دعا لمناقشة الموضوع, ولو أبو الروم, شوبنا نسيت؟

يا سيدي الفاضل, أنت بدك تأكل عنب ولا تقتل الناطور ... لماذا تصرّ على أن ترى الناس مواصفات الردعي حسب قولك, شو رح يجيك. أخي, حذفنا الجملة وحصل خير .... طولّي بالك, بعدين خداّج بيعصّب ها ؟

[rami]

" فوت شوف حالك شو كاتب بالساحة الرياضية وشوف المشرفين المسلمين كيف تاركنلك ياها يا عيبشوم عليكم بس، "

أخي رامي, هل تستطيع ان تعطيني أمثلة عن كتابة معتوق في الساحة الرياضيّة الني تستوجب مراجعة المسلمين, كما تقول .... الساحة الرياضيّة يمكن الساحة الوحيدة من غير مسبّات, من أين لاحظت هذا الأمر مع معتوق في الساحة الرياضيّة ؟

أخي خداج عقولتك أنا بأمرك بس اسمحلي معليش ما بدي حدا يكون أخي ولا شي متل ما زبلتوني كلكم وكنتو ضدي لما وقفت بوج الظلم أنا هلق ما بدي حدا يكون حدي الله مع الحق وانشالله الحق بيظهر مهما طغى الباطل وكان الكل هايش عليي(سمحولي بهالكلمات) بس لما بلشت تظهر الحقائق ما عاد حدا شارك(فوت شوف موضوع تهديد لمنتدى وموقع القلمون) بتفهم القصد وبالنسبة لإحدى جعدنات الردعي فوت عطرائف رياضية قلمونية شوف ردي إذا ما محاه طمسة الحق كالعادة وبتمنى ما ينمحى لا ردي ولا مشاركة الردعي يللي تضمنتها أنا ليرى الجميع ويحكم الحق مع مين ، لا تواخذنا يا معلم خداج أنا بأمرك بس متل ما الكل تركني وكان ضدي بالأول أنا الآن ما بدي حدا معي لأنو الله معي ان شاء الله لأني مع الحق والسلام على من اتبع السلام.

[ابو عمر]

قويّة منّك أخي أبوالروم......واللهي فشّيتلّي خلقي.....لطالما أردت أن أرى هكذا وقفة شهمة.....مع احترامي للجميع.....و بالنسبة للردعي السوري....فا هيدا أحسن لقب إلو.....سنلتقي...تفنا سوريا و أصحابها....

[kalamoun_28]

يا سيد غنّوم, طوّل بالك قليلا, ولا تنسى أخي الكريم أن أعضاء المنتدى ليسوا كلّهم عندهم تفكير اسلاميّ كما تعتقد, هناك اختلاف في الآراء وفي الافكار, وهذا طبيعيّ عندما تستعمل وسيلة مثل الانترنت, كلّ الناس تستطيع الوصول اليها.

لا نستطيع فرض طريقة تفكيرنا على الغير وكلّ انسان حرّ في تفيكره.

يتبع اذا اقتضى الامر

[دوكر]

يا هلا بالجميع ........
و يا هلا بالمعلم معتوق ......مهم كتير هل الموضوع ........
للأسف ......بدنا نضلنا هيكا .........كلنا بنحكي بالمثاليات ......و تعا ع ارض الواقع .....اكتر واحد بيحكي ......هوا اكتر واحد بغلط بحء العالم........
الواحد منا فايت ت ينتءم لحالو ......فايت عم يأبل كيف بدو يلاءي واحد لمح تلميح علاي بدو يؤتل هوا و ياه........و الكلام هادا منو بس بعالم الأنترنت و المنتدى .......لأ ......بكل نواحي حيتنا.............
اساتني متزكر .......من أولما خلءت و انا بسمع بشوية مصطلحات ........و كلمات .....أساتني لحديت هلأ ما عم افهم وين هدولي بطبؤون........وين بدنا نشوفون .......هل الكلامات متل......"ثقافة الحوار"........."النقاشات الفكرية"........."اداب التحاور"............و كتير من هل الكلمات .....لي بظن انو نوجدت عنا باللغة بس ......يمكن منشان الصور البلاغية بنصوص الأنشاء.................
عنا أداب بالاسلام الغرب عم يوخدو و يعملو منا قوانين .......و نحنا ما بنطبءا ...........هنا عم يوخدو منا المنيح و يشلحولنا كلشي أبيح ......و نحنا بنستلاءا ........
ليش الحوار عنا ........هوا متل معركة .......يا انا ربحان و بهدلت .......يا انتا ربحت و مسحت فيني الأرض..........
ليش نقاشاتنا مجرد ......مسبات .......و تجميع لأغلاط لي ؤعد أبلنا و سردون ع مسامع الناس؟؟؟؟........

و انا يا معلم معتوق .....بؤل معك يا عيب شوم.........يا عيب الشوم علينا ........ابل غيرنا ............

