ما هي المشاكل ............. ؟

[عبد الله]

أخي الكريم أختي الكريمة
نرى اليوم الكثير الكثير من عنصر الشباب يعيش حياته وهو يعاني من الكآبه و القرف ومنهم من يكاد يكره نفسه وعيشته والمجتمع الذي حوله ومنهم من ..... ومنهم من............
أشكر سلفا كل المشاركين وأرجو الإجابة باختصار عن السؤال التالي
ما هي برأيكم المشاكل التي يعاني منها الشباب ؟

[دوكر]

يا هلا بالمعلم عبد الله...
موضوع مهم و ان شاء الله بدي شارك فاي بس منو بأختصار...هههههههه....
ان شاء الله لاي رجعة بالمسا ع الموضوع....ازا ما انشغلنا بشي مشوار ضروري...ههههه....
يعطيك العافية...
اخوكم دوكر المعوكر...

[المحروم]

أخي الكريم السلام عليكم ورحمة الله وبركاته الموضوع بدوا شوية تفصيل فالشباب نوعين الشباب الملتزم والشباب الغير ملتزم أما الشباب الملتزم فترى القرف والمعانات على وجوههم بسبب الوضع الذي نحن فيه من إنتشار الفساد وإتشار العلمانيه بشكل رهيب في القلمون وعدم وجود دوله إسلامي تحفظ لنا حقوقنا وان الشباب الملتزم دائما هو على خط الإرهاب فكم لنا من إخوة لنا في السجون اما الأسباب المشتركه فهي عدم إيجاد وظائف وعدم القدره على الزواج
هذا من وجهة نظري

[أمّ البراء]

بعدنا عن اللّه عزّ وجل هوالسّبب الأوّل ويكاد يكون الوحيد لحالات الاكتئاب.... فكيف يبكي على رزقه من يسمع:"رزقكم في السّماء وما توعدون"؟؟؟ ومن يبكي على حياته بعد ان يسمع"من أصبح منكم آمنا في سربه معافا في جيده عنده قوت يومه ....فكأنّما حيزت له الدّنيا!" والامثلة في هذا المجال لا تعدّ كلّنا نعرفها ولكن نحتاج لنطبّقها فنكون من السّعداء كما قيل:
أسعد السّعداء من اذا أعطي شكر واذا ابتلي صبر واذا أذنب استغفر.....

[المحروم]

يا اختي يعني الواحد ما بتحكموا كآبه وبيحزن لما بيشوف اطفال فلسطين يقتلون ونساء العراق يذبحون وأخوانا وأخواتنا في الشيشان وأفغانستان مشردين وإخوانا المؤسورين يعذبون
من بات ولم يهتم بأمر المسلمين فليس منهم

[دوكر]

يا هلا بالجميع ........
الشباب و الصبايا حكي بنءط مهمة ......بس يمكن ركزوا او حاولو يفصلو بين الشب او الصبية الملتزمة و لي لأ ....هلأ مظبوط في فرء ........
بس خلينا ؤل هل الكلمتين .......
طيب .....الؤصة فيا كتير تفريعات .......و فوتات و طلعات ........ما عم تؤلو مشكلة .....او مشاكل......
الشباب بي هل الأيام يمكن اكتر الشي بيتأثرو بهل الشي بس كمان الكبار نفس الشي..............
من مشاكل الشباب و خصوصي عنا بالضيعة مشكلة بسمي " التحطيم".......سامعين فيا ؟......التحطيم ......هل المجتمع .....او ما بدنا نظلم الناس.....في ناس متل الدهب.....معدنا بلمع و ما في ابيض من ألبون.......بس في ناس بحبو يحطمو الشخص...ما بحبو حدا يتميز ...ما بحبو حدا ينحب.........بدلون كاعرين الزلمة لحديت ما يتفشوا.....و أكيد ألال الناس لي فيون يكملو دربون مع كل هل الضغوطات .....و كل هل الفركيشات ........
كنو كان الشب ملتزم و لا لأ.....بس هوني الشب و الصبية الملتزمين اكيد بكون عندون نوع تاني من التميز ....لأنو لي حاميون الله.....و كمان من ضمن هل "التحطيم" ......الحسد.....و الغيرة .....بيأبل الواحد كيف بدو يوقع الشخص لي ادامو كيف بدو يلاءيلو غلطة يهولو ياها...زكيف بدو يلاءيلو شي هفوة.......

