**** هل تتحدث الألمونية خارج القلمون ؟؟؟؟

[kata2eb]

**** لغتنا القلمونية ....

الألمونية ..... لغة شيبت العالم

كثيرا ما يحاول أصدقائنا تعلم الألمونية

كثيرا ما يسعون إلى " تمرئع الألمونية " خاصة أمامنا

فأين أنت من هذه اللغة

هل تتحدث الألمونية في جامعتك ؟

هل تتحث الألمونية أثناء تجولك خارج القلمون ؟

أم أنك تحادث الآخرين بلغة نيا نيا نيا (ترابلسي ) أو (بيروتي )؟

أيا كانت إجابتك
قلي لماذا

سلام

[Nader 3:16]

أكيد بحكي الموني متل كأني بالقلمون..لأني مني مضطر غير لهجتي!!!...

[محمد الكوسا]

اكيد بحكي الموني وين ما كان
ناكر اصله لا اصل لا اصل له

[الزاهر]

انفتح هيك موضوع من زمان..............لكن لا اذكر اسمه لقدمه!!!


المهم............بالنسبة لي أتكلم من غالب قوت أهل البلد!!...........فإن كنت في القلمون أتكلم قلموني..........وإن كنت في طرابلس أتكلم لغتهم إذا كلمني أحدهم بالطرابلسي...........للسبب الوحيد إني مني مضطر عيد الجملة ست مرات ليفهم عليي........مني فاضيلو.........أما مع زملائي في الجامعة فحسب.........إذا كان مقرب أكلمه بلهجتي.........أما إذا كان ممن يعرفوني ولا أعرف اسمائهم (وهم كثر!!!..........لك بفوت عالقاعة بيؤوم شي 5 أو 6 ليسلمو عليي..........ولا بعرف اسم حدا منهم!!!!.........ههههههههه)................فأكلمه بلهجته!!!

الأصة بسيطة!!!...........حسب مع مين عم تحكي!!!!

السلام عليكم

[أيمن غ القلموني]

أم أنك تحادث الآخرين بلغة نيا نيا نيا (ترابلسي ) أو (بيروتي )؟

عجبتني نيا نيا ، حلوة.


الواحد باعتقادي لازم يحكي اللغة إللي تربى عليا ؛ هلأ يمكن في حالات خاصة بتخليك تبدل لغتك الألمونية بس بتدلا قليلة.


أما إنو بطرابلس لغة وببيروت لغة وبالقلمون لغة ، وكل ما راح محل بيعمل لحالو نيو لوك وبيحكي نيا نيا ، فهذا معناتا ما عندو شخصية أو ما عندو ثقة بحالو ؛ وهالشي بينطبق على الفتيات قبل الشباب.

مشكور كتائبنا ، بس وين رأيك؟

[kata2eb]

**** الألموني وبس ....


بعد ما تعرفت عأصدقاء لي بالجامعة

كان من أهم الأشياء إلي جذبتهم لي هي لهجتي الألمونية

فالقلمون مشهورة بشعبها

حتى إنوا البعض إذا ما حكيت بلغتنا بيأولولي حكي ألموني

حتى إنوا البعض بيسعوا يتعلموا الألموني

أما خارج الضيعة خاصة بقلب المحلات

تكون الألمونية لغة التواصل الوحيدة

ويام إيام بيجي شخص وبيسأل "إنت من الألمون "

وبيبلش يحكي قصصوا مع القلامنة

وسلملي عهادا و .......

فعنجد بحس أنا وعم إحكي ألموني بكون كأني شخص مشهور

خاصة إنو عدد إلي بيعرفوا الألموني لا يتجاوز ال10000

شخص على الكرة الأرضية

فشوف الديش إنت مهم

وإنت ما بتحس متلي

سلامات
كتائبكن

[أيمن غ القلموني]

هذا حكي ، يسلم تمك.

مبلا حاصلا مثل الأصص معي ؛ بس تحكي بتنعرف إنك ألموني .

خاصة إذا كنا واقفين مجموعة من القلمون ، بتلاقي الشباب بحبو يسمعو حكينا ، يعني اللهجة القلمونية بتميزك عن غيرك.

