أهلين بالمعلم وسيم ، كيف حالك يا زعيم ، ان شاء تكون بألف خير ؟المشاركة الأصلية كتبت بواسطة وسيم غنوم
لا أدري لماذا تجعل شخصية الفتاة وسلوكها ومعنوياتها مبنيين على مجرد نظرة ؟؟؟
مين قللك انو شخصية البنت مبنية على مجرد نظرة ، أنا ما قلت هالشي ، فوين قريتها ؟
أخي الكريم ، لقد أعطى الإسلام أخواتنا الكرام من الفضل والرفعة والمكانة الإجتماعية ما يغنيهن عن جميع من في الأرض ، ولكن من ابتعدت عن هذا الدين فإنها بديهيا ستفقد رفعتها ومكانتها وفضلها ...
يا حبيب قلبي أنا موافق على انو الإسلام عطي المرأة فضل ومكانة وهالشغلات كلياتها ، بس ما بتفق معك بالمرّة على انو كل واحدة مش ملتزمة وبعيدة عن الإلتزام ما عندها رفعة ومكانة ، يا حبيب قلبي في ناس مش محجبات أفضل بكتير ومحترمين وعندون مكانة بالمجتمع ورفعة أكتر من كتير محجبات .
يا ترى أي مكانة تشعر بها المرأة المسلمة حينما تسمع وصايا النبي صلى الله عليه وسلّم بها، وحينما تقرأ عن من سبقها في الإيمان من أخواتها وعن إنجازاتهم ، وحينما توكل إليها مهمة تربية هذه البشرية عبر تربية الأطفال ، و...... فهل بعد كل ذلك تحتاج هذه الفتاة لنظرة من شاب تافه يعيش لشهوته وتعيش هي لمبادئها وأفكارها ؟؟
ما بعرف ليش عطول بتسمعو نفس الأسطوانة ، مين قلك انو وحدا المسلمة هي يلي بترتبي ولادها ، ومين قلك انو القومية ما عندها ناس تفتخر فيون يعني الحزب الشيوعي عندو وصال بكداش ، والحزب القومي السوري عندو عايدة عازوري ، وعندو نايفة نجار حمادة وعندو وعندو ، وما في حدا ما عندو ...
يا أخي ، الناس في الدنيا قسمين ، وهذا التقسيم ينبني عليه تقسيم آخر في الآخر (فريق في الجنة ، وفريق في السعير) ، وهو تقسيم مبني على الأفكار والمبادئ والأعمال ، وليس مبنيا على اللحى أو الإشربات أو .... فكم من محجبات ومنقبات هلكوا وأهلكوا ، بل كانوا سببا في إضلال الناس والفساد في المجتمع ، وكم من الملتحين أعطى صبغة سئية عن الإسلام أمام الناس بسبب سوء خلقه و......
هيدا الكلام تمام ، وما عندي أي مخالفة عليه ، بس ليش عم تطلع عن الموضوع ؟؟؟
أخي الكريم ، نحن ولله الحمد ليس عندنا أي مشاكل ، ونحن حاليا بصدد بحث عن حلول لمشاكل الغير ملتزمين ، فهم من كثر فيهم الزنا والسب والفحش واللعن والكفر والفسوق والفجور والتدخين والخوف والحقد والحسد ومجالسهم ملئية بالغيبة و..... ونحن ولله الحمد نعيش بطمأنينة وليس عندنا أي من هذه المشاكل ، بل كما أسلفت نحن في صدد نصح الناس وتعريفهم بدينهم لأن الإسلام هو السبيل الوحيد لسعادتهم الدنيوية والأخروية ، وهو المخرج الوحيد من هذه المشاكل .
ما عندكون مشاكل ؟؟؟؟ ما رح حكيك عن المحجبات يلي بيحكوا على الناس ، وما رح حكيك بالدقون يلي بسبو و... بس بدي حكيك عن المشايخ يلي بكذبوا وبيعرفوا الغلط وبيمشوا عليه، ما عندكم مشاكل وفيكم فتحي يكن ؟؟ وفيكم ناس بتسمعلوا وبتنبسط فيه ؟ بعدين يرضى عليك ، كل مين عدينو الله يعينو ، ما تشتغل بغيرك ، وكل واحد يشوف حالوا وبتكون الدنيا بألف خير .
إن ما تكلمت عنه ، لا يشغل بال أخواتنا ، بل لا يخطر على بالهم أصلا ، فهم كما وصفهم القرآن الكريم (الغافلات المؤمنات) غافلات عن الفاحشة لا تخطر على بالهم أصلا ، لا يفكرون بهكذا أمور وليس لديهم وقت لها .
يا حبيب قلبي القصة ، مش مين بحط واطي ، القصة انو في واقع معين ، وفي شي غلط عم نقول ليش المحجبة هيك بتعمل ؟ وأنا افترضت نظرية واقترحت حل ، وكلياتكم عدتوا تتشاطروا وتتذاكوا ، وتتفلسفوا وتردو علي متل كأني شي زنديق ، بس ولا واحد منكون حط رد وكان إجابي .
بعدين بدي اسألك سؤال ، أنا قلت عنون انون عم يفكروا بالفاحشة ؟؟؟ يا عمي قصتكون قصة ما بعرف كيف بتفهموا الحكي انتو .
وإني أعظك أن يكون علاجك لمشاكلهم منطلقا من نفس منطقك في هذا الموضوع ، وليكن منطقك وفكرتك الأساس ، بل لتكن خلفيتك كلها إسلامية بحتة ، فحياتك كلها لله رب العالمين (قل إن صلاتي ونسكي ومحيياي ومماتي لله رب العالمين ، لا شريك له وبذلك أمرت وأنا أول المسلمين) وأن تسلم أمرك لله هو فرض وليس نافلة من النوافل ، وتحدثك من منطلق إسلامي ليس خيارا تلجأ له حسب الموضوع المطروح والزمان والمكان ، بل هو فرض وواجب .
يا خيي حياتي لله رب العالمين ، ولكن الدين بقول انو المؤمن مضيع الحكمة ووين ما لقيها بيحملها ، يعني اذا أنا شفت صح بشي محل ، بقلوا لأ ما بدي ياه منك لأن منك مربي دقن ؟؟ يا عمي الدين يسر وما في أوسع منو ليش عم اتضيقوه ؟؟؟
رد مع اقتباس
