صوت لهيفا

[هيفا]

[عمر ملاط]

ذكريني فجر حالي فيكي.... (فرد علي المشرف المتشدد الارهابي ملاط عمر)!!!!!!!!!
هلأ أنا ما بعرف شو أحكام الشريعة الإسمية يلي عم تحكي عنها....

أما إذا قصدك الشريعة الإسلامية فالجواب:
أولاً إنك تقومين بدعاية مجانية ل... ما فينا نقول صفاتا هون...
ثانياً لو صورة عيون تنظر بطريقة عادية كان فيها وما فيها... بس لما يكون الشخص يتعمد الإغراء والجآرة بنظرته... تصبخ النظرة غير مقبولة...

والله أعلم.. وهذا رأيي....

[اليمامة الحضرمية]

قبل ما صوت حابة قووووووووووول
أنو ليش لمن الواحد بيأمر بالمعروف وبينهى عن المنكر وملتزم بيكون ارهاااااااااابي.......
اذا هيك بلتعلم الدنيا أني إرهاااابية.........وأفتخر...........

أختي...........
هلأ اذا شفتي وحده مغطاية على وجهها (بعيد الشبه بينا وبين هيك نسااااااااء)
ومبينه عيونها..بتقولي ليش مبينة عيونها خليها تشيل أحسن.....ما العيون هي الأصل.......!!!!!!!
سمعتها كتيييييييييييييررررررررررررررر

طيب اذا بنقول هونيك العيون هي الأصل......
وبنسمع كتيييير مطربين غنوا للعيون وكتير شعراء اتغزلوا بالعيون........
حتى الواحد يلي بدو يلطش على البنت بيقول يسلمولي هالعيوووون.......
شو بيعني هالحكي؟؟؟؟؟؟؟؟
مش يعني العيون فتنة......!!!!
وبتصيب القلب.......

وعيون الست المحطوووطة ما حدا بينكر أنهم حلوووين ومتل ما ذكر الأخ يلي طلع إرهاااااابي......فيهم إغراء.....وبعتقد الرجال بيعرفو أكتر من البنات....لأنو هي بتقصدهم بنظراااتهاااااا..........

أتمنى أنه قد وصل اليكي قصدي أختااااااااااه........
وهيدا رأيي.....

تقبلي مروري
مع خالص الشكر

[Nader 3:16]

انا ما كنت بدي صوت و لكن كلام هذه المتشددة و اتهام المعلم عمر بأنه ارهابي ...

افتخر بأني صوتت بأنها مخالفة,,,,,,

و دووووووووووووووووووووووووووع

[nana]

هلأ هي صوره عاديه بس لومنك حاطا بالاستفتاء عاشت هيفا كان جمل اظبط
بس بصراحه لما ظهرت اخت هيفا على المنتدى مستخدمه اسم هيفا حسيت هيفا وهبي عم تحاكينا فا كنت حس بالاشمئزاز بهيدي الشيء بس طبعا مع احترامي الشديد إلك بس انا مابحبا لهيفا وهي بالنسبه إلى منا جميله هي عباره عن شكل كلو اغراءات

ويااهلا وسهلا فيكي

[بسام]

في الجنة يحشر المرء مع من أحب
هذا حديث لرسول الله عليه الصلاة والسلام

[ام السعد]

انا لم اصوت لاني احترت لكن لفت نظري شي مهم قاله الاخ عمر ملاط
هو انهم لايريدون اي يقدموا لهيفاء...اي دعايه هنا مجانا
ولكن لماذا قبلتم بوضع صورة وائل كفوري للعضو ابو الليل اليست هذه دعايه ؟؟؟
فقط لان الحق يقال .

[nana]

انا لم اصوت لاني احترت لكن لفت نظري شي مهم قاله الاخ عمر ملاط
هو انهم لايريدون اي يقدموا لهيفاء...اي دعايه هنا مجانا
ولكن لماذا قبلتم بوضع صورت وائل كفوري للعضو ابو الليل اليست هذه دعايه ؟؟؟
فقط لان الحق يقال .