يا شباب و يا صبايا ........حياتك هيا فكرة ........مبدأ..........بدافع عنون .....منو عن جسدك...........كلنا أجسادنا متل بعضنا .....انتا عندك ايد و انا كمان ......عند عيون و انا كمان ............عندك و عندي .............متل بعضنا ........بس لي بميزنا عن بعضنا الفكرة لي كل واحد بيحملا .........
ليش ما بدكن تتعاملو مع اليهود .....؟؟؟؟ لأنو شارون عندو كرش......؟؟؟(كان)............او لأنو بش منو حالو ...........
اكيد ع الأفكار لي بحملا............
و نحنا أفكارنا تأريبن بنفس نطاء و كلنا عالءين ببعضنا ......ليش لأنو فلان العالم عم يحترمو......و عم يؤلو عنو منيح......خليني بهدلو ادامون...........

مؤ فيني أحكي ...............

يعطيكن العافية ............
اخوكم دوكر المعوكر.....................

[HARD]

و يا هلا بالمعلم معتوق ......مهم كتير هل الموضوع?????.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[وسيم أحمد الفلو]

السلام عليكم

مشكور أخي معتوق على الموضوع

والأنكى من ذلك أن البعض لا يقبلون فكرة وجود أسماء وهمية ، بل يريدون فضح وكشف كل إسم ، لكي يتمكنوا من مناقشة شخصه ، مهما كان الموضوع المطروح .

أخي وسيم معك كل الحق في مسألة اننا لا نجيد التحاور، ولكن أنا لا أوافقك في مسألة الأسماء الوهمية، بل أجد أن الكثيرين يستخدمون أسماءهم الوهمية للتطاول على الناس، ويمكنك مراجعة الكثير الكثير من المشاركات لتجد أن أصحاب الأسماء الوهمية هم الميالون إلى ما ذكرت من مناقشة الأشخاص والتشهير بهم، متلطين وراء أسماءهم تلك.

المشكلة الأساسية هي حب الكلام من أجل الكلام، وحب التبخيس بالناس وأفعالهم، وأمراض نفسية لا علاج لها إلا من خلال الوحي والتأدب بآداب القرآن وإن لم ينفع ذلك فعلى أصحابها التوجه مباشرة إلى "بحنس" فهناك يستطيعن التنفيس عن مكننوناتهم النفسية.

[وسيم أحمد الفلو]

معك كل الحق أخي وسيم

لم يعد من المقبول من الآن وصاعداً إضاعة أي نقاش جدي بالتجريح والسباب المتبادل.

على الإدارة ضبط هذه الأمور وبشدة ومع كل الأعضاء.... رضي من رضي وزعل من زعل

[مصطفى معتوق]

اهلين وسهلين بالشباب الطيبة وردودن الكريمة ...

ليس بعيداً عن توصيف الاخ دوكر للمشكلة الا اني احب ان اكون اكثر دقة وان اضع الاصبع على الجرح ....

كل المشكلة هي مسألة بناء الافكار المسبقة عن الاشخاص والاحداث وحتى الافكار ...

فالعديد من الاعضاء ( الفلاسفة ) تراهم يجادلون ذات اليمين وذات الشمال ويرمون الناس والاحداث والافكار بشتى النعوت دون اي وازع اخلاقي وهم جاهلون .... نعم جاهلون ...
اليس من المعيب ان يخوض اي شخص في موضوع لا يفقه ولا يعرف عنه الا القليل وفي بعض الاحيان ترى اشخاص في كل وادٍ يهيمون ولا يعون ما يكتبون كل همهم تسجيل " تمريكة " على فلان لان سيارته قديمة او على علان من الناس لان قصة شعره بونكي او يهاجم عباس بن درباس لان لون برندت البيت لا يعجبه ....

قمة العيب يا اخي خداج حين نقع في المشكلة التي ما برحت اجاهر بها وقد تكلم عنها اخي الفلو وهي كثرة المتخرجين وقلة المتعلمين وندرة الثقفين في القلمون ...

فكم من جامعي لا يفقه من ادب الحوار الا اسمه ( كما وصف دوكر ) وكم من جامعي لا يريد من الدنيا الا ان يرفع شعار وان يسير في ركابه دون ايما تفكير .....

ها هو وسيم غنوم مثلاً يقف مني على الطرف الاخر من النقيض فانا العلماني وهو الاسلامي الا اننا نتميز بنوع من الاحترام اثناء الحوار ما هو السبب يا ترى .....
من اول الاسباب كوننا اشخاص حقيقيين نغار على سمعتنا ونحترم انفسنا في المقام الاول ... ويوم اقترحت في موضوع خداج بضرورة فرض قيود على الاسماء الوهمية كنت اعي ما اقول اذ ان الغالبية من سفاسطة الحوار يخشون السنة الناس ويخافون على بريستيجهم اكثر من اي شيئ اخر .....
وها هي النرجسية تتسرب الى القلمون فترى البعض يحاول واهماً ان يضع نفسه في اعلى برج القلعة ولا ينقصه الا ان يقول لنا كما قال فرعون لشعبه ( انا ربكم الاعلى ) والعيب في مثقفينا انهم لا يلجموه فحق فينا المثل يا فرعون مين فرعنك .... قلن فرعنت وما حدى ردني ..)

فهل سنترك البلدة لقمة سائغة لاصحاب المآرب المشبوهة ؟؟؟؟ ايها الناس ان من يراقب حواراتكم اشخاص كثر والتستر على المنتدى ليس الحل انظرو الى مقاهي البلدة والى حاراتها وشوارعها وتفكرو فيها يا الي اللباب فسترون العجب العجاب .