طيب هلأ النءطة لي حكي فيا المعلم المرابط ........يا هلا فيك يا معلم ........
مظبوط ....كلامك مدوزن ......الوضع لي محطوطين فاي الشباب الملتزم .....صعب و خصوصي ان كانو من حملة القيم و المبادئ....ما بؤصد بالشباب الملتزم الشباب لي بصلوا بالجامع بس.....لي عندون فكر ........و بيهتمو بأمور المسلمين ......اكيد بدو يكون متدايق للؤصة العراق و فلسطين .......

و لي ؤلتو الست ام البراء.......كمان مهم ........و مدوزن ....يا هلا بالست ام البراء.........
ذنوبنا ......ذنوبنا .....هي سبب ....و يمكن السبب الاهم لي بيخلينا نضل متدايقين ......و ءلية الأرتباط لي عنا بربنا .........اكيد....ربنا قال...."و من أعرض عن ذكرى فإن له معيشة ضنكا و نحشره يوم القيامة أعمى، قال رب لم حشرتنى أعمى و قد كنت بصيرا ، قال كذلك أتتك آياتنا فنسيتها و كذلك اليوم تنسى".........
طيب ......ما ح كتر حكي خلينا نسمع أراء الشباب و الصبايا.....
يعطيكن العافية ......
اخوكم دوكر المعوكر.....

[عبد الله]

الله يبارك فيكم
أنا سألت أحد المشايخ وكان له رأي مغاير وسأنقله اليكم بعد أن أسمع آراء الأعضاء الباقين
جزاكم الله كل خير

[عبد الله]

وصفت للشيخ الحالة التي فعلاً يعانيها كثير من الشباب
وسألته ما هو السبب برأكه فقال : الفراغ وهو أيضا سبب لكل المشاكل التي ذكرتموها على حد تعبير الشيخ وأضاف قائلاً : كان السلف يقولون كان أحدنا أشح على وقته من درهمه.
بارك الله بكل الأعضاء الذين شاركوا في هذا الموضوع الذي يقف فعلا عند جرح من جراح الأمة ألا وهو مشاكل الشباب

[Barbie]

السلام عليكم ,

حياة معظم الشباب اليوم , كلها مشاكل , تتفاوت حسب كل فرد , حسب المحيط الذي يعيش فيه .
أولا ً , معظم أحلام الشباب , تصل إلى طريق مسدود للأسف .

يتعلمون , يتعلمون , دون تمكنهم من حصولهم على عمل , يؤمن مستقبلهم , و يساعدهم على الإستقرار , و بالتالي لا يستطعون الزواج و تكوين حياة خاصة بهم .

و هناك المشاكل و الصدام مع الأهل , فنادرا ً ما نجد توافق تام بين الآباء و أولادهم , حتى أدنى الأمور , فالأهل يخطؤن و يغفلون ,و الشباب هم من سيتحمل المسؤلية !!!!!! لذلك نراهم يميلون للإنحراف و الكذب و الضياع , و الفشل في دراستهم و حياتهم .

بالإضافة, إلى الصدمات التي يتعرضون لها من قبل من كانوا يعتقدون أنهم أعز الأصدقاء .
و صدمات أخرى , حيث تهدم أحلامهم , و غالبا ً بما يخص الحب .