هلأ بؤلوا القلمونية شايفين بحالون

[الزاهر]

طيب وئت بتحكي الزلمة وبيوئف متل الـ .... إدامك!!!.............بتضلك تحكي ألموني؟؟؟؟

[أيمن غ القلموني]

طيب وئت بتحكي الزلمة وبيوئف متل الـ .... إدامك!!!.............بتضلك تحكي ألموني؟؟؟؟

عم تحكي عربي معو، بآ بتحاول تفهمو ، حاول معو مرتين و٣ إلا ما يستوعب.

[الزاهر]

شبدو يستوعب.............حكيلو يا باش عن عند عمرو!!!...................فتكرنا أجانب!!!..........وراح بدو يعيط للكبير ليتفاهم معنا "أجنبي!!!"...........ما صرلها 3 ايام الأصة!!!!.............

[أيمن غ القلموني]

شبدو يستوعب.............حكيلو يا باش عن عند عمرو!!!...................فتكرنا أجانب!!!..........وراح بدو يعيط للكبير ليتفاهم معنا "أجنبي!!!"...........ما صرلها 3 ايام الأصة!!!!.............

ما أصدك عمرو تبع أبو سمرا ، مهك ؟

لك الشباب ما بيقوموا من عندو ، لازم يكون صار بيفهم علينا نتفة.
الله يرجع هاك الإيام.

[kata2eb]

**** آه يا عمرو ....

بعتقد إنو نسي لهجتوا الأصلية

لإنوا ما شاء الله الشباب مابينقطعوا عنو

شكرا يا أيمن على الإطراء

[روعة]

بلول

خلي صلاح يكتب رأيو

وفوت ناااااام

[أبو الحسين]

أكيد ما بحكي الا الألمونية برات الضيعة و حتى ما بحاول احكي غير الألموني ورفقاتي بالجامعة أد ما صارو يحكو عالحكي الألموني صارو هنا بيحكو كمان متلي

[wassim.h]

والله انا عامل بالجامعة أستاذ باللغة الألمونيّة....ههههههه وبحكي ألموني أحط.........
وما بستحي من لهجتي بالمرّة........وما إنو هلء أنا شخصيتي أويّة ...بس ليش ما هوا بيحكي ألموناي بس يجاي عالألمون....بس أكيد إذا مافهم بترجملو...هههه.....
100 أهلين بالأخ بلول...هلء هل الإسم الدلع أيشوا؟؟؟ بَلّول ولا بُلّول ولا بْلّول ولا بَلّولِ؟؟؟؟ ولا أيش يا ست روعة؟؟!!

[محمد الكوسا]

ما أصدك عمرو تبع أبو سمرا ، مهك ؟

لك الشباب ما بيقوموا من عندو ، لازم يكون صار بيفهم علينا نتفة.

الله يرجع هاك الإيام.

السلام عليكم
مبلا عمرو تبع ابو سمرا
مدري شو الّو حسين للولد ام فكرو عم يحكي الماني او انغليزي
دلّو الولد ع شب جوا اللو هادا بيحكي الماني و انغليزي متل البلبل!!!
ملاحظة:الولد جديد عند عمرو مشان هيك ما بيعرف الموني

[kata2eb]

**** ولا وسيمش ....

بَلول أكيد

سلام

[أيمن غ القلموني]

السلام عليكم
مبلا عمرو تبع ابو سمرا
مدري شو الّو حسين للولد ام فكرو عم يحكي الماني او انغليزي
دلّو الولد ع شب جوا اللو هادا بيحكي الماني و انغليزي متل البلبل!!!
ملاحظة:الولد جديد عند عمرو مشان هيك ما بيعرف الموني

أكيد الولد جديد ، لأنو حسون بس تضيعو بتلاقي عند عمرو.

[المبـــارك]

يعني لازم الواحد يعدل لهجتو شوي ميشان يقدر يفهم غيرو وغيرو يفهم عليه، فالأفضل انو الواحد خارج القلمون يضبط حكيو شوي لأنو اللهجة القلمونية فعلا غريبة...

[دوكر]

يا هلا بالمعلم كتائب......
ما بعرف ازا لازم جاوب ع السؤال ...هههه....بعتأد مبين الجواب لي بدي جاوبو........
يعطيك العافية.........
اخوكم دوكر المعوكر.........