ليش هيفا بحاجه لدعايه منا ضاربه الناس بالعرض وبالطول بشهرتاها
وكيف يعني مابدكون تعملولا دعايه مجانا يعني إذا دفعت مصاري للمنتدى بتعملولا دعايه
يعني صحيح ليش حلال على وائل كفوري وحرام على هيفا

[هيفا]

هلق يا ملاط

شو عرفك انهم عيون هيفا , وشو معنى اغراء لما تشوفهم
يعني شو بتحس لما تشوف هالعيون

واحنا العرب لأمتين حنضل اذا شفنا عيون حلوين بدنا نهتز وننغر

هايدا سببو يا عمر التشدد تبعكم وسببو منع الاختلاط وسببو الانغلاق اللى انتو عايشين فيه

انو معقولو , منظر عيون هيفا تعمل كل هالضجة والفلتان الاخلاقي بالمنتدى

حذفها أبو حسن مع إنذار أخير لـ"هيفا"

باي يا حلوين

وبرجع بألوك ,
ما إلك إلا هيفا

وعاشت نارة وام السعد وكل البنات الحلوين
( صحيح انتو حلوين مثل هيفا )

[فشلان]

هلأ طبيعي يا ست هيوف... إنو إذا الواحد كل يوم عم يتفرج على العريانين منهم والعريانات... ببطل يحس بالعيون...

وهذا بالتالي بعتبرو مدح منك لشيخي عمر.... هادي شغلة...

والشغلة التانية للست ناره... ما بعرف كيف وصلتي لهالفهم عن فكرة عمر ملاط... إنو إذا دفعت مصاري بحطولا الدعاية... يعني معقولة منك؟!!!!! ابني الزغير يلي إسا ما جا... ما كان رح يفهم مثل ما فهمتي.... سوري كتير على هالتعبير... أو إذا بدك أردني مش سوري.. منشان ما نعمل حزازيات

تالت شغلة.... وان شاء الله ما يحذفوها المشرفين... مش غلط على يلي بيحس بالإثارة لما بيشوف عريانين وعريانات.... بس المش طبيعي إلي ما بحس بالإثارة..... اللهم إلا إذا كان كل يوم ............ وسلامة فهمكن...

والغلط يا معلمين.. إلي بيحط حالو بموقف يشوف الإثارة... هي القصة مانا بطولة... واحد يروح على كاباريه ويقول هو أبضاي..............

وأنا بطلب من المشرفين إنو يشيلو صورة كل واحد بسيء للدين والأخلاق سواء كان وائل كفوري أو بلوط مبسمر.........

[البريئة و الوحش]

يا ساتر يا رب
معليش كتير زدتوها أنو بأي عصر عايشين معقولة حدا بينثار من العيون
لو صحي كانو كل البنات وقعوا بحبي

الله معك ست هيفا بس الاسم يمكن شوي ما اجا بمحلو

و بعدين لحق الواحد و بدو يحط صورة يحط شي محرز اذا العيون هيك عملو فين شحال شي تاني ساعتها بيروح المشرف بغيبوبة و بتضل الصورة

ما تنسش نحنا ناطرينش

و معتمدين عليكي و على حركاتك لأن ما في غيرك في يوقع الشبح

[محمد أحمد الفلو]

إذا لم تكن تستح فاصنع ما شئت

[أم سفيان]

لي رجعة إن شاء الله للتعليق
شو هالمواضيع الحلوة اللي عم تطرحوها مغرية كتير ما فيه الواحد يمرؤ بدون ما يعلئ

[هيفا]

تسلملي عيونك يا المذنب

باي

[أم سفيان]

أنا بدي إسأل الأخت هيفا سؤال
إنو بدي أعرف ليش ما بتصوري عيونك وبتعرضيهن بدل ما تحطيلنا عيون هالمغنية
شو ناقصن عيونك ليش حطي أد مانا حاطا مكياج وبتطلعي أحلى منا
وبعدين واحدة هي نفسها مانا راضية عن شكلها كل يوم والتاني عاملة عملية تجميل جديدة بتؤوموا إنتو بتعرضولا صورها
أنا متأكدة إذا فكرتي منيح وكنتي صادقة مع نفسك رح تلآئي إن هالمغنية أتفه من إنك تحطيلا صورها وتتخذيها قدوة وتتسمي بإسمها

[هيفا]

مشكورة اخت ام سفيان
كلام جميل وحلو ومقنع

وبارك الله بك
بتعرفي لو المشرف ملاط قال هذا الكلام من الاول , ما كان صار اللى صار

انا لن اضع هذه الصورة بجانب اسمي ( اقتناعا مني بكلام ام سفيان )
وسأضع صورة عيني في اليومين المقبلين

ومشكورة على ردك الهادئ الحلو اللطيف الجميل

باي
وكرمال ام سفيان بايين اتنين

[أم سفيان]