بالنهاية , الحياة مليئة بالمشاكل , لكن من يذكر الله , فالله لا يتركه , و كل ما نمر به مجرد إختبار , قاسي , و صعب .

و البعد عن الدين , من أكبر المشاكل , لكنه أقرب ما يكون إلى أهم سبب لهذه المشاكل .
الحمد لله على كل حال .

[السجين]

السلام عليكم ..رد جميل يا أخت باربي ..بس كل مواضيعك فيها حب و جرح و ما بعرف أش ...الهيئة حياتك العاطفية كانت صعبة..سلام

[دوكر]

يا هلا بالست باربي...
توصيف سريع لمشاكل عامة صرلنا فترة كبيرة عم نعاني منا فينا نختصرون بالبطالة....الصدمات العاطفية...الشرخ لي بين الاهل و الشباب ....و الله يبارك فيكي ع هل لفتة ....و كمان المعلم عبد الله وجهنا ع فكرة مهمة و لي هيا من اهم المشاكل ...و لما بتلتا هل المشكلة ....بتدمر كتير اشياء ...و لي هيا الفراغ...ياويلاي شبيعمل الفراغ...بس يكون الانسان فاضي ع مدى طويل ما حدا يسأل ايشوا لي بخطر عبالو ....خطوة خطوة....بلش يغير بتفكروا ...ضاع...
بس في عامل كمان مهم ....لي هو فينا نؤل عدم وجود الموجه ....و القدوة...بأيمنا الشباب...و الصبايا مؤ عاد عندون ناس يقتدو فيون...ما عادو عم يسمعو لا لكبير و لا لزغير....ليش ؟

ليش الشب منو مستعد يسمع لشيخ؟ بؤلك ....كلون كزابين...اه معو حء...
بدنا صار نرجع لترباية المشايخ....صار عندون تمسيح الصبابيط بيلحأك اجر علاي...
جاوبوناي...ازا عنا شب عم يحاول يفهم ديناو...و عم يأيبل ع المشايخ ت يشوف كيف بدو يمشي ع الطريء المظبوط....بروح بيسمع درس لشيخ "ذعارية الهنداي" او "علوامة الونش"....او...
ياولاي ايشودا....درس مافي احلى من هيك...
ياولاي....الله...ايش هل المعاناي....حلوة بلاوي...
بتكون المحاضرة عن الولاء و البراء...
طيب....
بعد يومين الشيخ ع التلفزون مع ابو العرفانة...او بتلاءاي لشيخ عم يدحك ع الشب...حكي شغلة و يا شباب انتو طبؤوا...انا ما فيناي...
اه يحرأ ابو عرض هل المحاضرات لي ما بتلحأ تضرب بسأف الجامع....وين التطبيء؟ ما بعرف...
لاي رجعة ان شاء الله...في افكار كتير اسا....
يعطيكن العافية...
اخوكم دوكر المعوكر...

[ساميا]

(لاي رجعة ان شاء الله...في افكار كتير اسا....)