[kata2eb]

**** أهلين بدوكر .....

المكتوب بينقرا من عنوانه

أما بالنسبة لسؤال أنو إذا ما فهم الألموني

فبعتقد أني ما فيني غير

لإني بحس نفسي غلط

[أمّ البراء]

شوكلّ واحد ما بيحكي ألموني بيقولو عنّو نيا نيا يا سيّد كتايب؟
وبعدين بيقولو عن الألمونيّة لهجة وليس لغة!
وبعد هالملاحظتين بقلّك انّو الألمونيّة لهجة حلوة "كتاير" وبتتطلع من بعض القلمونيين نعّومة أكتر من اللي بتسمّيون نيا نيا! ومني وعليي أنا بحبّا كتير! وبدّك نكتة؟؟؟
مرّة كنت بالقلمون زيارة عند رفيقاتي ,,,,,,,,,,,,,,وءت رجعت ع البيت سألوني اخواتي :"شو ؟انبسطت بالقلمون؟؟؟؟ " وصارو بدّن يعرفوشو أكتر شي عجبني عندكن . امت إلتلّن:"
القلمون بتجنّن وأهلا كتير طيّبين بسّ اللي ما عجبني فيا انّا فيا كتير بسينات ..................... زحتّى ضحّكن قلتلن انّو البسينات بالقلمون بينوّو بالقلموني "ميااااااااو ميااااااو" وأمّا الكلب فلازم تقلّو ويييييييييييييييييييييشت حتّى يفهم عليك "
فقام خيّيالزّغير وسألني :"والدجاجة يا إختي كيف بتعمل بالقلمون؟؟؟"
انشلّا ما كون جرحت حدا!!!!!!!!!!!!!

[wassim.h]

يا هلا فيكي بالألمون والله...
ميااااااو ميااااو....هههههههه...مهضومه منّك
سلام

[الزاهر]

لو سمحت يا أم البراء............القلمونية "لغة" قائمة بحد ذاتها............لها قواعدها الخاصة .............وننوي بعد أن نصل لمنصب مهم أن نجعلها لغة إجبارية في المدارس!!!.............ومن أهم التعديلات على المناهج أن تصبح القلمون "عاصمة العالم!!!".....................القلمونية لغة!!!...........أما اللهجات عندنا فتختلف من حارة لحارة!!!!




(مزح)

[Barbie]

السلام عليكم ,
بالطبع و من دون أدنى شك أتكلم بالغة " القلمونية " أينما ذهبت ..... و لي الشرف أنني ولدت في القلمون , الحمد لله فهذه بحد ذاتها تعتبر نعمة من عند الله عز و جل بالنسبة لي .

[أمّ البراء]

طوّل بالك أخ زاهر! التّواضع هالقدّ مانو حلو! شو لغة اجباريّة بالمدارس؟؟؟؟ شو ما بكفّي عاملين عنّا بالعلوم اكتساح ؟؟اسّا بدكن تسيطرو ع العالم؟؟؟ اي بنكي وبراين ما عملوأ!

[فشلان]

خلوني احكي هالكلمتين قبل ما قوم....
نحنا لغتنا قلمونية.. أ ولهجتنا قلمونية سموها مثل ما بدكن.... بس يكون بعلم الحاضر والغايب والقريب والبعيد انو القلموني لما بيغير لجهتو... إنما بكون عم يحاول ينزل لمستوى الناس يلي معو حتى يفهمو عليه... لا أكتر ولا أقل....
مش استعلاء على الناس ولا تكبر... بس هيدا الواقع...
خدوها مثلاً لما الانسان العربي بيحكي انكليزي مع الأجانب... مش لأنو ضعف... لأن الأجنبي ما يعيش مليون سنة مش سهل عليه يتعلم عربي... أما العربي... لرجاحة عقلو... وفطتنتو دغري بيتعلم اللغة الأجنبية.. وبيحكيها أحسن من الأجانب...

نفس الفكرة هون بالقلمون... ما حدا قادر يحكي قلموني غير الإلامنة... ومنشان هيك.. منضطر نسايرن... لأن نحنا قادرين نتكيف ونستوعب الباقيين... وقت غيرنا مش قادر يستوعبنا.....