وفيك بارك الله يعني مننتظر بهاليومين تصويت تاني لعيون هيفا الحقيقية

[a7la 3amoura]

[القلموني]

يسلم هل كلام الجميل و صادر من ناس محترمين معليش يا ست هيفا بس إنوالأخعمرمش مغلبط و لاشوي لحتى تعملي مثل الأمريكان إرهابي و مبعرف بعدين يمكن أكتر من هيك على كل حال خيرإنو كلام أمسفيان عجبك و أنا بنصحك تغيري إسمك و تتسمي بشي الواحد بيفتخر في

[kalamoun_28]

طبعا لن ادخل في هذا النقاش, ولكن عندي 4 ملاحظات :

1- أعجبني تعليق أم السعد حول المقارنة بين صورة وائل كفوري وصورة هيفا وهبي ... اذا قبلنا صورة وائل فلماذا نرفض صورة هيفا؟ أعرف أننّي لست مشرفا في موضوع الصور الرمزيّة للأعضاء وأعلم تماما انّ المسؤول عن هذا الامر له كامل الحريّة باتخاذ القرارات حول هذا الموضوع ولكنّني أحبّت أن أشدّد على ملاحظة أمّ السعد لأنها منطقيّة جدا.

2- أرجو من الاعضاء الكرام التروي قليلا في تهجمهم على الآخرين, وكما سبق وقلت في مرّات عدّة أنّ الغيرة على ديننا لا تتجلّى في التهجّم على الآخرين واتهامهم بالفجور (ويمكن بعد شويّة نتهمهم بالكفر) ... كلّ مين بدينو الله يعينو, ويجب ان نهتّم و ننظر الى انفسنا قبل انّ نهتّم بالآخرين ونطلق الاتهامات شرقا وغربا.

3- هدف هذا الموضوع هو اذا كنت توافق على وضع الصورة الرمزية للعضو هيفا عبارة عن عيون هيفا وهبي, الرجاء البقاء في صلب الموضوع والاجابة بنعم أو كلا مع ذكر السبب من غير التهجّم على أيّ شخص .... هذا من دون النسيان أنيّ لا أرى سببا لمناقشة هذا الموضوع فاذا كان العضو سمّى نفسه هيفا تشبهّا بهيفاء وهبي وهو يعلنها جهرا, وقد قبلنا عضويته فلماذا نقوم الدنيا ولا نقعدها اذا استعمل هذا العضو هيفا صورة عيون هيفا؟

4- كان يجب للعضو هيفا أن يزيد خيار "لا أبالي" في الاستفتاء, فهناك الكثير من الاعضاء لا يكترثون اذا العضو الفلاني استعمل صورة هيفا أو صورة نجوى كرم أو أيّ صورة كانت.

سلامات, نزيه خداّج ملاّط

[ام السعد]

السلام عليكم اخي في الله احلى عمورة .
لايجوز ان تحرم اسم هيفا بالشريعة الاسلاميه
لانه يوجد عنا اسماء بالضيعة فظيعة ما انزل لها من سلطان
ويمكن تكون محرمه اكتر من ه الاسم متل: ليندا,كارين ,نانسي ,ريتا ,سونيا ,
واسماء كثيرة جدا لا اذكرها الان
فلا يجوز ان نحرم نحن يوجد مشايخ تعرف اكثر منا.
ومن ناحيه اخرى سافكر ان هذه البنت اي هيفا غير متدنيه
وغير متحجبه فعلينا ان نتعامل باسلوب ترغيبي لهدايتها
وليس اسلوب الترهيب لانه سيكرها بالتدين .
فالحوار المتزن والاسلوب الجميل , يمكن يخليها تتغير
ولكن اذا بدنا نحاربها ,يمكن تقول انه المتدينين معقدين

[محمد الكوسا]

aslan ken lazem el admin ykahech hayfa w amthala w ana met2akad ennou hayfa hon sabi

[ام السعد]

اشكر الاخ نزيه على رده الجميل والمميز
جدا والمقنع ويسلمو على الكلام الرائع
لم اكمل ردي بسبب انقطاع الكهرباء في القلمون
شو اللي بياكد انو هيفا صبي يا اخ mkuz
ارجو ان تفسر لنا لكي نكون على وضوح
وللانتقال على موضوع الاخت هيفا اذا اعتبرناها انها محجبه فيمكن تكون منها مقتنعة بحجابها وبتدينها
فعلينا ان لا نحكم على احدا الا لنستوضح منه
والله يهدي الجميع

[عمر ملاط]

أولاً أرحب بجميع التعليقات.... وأنا لست أبداً مع حذف بعض الجمل التي وردت في ردود هيفا حول التشدد والإرهاب الذي وصفتني فيه...