وإن جلسنا إلى ما شاء الله نعدد المشاكل فلن نحصيها، وربما يدهمنا الأجل قبل أن ننتهي من سردها...
ومع ذلك لا أرى أنه من الحكمة أن نغوص في أعماق المشاكل دون التطرق للحلول...
وحسب رأيي أن من أكبر المشاكل التي نعيشها اليوم أننا برعنا في تسليط الضوء على العقبات والعوائق بينما نعترف بعجزنا الفاضح عن المعالجة أو الحل...
وكذلك برأيي أن من أكبر المشاكل أن يزين الشيطان لأحدنا تقصيره وتقاعصه عن واجبه بالنهوض بهذا الدين فيرمي باللائمة على غيره من المشايخ والدعاة ويحملهم أوزاره، متناسياً أنه لا تزر وازرة وزر أخرى وأن ليس للإنسان إلا ما سعى...
لماذا يُصدم أحدنا أو يشعر بالإحباط لأخطاء يراها في غيره؟... عندما يتلقى أحدنا حكمة أو موعظة من إنسان لا يطبقها، لا ينبغي أن يشعر باليأس أو الإحباط أو الصدمة.. فغايتنا دائماً الله سبحانه وتعالى ونحن إنما نتعلم العلم لنطبقه في أنفسنا لا لنراقب تطبيقه عند غيرنا...
وأمر آخر، منذ متى كانت الدنيا من حولنا خالية من المشاكل والمعيشة سهلة ميسرة... هل عاش سلفنا الصالح من الصحابة الكرام حياة رغدة هنيئة وتنعموا بما لذ وطاب من مأكل ومشرب وملبس و...؟ إن كان الجواب لا، فلماذا لم ينقل عن أحدهم شعوره بالإحباط أو اليأس والقنوت لأجل ضيق ذات اليد والبطالة وعدم وجود فرص متكافئة للعمل...؟
مشكلتنا في رأيي وإن كانت كبيرة في حجمها لكن حلها يسير لمن يسره الله تعالى له... الحل هو القناعة (إرض بما قسم الله لك تكن أغنى الناس) القناعة بأن الدنيا دار ممر وفي الآخرة المستقر، ولو كانت الدنيا تعدل عند الله جناح بعوضة ما سقى منها كافر شربة ماء،....
وقبل أن أنهي كلمتي لا بد لي من صرخة مدوية أرسلها للشباب... نعم للشباب... الذين حرص النبي صلى الله عليه وسلم حرصاً كاملاً على تكوينهم وإعدادهم لحمل المسؤولية وأداء الأمانة...
لتنظر في نفسك أيها الشاب، فأنت عماد أمة الإسلام وسر نهضتها ومبعث عزها وحامل رايتها، فالإسلام لم ترتفع رايته إلا على يد عصبة مؤمنة من الشباب تركزت في دار الأرقم في فجر الدعوة الأول وتربت في مدرسة النبي صلى الله عليه وسلم وتخرجت من جامعته...

[Nader 3:16]

من اهم المشاكل عند الملتزمين:
الفتور و البعد شيئاً فشيئاً غن الدين,,,,,الفراغ,,,,,,,و احياناً الاحباط من بعض الحالات(مثل الدرس...زواج فشل....البطالة).

ومتل ما قالت الاخت ساميا يعني الشباب هم الوقود كي تستمر الامة بالنهوض يعني لازم معالجة مشاكلهم اول بأول.

و في كتير مواضع للإمام البنا رحمة الله عليه يركز على دور الشباب في المجتمع.

[دوكر]

يا هلا ألف بالست ساميا....
الله يبارك فيكي سبأتيني...يمكن فهم من كلامي اني عم برر للشباب....لأ ...منو هادا المأصد...بس تراكم اغلاط المشايخ و الموجهين...بعض الناس لي بواجهة الملتزمين...و مع شوية جهل عند الشب ...و شوية فساد و صرنا...انا ما حطيط الحء ع حدا...معين...و تكميلة حديثي كانت بدا بكون عن مسؤولية الشباب ....بس كمان ما فينا نلغي غلط عن فئة معينة و نحمل التانين الغلط كلو...
يعطيكي العافية...
اخوكم دوكر المعوكر...

[عبد الله]

الأخت باربي وقفت مشكورة على احدى المشاكل
والأخ دوكر ذكرني ب :

اذا فسد العلماء والأمراء فسدت الأمة
يمكن قول للرسول عليه الصلاة والسلام

فهذا حال أمة الاسلام

الله يبارك فيكم

[الزاهر]

السلام عليكم ورحمة الله وبركاته............

بداية بهني الأخ عبدالله عالموضوع الجميل...........

ثم وبعد ما قرأت ردود الإخوة والأخوات الأفاضل تبين إنو رؤيتي شوية مغايرة.........أو يمكن ما حدا لسا عبر عنها بشكل واضح.