وزأفة لفشلان.... من بعد أمركن

[دوكر]

يا هلا بالمعلم فشلان.....
و لك ايا زأفة ....مية ألف بوسة لاك ع هل الكلام المدوزن.....اه لكن نحنا الألامنة بنساير الناس و بنحاول نحتويون .......يا معلم هادي ضريبة رجاحة العءل ......ههههه.....الؤصة براجاحة عؤلنا و فهمنا .......هههههه....
يعطيك ألف عافية .....
اخوكم دوكر المعوكر.........

[الزاهر]

بس يكون بعلم الحاضر والغايب والقريب والبعيد انو القلموني لما بيغير لجهتو... إنما بكون عم يحاول ينزل لمستوى الناس يلي معو حتى يفهمو عليه... لا أكتر ولا أقل....
مش استعلاء على الناس ولا تكبر... بس هيدا الواقع...

يا زلمة!!!..............ناوي تعلئنا مع اصحابنا الغربية كلهم !!!..............

[kata2eb]

**** أهلين بالجميع ....

أولا يا أخت أم البراء :1- القلمونية هي اللغة الرسمية في دولة القلمون المتحدة وعاصمتها القدس " عقول أخي هشام "

2- بالنسبة ل "نيا نيا نيا " فهي منا اللغة الطرابلسية عند أهل طرابلس
بل هي اللغة الطرابلسية عند أهل القلمون

3- أما البسينات فبركدا بنجمع بين بسينتين
واحدة ألمونية والتانية طرابلسية ومنشوف إذا بسينتنا بتغير لغتها

4- أما الدجاجة فأكيد إنا ما بتصيح بالقلمون


أهم شيء هو إلي قالوا فشلان
بس أنا شخصيا ما بغير

وإدعوا معي : اللهم يا مقلب القلوب ثبت قلبي على لغتي

أما إلي قالوا زاهر فهو عنجد موجود عنا

يعني في كلمات متل " خرما " بيستعملوا بمحلات بس من القلمون وهي بتعني " كاكي "

وإنشاء الله قريبا سوف يتم الإعلان عن أسماء الولايات في دولتنا المجيدة

سلامات " باك باك باك باك " متل دجاج القلمون

[محمد الكوسا]

مهضوم كتير يا ابن الفلو!!!!!
دووووووووووووووووووووووووووووووووووع

[محمد]

لو سمحت يا أم البراء............القلمونية "لغة" قائمة بحد ذاتها............لها قواعدها الخاصة .............وننوي بعد أن نصل لمنصب مهم أن نجعلها لغة إجبارية في المدارس!!!.............ومن أهم التعديلات على المناهج أن تصبح القلمون "عاصمة العالم!!!".....................القلمونية لغة!!!...........أما اللهجات عندنا فتختلف من حارة لحارة!!!!

(مزح)

مش بس هيك يا معلم زاهر القصة وصلت أنه
القلمون دولة مستقلة عاصمتها القدس.

خلي العالم يسمع .
ممكن نعرف أم البراء من وين ؟

[achakik]

صراحة كنت مش حابب اعطي رأيي بمواضيعكم،بس صارت كتيرة وسخيفه كتير،يعني شو هل موضوع السخيف هيدا؟يا ريت تختاروا مواضيع مفيدة أكتر..

[فشلان]

يا شباب... ما سمعتو بالأول الزلمة يلي كان بالقهوة عم ينادي ويقول إنو يلي بحس الموضوع مانو عاني ولانو من مستواه... لا يتحفنا بمشاركاتو العظيمة؟؟؟؟ وبالعلامة كان واقف ادام قهوة أبو علي... والناس صارت تزأف... ولا أنا غلطان....؟؟؟!!!!!!!!!!!!!!!!

[الزاهر]

ما رأي كتائب في دمج هذا الموضوع بالموضوع التالي؟؟؟


<لهجة أهل القلمون - كتب بواسطة المهند>


أو بس اطلعوا عليه ........ففيه معلومات جميلة
وفيه حوار في نفس فلك هذا الموضوع