هل لازم الشب الدين ياخد واحدة محجبة ؟؟؟

[nana]

الموضوع بيحكي عن الشاب الملتزم والحجاب ومنو عم يحكي عن الوقفات بالشوارع يعني المفروض ماحدا يطلع عن المعنى الاصلي للموضوع

[яiиda]

يا اخوة شو بكن علقتو مع بعض ............بعدين يا اخت كوين هيدا حكيك مو منطقي ابدا" إنو كل هل أد بدّا إزا وئفت شوي مع الشخص يلّي رايدا؟؟ كل واحد عندو أسبابو..و واءفة إدّام العالم..و هيدا التعصب يلي عم إحكي عنّو )
وازا ادّام العالم ؟؟؟؟!!!! انّو معقول يعني حكيك ....اولا" ازا محترمة حالها مابتسمح لنفسها توقف مع شبّ بالطّريق ...بعدين ازا هو بدّو يّاها في يتفضّل يروح لعند اهلها على البيت ......
وكمان هو بيصير بيفكّر : هلأ ازا انا طالبا(طالب احكي معها) وسمحتلي .....؟؟؟ فلأنّا حلوة ومش محجّبة اكيد في مليون واحد غيري طالبا !!؟؟ ....فيعني مع كم واحد عم توقف؟؟؟؟.
هادا يلّي في مخّ ومهتم ازا مرتو مهذّبة ولّا لأ بيسأل حالو هيدا السؤال ....سلام
راجعة بسّ مستعجلة هلأ...

[أبو الحسين]

سلام ..يا أخت ساميا ..تأخرت بالرد بس كان عندي محمد قبلة ..المهم انو بدي اسألك سؤال اذا الواحدة مش محجبة ضروري تكون مش مقتنعة بالحجاب أكيد لأ ...يمكن في ضغوطات عائلية مانا مخليتا تتحجب ...ما تحكو حكي انتو عارفين انو مش صح ... و كمان شي.. في كتييييييير مش محجبين و مهذبين و مأدبين و مقتنعين بالحجاب أكتر من كتير محجبين ...و في غير لأ ....بس بما معناه مش اذا الواحدة مش محجبة خلص أكس عليا و لو عجبتك ..يمكن تكون مقتنعة كتير بالحجاب بس ما في مجال هلأ ناطرة ابن الحلال لأن أهلا ضاغطين عليا ...

[ساميا]

سلام ..يا أخت ساميا ..تأخرت بالرد بس كان عندي محمد قبلة ..

وعليكم السلام ورحمة الله..بحسب ترتيب الردود كان ينبغي عليك التعليق على كلامي أولاً!!!

المهم انو بدي اسألك سؤال اذا الواحدة مش محجبة ضروري تكون مش مقتنعة بالحجاب أكيد لأ ...يمكن في ضغوطات عائلية مانا مخليتا تتحجب ...ما تحكو حكي انتو عارفين انو مش صح ...

وكذلك الملتزمة بجميع أوامر الشرع إلا الحجاب هي حالة شاذة جداً، وبرأيي لا توجد إلا في بيت يحارب أهله الحجاب حرباً حقيقية فإن وجدتها أيها الملتزم فسارع إلى إنقاذها من هذا الجحيم وعندها سيحمد الله تعالى فعلك وسندعو لك بكل خير ، وبرأيي هذه هي الحالة الوحيدة التي تسوغ للملتزم أخذ غير المتحجبة!!!

و كمان شي.. في كتييييييير مش محجبين و مهذبين و مأدبين و مقتنعين بالحجاب أكتر من كتير محجبين ...و في غير لأ ....بس بما معناه مش اذا الواحدة مش محجبة خلص أكس عليا و لو عجبتك ..يمكن تكون مقتنعة كتير بالحجاب بس ما في مجال هلأ ناطرة ابن الحلال لأن أهلا ضاغطين عليا ...

ولا يفهم أحد من كلامي أني أعتبر كل إنسانة غير محجبة بلا أخلاق (حاشا وكلا) لكن الفتاة المحجبة تكون قد إستكملت جانباً مهماً من الأخلاق التي يجب على المرأة أن تتحلى بها، ألا وهو الإحتشام وإحترام نفسها..