بالنسبة لي "المشاكل" اللي ذكرتوها أو اللي عم تحكو عنها ما كلها "مشاكل"........
أنا بأصمها لقسمين:
الأول هو "المشاكل الخاصة"...........وهذه أفضل تسميتها امتحانات......فهي ليست مشاكل حقيقة.........إن هي إلا اختبارات وعلى كل واحد منا أن يستخرج الحكمة منها.........مثل...........وفاة قريب........مشكلة عائلية..........طلاق...........فقدان عمل........رسوب ...........حادث!!!
وهذه المشاكل الخاصة الحل فيها يكون بالقناعة (كما قالت أختي ساميا) وباستخراج الدرس والعبرة منها والتفكر في تلافيها "إن كان ذلك من الممكن" في المرات المقبلة..........

الثاني "المشاكل"...............وهنا عندما نصنف حالة معينة أنها مشكلة فهذا يعني أنا "مشكلة عامة"..........تصيب مجموعة أو مجتمع كامل........وهذه المشاكل لا تكفي فيها القناعة ..........بل تغييرها وتلافيها هو المطلوب الأول والأخير.........لأنها تعيق عن الهدف الأسما في معظم الأحيان لا بل تكون أحد المعوقات الرئيسية ..........وهذه المشاكل تحتاج جهد وفكر جماعي لحلها........وتحتاج علم وعمل........العلم من عند العلماء والعمل من عندنا...........وهنا ننبه لأهمية اتباع العلماء.........بس المشكلة إنو علمائنا فيهم "..." وفيهم العلماء!!!

وأهم من الحديث عن المشاكل الحديث عن حلولها..........مع التنبيه إلى إنه معرفة المشكلة نصف الحل.........ثم معرفة السبب أمر مهم..........

أما بالنسبة لأهم المشاكل التي يواجهها الشباب حاليا..............

1- البعد عن الدين وتزيين ذلك بعيون الشباب
2- قلة العلماء الواقعيين
3- قلة الخبرات في البلدان الإسلامية
4- الأهل وانعزالهم وتقوقعهم
5- انعدام التعليم الديني في المدارس (المناهج الدراسية بتعبير آخر)
6- الإضطهاد (المخابرات) وتسكير التم بالقوة وطمس الحق
7- قتل المواهب ووئد المبدعين
8- الجاهلية الجديدة
9- ..
10- ..
ومنعد للمية لسا............بس ما هون المهم........المهم الحلول.......
رح بلش شوية شوية ومنشوف شبيطلع معنا

1- البعد عن الدين وتزيين ذلك بعيون الشباب:
من الواضح بأن البعد عن الدين أصبح سائدا في أوساط الشباب...........والبعد عن الدين ليس بالضرورة البعد عن تطبيق شعائر الدين...........لا بل تجد من يصلي ويصوم ولا يترك سنة من السنن وهو أكثر ما يكون بعيدا عن الدين ............عن لب الدين..........عن فكر الدين ..........عن العقيدة الصحيحة........
وهون الحل إنو الواحد "على قدر استطاعته" أن يطالع ويدرس ويتثقف وخاصة بالقرآن والسنة ...........ثم إن أتيح له أن يتابع دروس مشايخ معتبرين فلا يتوانا عن ذلك أبدا

2- قلة العلماء الواقعيين:
وهذه من المشاكل "العويصة" في أيامنا..........بتجي عند شيخ بتألو يا شيخ أنا أصتي 1 -2 -3 ..........أفتنا يا شيخ........فبيجبلك فتوى سعودية ........وبيطع مرتك بقرة لأنها مش منقبة..........وبنتك زانية لأنها مش محجبة.........وإنت إبن حرام لأنو بيك ما كان يصلي!!
وشو فادني المعلم؟؟......مشي........بالعكس..............خلاني ابعد عن أصحاب العلم كلهم!!!
طيب والحل؟؟
والله ما بعرف.......أكبر من فكري هادي حاليا

