إحصائيات المنتدى

[nana]

أول ماتفوت على المنتدى مبشرة مننزل لنشوف الأعضاء ومين بالمنتدى وبتنبسط لما بتلاقي عدد الأعضاء والزوار كالتالي:
المتواجدون الآن: 35 (الأعضاء 15 والزوار20)

وبعدين بتنصدم إنك بتلاقي المواضيع يلي قريتا مبارح والردود هني ذاتون مافي شيء تغير
بترجع بتقول بي قلبك وأنت مستغرب طيب ليش كل هل أعضاء موجودي من دون ايا دافع والله بس يافرحتي فتت بي اسمي وشوفني أنا على المنتدى.

إنو ليش وشو سبب يعني بصراحه أنا كتير بحتار من هل أمر
يعني لازم تشوف شي مشكله صايره حتى تشارك كل هل أعضاء. يعني ياريت من الأعضاء الكرام الكل يتفضل ويعطي رأيو بالموضوع

وشكراِ

[أيمن غ القلموني]

بالنسبة لي ، كل شي حسب المزاج .

[الزاهر]

هاك اليوم كنت عم أحكي مع صاحبي بهالأمر
إنو الأعضاء عنا بتحب تقرأ مواضيع جميلة ومجددة وإبداعية
بس وئت في شغل مطلوب بيتركوك وحدك
بك تعمل مقابلة ما حدا بيساعدك.........وإذا طلعت فقيرة بيلوموك!!!..........
عملت إحصاء بيفوت بيألك شكرا موضوع جميل..........وبينسا يصوت.........

[عبد الله]

أنا وأعوذ بالله من كلمة أنا بالنسبة إلي
بشارك دائماً حسب الوقت المتوفر لدي
وشكراً

[nana]

طيب وين بقية الأعضاء ليدافعو عن حالون

[Nadine]

انا في داعي دافع؟؟؟!!!

[nana]

انا في داعي دافع؟؟؟!!!

أكيد في داعي نحنا بهمنا رأيك

[Nader 3:16]

بصراحة...
حسب المواضيع..يعني في مواضيع بحس حالي مندفع للقراءة ولا اخرج دون مشاركة...
و في مواضيع اكتفي بالقراءة (المواضيع الادبية غالباً)...
و في مواضيع ما بفكر فوت عليها...

[nana]

طيب أنتو برأيكون ايا المواضيع يلي بيقدر العضو من خلالها بكتب موضوع وتكسب اكبر عدد ممكن من الاعضاء وبضل في حماس و نشاط بالمنتدى

[Nadine]

أكيد في داعي نحنا بهمنا رأيك

للحقيقة يا اخت نارة انا اول شي بيجذبني العنوان تاع الموضوع , لان انا ما بزور كل مواضيع المنتدى الا المنتديات المسؤولة عنا . وبعدان بدخل على الموضوع اذا عجبني بشارك واذا ما عجبني مابشارك.

انا من ناحيتي المواضيع اللي اكتر شي بتجذبني هيه المواضيع المتعلقة بالضيعة , يعني اي شي بيتعلق بالقلمون بحب اني اقرأ عنو وشارك فيه , يمكن لاني بعيدة عن الضيعة.

اما من ناحية اذا بدك تعرفي الاعضاء شو بيعجبن بالاجمال , ما الك الا انك تشوفي الاحصائيات تبعيت اكثر المواضيع مشاهدة , اقوى المواضيع بتبين المواضيع يللي الاعضاء شاركوا فيها اكتر شي

[яiиda]

والله يا اخت نارة الواحد بيردّ على موضوع حسب ما يكون فاضيلو .....وكمان انا مع الاخت نادين بانّو كتير عنوان الموضوع مهمّ وهو يلّي بيجذب ف يلّي كاتب موضوع حلو يكتب العنوان بشكل يجذب الزّوّار والاعضاء ....
مشكورين جميعا"

[مايا]

انا برد على الموضوع يلي بيعجبني وبحس انو بيستاهل ينرد عليه

[Barbie]

السلام عليكم ,

يمكن تكون مشاركاتي بالمنتدى قليلة شويه , بس بالنسبة لي أنا برد على المواضيع لي بتحكي عن الشباب و مشاكلن أكتر شي , و بعطي رأي , كمان ببعض لمواضيع الأخرى المهمة .

و مرات كتير بقرأ موضوع كتير مهم و مفيد , بس اغلب الأحيان ما بحب رد , إنو بقول بيني و بين نفسي الله يبارك بي يلي حط هل الموضوع .

[wassim.h]

[The Angel]

انا بالنسبة لي بشارك بالمواضيع يلي بشوف نفسي اني فني شارك فيها , و يلي بحب اتناءش فيها , و أعطي وجهة نظري فيها , و في مواضيع بفوت عليها و كتير بتعجبني بس ما برد ..بيكفي اني اخد فكرة عن الانسان يلي طرح الموضوع , انو مواضيعو حلوى.... سلام