أكتفي بالرد من مشاركات سابقة وأرجو من الجميع قراءة التعليقات والردود قبل زيادة أو ترداد نفس الكلام السابق، وعلى رأي الأخ (دوكر):

و هل الحكي انحكى فاي من زمان بهل الموضوع .....ههه.......بس ما بعرف ليش عم تعيدو.........

ومع ذلك لم تجب على السؤال:

لم تقل لنا إذا قالت له لأ، ماذا سيفعل؟ هل سيقول لها (معليش) المهم أني أحسست أن عقلك ينطبق على عقلي؟!!!

[أبو الحسين]

سلام رح جاوبك ع سؤالك ...اذا الشب حكي مع البنت و طلعت مش مقتنعة بالحجاب ما ضروري يكفي معها ....في بفترة الخطبة يعرف هالشغلات .لأن فترة الخطبة هي بمثابة تعارف ..سلام

[فرح]

أنا ضحكتك بس أنت بكيتيني...............
والله أنا ما استغربتمن هالحكي لشغلة واحدة بس، مش رح قولا منشان ما يزعلو الصبايا..........
والله أنا بشوف أنه التعصب هو اتباع غير شرع الله .............. لأن واقف مع غير الحق وعم يدافع كمان (أكيد مش عم احكي عن حدا من المنتدى لأن بنظن الخير بالجميع)
المصطلحات يلي عم نستخدمها بالحوار فيها غلط :
أيشو عايش بأفغانستان ؟؟؟!!! يعني حرف سقاطة هي
كل ما في الأمر أنه امريكا منعت عنن كل شي وفين متعلمين أكتر منا .
أنت بتوقفي مع حدا بالشارع شوية (شوية ها ) لأن أنا بعرف أنه هالداء المنتشر يلي اسمو وقفا بالشارع بين الشباب والصبايا عطول بيكون شوية -صغيييييييييييييييرة-
يعني ليش بدنا نهرب من الواقع شايفين أنه يلي عم يعلق مش عم يفلت !!!
في نماذج كتير ، بدون فضح أحسن
انشاء الله ما حدا يشوف عقل حدا بالشارع لأن بيكون أكيد مش معو عقلو بهالوقت الواحد....
أنا ناطر يتبع ...
لأن فهمي عأدي وأنا بحب يكون في توضيح أكتر بالحكي ليكون الحوار أحسن

ههههههه و لك شو بكن علءتو عليّ...و الله بعرف معكن حء و ما بجوز بالدين..و الله بعرف..بس أنا عم دافع شوي عن حالي لأن أحيان بوءف أنا و حدن من رفأتي مندردش أو بكون في شي نحكي..ما بشوفا غلط..بس إنتو بعرف شو رءيكن..
بعدين فشر بعينو يلي جاية يطلبني يوءفني بالشارع..في بيت يطلع عليه..بس أنا كنت عم إحكي بالإجمال. إنو مش لمّا الوحدة توءف أولتك يا أخ محمد شوييييي..معناتا عم تعمل شي كتير غلط..
بعدين أنا بعرف أنو الشب المتديّن و يلي رايد البنت سواء مشي حالن أو لأ..ما بيهين عليه هوّ يوءف معا كرمالا..بسّ متل ما إلتلكن والله أحيان الواحد بيضطرّ....بلا ما فوت بأسباب و تفاصيل..
و تعليقآ ع أفغانستان..أنا رأي إنو عيشتون فيا من التخلف..و مش حيعجبك حكيّ..و شو ح تفرء معك إنتة؟؟ ما تعمل فيا مساليّات..لأن ب أفغانستان التعصّب و التخلّف..و المرءة عندن ما شي..و بالإسلام المرأة معزّزة مكرّمة..مشان هيك شبهت ب هل بلد..(بلا ما فوت بتفاصيل..فهمك زيادة)...

(في نماذج كتير ، بدون فضح أحسن)....ممكن توضّح شو أصدك؟؟

ع كل حال ما تآخزني يا أخ محمدّ و الله فاهمة عليك..و بعرف شو أصدك و يلي نيتك في هو الصح و يلي في الخير تمام...بس أنا يس خالفتك بكزا نقطة مش لأنك غلطان..بس لخليك شوي تخفف من حدتك و تفكيرك اتجاه هيك نوع من البنات..لأن منّو أمر كتير كبير..و ما تاخود عنن فكرا مش منيحا (بعرف أنو بتظن منيح) و ما تحكم من برّة ...و بسّ

يلاااا يتبع
سلاااام...
*جزاكم الله خيرا*