حياة جديدة
إلى جميع الأحبة الكرام ،
بعد مراجعة نفسي ، رأيت أن الاسلام هو الدين الحق ، وأن القرآن غير محرف ، بل هو من عند الله عزّ وجلّ ، وأن القواعد التي كنت قد بنيت عليها أفكاري هي قواعد واهية ولا أساس لها .
بعرف انو في كتار من رفقاتي رح يزعلوا مني هلأ ، ويعتبروني خنتهم ، أو انتزعت وما عندي مبدأ . بس بحب قلكم انو أنا ما بقدر كذب على حالي مشانكم ، انتوا ما رح تتحاشبوا عني ، وعلى كل برجع بشوفكم وبحكيكم ، بس ما حدا يزعل هيك دغري ، يعني اسمعوا مني قبل ما تحكوا عليي .
وانتو يا اخوة بالمنتدى بدي اسألكم كذا سؤال ، أول شي أنا شو لازم اعمل هلأ ، يعني الاسلام بيجبرني بشي مذهب سياسي معين أو فيني ضلني متل ما أنا ؟؟؟
أنا اقتنعت انو القرآن من عند الله ، مشان هيك هو صح ، بس في شغلات ما رح قول مش مقتنع فيها ، بس اسا ما فهمتها ، منطرحها معكم بوقتها ، ومناقشها سوى ، وان شاء الله منفهمها .
حدا بيعرف شي كتاب ، برد على الشبهات ، أنا لازملي هيك كتاب ، لو سمحتوا حطولي ياه هون .
وبالنهاية ، بعتذر من كل انسان تسافهت عليه ، أعتذر من :
الأخت ناديين ، الأ فشلان ، الأخ هارد ، الأخ وسيم غنوم ، الأخ عمر ملاط ، الأخ عامر ، الأخ زاهر حليحل ...................
اسا في حدا ....................................؟؟؟؟
هيأتني ما تركت حدا ما علقت معو ؟؟؟؟؟؟؟؟؟؟؟؟؟
آه أم سفيان كمان ، بعتذر منك يا أختي ، حقك علينا ، والله يطول عمرك يا أختي .
يا جماعة عنجد مستحي منكم ، ما عارف شو بدي اعمل ، هل بترك المنتدى وبتخبى بسبب هل الأعمال السيئة يلي عملتها ، أو هل بفوت بناقش معكم وبستفسر حول الشغلات يلي ما فهمتها .
أنا هلأ ناطر الأذان ، ما مصدق أيمتن يأذن ، بدي روح على المسجد ، حابب بلش حياتي من جديد .
رد مع اقتباس