أخي نزيه وأم السعد... لو أنكم قرأتم أصل المشاركة التي دارت بيني وبين هيفا في قسم الطلبات... لعلمتم يقيناً أنني كنت أول من رفض فكرة وضع صورة وائل كفوري... وقد وعدتها وما زلت على وعدي... بأن أسعى جاهداً لحذف هذه الصورة...

ثانياً: يا أختي هيفا... إن المتشدد الإرهابي ملاط عمر كما سميتيني... لم يقل أنه تأثر أو انثار أو وقع بالأرض وما عاود فيي نام عندما رأيت عيون هيفا... بل قلت إن صورة العيون فيها إثارة.. وقد قصدت أن هيفا ابتغت الإثارة بهذه الصورة... يعني الصورة فيها دعوة للإثارة... وفرق كبير بين أن نتأثر بالصورة وبين أن تكون الصورة لها غاية الإثارة...

ثالثاً... ما أرفضه وأعتبره غير مقبول.. هو إقحام زوجتي في الموضوع... فحبذا لو لم توضح موضع التشبيه... وإن كانت هيفا وأمثالها لا يعبؤون بوضع صورهم اللا أخلاقية فإني أرفض أن توض زوجتي في مجال تقييم الجمال في منتدى عام... فهذا أمر لا يجب أن يذكر..

رابعاً... أنا لم أدر تماماً ما هو المقنع في كلام أم سفيان.. وما هو غير المقنع في كلامي... جل ما قلته أنني أرفض وضع صور لأشخاص اشتهروا بالفساد والإفساد (دون استثناء) غير أني ميزت هيفا عن وائل كفوري من جهة الإغراء التي توفرت في صورة هيفا ولم تتوفر في صورة وائل كفوري....
وإني لم أحذف صورة وائل كفوري حتى الآن لأنني لم أعرف المشرف الذي وضعها... وذلك احتراماً مني له كي لا أتخطاه...

على كل حال... ليس المهم أن تقتنعي بكلامي أنا... بل أن تقتنعي (سواء بكلامي أو بكلام سعيد أبو لزقة...)

خامساً: مع تحيات المتشدد الإرهابي ملاط عمر

[أبو حسن]

أولاً أرحب بجميع التعليقات.... وأنا لست أبداً مع حذف بعض الجمل التي وردت في ردود هيفا...

للتوضيح:

الجملة التي حُذفت، والتي قرأها بعض الأخوة وغابت عن الآخرين، تم حذفها لأن فيها قلة أدب وتعبيرات إيحائية جنسية. وأنا أصلا لم أتدخل في الموضوع منذ بدايته لأنه بينك (وأنت مشرف) وبين هيفا. لكني تدخلت في حذف عبارة مسيئة للمنتدى بشكل عام ومنافية للأخلاق.

[عمر ملاط]

وأنا أخي أبو حسن لم أعترض على حذفك نهائياً... وإنما أوجه إلى هيفا.. أنني لا مشكلة عندي أن يوجه إلي كلام كهذا... فإن الكلام والاتهام لا ينقص من قدر الإنسان شيئاً...

وبارك الله بك.... وجزاك كل خير....

أخوكم عمر ملاط

[هيفا]

اعتذر من المشرف ملاط ولم يكون كلامي عن زوجته عن سوء نيه
ارجو قبول اعتذاري
وكرمال المشرف ملاط مش باي وحده بل تلات بايت

[Mazen.O]

اسمك بحد زاتوا مخالف للشريعة الاسلامية لأنوا على اسم الفاجرة هيفا وهبة

لا تعليق....................

[kalamoun_28]

"أصحا" حدن يغلط مع بيت ملاّط ؟ بعدن مبيكون مبسوط .... 100 اهلين بهيفا (العضو وليس الفنّانة) .... وألف شكر على كلّ الردود.

سلامات, نزيه خداّج ملاّط

[X-Man]

[kalamoun_28]

قويّة منك صديقي X-Man , خداّج بدبرّا , ولا يهمّك .... ولو نحنا رجال (بس خلي هالحكي بيناتنا, ماشي ) والرجال قليل.