3- قلة الخبرات في البلدان الإسلامية:
ليش بئا..........أحو ما شاء الله عنا كتير علماء .........مسلمين وعرب
حكيك صحيح..........بس وينهم بأماركا؟؟............ببريطانيا؟؟............بفرنسا ؟؟.............بألمانيا..............ونحنا شو استفدنا منهم؟؟؟.........إنو عنا علماء مسلمين بالاسم!!!..........يطرحلك البركة فيهم........أنا بدي علماء بالفعل

طيب شو الحل؟؟...........مممممم..........كمان ما عندي حل...لأن أولتها وآخرتها لاحئينهم..........لأن بلادنا وحكامها ما بتشجع ابدا.............بل بالعكس.........هنة بيكحشوك!!!..........لأن تشكل حطر عالأمن القومي....لأنك بتفكر!!!!

4- الأهل وانعزالهم وتقوقعهم:

بتشوف الوالد دئنو للأرض.....الجامع ضجر منو.....وولادو زعران
بتشوف الوالد سكرجي حششجي ..............وولادو ما بيطلعو من الجامع
طيب شو هالمجتمع هاد اللي الأهل لا تربي أطفالها فيه............هاد دليل إنو الولد هو اللي ربا حالو أو إنو المجتمع والمحيط هنة اللي ربوه ومش أهلو!!!!
ولك تفي عهيك مجتمع!!!

طيب شو الحل..........بسيطة.............ربي ولادك!!!!....لعاب معهم...........علمهم..........الولاد ما بيجيبوهم ليتركوهم بالبيت أو بالشارع

5- انعدام التعليم الديني في المدارس (المناهج الدراسية بتعبير آخر):
بيطلع الواحد معو شي 3 دوكتوراه وبيتوضا غلط...........وما بيعرف شي من دينو وبيغرء بالمعلئة!!!!
نعم الشهادات!!!

أما الحل فكمان أعلا من مستواي الفكري!!!............

6- الإضطهاد (المخابرات) وتسكير التم بالقوة وطمس الحق:
آه........الواحد مننا ما لو ألب يتحرك........ما لو ألب يحكي ما لو ألب يتنفس...........عطول فرع المعلومات عم يكزر حدك..........
كذلك الأمر ما عندي حل!!!

7- قتل المواهب ووئد المبدعين:
شوفو المدارس.........شوفو الأهل.........شوفو المجتمع..........إذا ولد عمل شغلة أو اخترع شغلة (بالمعنى الولادي) ..............ليك هالحمار...........فاكر حالو أينشتاين.............وديرك عمسخرة ...............بيطلع اللي مبدع حمار والطلطميس هو العبقري وهو اللي خابز الدنية وعاجنها وبالأخير بيطلع عايش مكرم معزز منعم والمبدع ميت الجوع أو بالحبس........شو التهمة؟؟..........تهديد الأمن القومي ..........اللي هلأ صار اسمها الإرهاب............كان عم يجرب يفكر كيف يتخرج دوا من زيت الزيتون..........بيطلع كان عم يطور نوع متفجرات جديد...............الحل...........بكل بساطة الحل اسمو الأمن...........سامعين فيه؟؟

8- الجاهلية الجديدة:
مثال حي هو الاتباع الأعمى الذي نشهده في بلدنا سواء ضربنا مثل 14 آذار ولا 8 ولا 11 ولا 31 شباط ولا 30 محرم!!!.........وعبادة الأصنام الجديدة عنا بلبنان مثلا وكتير أصص

الحل............أنا ما عندي حل ...............دبرو راسكم!!!
ويعطيكم العافية
والسلام عليكم

[عبد الله]

شكر لكل من شارك في هذا الموضوع
وشكر للأخ زاهر الذي فصَّل الموضوع بأسلوب جميل