سلامات, نزيه خداّج ملاّط

[Barbie]

السلام عليكم ,
للأسف يمكن مشاركتي متأخرة , بس مبارح ما كان في نت منيح , لمهم , حبيت علق على هل الموضوع , لأن حسيت من واجبي .أول شي:
أنا كنت حابه اسألك يا أخت هيفا , شو بيصير izaالصورة ما نحطت ؟!!! بصراحة , بدها تخرب الدنيا !!!
و ما زالك انتي مصره أو مزعوجه لأنها ما نحطط يعني عندك سبب أكيد , ف شو هوا ؟ و iza كان بدك تحطيها هيك , فما في داعي لكل هل قصة .
و من جهة تانيه , انتي و انا و كلنا الحمد لله مسلمين , ف ما في داعي نقول لبعضنا انت متشدد أو ارهابي , لأن ما كل واحد بدو يطيع الله و يتجنب الفتن بكون هيك يعني لقصة بالعقل شوي .!!!!
يمكن تقولي هلء من العيون بدو يصير فتنه و هيك شي , و انو بس الشباب الملتزمين بكبرو القصص لأن منغلئين , مهيك .
بس هدا شي غلط , لأن ما تنسي الشيطان يلي بزين كل عمل غلط و هوا يلي بخلي عقولنا تتأبل هل الشغلات بحجة انها صغيره و عاديه , و من ناحيه تانيه كل شب معرض للفتنه بالفطرة و هدا شي نسبي بين كل واحد , و ما ضروري كل ما حدا كان ملتزم و بدو يتجنب الفتنه من أبسط الأمور مثلا ً حط الصورة , يكون من العصر الحجري , بس لأنو هوا الصح بي عالم كلو غلط . و يلي بكونو على أساس كوووووووول و عادي عندن هنه يلي على غلط ( الله يهدينا جميعا ً ) .

و الاسلام دينا , و مش متل أي شي بيمشي مع الموضة , بعرف بي هل ايام شي عادي صار بس عند المسلمين و المؤمنين ما لازم يكون هيك لأن مش هادي صفات الرسول عليه الصلاة و السلام يلي هوا مثلنا الأعلى لأن نحنا مسلمين , و فكري iza هل العمل بيرضي الله و الرسول , ما تشوفي صغير لأن القصة قصة مبدأ كيف الواحد بيفكر صح .
و بحب قولك يا أخت هيفا , الواحد بدافع عن شي بدو يفيدو بل أخير و يشهد معو . و ان شاء الله كون وصلت فكرتي منيح , و يا ريت انتي تفكري بالعمل قبل انو لازم يرضي الله و يكون من صفاتنا و صفات الايمان قبل ما يكون بيرضيني أو بيرضي المشرفين . و iza كان حط صورة وائل كفري غلط ما لازم نحنا نكرر الغلط و نغار و نألدو .

و ما تنسي الشغلة لو صغيرة بس بدنا نتحاسب عليها , و مش الصورة يا أختي بدها تخرب الدنيا وقت ما بتنحط , و يا ريت مت تفكري هل العمل مين رح يرضي فكري انو لازم يرضي ربنا و بس و ما حدا تاني من العالم , و انا أكيده انك فهمتي علي ان شاء الله .
ان شاء الله كون فدت بي يلي حكيتو , و بعتقد انك يا أخت هيفا , تأبلتي مني لأن نحنا أخوه و مالازم يفرقنا أي موضوع ان شاء الله

[moustafa]

بما إني عارف بل متأكد إنك ما رح تنجحي بالتصويت للصورة تبيعتك... فما في داعي إني صوت.. بس رح قلك ياها علناً...أنا ضد وجود الصورة و الإسم و الكتابة.... يعني بالشكل الصريح... أنا ضد وجودك بالمنتدى...
حل(ي) عنا....

[Mazen.O]

بما إني عارف بل متأكد إنك ما رح تنجحي بالتصويت للصورة تبيعتك... فما في داعي إني صوت.. بس رح قلك ياها علناً...أنا ضد وجود الصورة و الإسم و الكتابة.... يعني بالشكل الصريح... أنا ضد وجودك بالمنتدى...
حل(ي) عنا....

لا تعليق....................

[فيصل]

صلو على النبي
آه شو هل العيون ولك شي بجنن ولك شو هيدا ولك مامعك حق يا عمر.هيدي عيون ياسلام

[هيفا]

سوري عـ التأخير عن الرد على الاعضاء الحلوين

حذفها أبو حسن

بس هلق فضيت إلكم وحرد على كل رد برواء اللروء

باي

وميت زهرة لخداج حبيب الصبايا

[kalamoun_28]

عجبتني منك "حبيب الصبايا" .... ولكن كن أكيد, الشاب بغريزته الانسانيّة هو حبيب الصبايا والاّ فهو ليس بالشاب الطبيعي .

100 وردة والله.

[ابو عمر]

هلأّ يا هيفا، ما لقيت(ي) إلاّ هالصورة تحطيها...خلص...طالما في نسبة ولو كانت قليلة بشوفوا إنو هيدي الصورة غلط، لازم منّك لحالك تشيلا(تشيليا) خوفاَ مايقوم معن حق، و بيلحقك خطأ عليّا، مش إنت(ي) بدّك تجادل(ي) و تناقر(ي)....و أنا كمان برأيي هل الصورة ما لازم تضل....لأنا أنا أكيد 100/100 إنوّ محطوطة للمشاكل,,,,و شكراَ

[هيفا]

سوري عـ التأخير عن الرد على الاعضاء الحلوين

حذفها أبو حسن

بس هلق فضيت إلكم وحرد على كل رد برواء اللروء

باي

وميت زهرة لخداج حبيب الصبايا

المشرف ابو حسن
انت وراي وراي
ليش ايدك والحذف ,
اذا انت نيتك عاطلة انا شو زنبي اه شو زنبي انا
انا كنت بالدورة في بيروت ومشغولة كتير بالشغل ودايما الدورة عجءة وارف
ليش حذفت هديك الجملة

ناطرة ردك الى بنأط عسل
باي

[أبو الحسين]

هلق أنا مش كتير مع الصورة أو مع الإسم بس كمان الأخت هيفا
زادتها يعني ما لازم تحكي هاد الحكي أد مكان منها حلوة

[chony]

أولآ يا نزيه خداج بعرفك متعلم و ذكي و بتلقتها عالطاير كيف بتسمح لواحدة حذفها أبو حسن متل هيفا تتوجهلك بالحديث الم تقرء ما كتبته هذه حذفها أبو حسن وقام بحذفة أبو الحسن

ثانيا كيف يقبل المشرفون على المنتدى وجود هكذا شخص حذفها أبو حسن في المنتدى

ثالثا الى ما يسمى بهيفا يا عيب شوم عليكي

أني أطلب بصفتي مشترك في هذا المنتدى بحذفها من المنتدى
و بتتبع IP أذا كان ممكن و هذا كله حفاظا على الأخلاق العامة

و أني أطلب من المشرف التصويت على حذفها من المنتدى

شكرا و السلام عليكم

[عمر ملاط]

بطريقة لبقة.. ومهذبة.. وصريحة.. وعلنية...

الأخت أو الأخ هيفا.... التزم قدر الإمكان بالحدود ونقطة

[الشامي]

السلام عليكم...

أتمنى وأطلب من الأعضاء أن لا يخرجوا عن نطاق الأدب وشروط المنتدى من خلال مشاركاتهم ...

يمكننا مناقشة أي أمر أو السؤال عن أي شيء ولكن بطريقة لبقة وبأسلوب راق....

هذا تنبيه قد سبقه عدة تنبيهات من قبل الكثير من المشرفين الفضلاء... ولن نُتعب أنفسنا في الأيام المٌقبلة بغربلة مشاركات الأعضاء لنصفيها من التفاهات وإنما سيتم حذف المشاركة كاملة وتنبيه صاحبها ويتلو ذلك توقيف العضو عن المشاركة ....

المنتدى وُجد للإفادة وليس للتعرض للآخرين من خلال أسماء وهمية أسلوبها يضر صورة المنتدى وصورة القرية ككل... وقد وصلنا الكثير الكثير من الإعتراضات من القرية وخارجها بتركنا لمثل هذه المشاركات وأصحابها يتسلون وينحرفون بالمنتدى عن هدفه ... وكنا نعلل ذلك دوما بأن الأمر يحتاج إلى وقت ليفهم بعض الأعضاء طريقة الحوار والتعالي عن التفاهات ...

وأظننا قد نبهنا واعطينا الوقت الكافي ... فليلتزم الجميع بثقافتنا التي نفتخر بها وديننا الذي ننتسب إليه... ولسنا في صف للروضة كي ننبه في كل مرة إلى أمور هي من البديهيات .... وللمنتدى شروط وأداب فليراجعها من يجهلها قبل المشاركة ...

أخوكم